Filmy Adda

యంగ్ హీరో కిరణ్ అబ్బవరం నటించిన ‘మీటర్’ సినిమా తాజాగా సెన్సార్ పూర్తి చేసుకుంది. కిరణ్ అబ్బవరం ఈ చిత్రంలో మొదటి సారిగా కంప్లీట్ కమర్షియల్ రోల్ లో నటిస్తున్నాడు. కిరణ్ అబ్బవరం ఎలాంటి సినీ నేపథ్యం లేకుండా టాలీవుడ్ లో ఎంట్రీ ఇచ్చి, ఇప్పుడిప్పుడే నిలదొక్కు కుంటున్నాడు.

టాలెంటెడ్ యాక్టర్ గా ఇప్పటికే పేరు సంపాదించాడు. ఇటీవల రిలీజ్ ‘వినరో భాగ్యము విష్ణుకథ’ చిత్రం కిరణ్ కెరీర్‌లో మరో హిట్ మూవీగా నిలిచింది. ఈ మూవీ విజయంతో కమర్షియల్ హీరోగా కిరణ్ నిరూపించుకున్నాడు. అతని పై ఎన్ని విమర్శలు వస్తున్నా, అవేవీ పట్టించుకోకుండా తన కెరీర్ పై మాత్రమే దృష్టి పెట్టడం వల్లే కిరణ్ అబ్బవరంకు హిట్  కొట్టగలిగాడు. ఇక త్వరలో విడుదల అవనున్న ‘మీటర్’ చిత్రంలో కిరణ్ అబ్బవరం పవర్‌ఫుల్ పోలీస్‌ పాత్రలో కనిపించనున్నాడు. ఈ మూవీలో కిరణ్ లుక్ కొత్తగా ఉండబోతుందని టాక్. తాజాగా ఈ చిత్రం సెన్సార్ కంప్లీట్ చేసుకుంది. సెన్సార్ బోర్డ్ ఈ మూవీకి U/A సర్టిఫికేట్ ఇచ్చారు. ఇక ఈ చిత్రం సందేశాత్మకంగా టెంపర్ సినిమా రేంజ్ లో ఉంటుందని వినిపిస్తోంది. ఈ మూవీ నిడివి2 గంటల 7 నిమిషాలు. ఈ మూవీలో హీరోయిన్ గా అతుల్య రవి నటిస్తోంది. సాయి కార్తీక్‌ ఈ చిత్రానికి సంగీతాన్ని అందిస్తున్నారు.
వినరో భాగ్యము విష్ణుకథ విజయంతో రిలీజ్ కాబోతున్న ‘మీటర్’ మూవీ పై అంచనాలు పెరిగిపోయాయి. మైత్రీ మేకర్స్ ఈ చిత్రాన్ని నిర్మించారు. పది కోట్ల బడ్జెట్ తో రూపొందిన ఈ సినిమా మంచి బిజెనెస్ చేసుకుంది. ఈ చిత్రం బ్లాక్ బస్టర్ హిట్ సాధిస్తే, కిరణ్ 20 కోట్ల హీరోగా అయ్యే ఛాన్స్ ఉంది. ఇంకొంచెం ట్రై చేసినట్లయితే కిరణ్ టైర్ టూ హీరోల లిస్ట్ లో చేరే అవకాశం ఉందని చెప్పొచ్చు. Also Read: “కన్నడలో కెరీర్ మొదలు పెట్టిన ప్రశాంత్ నీల్ … టాలీవుడ్‌కి ఎందుకు వెళ్ళిపోయాడు.?” అనే ప్రశ్నకు… దిమ్మతిరిగే ఆన్సర్ ఇచ్చిన నెటిజన్..!

ఉమైర్ సంధు, ఈమధ్య కాలంలో ఎక్కువగా వినిపిస్తున్న పేరు. ఓవర్సీస్ సెన్సార్ మెంబర్, ఫిల్మ్ క్రిటిక్ గా పాపులర్ అయిన ఉమైర్ సంధు స్టార్ హీరోల సినిమాల రిలీజ్ కు ముందే వాటికి రివ్యూ ఇస్తూ ఫేమస్ అయ్యాడు. అయితే అతను ఇటీవ‌ల రివ్యూలే కాకుండా సినీ సెలెబ్రెటీస్ సీక్రెట్ ఎఫైర్స్ అంటూ సెల‌బ్రిటీల‌ను టార్గెట్ చేస్తూ ట్వీట్ లు చేయడం మొదలు పెట్టాడు. ఆయన చేసిన ట్వీట్ లు నార్త్, సౌత్ ఇండస్ట్రీలోనూ సంచలనంగా మారాయి.

