Filmy Adda

ఏ రంగంలోనైనా సెంటిమెంట్లకు ప్రాధాన్యత ఉంటుందో ఉండదో చెప్పలేం కానీ సినిమా ఇండస్ట్రీలో మాత్రం సెంటిమెంట్లకు ఉండే ప్రాధాన్యత అంతా అంతా కాదు.చాలా మంది డైరెక్టర్లు ఒక సినిమా హిట్ అయిందంటే ఆ సినిమాకు ఫాలో అయిన వాటినే ఇతర సినిమాల్లో కూడా అనుసరించటానికి మొగ్గు చూపుతుంటారు.

టాలీవుడ్ ఇండస్ట్రీలోని స్టార్ డైరెక్టర్లు కూడా ఇందుకు అతీతం కాదు. టాలీవుడ్ లో ఇప్పుడున్న కొంతమంది దర్శకులు తమ సినిమాలలో కచ్చితంగా ఒక సెంటిమెంటును ఫాలో అవుతున్నారు. కొన్నిసార్లు అవి కో ఇన్సిడెంట్స్ కూడా కావచ్చు. అవేంటో ఇప్పుడు చూద్దాం..

#1 త్రివిక్రమ్

త్రివిక్రమ్ మూవీస్ టైటిల్స్ అన్నీ ఎక్కువగా ‘అ’ తోనే స్టార్ట్ అవుతున్నాయి. తన కెరీర్ బిగినింగ్ లో వచ్చిన ‘అతడు’ మూవీ నుంచి రీసెంట్ గా వచ్చిన ‘అల వైకుంఠపురం’ వరకు ఈ సెంటిమెంట్ ఫాలో అయ్యారు త్రివిక్రమ్.

#2 రాఘవేంద్ర రావు

ఒక మూవీ చిత్రీకరణ పూర్తి అయ్యాక తిరుపతి కి వెళ్లి వెంకన్న దర్శనం చేసుకుంటారు దర్శకేంద్రుడు. అలాగే ఒక మూవీ పూర్తి అయ్యేవరకు గడ్డం తియ్యరు.

#3 కే విశ్వనాధ్

కళాతపస్వి విశ్వనాధ్ తన సినిమాలన్నిటికీ ఎక్కువగా ‘ఎస్’ అక్షరం తోనే పేరు పెడతారు. అంతే కాకుండా షూటింగ్ ఉన్నంత కాలం కాకి దుస్తులే ధరిస్తారు విశ్వనాధ్. అలాగే ఆయన సినిమాల్లో ఒక్క షాట్ అయినా గోదావరి తీరం లో తీస్తారు.

#4 వంశి

విలక్షణ దర్శకుడు వంశి ఎక్కువగా తన చిత్రాలను విలేజ్ బ్యాక్ డ్రాప్ లోనే తెరకెక్కిస్తారు. అలాగే ఆయన సినిమాల్లో హీరోయిన్లకు పెద్ద బొట్టుని పెడతారు.

#5 కృష్ణవంశీ

కృష్ణవంశీ చిత్రాల్లో ఎక్కువగా పెద్ద ఉమ్మడి కుటుంబాలే ఉంటాయి.

#6 వి వి వినాయక్

వినాయక్ సినిమాల్లో ఎక్కువగా హీరోయిన్లకు నందిని అనే పేరు ఉంటుంది.

#7 పూరి జగన్నాథ్

తన సినిమాలకు సంబంధించిన స్టోరీ లు, స్క్రిప్ట్ లు రాయడానికి బ్యాంకాక్ వెళ్తాడు పూరి.

#8 కరుణాకరన్

ఈయన సినిమాల్లో హీరోయిన్ ఎంట్రీ షాట్ లో వైట్ డ్రెస్ వేసుకుంటుంది.

#9 విక్రమ్ కే కుమార్

ఈయన సినిమాలన్నిటిలో హీరోయిన్ పేరు ప్రియా నే..

#10 అనిల్ రావిపూడి

తన ముందు సినిమాలో హీరోయిన్ కి తదుపరి చిత్రం లో ఏదొక రోల్, లేకపోతే స్పెషల్ సాంగ్ అయినా చేయిస్తారు.

