Filmy Adda

స్టైలిష్ స్టార్ అల్లు అర్జున్ నటించిన ‘పుష్ప-ది రైజ్’ బాక్సాఫీస్ వద్ద ఎలాంటి సెన్సేషన్ క్రియేట్ చేసిందో మనం చూశాం. ఈ సినిమా ను దర్శకుడు సుకుమార్ తెరకెక్కించగా, ఈ సినిమాను పూర్తి యాక్షన్ ఎంటర్‌టైనర్‌గా చిత్ర యూనిట్ రూపొందించింది. ఇక ఈ సినిమాలో మలయాళ నటుడు ఫహాద్ ఫాజిల్ ఓ పోలీస్ ఆఫీసర్ పాత్రలో నటించిన సంగతి తెలిసిందే.

భన్వర్ సింగ్ షెకావత్ అనే పాత్ర లో ఫహాద్ పర్ఫార్మెన్స్ ఈ సినిమాకు బాగా కలిసొచ్చింది. హీరో చేసే ఎర్రచందనం స్మగ్లింగ్‌ కు అడ్డుపడే పాత్రలో ఫహాద్ నటించాడు. అయితే పుష్ప తొలి భాగంలో ఈ నటుడు కేవలం సినిమా చివర్లో వస్తాడు. మొదటి భాగంలో ఈయన పాత్ర కు ఎక్కువగా స్కోప్ దక్కలేదు. కానీ అల్లు అర్జున్ కి ధీటైన పాత్రలో పుష్ప రెండవ భాగంలో ఈయన కనిపించబోతున్నాడని తెలుస్తోంది.

అయితే తాజాగా పుష్ప మూవీ పై మలయాళ నటుడు, దర్శకుడు వినీత్ శ్రీనివాసన్ స్పందించారు. ” పుష్ప చిత్రాన్ని నేను చెన్నై లోని పెరుంగుడి లో చూసాను. వినేమ చూస్తున్నప్పుడు ఫహద్ ఫాజిల్ కనిపించగానే జనాలు అరుపులు, కేరింతలతో థియేటర్ దద్దరిల్లి పోయింది. తెలుగులో అలా ఉండక పోవచ్చు కానీ.. నాకు ఆ క్షణం లో చాలా గర్వం గా అనిపించింది.” అని వినీత్ శ్రీనివాసన్ పేర్కొన్నారు. ప్రస్తుతం ఆయన కామెంట్స్ వైరల్ గా మారాయి.

ఇక తదుపరి పార్ట్ లో ఫాహద్‌ పై కీలకమైన సన్నివేశాల చిత్రీకరణ రూపొందిస్తున్నట్లుగా మేకర్స్‌ పేర్కొన్నారు. ఫాహద్‌ మాత్రమే కాకుండా సునీల్ మరియు అనసూయ పాత్రలు కూడా పుష్ప 2 లో అత్యంత కీలకంగా ఉండబోతున్నాయని తెలుస్తుంది. మొత్తానికి పుష్ప రెండవ భాగం పై అంచనాలు ఆకాశాన్ని తాకేలా ఉన్నాయి.దాదాపు సంవత్సర కాలం పాటు స్క్రిప్ట్ వర్క్ చేసిన దర్శకుడు సుకుమార్.. అన్ని వర్గాల ప్రేక్షకులను అలరించే విధంగా సినిమా ను రూపొందించేందుకు ప్రయత్నాలు చేస్తున్నాడు.

మహేష్ బాబు ఒకవైపు సినిమాలకు ఎంత ప్రాధాన్యత ఇస్తారో.. తన కుటుంబానికి అంతే ఇంపార్టెన్స్ ఇస్తారు. ఒక రకంగా చెప్పాలంటే మహేష్ బాబు అసలు సిసలు ఫ్యామిలీ మ్యాన్ అనే చెప్పాలి. సినిమాలతో పాటు ఫ్యామిలీ కి ఖచ్చితంగా టైం కేటాయిస్తారు. సినిమా సినిమాకి మధ్య ఖచ్చితం గా ఫ్యామిలీ తో విదేశాల్లో పర్యటనలకు వెళ్తారు మహేష్. టాలీవుడ్ లోని క్యూట్ కపుల్ లో మహేష్, నమ్రత ముందుంటారు.