గతంలో రామ్ చరణ్, ప్రియాంక చోప్రా, మహేష్ బాబు పూజ హెగ్డే, విజయ్ దేవరకొండ- కరణ్ జోహర్ ఇలా ఎంతో మంది సినీ తారల గురించి వివాదాస్పద ట్వీట్ లు చేశాడు. అయితే చాలామంది సెలెబ్రెటీస్ ఉమైర్ సంధు పై ఆగ్ర‌హం వ్య‌క్తం చేస్తున్నా, అతను తన ధోర‌ణిని ఏ మాత్రం కూడా మార్చుకోవ‌డం లేదు. ఉమైర్ సంధు తాజాగా టాలీవుడ్ హీరో నానికి, హీరోయిన్ కీర్తి సురేష్‌తో ఎఫైర్ ఉందంటూ వివాదస్పద ట్వీట్ చేశాడు.నేచురల్ స్టార్ నాని, కీర్తి సురేష్ జంటగా తొలిసారి’నేను లోక‌ల్‌’ అనే సినిమాలో నటించారు. ఆ త‌ర్వాత వీరిద్దరు చేసిన చిత్రం ‘ద‌స‌రా’.  శ్రీ‌కాంత్ ఓదెల ఈ చిత్రంతో  డైరెక్టర్ గా తెలుగు ఇండస్ట్రీకి ప‌రిచ‌యం అయ్యాడు. మార్చి 30న పాన్ ఇండియా మూవీ గా రీలీజ్ అయిన ఈ సినిమా బ్లాక్ బ‌స్ట‌ర్ గా నిలిచింది. విడుదల అయిన 4 రోజుల్లో బ్రేక్ ఈవెన్ పూర్తి చేసింది. 5 రోజుల్లో 100 కోట్ల క్ల‌బ్‌లో చోటు సంపాదించింది. అయితే ఈ చిత్రం చిత్రీకరణ స‌మ‌యంలో నాని, కీర్తి సురేష్ ను ప్రేమించాడంట. త‌న‌కు వివాహం అయిన విష‌యాన్ని కూడా మరచి కీర్తి సురేష్ కు దగ్గరవ్వాలనుకున్నాడంట  కీర్తి సురేష్‌ నాని ఫీలింగ్స్ గ‌మ‌నించినప్పటికి తనకేం తెలియ‌నట్లు సైలెంట్ గా ఉందంట. నాని పనులు అర్థమైనా, కీర్తి మాత్రం లిమిట్స్  దాట‌కుండా స్నేహంగా ఉందంట. ఈ విధంగా ఉమైర్ సంధు ట్వీట్ చేశాడు. ఈ ట్వీట్ ఇప్పుడు తెలుగు ఇండస్ట్రీలో లో హాట్ టాపిక్ అయ్యింది. ఉమైర్ సంధు ట్వీట్ లో ఎంతవరకు  వాస్తవం అనేది తెలియ‌దు. నాని, కీర్తి సురేష్ ఫ్యాన్స్ ఉమైర్‌ సంధును విపరీతంగా ట్రోల్ చేస్తున్నారు. నువ్వు ఫేమస్ కావడం కోసం అంద‌రికి  ఎఫైర్ ఉందంటూ ట్వీట్ చేస్తావా అంటూ ఆగ్రహిస్తున్నారు.Also Read: “కన్నడలో కెరీర్ మొదలు పెట్టిన ప్రశాంత్ నీల్ … టాలీవుడ్‌కి ఎందుకు వెళ్ళిపోయాడు.?” అనే ప్రశ్నకు… దిమ్మతిరిగే ఆన్సర్ ఇచ్చిన నెటిజన్..!

దర్శకుడు మణిరత్నం చిత్రాలకు ఒక ప్రత్యేకత ఉంటుంది. తెర పైన అద్భుత దృశ్య కావ్యాలు తెరకెక్కించడంలో ఆయన సిద్ధహస్తుడు. ఆయన తీసిన సినిమాల్లో యువ సినిమా మంచి విజయాన్ని అందుకుంది. ఈ మూవీ లో సిద్దార్థ్, త్రిష జంటగా నటించారు. మాధవన్ ఒక కీలక పాత్రలో నటించారు. ఇక హీరో సూర్య కూడా ఈ మూవీ లో స్టూడెంట్ లీడర్ గా నటించి మెప్పించారు.