#11 కోడి రామకృష్ణ

దర్శకులు కోడి రామకృష్ణ గారు కూడా షూటింగ్ సమయంలో తలకి ఒక క్లాత్ కట్టుకొని కనిపించేవారు. సాధారణంగా కూడా ఆయన చాలాసార్లు అలా తలకి ఒక హెడ్ బాండ్ కట్టుకొని కనిపించారు.

#12 లోకేష్ కనగరాజ్

ఈ టాలెంటెడ్ డైరెక్టర్ మూవీస్ లో ప్రధాన పాత్రల్లో ఒక జంట ఉంటే వారిలో ఒకరు ఖచ్చితంగా చనిపోతారు.

వరుస హిట్లతో మహేష్ బాబు మంచి ఫామ్ లో ఉన్నాడు. ఇటీవల డైరెక్టర్ పరశురాం దర్శకత్వంలో వచ్చిన “సర్కారు వారి పాట” మంచి వసూళ్లను రాబట్టింది. దీంతో వరుసగా సినిమాలు చేసేందుకు సిద్ధమవుతున్నాడు సూపర్ స్టార్ మహేష్ బాబు. ఇందుకు గాను ఐదుగురు టాప్ డైరెక్టర్స్ తో చర్చలు జరిపినట్టు సమాచారం.

మహేష్ తదుపరి చిత్రం త్రివిక్రమ్ డైరెక్షన్ లో రానుందని చిత్ర బృందం ఇంతకు ముందే ప్రకటించింది.
మహేష్ బాబు త్రివిక్రమ్ తో ఇంతకు ముందు అతడు, ఖలేజా లో నటించాడు.
వీరిద్దరి కలయికలో వచ్చే హ్యాట్రిక్ మూవీ పై ఇటు గురూజీ అభిమానులకు, మహేష్ ఫాన్స్ కి భారీ అంచనాలే ఉన్నాయి. ఇందులో పూజ హెగ్డే హీరోయిన్ కాగా తమన్ మ్యూజిక్ అందించనున్నాడు. అనంతరం దర్శకధీరుడు రాజమౌళితో పాన్ ఇండియా మూవీ ప్లాన్ చేసాడు మహేష్ బాబు. ఇది పూర్తయిన వెంటనే లెక్కల మాస్టర్ సుకుమార్ తో మరో క్రేజీ ప్రాజెక్టు ఓకే చేసినట్టు సమాచారం. ఈలోపు సుకుమార్ పుష్ప 2 కూడా పూర్తవుతుంది.

సుక్కుతో సినిమా పూర్తయిన వెంటనే అర్జున్ రెడ్డి డైరెక్టర్ సందీప్ రెడ్డి వంగతో మరో సినిమా చేయనున్నాడు. ఆలోపు సందీప్ ప్రభాస్ తో ‘స్పిరిట్’ పూర్తి చేయనున్నాడు. ఇవి పూర్తవగానే మహేష్ తో మరో సినిమా కోసం ఎదురు చూస్తున్న స్టార్ డైరెక్టర్ పూరీకి మరోసారి ఛాన్స్ ఇచ్చాడట మహేష్ బాబు.

ఇప్పటికే వీరి కాంబినేషన్లో పోకిరి, బిజినెస్ మాన్ వంటి సూపర్ హిట్లు ఉన్నాయి. దీంతో వీరి కాంబినేషన్ పై కూడా అభిమానులకు భారీ అంచనాలే ఉన్నాయి. ఇలా మొత్తానికి మహేష్ టాప్ డైరెక్టర్స్ తో మూవీస్ చేసేందుకు పక్కా ప్లాన్ తోనే ఉన్నట్టు సమాచారం.

https://telugustop.com/mahesh-babu-strong-lineup-with-top-directors

విజయ్ ఆంటోనీ అందరికీ సుపరిచితమే. జీవితంలో ఎన్నో కష్టాలని చూశాడు విజయ్ ఆంటోని. విజయ్ తన ఏళ్ళప్పుడు తండ్రిని కోల్పోయాడు. ఆ తర్వాత ఎన్నో కష్టాలు అనుభవించాడు. విజయ్ తల్లి తన పిల్లల్ని చదివించడానికి, కుటుంబాన్ని పోషించడానికి చాలా కష్టాలు పడ్డారు. వెనకాల పెద్ద బ్యాక్గ్రౌండ్ లేక పోయినా సరే ఇండస్ట్రీలో సెటిల్ అయ్యాడు అంటే గొప్ప విషయమే.