ఇటీవలే వీరి పెళ్లి జ‌రిగిన 18 ఏళ్లు అయిన సంద‌ర్భంగా వారిద్ద‌రూ ఒక‌రికొక‌రు సోష‌ల్ మీడియా ద్వారా అభినంద‌న‌లు తెలియ‌జేసుకుంటూ ఎమోష‌నల్ పోస్టుల‌ను పెట్టారు మహేష్, నమ్రత. వీరిద్దరిది ఎంతో అన్యోన్యమైన జంట. వీరిద్దరిని మహేష్ అభిమానులు ఆదర్శంగా తీసుకుంటారు. పెళ్ళికి ముందు సినిమాల్లో నటించిన నమ్రత.. పెళ్లి తర్వాత పూర్తిగా ఇంటికే పరిమితం అయ్యారు. కుటుంబాన్ని, పిల్లలను చూసుకుంటూ ఉండిపోయారు. మహేష్ బిజినెస్ వ్యవహారాలన్నిటిని నమ్రతే చూసుకుంటారు.

మహేష్ కెరీర్ లో అతడి పై వచ్చిన రూమర్స్ కూడా తక్కువే. అంత క్లీన్ ఇమేజ్ మైంటైన్ చేస్తారు మహేష్. అయితే తాజాగా మహేష్.. ఇంకొక హీరోయిన్ తో డేటింగ్ లో ఉన్నాడంటూ రూమర్స్ స్ప్రెడ్ చేస్తున్నాడు ఒక క్రిటిక్. దుబాయ్ లో ఉండే ప్రముఖ రివ్యూయర్, క్రిటిక్ అయిన ఉమైర్ సంధూ మహేష్ కి, పూజ హెగ్డే తో ఎఫైర్ ఉందంటూ ట్వీట్ చేసాడు. ఉమైర్ సంధూ నిత్యం పలు సినిమాలపై, సెలబ్రెటీల పర్సనల్ లైఫ్ గురించి సోషల్ మీడియా వేదికగా పోస్ట్లు పెడుతూ ఉంటాడు.

అయితే ఇప్పుడు ఏకంగా మహేష్ గురించి ఇటువంటి ట్వీట్ చేయడం తో మహేష్ ఫాన్స్ ఆగ్రహం వ్యక్తం చేస్తున్నారు. నోటికి ఎలా వస్తే అలా మాట్లాడుతున్నాడు అంటూ ఫైర్ అవుతున్నారు. ఇంతకు ముందు కూడా చిరంజీవి గురించి, ప్రభాస్ గురించి కూడా కామెంట్స్ చేసాడు ఉమైర్.

అంతే కాకుండా పలు తెలుగు చిత్రాలు విడుదల కాక ముందే రివ్యూ లు ఇస్తూ వార్తల్లో నిలుస్తున్నాడు. వందల కోట్ల రూపాయల బడ్జెట్ తో తెరకెక్కే సినిమాలకు నెగిటివ్ రివ్యూలు ఇస్తూ ఆ సినిమాల బిజినెస్ కు ఉమైర్ సంధు తీవ్ర స్థాయిలో నష్టం చేస్తున్నారు అంటూ తెలుగు ప్రేక్షకులు అతడి పై ఆగ్రహం వ్యక్తం చేస్తున్నారు.

రాజమౌళి తెరకెక్కించిన ఆర్ఆర్ఆర్ చిత్రం ప్రస్తుతం ఆస్కార్ కి పోటీ పడుతున్న సంగతి తెలిసిందే. ఆస్కార్ గెలిచేందుకు మూవీ టీం గత కొంత కాలంగా అమెరికాలో ప్రమోషన్స్ నిర్వహిస్తూ వస్తున్నారు. కాగా ఈ ప్రమోషన్స్ గురించి టాలీవుడ్ దర్శకనిర్మాత తమ్మారెడ్డి భరద్వాజ్ ఇటీవల వివాదాస్పద వ్యాఖ్యలు చేశాడు. ఈ మూవీ ఆస్కార్ ప్రమోషన్స్ కోసం రాజమౌళి 80 కోట్లకు పైగా ఖర్చు చేస్తున్నాడు. అంటూ వ్యాఖ్యలు చేయడం తో ఈ వ్యాఖ్యలు కాస్త టాలీవుడ్ వివాదానికి దారి తీశాయి.