అయితే ఈ మూవీ లో ఒక స్టార్ హీరో కూడా సైడ్ ఆర్టిస్ట్ గా నటించారు. ఆయన ఎవరో కాదు కార్తీ. కార్తీ ఈ మూవీ లో కొన్ని సన్నివేశాల్లో నటించారు. మెకానికల్ ఇంజనీరింగ్ చదివి ఆ తరువాత అమెరికాలో ఎమ్.ఎస్ చేశారు కార్తీ. అప్పట్లో కొంచెం లావుగా ఉండేవాడు కార్తీ. ఎమ్.ఎస్ పూర్తి చేసిన తర్వాత కార్తీ మణిరత్నం దగ్గర అసిస్టెంట్ డైరెక్టర్ గా పని చేశారు. ఆ సమయం లోనే ‘యువ’ చిత్రానికి అసిస్టెంట్ డైరెక్టర్ గా చేస్తూ.. కొన్ని సన్నివేశాల్లో నటించారు.

దాని తర్వాత మూడేళ్లకు హీరోగా ఎంట్రీ ఇచ్చాడు కార్తీ. తమిళం నుంచి వచ్చి తెలుగు లో మంచి క్రేజ్ సంపాదించుకున్న హీరోలలో కార్తి కూడా ఒకరు.ఆయన నటించే ప్రతి సినిమా తెలుగు లో విడుదల అవుతూనే ఉంటుంది.తన అన్న సూర్య పాపులారిటి తో మొదట ఎంట్రీ ఈజీ అయినప్పటికి ఆ తర్వాత తన ప్రతిభ తోనే ఒక ఫ్యాన్ బేస్ ఏర్పరచుకున్నాడు. యుగానికి ఒక్కడు అనే డబ్బింగ్ సినిమా ద్వారా తెలుగు ప్రేక్షకులకు కార్తీ సుపరిచితమయ్యారు.

తొలి సినిమాతోనే సక్సెస్ అందుకున్న కార్తీ ఆ సినిమా తరువాత నా పేరు శివ, ఆవారా సినిమాలతో మంచి గుర్తింపును సొంతం చేసుకున్నారు.2007 లో హీరో గా మారిన కార్తి ఇప్పటి వరకు 23 సినిమాల వరకు నటించాడు.తీసే ప్రతి చిత్రంలో ఒక విభిన్నమైన కథ, కథనం ఉండాలి అని కోరుకునే హీరోల్లో కార్తి కూడా ఉంటాడు. కార్తి నటించిన సినిమాలను చూస్తే ఖచ్చితంగా మంచి టేస్ట్ ఉన్న హీరో అని మనకి తెలుస్తుంది.

ఇక ఖైదీ అనే చిత్రం కూడా కార్తి ని నటుడిగా మరొక మెట్టు ఎక్కించింది.ఈ సినిమా చూసిన తర్వాత చాలా మంది సినిమా ఇలా కూడా తీస్తారా అని ఫీల్ అయ్యారు. ఈ చిత్రం లో అద్భుతంగా నటించారు కార్తీ. ఇటీవల వచ్చిన విరుమన్, పొన్నియన్ సెల్వన్, సర్దార్ సినిమాలతో హ్యాట్రిక్ హిట్స్ అందుకున్నారు కార్తీ. ఇక కార్తీ ప్రస్తుతం పొన్నియన్ సెల్వన్ 2 , సర్దార్ 2 , పార్టీ, జపాన్ చిత్రాలతో బిజీ గా ఉన్నాడు.

నేచురల్ స్టార్ నాని, ‘మహానటి’ బ్యూటీ కీర్తి సురేష్ నటించిన లేటెస్ట్ మూవీ ‘దసరా’. శ్రీకాంత్ ఓదెల దర్శకత్వం వహించిన ఈ సినిమా పాన్ ఇండియన్ మూవీగా తెరకెక్కింది. మార్చి 30న పలు భాషల్లో ప్రేక్షకుల ముందుకు వచ్చింది. తొలి షో నుంచే ఈ చిత్రం హిట్ టాక్ తెచ్చుకుంది. బాక్సాఫీస్ దగ్గర వసూళ్ల వర్షం కురిపిస్తోంది. తొలి రోజే రూ. 38 కోట్లు వసూలు చేసి నాని కెరీర్లోనే డే 1 హైయెస్ట్ గ్రాసర్ గా ఈ మూవీ నిలిచింది.