ఒక పక్క తల్లి ఉద్యోగం చేసుకుంటూ మరో పక్క పిల్లల్ని చూసుకుంటూ వుండేది. పిల్లల చదువు మానిపించడం ఇష్టం లేక ఆమె ఎన్నో అవస్థలు పడింది. ఒకసారి ఆమె ఉద్యోగం పని మీద వేరే ఊరు వెళ్లాల్సి వస్తే.. విజయ్ ని హాస్టల్ లో పెట్టి తన చెల్లిని ఆమెతో తీసుకువెళ్ళింది. హాస్టల్లో తల్లి వదిలి వెళ్లిన తర్వాత రెండు రోజులకి హాస్టల్ కి సెలవులు ఇచ్చారు. అప్పుడు అతనికి ఏం చేయాలో అర్థం కాలేదు.

Also Read:  బీపీతో బాధపడుతున్నారా..? అయితే మందులు లేకుండా ఇలా కంట్రోల్ చేసుకోండి..!

ఆ సమయంలో డబ్బులు లేక పోవడంతో కేవలం అరటి పండ్లు తింటూ ఉన్నాడు. ఇలా చాలా కష్టాలు విజయ్ తన జీవితంలో చూశాడు. ఆ కష్టాలు అన్నింటినీ దాటుకుంటూ ప్రస్తుతం హీరోగా తెలుగు, తమిళ ఇండస్ట్రీలో కొనసాగుతున్నాడు. విజయ్ చాలా సినిమాలు చేసి ఎంతో మంచి పేరు తెచ్చుకుని పాపులర్ అయ్యాడు.

సలీం, పిచైకరన్, సైతాన్, యమన్ మొదలైన సినిమాల్లో అద్భుతమైన పాత్రలు చేసి మంచి పేరు తెచ్చుకున్నాడు. అలానే 2009 కేన్స్ గోల్డెన్ లయన్ ను గెలుచుకున్న మొదటి భారతీయుడు విజయ్. పాట ద్వారా కూడా మంచి గుర్తింపు పొందాడు. ఇదిలా ఉంటే విజయ్ ఆంటోని వివాహం కూడా అప్పట్లో సంచలనంగా మారింది. ఆమెను ఇంటర్వ్యూ చేయడానికి ఫాతిమా అనే ఒక యువతి రాగా.. ఆమెతో ప్రేమలో పడి 2006లో పెళ్లి చేసుకున్నాడు.

Also Read:  అతిలోక సుందరి ‘శ్రీదేవిని’ పెళ్లి చేసుకోవాలనుకున్న మన తెలుగు హీరోలు ఎవరో తెలుసా ? ఎందుకు ఆగిపోయారంటే ?

జూనియర్ ఎన్టీఆర్ గురించి తెలియని వారు ఉండరు. ఎన్నో అద్భుతమైన సినిమాలు చేసి జూనియర్ ఎన్టీఆర్ పాపులర్ అయిపోయారు. బాల నటుడిగానే సినిమాల్లోకి ఎన్టీఆర్ ఎంట్రీ ఇచ్చారు. ఆ తరవాత నెమ్మదిగా హీరోగా ఎంట్రీ ఇచ్చి తాతకి తగ్గ మనవడిగా పేరు తెచ్చుకున్నారు.

అద్భుతమైన డాన్స్ తో, నటన తో, డైలాగ్ డెలివరీతో ఆకట్టుకుంటారు ఎన్టీఆర్. అయితే ఎన్టీఆర్ సినిమాలపై ప్రేక్షకులకి అంచనాలు ఎక్కువగా ఉంటాయని ప్రత్యేకంగా చెప్పక్కర్లేదు. ఒక్కొక్కసారి కొన్ని సినిమాలు అంతలా హైప్ ఇవ్వనప్పటికీ కూడా హిట్ అవుతుంటాయి. ఇది ఇలా ఉంటే జూనియర్ ఎన్టీఆర్ హీరోగా వచ్చిన ఒక సినిమా మొదటి రోజే నెగిటివ్ టాక్ తెచ్చుకుంది.