ఈ క్రమంలో మెగా బ్రదర్ నాగబాబు.. తమ్మారెడ్డి భరద్వాజ చేసిన వ్యాఖ్యలపై సోషల్ మీడియాలో తీవ్రస్థాయిలో మండిపడ్డారు. అయితే నాగబాబు తనపై చేసిన వ్యాఖ్యలకు దర్శక నిర్మాత తమ్మారెడ్డి భరద్వాజ స్పందించారు. దీనిపై ఆయన స్పందిస్తూ ఓక వీడియో ని విడుదల చేసారు. ఆ వీడియో లో తమ్మారెడ్డి భరద్వాజ మాట్లాడుతూ సీరియస్ అయ్యారు.

” ఒక సెమినార్ లో భాగంగా పరిశ్రమకు రావాలి అనుకుంటున్న కొంతమంది స్టూడెంట్స్ తో ఇంటరాక్ట్ అవ్వడం జరిగింది. ఈ క్రమంలోనే రిలీజ్ అయ్యాక పేరు వచ్చే సినిమాలు, రిలీజ్ కి ముందే పేరు సంపాదించే సినిమాలు, అవార్డులు, రివార్డులు కోసం తీసే సినిమాలు అంటూ వివరణ ఇచ్చే సమయంలో.. ప్రస్తుతం RRR మూవీ ఆస్కార్ ప్రమోషన్స్ కోసం 80 కోట్లకు ఖర్చు చేస్తుంది అంటూ వ్యాఖ్యానించాను. కానీ ఆ ముందు మాట్లాడిన మాటలు ఏమి పట్టించుకోకుండా, కేవలం ఖర్చు చేశారు అనే ఒక పదాన్ని తీసుకోని పలువురు ప్రముఖులు కూడా అకౌంట్స్ తెలుసా, అమ్మా మొగుడు ఖర్చు చేశాడు అంటూ వ్యాఖ్యానిస్తున్నారు.

నేను ఏ తప్పు చేయలేదు. క్షమాపణ చెప్పను. రెండు రోజుల క్రితం కూడా ఈ సినిమా దేశానికి గర్వ కారణం అంటూ రాజమౌళి గొప్పతనాన్ని తెలియజేస్తూ వీడియో కూడా పోస్ట్ చేయడం జరిగింది. దాని గురించి ఎవరు మాట్లాడలేదు. కానీ మూడు గంటల సెమినార్ లో కొద్దిపాటి ఆడియో ఎడిటింగ్ చేసి దాని మీద నిందలు వేయటం తగదు.” అని తమ్మారెడ్డి ఆ వీడియో లో మాట్లాడారు.

అంతే కాకుండా.. అసభ్య పదజాలాలు వాడటం తనకు తన తండ్రి నేర్పలేదని ఆయన అన్నారు. “నేనేం త‌ప్పు చేయ‌లేదు. నేను నోరు విప్పితే చాలా వుంటాయి. విప్పాల్సిన అవ‌స‌రం లేదు. ఇంత‌కాలం మ‌న‌మంతా ఒక్క‌టే అని ఫీల్ అయ్యాను. ఇప్పుడూ ఫీల్ అవుతున్నా. మీకు సిగ్గు లేక‌పోతే నాకు సిగ్గు లేకుండా ఉండ‌లేను. నాకు సిగ్గు, మానం, అభిమానం అన్నీ వున్నాయి.” అని ఆయన పేర్కొన్నారు. ప్రస్తుతం తమ్మారెడ్డి భరద్వాజ మాట్లాడిన వీడియో వైరల్ గా మారింది.