అయితే తాజాగా దసరా మూవీ ఒక వివాదంలో చిక్కుకుంది. తమను కించపరిచేలా ఈ సినిమాలో సన్నివేశాలు ఉన్నాయని ఆదిలాబాద్ జిల్లా కేంద్రంలో అంగన్‌వాడిలు ఆందోళనకు దిగారు. సమాజానికి ఎంతో సేవ చేస్తోన్న అంగన్‌వాడి టీచర్లను దసరా మూవీలో దొంగలుగా చిత్రీకరించారని అంగన్‌వాడి టీచర్లు ఆవేదన వ్యక్తంచేశారు.. వెంటనే ఆ సీన్లను తొలగించడంతో పాటు సినిమా బృందం తమకు క్షమాపణలు చెప్పాలని డిమాండ్ చేశారు.

దసరా మూవీ లో కీర్తి సురేష్ ఈ చిత్రంలో వెన్నెల అనే క్యారెక్టర్ చేసింది. ఆమె ఒక అంగన్ వాడీ కార్యకర్త. ఒకానొక సమయంలో తను పిల్లల కోసం ఇవ్వాల్సిన కోడిగుడ్లను అమ్ముకుంటుంది. అంతేకాదు, మరికొన్ని గుడ్లను తీసుకెళ్లి తమ కుటుంబ సభ్యులకు ఇస్తుంది. దీంతో ఈ విషయం పై వివాదం మొదలైంది. దసరా’ సినిమాలోని ఆ సీన్లను తొలగించే వరకు తమ ఆందోళన కొనసాగుతుందని వారు తేల్చి చెప్పారు.

ఇక ఇటీవలి కాలంలో సినిమాలు ఎంత పాపులర్‌ అవుతున్నాయో సినిమాల చుట్టూ నెలకొన్న వివాదాలు అంతే పాపులర్‌ అవుతున్నాయి. సినిమాల్లో చిత్రీకరించిన సన్నివేశాలు తమను కించపరిచేలా ఉన్నాయంటూ నిరసనలు తెలపడం మనం చూస్తున్నాం. ఇక ఇప్పటి వరకు ఈ వివాదం పై యూనిట్ ఇంతవరకు స్పందించలేదు. ఇక ఈ మూవీ విడుదలైన రెండు రోజుల్లోనే రూ. 50 కోట్ల మార్క్ క్రాస్ చేసి, ప్రస్తుతం రూ.100 కోట్ల వైపుగా దూసుకెళ్తోంది.

కోలీవుడ్ స్టార్ హీరో దళపతి విజయ్‌కు సోషల్ మీడియాలో ఉండే క్రేజ్ గురించి ప్రత్యేకంగా చెప్పవలసిన అవసరం  లేదు. ఇక ట్విట్టర్‌లో ఫ్యాన్ వార్ అంటే అది విజయ్ ఫ్యాన్స్‌ అని చెప్పొచ్చు. విజయ్‌కి సోషల్ మీడియాలో ఉన్న ఫాలోయింగ్ అంతగా ఉంటుంది.