Also Read:   ఆ సీరియల్ హీరోతో కోయిలమ్మ నటి “తేజస్విని” లవ్… వైరల్ అవుతున్న ఎంగేజ్మెంట్ ఫోటోలు.!

కానీ విచిత్రం ఏమిటంటే ఈ సినిమా బాక్సాఫీస్ పూర్తయ్యేటప్పటికి హిట్ సినిమాగా పేరు తెచ్చుకుంది. ఆ సినిమాయే నాన్నకు ప్రేమతో. ఈ సినిమా విడుదల అయినప్పుడు సినిమాకి పోటిగా డిక్టేటర్, సోగ్గాడే చిన్నినాయన, ఎక్స్ప్రెస్ సినిమాలు కూడా థియేటర్లో విడుదలయ్యాయి. దీనితో ఈ సినిమా ఫ్లాప్ అవుతుందని అంతా అనుకున్నారు.

Also Read:  సీతారామం ప్రీ-రిలీజ్ ఈవెంట్‌కి “ప్రభాస్” రావడంపై… ట్రెండ్ అవుతున్న 15 మీమ్స్

కానీ తీరా చూస్తే బొమ్మ రివర్స్ అయ్యింది. మొదటి రోజు ఈ చిత్రానికి నెగెటివ్ టాక్ వచ్చినా ఫైనల్ గా ఈ సినిమా మంచి హిట్ ను అందుకుంది. క్లాస్ ప్రేక్షకులకు మాత్రమే కాకుండా ఓవర్సీస్ ప్రేక్షకులకి కూడా ఈ సినిమా విపరీతంగా నచ్చేసింది.

చెప్పాలంటే ఊహించిన దాని కంటే ఎక్కువ వసూళ్లను నాన్నకు ప్రేమతో చిత్రం రాబట్టింది. ఈ చిత్రానికి సుకుమార్ దర్శకత్వం వహించారు. ఎన్టీఆర్ సరసన రకుల్ ప్రీత్ సింగ్ నటించి ఆకట్టుకున్నారు. జగపతి బాబు, రాజేంద్ర ప్రసాద్ ముఖ్యమైన రోల్స్ చేసారు.

Also Read:  అతిలోక సుందరి ‘శ్రీదేవిని’ పెళ్లి చేసుకోవాలనుకున్న మన తెలుగు హీరోలు ఎవరో తెలుసా ? ఎందుకు ఆగిపోయారంటే ?

బోయపాటి శ్రీను, బాలకృష్ణ కాంబినేషన్ లో వచ్చిన అఖండ సినిమా హిట్ అందుకుంది. ఈ సినిమా తెలుగు ప్రేక్షకుల్ని బాగా ఆకట్టుకుంది. మంచి వినోదాన్ని కూడా అందించింది అఖండ. బాలకృష్ణ ద్విపాత్రాభినయం చేయడం సినిమాకి ప్లస్ అయ్యింది. ప్రేక్షకుల్ని ద్విపాత్రాభినయం ఎంతగానో మెప్పించింది.

అయితే హిట్ అయిన ఈ సినిమాలో బాలకృష్ణ తల్లిగా నటించిన ఆమె ఎవరు అనే దాని గురించి ఇప్పుడు చూద్దాం. అఖండ చిత్రంలో బాలకృష్ణ తల్లి పాత్ర చేసింది విజి చంద్రశేఖర్.

ఈమె గురించి ఆసక్తికరమైన విషయాలు బయటకు వచ్చాయి. విజి చంద్రశేఖర్ భర్త ఎయిర్ ఇండియాలో సీనియర్ రిటైర్డ్ కెప్టెన్. అయితే ఆయన రిటైర్ అయినప్పటికీ కూడా ఇంకా ఎయిర్ ఇండియా లోనే పని చేస్తున్నారు. తాజాగా ఇంటర్వ్యూలో ఈ విషయాలను చంద్రశేఖర్ చెప్పారు. ఈమె ఎక్కువ సమయాన్ని కుటుంబంతోనే గడుపుతారు. అలానే కుటుంబ బాధ్యతలను నెరవేరుస్తారు.