ప్రముఖ టాలీవుడ్‌ హీరో నందమూరి తారకరత్న ఫిబ్రవరి 18న కన్నుమూసిన సంగతి తెలిసిందే. నారా లోకేష్ పాదయాత్రలో పాల్గొన్న తారక రత్న గుండెపోటుకు గురయ్యారు. గుండెపోటుకు గురైన ఆయన 23 రోజుల పాటు మృత్యువుతో పోరాడి బెంగళూరు లో తుది శ్వాస విడిచారు. ఇది నందమూరి ఫ్యామిలీతో పాటు అభిమానులను తీవ్ర విషాదంలో ముంచింది. ఇప్పటికీ చాలామంది తారకరత్న మన మధ్య లేడంటే జీర్ణించుకోలేకపోతున్నారు.

ఇంత చిన్న వయసులో ఆయన తమని విడిచి వెళ్లడాన్ని వారి కుటుంబ సభ్యులు ఇంకా మర్చిపోలేకపోతున్నారు. ముఖ్యంగా ఆయన సతీమణి అలేఖ్యా రెడ్డి నిత్యం భర్తతో గడిపిన మధురజ్ఞాపకాలను గుర్తుతెచ్చుకుని కన్నీరుమున్నీరవుతోంది. ఆమెను ఓదార్చాడం ఎవరి తరం కావడం లేదు. ఆయన్ని మర్చిపోలేక.. తన ఆవేదనను సోషల్‌ మీడియాలో కూడా షేర్‌ చేసుకుంటోంది. వాలంటైన్స్‌డే రోజున తారకరత్న రాసిన ప్రేమలేఖ, తిరుమలలో ఫ్యామిలీతో కలిసి చివరిసారిగా దిగిన ఫొటోను పంచుకుంటూ తీవ్ర భావోద్వేగానికి గురైంది అలేఖ్య.

తాజాగా తారకరత్న కూతురు నిషిక రాసిన నోట్‌ ని సోషల్ మీడియా లో షేర్ చేసింది అలేఖ్య. ఆ నోట్ అందరినీ కదిలిస్తోంది. ‘అమ్మా నువ్వు చాలా ఆవేదనలో ఉన్నావు. నువ్వు ఇంకోసారి ఏడిస్తే.. నేను నీకు గుడ్‌బై చెబుతాను’ అని ఆ నోట్ లో రాసింది నిషిక. ఈ లేఖ ప్రస్తుతం సోషల్‌ మీడియాలో వైరల్‌గా మారింది. తల్లీకూతుళ్ల మధ్య అనుబంధానికి ప్రతీకగా ఈ నోట్‌ నిలుస్తుందంటూ నెటిజన్లు కామెంట్లు పెడుతున్నారు.

తారకరత్న ఆకస్మిక మరణం తో ఆయన భార్య అలేఖ్య ఎంతో బాధ పడుతున్నారు. తమ వైవాహిక జీవితానికి సంబంధించిన విషయాలను సోషల్ మీడియాలో పంచుకుంటూ.. భావోద్వేగానికి లోనవుతోంది అలేఖ్య. వాటిని చూసిన వారికి.. తారకరత్న-అలేఖ్యారెడ్డి మధ్య ఎంత బలైమన బంధం ఉందో.. ఆయన తన భార్యను ఎంతలా ప్రేమించారో అర్థం అవుతుంది. ఆమె పోస్ట్ లు చూసిన తీవ్ర భావోద్వేగానికి గురవుతున్నారు. అలేఖ్యారెడ్డి త్వరగా ఈ బాధ నుంచి బయటపడాలని కోరుకుంటున్నారు.

మెగా పవర్ స్టార్ రామ్ చరణ్ తేజ్ దర్శక ధీరుడు రాజమౌళి దర్శకత్వంలో వచ్చిన ఆర్ఆర్ఆర్ సినిమాతో సూపర్ హిట్ ని అందుకున్నారు. ఏకంగా గ్లోబల్ స్టార్ గా మారిపోయారు చరణ్. ప్రస్తుతం వరుస సినిమాతో బిజీగా ఉంటున్నారు కొన్ని సినిమాలలో హీరోగా నటిస్తూ ఉంటే కొన్ని సినిమాలను నిర్మిస్తున్నారు. చిరంజీవి గాడ్ ఫాదర్ సినిమాకి చరణ్ నిర్మాతగా వ్యవహరించారు అలానే ఆచార్య సినిమాకి కూడా ఆయనే నిర్మాతగా వ్యవహరించారు.