అయితే అలాంటి స్టార్ కి ఇప్పటి దాకా సోషల్ మీడియా ఖాతా లేదు. ఇది ఆశ్చర్య పోవాల్సిన విషయమే. ఆయన ఫ్యాన్స్ ఎప్పటినుండో సోషల్ మీడియా అకౌంట్స్ తెరవమని వేడుకున్న ఆయన పెద్దగా పట్టించుకోలేదు. అయితే విజయ్ తాజాగా తన ఫ్యాన్స్ కి సర్ప్రైజ్ ఇస్తూ ఇన్ స్టాగ్రాంలోకి ఎంట్రీ ఇచ్చాడు. ఆయన ఇన్ స్టాగ్రాం ఖాతా ఓపెన్ చేయడమే ఆలస్యం. ఫ్యాన్స్ లైకులు, కామెంట్లతో సునామీని క్రియేట్ చేశారు. ఎంతలా అంటే 99 నిమిషాల్లో  మిలియన్ ఫాలోవర్స్ తో సరికొత్త రికార్డును క్రియేట్ చేశారు.విజయ్ తన ఖాతాలో తన ఫోటోను షేర్ చేయడంతో ఆ ఫోటో సోషల్ మీడియాలో వైరల్ అయ్యింది. విజయ్ కి  ఫాలోయింగ్‌ ఎంతలా ఉందో చెప్పడానికి ఇది ఒక నిదర్శనం అని చెప్పవచ్చు. ఆయన పోస్ట్ చేసిన గంటలోనే మిలియన్ల కొద్ది లైకులు, వేలలో కామెంట్లు వచ్చాయి. ఖాతా మొదలుపెట్టిన 99 నిమిషాల్లో మిలియన్  ఫాలోవర్స్ చేరిన మొదటి ఇండియన్‌గా విజయ్ రికార్డ్ క్రియేట్ చేశారు. ప్రపంచవ‍్యాప్తంగా అయితే ఈ విషయంలో మూడోస్థానంలో ఉన్నారు. మొదటి రెండు స్థానాల్లో బీటీఎస్ వీ- 43 నిమిషాలు, ఎంజెలీనా జోలీ- 59 నిమిషాలు ఉన్నారు.
విజయ్‌ని కళ్యాణి ప్రియదర్శన్, హీరోయిన్ కీర్తి సురేష్‌ లాంటి హీరోయిన్లు అప్పుడే ఫాలో చేస్తున్నారు. ఈ విధంగా సెలెబ్రిటీలు కూడా విజయ్‌ని ఇంస్టాలో ఫాలో అవుతున్నారు. విజయ్ కి ప్రస్తుతం 4.3 మిలియన్ ఫాలోవర్స్ కలిగి ఉన్నారు. అయితే విజయ్ ఇంతవరకు ఒక్కరిని ఫాలో అవ్వలేదు. విజయ్ ఇటీవల వారసుడు సినిమాతో ప్రేక్షకుల పలకరించాడు. విజయ్ చిత్రాలు ఎలా ఉన్నాప్పటికి  కోలీవుడ్ లో ఆడుతాయని వారసుడు నిరూపించింది. యావరేజ్ మూవీని సైతం ఆయన అభిమానులు బ్లాక్ బస్టర్‌గా మారుస్తుంటారు.
అలా ఆయన చిత్రాలన్ని 100, 200 కోట్ల క్లబ్బులో అడుగుపెడుతూనే ఉన్నాయి. ఇక వారిసు, బీస్ట్ చిత్రాలు యావరేజ్ టాక్ వచ్చినప్పటికి బాక్సాఫీస్ దగ్గర వసూళ్ల వర్షం కురిపించింది. ప్రస్తుతం విజయ్ లోకేష్ కనకరాజ్‌దర్శకత్వంలో  లియో చిత్రాన్ని చేస్తున్న విషయం అందరికి తెలిసిందే. ఈ సినిమా ప్రీ రిలీజ్ బిజినెస్ మరియు డిజిటల్ రైట్స్ గురించి కూడా ఎన్నో ప్రచారాలు వస్తున్నాయి.Also Read: ‘బలగం’ సినిమాకు అంతర్జాతీయ పురస్కారం.. ఇప్పటివరకు ఎన్ని అవార్డులు వచ్చాయంటే..

https://www.instagram.com/p/Cqh9BT6S59A/

టాలీవుడ్ లో పవర్‌ స్టార్‌ పవన్‌ కల్యాణ్‌, దర్శకుడు త్రివిక్రమ్‌ దర్శకత్వంలో పలు సినిమాలు చేశారు. వీరి కాంబోలో జల్సా, అజ్ఞాతవాసి, అత్తారింటికి దారేది చిత్రాలు వచ్చాయి. త్రివిక్రమ్ దర్శకత్వం చేయనప్పటికి, భీమ్లానాయక్‌ చిత్రానికి స్క్రీన్ ప్లే, డైలాగులు రాశారు.