అందుకోసమే కేవలం నెలలో 12 రోజులు మాత్రమే పని చేస్తానని చెప్పారు. ఈమెకు ఇద్దరు ఆడపిల్లలు. వీరిలో ఒకరు డాక్టర్. మరొకరు యాక్టర్. అయితే ఈమె భర్త కెప్టెన్ అవ్వడం వలన ఎక్కువగా ఇంటికి వచ్చేవారు కాదని… అప్పుడప్పుడు మాత్రమే ఇంటికి వచ్చే వారని.. దీంతో పిల్లల బాధ్యత పూర్తిగా ఈమే చూసుకోవాల్సి వచ్చేదని ఈమె చెప్పారు.

చిన్నప్పటి నుండి పిల్లల్ని సక్రమంగా ఈమె నడిపిస్తూ వచ్చారు. అదే విధంగా పిల్లలకు సంబంధించిన ఫంక్షన్స్ ని కూడా ఈమే నిర్వహించే వారు అని చెప్పారు. నిజానికి సినిమాల కంటే కూడా కుటుంబానికే ప్రాధాన్యత ఇచ్చే దానిని అని విజి చంద్రశేఖర్ ఒక ఇంటర్వ్యూలో తెలిపారు.

https://oktelugu.com/do-you-know-who-she-is-played-the-role-of-balakrishna-mother-in-the-movie-akhanda/?fbclid=IwAR1SdYgRO-2Sh55SsCXVnnH7hpkjfMKN8mHQKYh-Zkik-KczEDbpQg50IPM

సెలెబ్రిటీస్ గురించిన ఏ విషయం అయినా మనకు ఇంటరెస్టింగ్ గానే ఉంటుంది. అందులోను.. ఒక సెలెబ్రిటికి, మరొక సెలెబ్రిటీ కి మధ్య ఉండే బంధుత్వం గురించి అంటే క్యూరియాసిటీ ఉండడం సహజం. అందులోను బాగా పాపులర్ అయిన సెలెబ్రిటీస్ మధ్య రిలేషన్ ఉందంటే తెలుసుకోవడానికి చాలా ఆసక్తి కలుగుతుంటుంది.

దర్శక ధీరుడు రాజమౌళికి, హీరో గా విలన్ గా మంచి పేరు తెచ్చుకున్న జగపతి బాబుకి మధ్య బంధుత్వం ఉన్నది అన్న సంగతి చాలా మందికి తెలియదు.

వీరిద్దరికి ఏ రిలేషన్ ఉందొ.. ఆ రిలేషన్ ఎలా వచ్చిందో ఈ ఆర్టికల్ లో తెలుసుకుందాం. దర్శక ధీరుడు రాజమౌళి రమా రాజమౌళిని ప్రేమించి పెళ్లి చేసుకున్న సంగతి తెలిసిందే. వీరు కార్తికేయ ను దత్తత తీసుకున్నారు. అలాగే.. మరో కూతురుని కూడా దత్తత తీసుకున్నారు.

రాజమౌళి కుమారుడు కార్తికేయ బాహుబలి సినిమాకి అసిస్టెంట్ డైరెక్టర్ గా కూడా పని చేసారు. కార్తికేయ జగపతి బాబు సోదరుడు అయిన రామ్ ప్రసాద్ కూతురుని పెళ్లి చేసుకున్నారు. అలా రాజమౌళికి, జగపతి బాబుకి మధ్య వియ్యంకుల బంధుత్వం కలిసిందన్న మాట.

జగపతి బాబు ఎంత అద్భుతంగా విలన్ గా నటన కనబరిచినా సరే.. రాజమౌళి మాత్రం ఆయన సినిమాలలో విలన్ గా తీసుకోరు. ఈ విషయమై ఓ సారి జగపతి బాబు ఓ ఇంటర్వ్యూ లో సమాధానం చెప్పారు. మీరు అందంగా ఉండడం వల్లో.. లేక మీ మంచితనం వల్లో విలన్ గా పెట్టుకోలేకపోతున్నానని రాజమౌళి ఓ సారి జగపతి బాబుతో చెప్పుకొచ్చారట.

కోలీవుడ్ స్టార్ హీరో సూర్యకు దక్షిణాది సినీ పరిశ్రమలో ఉన్న ఫాలోయింగ్ గురించి ప్రత్యేకంగా చెప్పనవసరం లేదు. సూర్య తమిళంలోనే కాకుండా తెలుగులో కూడా భారీగా ఫ్యాన్స్ ను సంపాదించుకున్నారు.