ప్రస్తుతం శంకర్ దర్శకత్వంలో ఒక సినిమా చేయబోతున్నారు ఈ సినిమాలో కియారా అద్వానీ చరణ్ పక్కన హీరోయిన్ గా చేస్తున్నారు. ఈ సినిమా షూటింగ్ కూడా జరుగుతోంది.

కేవలం వీళ్లిద్దరే కాక ప్రముఖ నటీనటులు ఈ సినిమాలో ముఖ్యపాత్రలు చేస్తున్నారు. ఈ సినిమాకి సంబంధించి ఇప్పటికే కొన్ని ఫోటోలు కూడా లీక్ అయ్యాయి పాన్ ఇండియా సినిమాగా ఈ సినిమా రాబోతోంది. అంజలి కూడా ఈ సినిమాలో నటిస్తోంది. పాన్ ఇండియా సినిమా కనుక ఈ సినిమా మీద ఎక్స్పెక్టేషన్స్ భారీగా ఉన్నాయి. ఈ సినిమాని దిల్ రాజు నిర్మిస్తున్నారు. తమన్ సంగీతం అందిస్తున్నారు. ఈ సినిమా ఫస్ట్ లుక్ టైటిల్ ని రామ్ చరణ్ బర్త్ డే సందర్భంగా మార్చి 27న విడుదల చేయబోతున్నారు.

ఈ సినిమా టైటిల్ ని ఇంకా ఫిక్స్ చేయలేదు కానీ నాలుగు టైటిల్స్ పేర్లు వినబడుతున్నాయి. అవే సేనాని, సేనాపతి, సీఈఓ, సైనికుడు. ఈ నాలుగు పేర్లు అయితే ప్రస్తుతం వినపడుతున్నాయి ఈ టైటిల్స్ ని రిజిస్టర్ చేయించారట.ఇదేంటి ఇంత సస్పెన్స్ పెడుతున్నారని నెటిజన్లు కామెంట్లు కూడా చేస్తున్నారు. సీఈఓ టైటిల్ దర్శక నిర్మాతలకి నచ్చింది. ఈ సినిమాలో రామ్ చరణ్ రెండు పాత్రలు చేయబోతున్నట్లు తెలుస్తోంది. ఒక పాటను ప్రస్తుతం షూటింగ్ చేస్తున్నారు ఈ పాట కోసం ఐదు కోట్లకి పైగా ఖర్చు చేశారట. ఇందులో చరణ్ చేసిన 80 సెకండ్ల డ్యాన్స్ హైలెట్ గా ఉంటుందని తెలుస్తోంది. పైగా సింగిల్ టేక్ లో డాన్స్ చేయడం విశేషం.

ఎప్పుడూ ఏదో ఒక న్యూస్‌తో ట్రెండింగ్‌లో నిలిచే తెలుగు సినిమా ఏదైనా ఉందంటే.. ఒక్క క్షణం కూడా ఆలోచించకుండా చెప్పే పేరు ఆర్‌ఆర్‌ఆర్. ఈ పాన్‌ ఇండియా ప్రాజెక్ట్‌ గ్లోబల్ బాక్సాఫీస్‌ వద్ద మరోసారి తెలుగు సినిమా స్థాయి ఏంటో చాటి చెప్పింది. ఇప్పటికే గోల్డెన్‌ గ్లోబ్‌ అవార్డు గెలుచుకున్న ఆర్‌ఆర్‌ఆర్‌.. రీసెంట్‌గా ప్రతిష్టాత్మక ఆస్కార్‌ నామినేషన్స్‌ లో ఒరిజినల్‌ సాంగ్‌ విభాగంలో ఆర్‌ఆర్‌ఆర్‌ నుంచి నాటు నాటు సాంగ్‌ కూడా చోటు దక్కించుకుంది.