ఇక పవన్, సాయితేజ్‌ కలిసి నటిస్తున్న ‘వినోదయ సీతం’ రీమేక్ సినిమాకి కూడా మాటల మాంత్రికుడు త్రివిక్రమే మాటలు రాస్తున్నారు. సినిమాల విషయం పక్కన పెడితే పవర్ స్టార్ పవన్‌, త్రివిక్రమ్‌ శ్రీనివాస్ లు మంచి స్నేహితులు. ఈ విషయాన్ని వీరిద్దరు కూడా పలుసార్లు తెలియచేసారు. ఈ నేపధ్యంలోనే పవన్‌ – త్రివిక్రమ్‌ల ఫ్రెండ్ షిప్ గురించి త్రివిక్రమ్‌ శ్రీనివాస్ భార్య సౌజన్య శ్రీనివాస్‌ కొన్ని ఇంట్రెస్టింగ్ విషయాలు వెల్లడించారు. పవన్ కళ్యాణ్ మా ఇంటికి వచ్చినపుడు ఇద్దరు కూడా కబుర్లలో పడతారు.
ఇద్దరు పురాణాల గురించి ఎక్కువగా మాట్లాడుకుంటారని, అలా మాట్లాడుకుంటూ ప్రపంచాన్ని కూడా మరిచిపోతారని తెలిపింది. వాళ్ళిద్దరి మధ్య ఉన్న స్నేహం చాలా గొప్పదని, ఒకరంటే మరొకరికి అమితమైన గౌరవం అని చెప్పారు. మా వారు తన బుక్స్ ని ఎవరికి కూడా ఇవ్వడానికి ముందుకు రారు. కానీ పవన్‌ అడిగితే వెంటనే కాదనకుండా ఇస్తారు.  ఇక వీరిద్దరు ఒకరికి ఒకరు ఇచ్చుకునే గిఫ్ట్స్ అంటే అవి కూడా బుక్స్, పెన్స్ అని తెలిపారు. పవన్ కళ్యాణ్ కి మా ఇంట్లో చేసే వంటకాలను చాలా ఇష్టపడుతారు. ఉదయం పూట పవన్ మా ఇంటికి వచ్చినట్లయితే అడిగి మరీ ఉప్మా చేయించుకుని తింటారు. ఇక లంచ్ సమయంలో అయితే శాఖాహార వంటకాలు, ఆవకాయ చాలా ఇష్టంగా తింటారు. రవ్వలడ్డులను కూడా అడిగి తీసుకుంటారు. దానికి పవన్ సిగ్గుపడరు. మా ఫ్యామిలీ మెంబర్ లా  కలిసిపోతారని సౌజన్య శ్రీనివాస్‌ తెలిపారు. ఆమె క్లాసికల్‌ డ్యాన్సర్‌. అయితే ఈమధ్యే ప్రొడ్యూసర్ మారి సితార బ్యానర్‌తో కలిసి చిత్రాలను నిర్మిస్తున్నారు. ఇటీవల కోలీవుడ్ స్టార్ ధనుష్‌ హీరోగా వచ్చిన ‘సార్‌’ సినిమాకు సహ నిర్మాతగా ఉన్నారు. Also Read: ‘బలగం’ సినిమాకు అంతర్జాతీయ పురస్కారం.. ఇప్పటివరకు ఎన్ని అవార్డులు వచ్చాయంటే..

సినిమా ఇండస్ట్రీలో హీరోయిన్లకు కొదవే ఉండదు. ప్రతి ఏడాది ఎందరో హీరోయిన్లు ఇండస్ట్రీ లోకి అడుగు పెడతారు. అలాగే సినిమా అవకాశాల కోసం ఎదురు చూసేవారు చాలా మందే ఉంటారు. కానీ తమని తాము నిరూపించుకొని ఇండస్ట్రీలో నిలదొక్కుకొనేవారు చాలా తక్కువగా ఉంటారు.

టాలీవుడ్ ఎప్పటికప్పుడు కొత్త హీరోయిన్లను పరిచయం చేస్తూనే ఉంటుంది. వారిలో ఎక్కువగా ముంబయికి చెందిన ముద్దుగుమ్మలు ఉంటారు. కొంత మంది ఇండస్ట్రీలో పేరు తెచ్చుకోగా.. మరి కొందరు కొన్ని సినిమాలకే పరిమితం అయ్యి ఇండస్ట్రీ కి దూరం అయ్యారు. అలాంటి వారిలో ఒకరే సోనాలీ జోషి. ఈమె ఎన్టీఆర్ తో “సుబ్బు” చిత్రం లో నటించారు. ‘స్టూడెంట్ నెంబర్1’ వంటి సూపర్ హిట్ మూవీ తర్వాత ఎన్టీఆర్ నుండీ వచ్చిన మూవీ కావడంతో ఈ సినిమా పై మంచి అంచనాలే నెలకొన్నాయి. కానీ ఆ మూవీ ప్లాప్ అయ్యింది.