సూర్య దర్శకుడు సిరుత్తే శివ తెరకెక్కిస్తున్న’కంగువ’ హీరోగా నటిస్తున్నారు. ప్రస్తుతం ఈ మూవీ షూటింగ్ జరుగుతోంది. ఈ క్రమంలో స్టంట్ కొరియోగ్రాఫర్ సుప్రీమ్ సుందర్ ఈ మూవీకి సంబంధించిన ఫోటోను రీసెంట్ గా సోషల్ మీడియాలో పోస్ట్ చేశారు. ఫోటోలోని సూర్యను చూసి ఫ్యాన్స్ షాక్ అయ్యారు. సూర్య నటిస్తున్న ‘కంగువ’ మూవీ పై ఇప్పటికే భారీ అంచనాలు ఏర్పడ్డాయి. పీరియాడిక్ డ్రామాకా తెరకెక్కుతున్న ఈ చిత్రాన్ని దాదాపు 10 భాషల్లో 2డీ, 3డీ ఫార్మాట్స్ లో విడుదల చేయనున్నట్లు ఇప్పటికే ప్రకటించారు. ప్రతిష్టాత్మకంగా పాన్ ఇండియా మూవీగా రిలీజ్ కాబోతున్న ఈ చిత్రంలో హీరోయిన్ గా బాలీవుడ్ భామ దిశా పఠానీ నటిస్తోంది. కంగువ షూటింగ్ విరామం రావడంతో సూర్య ప్రస్తుతం కొడైకెనాల్‌లో తన కుటుంబంతో కలిసి హాలిడేస్‌ని ఎంజాయ్ చేస్తున్నారు. ఈ క్రమంలో తమకు ఆత్మీయస్వాగతం పలికిన సూర్య, జ్యోతిక దంపతులకు ధన్యవాదాలు తెలుపుతూ స్టంట్ కొరియోగ్రాఫర్ సుప్రీమ్ సుందర్ వారితో కలిసి తీసుకున్న ఫోటోను తన ట్విట్టర్ ఖాతాలో పోస్ట్ చేశారు.
ఈ ఫోటో సూర్య లుక్ చూసిన అభిమానులు ఆశ్చర్యపోతున్నారు. గతంలో గజిని చిత్రం సమయంలో డిఫరెంట్ లుక్‌లో కనిపించిన సూర్య. మిగతా చిత్రాలలో రెగ్యులర్ లుక్‌లో నటించారు. మళ్ళీ ఇన్ని సంవత్సరాల తర్వాత సూర్య కొత్తగా కనిపిస్తున్నాడు. అయితే కంగువ మూవీ కోసం కోలీవుడ్ స్టార్ సూర్య బరువు పెరిగినట్లుగా తెలుస్తోంది. పీరియాడిక్ పోర్షన్ చిత్రీకరణ కొడైకెనాల్‌లో జరుగుతోంది. ఆగస్టు 2023నాటికి షూటింగ్ ను పూర్తిచేయాలని యూనిట్ ప్లాన్ చేసిందని తెలుస్తోంది.ఇక ఈ చిత్రం హీరో సూర్య కెరీర్‌లో అత్యంత భారీ బడ్జెట్‌తో రూపొందుటున్న మూవీ. ఈ సినిమాని యూవీ క్రియేషన్స్ బ్యానర్ లో నిర్మిస్తున్న విషయం తెలిసిందే. ఈ సినిమాకి సహ నిర్మాత జ్ఞానవేల్ రాజా. దేవిశ్రీ ప్రసాద్ ఈ చిత్రానికి సంగీతాన్ని అందిస్తున్నారు. ఈ ఏడాదిలోనే ఈ చిత్రం రిలీజ్ అయ్యే అవకాశాలున్నాయి.

#Family time in #Kodaikanal between the shoot of #Kanguva. My heartfelt gratitude to #Suriya Sir and #Jyothika Madam for the warm welcome. It was truly a memorable and joyous occasion! ❤️ @Suriya_offl pic.twitter.com/HJnvp7IFxn

— Supreme Sundar (@supremesundar) May 10, 2023

Also Read: 30 ఏళ్ళ తరువాత ఆ వ్యక్తిని కలిసిన “అల్లు అర్జున్”.. చూడగానే కాళ్ళకు నమస్కారం ..! ఆమె ఎవరంటే..!