ప్రముఖ దర్శకుడు రుద్ర రాజు సురేష్ వర్మ దర్శకత్వం వహించిన ‘సుబ్బు’ చిత్రం తర్వాత సోనాలి జోషి.. సందడే సందడి, రాంబాబు గాడి పెళ్ళాం , నాన్న నేను అబద్ధం, అభి చిత్రాల్లో నటించారు. ఆ తర్వాత ఆమెకు బాలీవుడ్ లో వరుస అవకాశాలు రావడం తో టాలీవుడ్ కి దూరం అయ్యారు. కానీ ఈమె బాలీవుడ్ లో నటించిన చిత్రాలన్నీ ప్లాప్ కావడం తో.. అక్కడా ఇక్కడా ఛాన్స్ లు తగ్గిపోవడంతో ఇండస్ట్రీకి దూరమైంది.

ఇక అంతేకాకుండా పలు వ్యక్తిగత కారణాల వల్ల కూడా సినీ పరిశ్రమకు దూరమైంది. ఇక ఆ తర్వాత సోనాలి జోషి ఒక మలయాళ చిత్రం లో కూడా నటించింది. ఆ చిత్రం కూడా ప్లాప్ అయ్యింది. ప్రస్తుతం ముంబై లో నివాసం ఉంటున్న సోనాలి అనేక హిందీ సీరియల్స్ లో కీలక పాత్రలు పోషించారు. దీంతో చాలా కాలం తర్వాత మళ్లీ సినీ కెరీర్ పరంగా సెకండ్ ఇన్నింగ్స్ స్టార్ట్ చేసేందుకు ప్రయత్నాలు చేస్తున్నారు. కానీ ఆ ప్రయత్నాలు సక్సెస్ కావడం లేదు.

తాజాగా నటి సోనాలి ప్రముఖ ఓటీటీ సంస్థ అయినటువంటి అమెజాన్ ప్రతిష్టాత్మకంగా నిర్మిస్తున్న ఓ వెబ్ సిరీస్ లో నటించేందుకు గ్రీన్ సిగ్నల్ ఇచ్చినట్లు సమాచారం. ప్రస్తుతం సోషల్ మీడియాలో సోనాలి ఫుల్ యాక్టివ్ గా ఉంటుంది. ఇప్పుడు ఆమె గుర్తుపట్టలేనంతగా మారిపోయింది. గత ఫోటోస్.. ఇప్పుడు ఫోటోస్ చూస్తే ఆమెను గుర్తుపట్టడం మాత్రం చాలా కష్టమే.

మన తెలుగు మూవీస్ ఒకప్పుడు పల్లెటూళ్లలోనే తీసేవాళ్ళు. ఇక అప్పట్లో అన్ని అలంటి మూవీస్ ఏ వచ్చేవి. కానీ తర్వాత తర్వాత ఆ ట్రెండ్ మారిపోయింది. అందరు రిచ్ గా కనిపించడం కోసం కొత్త కథలు, నగరాలకు సినిమాలు చేరాయి.

కొన్ని సినిమాలు ఏకంగా విదేశాల్లోనే చిత్రీకరిస్తున్నారు. కానీ కొన్ని కంటెంట్ ఉన్న చిత్రాలు కథ డిమాండ్ మేరకు రూరల్ బ్యాక్ గ్రౌండ్స్ లో తీశారు. అవి అలాగే సూపర్ హిట్స్ అయ్యాయి కూడా..

ఇప్పుడు అచ్చమైన పల్లెటూరి నేపథ్యం లో వచ్చి.. మనల్ని అలరించిన చిత్రాలేవో చూద్దాం..

#1 దసరా

నాని, కీర్తి సురేష్ ప్రధాన పాత్రల్లో వచ్చిన చిత్రం ‘దసరా’. ఈ సినిమా కథ పెద్దపల్లి జిల్లాలోని గోదావరిఖని (తెలంగాణ)లోని సింగరేణి బొగ్గు గనుల ప్రాంతంలోని ఒక గ్రామం నేపథ్యంలో సాగుతుంది.

#2 రంగస్థలం

రామ్ చరణ్, సమంత ప్రధాన పాత్రల్లో వచ్చిన చిత్రం ‘రంగస్థలం’. సుకుమార్ దర్శకత్వం వహించిన ఈ చిత్రం 1980 కాలం లో సాగుతోంది. ఈ మూవీస్ లో పల్లెటూరి నేపథ్యాన్ని బాగా చూపించారు.

#3 సోగ్గాడే చిన్ని నాయన

కళ్యాణ్ కృష్ణ దర్శకత్వం లో నాగార్జున, రమ్యకృష్ణ ప్రధాన పాత్రల్లో వచ్చిన చిత్రం ‘సోగ్గాడే చిన్ని నాయన’. ఈ మూవీ సూపర్ హిట్ అయ్యింది.

#4 శతమానం భవతి

సతీష్ వేగేశ్న తెరకెక్కించిన ‘శతమానం భవతి’ చిత్రం లో కోనసీమ అందాలను చక్కగా చూపించారు.

#5 పుష్ప

సుకుమార్ దర్శకత్వం లో అల్లు అర్జున్ హీరోగా వచ్చిన ‘పుష్ప’ చిత్రం ఎంత హిట్ అయ్యిందో మనకి తెల్సిందే. ఈ మూవీ మొత్తం తిరుపతి పరిసర ప్రాంతాల్లోనే సాగుతుంది.

#6 పలాస

మంచి కంటెంట్ తో వచ్చి ప్రేక్షకులు మెచ్చిన సినిమా ‘పలాస’.సినిమాలోని ప్రతి సీన్ కూడా రియలిస్టిక్ గా ఉండేలా చూసుకోవడం లో దర్శకుడు సక్సెస్ అయ్యాడు. ఈ మూవీ కూడా గ్రామీణ నేపథ్యం లోనే సాగుతుంది.

#7 విరాట పర్వం

రానా, సాయి పల్లవి జంటగా వచ్చిన ‘విరాట పర్వం’ మూవీ కూడా తెలంగాణ గ్రామీణ నేపథ్యం లో సాగుతుంది.

#8 చందమామ

కాజల్ ప్రధాన పాత్రలో వచ్చిన ‘చందమామ’ మూవీ మొత్తం గ్రామీణ నేపథ్యంలోనే సాగుతుంది.

#9 గోవిందుడు అందరివాడేలే

కృష్ణవంశీ దర్శకత్వం లో రామ్ చరణ్ హీరోగా వచ్చిన ‘గోవిందుడు అందరివాడేలే’ మూవీ లో కూడా గ్రామీణ నేపథ్యాన్ని చూపించారు.

#10 ఉయ్యాలా జంపాల

రాజేతారం, అవికాగోర్ జంటగా వచ్చిన ‘ఉయ్యాలా జంపాల’ మూవీ మొత్తం గ్రామీణ నేపథ్యం లోనే సాగుతుంది.

#11 ఫిదా

శేఖర్ కమ్ముల తెరకెక్కించిన ‘ఫిదా’ మూవీ లో తెలంగాణ గ్రామీణ నేపథ్యం తో.. తెలంగాణ సంప్రదాయాల గురించి చూపించారు.

#12 శ్రీకారం

శర్వానంద్ హీరో గా వచ్చిన ‘శ్రీకారం’ మూవీ ని కూడా గ్రామీణ నేపథ్యం లో తీశారు.

#13 కేరాఫ్ కంచర పాలెం

వెంకటేష్ మహా తెరకెక్కించిన ఈ చిత్రం పూర్తిగా గ్రామీణ నేపథ్యం లోనే సాగుతుంది.

#14 గుండెల్లో గోదారి

మంచు లక్ష్మి, సందీప్ కిషన్, ఆది పినిశెట్టి ప్రధాన పాత్రల్లో వచ్చిన ఈ మూవీ పూర్తిగా గ్రామీణ నేపథ్యం లో సాగుతుంది.

#15 కాంతార

గతేడాది కన్నడ భాషలో విడుదల అయ్యి సూపర్ సక్సెస్ అందుకున్న చిత్రం కాంతార. ఈ మూవీ పూర్తిగా కర్ణాటక గ్రామీణ నేపథ్యం లో సాగుతుంది.