సినిమా అనే రంగుల లోకం అందరిని ఊరిస్తూనే ఉంటుంది. ఒక రకమైన మూస ధోరణిలో సినిమాలు రిలీజ్ అయిపోతున్న టైం లో ఇండస్ట్రీలోకి అడుగు పెట్టారు మెగాస్టార్ చిరంజీవి. ఒక మాములు హీరోగా చిరంజీవి అడుగు పెట్టినప్పటికీ.. తన టాలెంట్ తో మెగాస్టార్ అన్న టైటిల్ ను సొంతం చేసుకున్నారు.

ఈ సినిమా రంగుల ప్రపంచంలో ఎలాంటి పాత్రలో అయినా అలవోకగా ఇమిడిపోయి చేయాల్సి ఉంటుంది. అయితే.. పాత్రతో సంబంధం లేకుండా నటులుగా గుర్తింపు తెచ్చుకోవడం అనేది అంత సామాన్యమైన విషయం అయితే కాదు. ఎందుకంటే.. ఇది కేవలం ఒక్క నటుడికి సంబంధించిన విషయం కాదు.

నటీనటులకు సంబంధించి ఏ పెయిర్ కి అయినా హిట్ పెయిర్ అన్న టాక్ వచ్చిందంటే.. వారిని మళ్ళీ అలానే చూడాలి అని ప్రేక్షకులు కోరుకుంటూ ఉంటారు. మరో పాత్రలో వారు కనిపించినా ఆదరించే అవకాశాలు తక్కువగా ఉంటాయి. ఎందుకంటే అప్పటికే హిట్ పెయిర్ గా పరిచయమైనా ఆ జంటకి అభిమానులు ఉంటారు. వారు మరో పాత్రలో తమ అభిమాన నటీనటులను చూడడానికి ఇష్టపడకపోవచ్చు. అందుకే ఒకసారి హిట్ పెయిర్ గా టాక్ తెచ్చుకున్న తరువాత ఎలాంటి పాత్రలు పడితే అలాంటి పాత్రలు చేయడానికి స్టార్ హీరో హీరోయిన్లు సైతం ఆలోచిస్తూ ఉంటారు.

అయితే.. మెగాస్టార్ చిరంజీవి, హీరోయిన్ సుజాతది మాత్రం విచిత్రమైన కలయిక అని చెప్పవచ్చు. వీరి కాంబో మంచి పేరు తెచ్చుకున్నప్పటికీ.. వీరు ఒక్కో సినిమాలో ఒక్కో పాత్రలో కనిపించారు. ఒక సినిమాలో ప్రేమికులుగా కనిపించారు. మరో సినిమాలో అన్నాచెల్లెళ్లు గా కనిపించి ఆశ్చర్య పరిచారు. అంతటితో అవలేదు.. మరో సినిమాలో ఏకంగా తల్లీకొడుకులుగా కనిపించి అలరించారు. హిందీలో సూపర్ హిట్ అయిన ముకందర్ కా సికందర్ అనే సినిమాను తెలుగులో ప్రేమ తరంగాలుగా రీమేక్ చేసారు. ఈ సినిమాలో అమితాబ్ నటించిన రోల్ లో చిరంజీవి నటించారు.

ఈ సినిమాలో సుజాత, చిరంజీవి ప్రేమికులుగా కనిపించి మెప్పించారు. ఈ సినిమా తరువాత 1982 లో సీతాదేవి అనే సినిమా విడుదల అయ్యింది. ఈ సినిమాలో సుజాత మెగాస్టార్ చిరంజీవికి చెల్లెలిగా కనిపిస్తారు. ఈ సినిమాకు ఈరంకి శర్మ దర్శకత్వం వహించారు. తరువాత విజయ బాపినీడు దర్శకత్వంలో బిగ్ బాస్ అనే సినిమా విడుదల అయ్యింది. ఈ సినిమాలో చిరు, సుజాత తల్లీ కొడుకులుగా నటించి అందరిని ఆశ్చర్యంలో ముంచెత్తారు. అయితే.. ఏ రోల్ లో నటించినా వీరిని అభిమానులు ఆదరించారనే చెప్పాలి.

ఐకాన్ స్టార్ అల్లు అర్జున్ టాలీవుడ్ లో ఉన్న క్రేజ్ గురించి ప్రత్యేకంగా చెప్పనవసరం లేదు. సుకుమార్ దర్శకత్వంలో వచ్చిన ‘పుష్ప’ చిత్రంతో పాన్ ఇండియా స్టార్ గా పాపులారిటీ సంపాదించుకున్నారు.

ప్రస్తుతం అల్లు అర్జున్ ‘పుష్ప 2’ మూవీ షూటింగ్ లో బిజీగా ఉన్నారు. తాజాగా అల్లు అర్జున్ ముప్పై ఏళ్ల తరువాత ఆ  ప్రత్యేక వ్యక్తిని కలిశానని, ఆ వ్యక్తి గురించి చేసిన కామెంట్స్  సోషల్ మీడియాలో వైరల్ గా మారాయి. అయితే అల్లు అర్జున్ కలిసిన ఆ గొప్ప వ్యక్తి ఎవరో, ఆ వ్యక్తి గురించి ఏం చెప్పారో ఇప్పుడు చూద్దాం..
రీసెంట్ గా ‘బిహైండ్ వుడ్స్’ అవార్డ్స్ వేడుక జరిగిన విషయం తెలిసిందే. ఈ వేడుకలో సినీ సెలబ్రిటీలు హాజరు  అయ్యారు. ఇక ఈ వేడుకకు అల్లు అర్జున్ కూడా హాజరయ్యారు. ఈ అవార్డ్స్ ప్రధానంలో భాగంగా ‘గోల్డెన్ ఐకాన్ ఆఫ్ ఇండియన్ సినిమా’ అవార్డ్ కు అల్లు అర్జున్ ఎంపిక కాగా,  మ్యూజిక్ డైరెక్టర్ ఏఆర్ రెహమాన్ ఈ అవార్డ్ ను బన్నీకి  అందచేశారు. అవార్డ్ తీసుకున్న తరువాత అల్లు అర్జున్ మాట్లాడుతుండగా వేదిక పైకి తన చిన్ననాటి స్కూల్ టీచర్ రావడంతో అల్లు అర్జున్ ఆశ్చర్యపోయారు. అలాగే టీచర్ కి పాదాలకి నమస్కరించారు.
బన్నీ తన టీచర్ గురించి మాట్లాడుతూ “ఆమె పేరు అంబికా కృష్ణన్, 3వ తరగతిలో క్లాస్ టీచర్ అని, ఆమె తనకు చాలా విషయాలను నేర్పించారని తెలిపారు. మా తరగతిలో నేనే లాస్ట్ ర్యాంకర్ ను, అయినప్పటికీ తన టీచర్ ఎప్పుడు తనని ఏమి అనలేదని, లైఫ్ అంటే చదువు ఒక్కటే కాదని, జీవితం ప్రతి ఒక్కరికీ వరమని, దాన్ని అర్థం చేసుకుంటే తప్పకుండా నువ్వు గొప్ప స్థానానికి వెళ్తావని చెప్పేవారని” అన్నారు. తన టీచర్ ను ఇలా ఇక్కడ కలవడం చాలా ఆనందంగా ఉందని వెల్లడించారు.
తనకు చిన్నతనం నుండి స్ఫూర్తి నింపే విధంగా చిన్న చిన్న కోట్స్‌ రాసే అలవాటు ఉంది. తాను రాసిన కోట్స్ లో ‘only kindness is remembered forever’ కోట్ రాయడానికి స్ఫూర్తి నా టీచరే అని వెల్లడించారు. అల్లు అర్జున్ తన టీచర్ గురించి మాట్లాడిన ఈ వీడియో సోషల్ మీడియాలో ప్రస్తుతం వైరల్ గా మారింది.

Icon Star @alluarjun Meets His School Teacher After 30 Year's ❤️‍🔥

Thank You So Much @behindwoods 🥺#Pushpa2TheRule #PushpaTheRule pic.twitter.com/0IdGBj2PTL

— TelanganaAlluArjunFC™ (@TelanganaAAFc) May 9, 2023

Also Read: “ఏంటి హరీష్ గారూ ఇది… చూసుకోవాలి కదా..?” అంటూ… డైరెక్టర్ “హరీష్ శంకర్” పై కామెంట్స్..! ఏం జరిగిందంటే..?