అయితే ఎన్నో ప్రతిష్టాత్మక ఇంటర్నేషనల్ అవార్డులను గెలుచుకున్న ఆర్‌ఆర్‌ఆర్ ఇప్పుడు మరో ప్రత్యేకతను సొంతం చేసుకుంది. వరల్డ్ పాపులర్ రివ్యూ సంస్థ అయినటువంటి రోటెన్ టొమేటోస్ వారు 3 గంటల కన్నా ఎక్కువ నిడివి ఉన్న ఉత్తమ వంద చిత్రాల జాబితాను తాజాగా ప్రకటించారు. అందులో ఆర్ఆర్ఆర్ చోటు సంపాదించుకుంది. రాజమౌళి దర్శకత్వంలో ఎన్టీఆర్‌, రామ్‌చరణ్‌ హీరోలుగా నటించిన ఈ సినిమా బాక్సాఫీస్‌ దగ్గర భారీ విజయాన్ని అందుకుంది. అంతే కాదు ఓటీటీలోకి వచ్చాక అంతర్జాతీయంగా మంచి గుర్తింపును కూడా తెచ్చుకుంది. అలా పేరుతోపాటు పురస్కారాలు కూడా వస్తున్నాయి.

రోటెన్‌ టొమాటోస్‌ తాజాగా విడుదల చేసిన ఉత్తమ 100 చిత్రాల జాబితాలో ‘ఆర్‌ఆర్‌ఆర్‌’ సినిమా 12వ స్థానంలో నిలవగా, ఆమిర్‌ ఖాన్‌ – అషుతోష్‌ గోవారికర్‌ కాంబోలో వచ్చిన ‘లగాన్‌’ చిత్రం 13వ ప్లేస్‌లో ఉంది. రిచర్డ్‌ అటెన్‌బర్గ్‌ ఆస్కార్‌ విన్నింగ్‌ సినిమా అయిన ‘గాంధీ’ చిత్రానికి 32వ స్థానం దక్కింది. అనురాగ్‌ కశ్యప్‌ తెరకెక్కించిన ‘గ్యాంగ్స్‌ ఆఫ్‌ వసీపుర్ చిత్రం 70వ ప్లేస్‌లో నిలిచింది.

గతేడాది కూడా రోటెన్ టొమేటోస్ వారు ఆర్ఆర్ఆర్ సినిమాకు 2022 ఫ్యాన్ ఫెవరెట్ చిత్రంగా అవార్డు ప్రకటించారు. ఇక ఆర్ఆర్ఆర్ మూవీ ఇండియన్ సినిమాకు ఎంతో గర్వకారణంగా నిలిచింది అనే చెప్పాలి.అగ్ర డైరెక్టర్ ఎస్ ఎస్ రాజమౌళి డైరెక్ట్ చేసిన ఈ సినిమా గత ఏడాది రిలీజ్ అయ్యి వరల్డ్ వైడ్ గా సంచలన విజయాన్ని నమోదు చేసింది. మన స్టార్ హీరోలు మెగా పవర్ స్టార్ రామ్ చరణ్ తేజ్, యంగ్ టైగర్ ఎన్టీఆర్ హీరోలుగా తెరకెక్కిన భారీ మల్టీ స్టారర్ 1200 కోట్లకు పైగానే కలెక్షన్స్ సాధించింది.ఈ సినిమా రిలీజ్ అయ్యి ఇన్ని రోజులు అవుతున్న వరల్డ్ వైడ్ గా చర్చ జరుగుతూనే ఉంది.

టాలీవుడ్‌లో అర్జున్ రెడ్డి సినిమాతో స్టార్ డైరెక్టర్‌గా మారి, తర్వాత అదే సినిమా రీమేక్‌ కబీర్ సింగ్‌తో బాలీవుడ్‌లో ఎంట్రీ ఇచ్చి స్టార్ డైరెక్టర్‌గా మారిపోయాడు సందీప్ రెడ్డి వంగా. అర్జున్ రెడ్డి చిత్రంతో సెన్సేష‌న‌ల్ హిట్‌ను సాధించి తెలుగు ఇండ‌స్ట్రీని త‌న వైపు తిరిగి చూసేలా చేసుకున్న ద‌ర్శ‌కుడు. విజ‌య్ దేవ‌ర‌కొండ‌ను స్టార్ హీరోగా నిలబెట్టాడు.

అయితే ఈ రెండు సినిమాల తర్వాత చాలా గ్యాప్ తీసుకుని ఇప్పుడు మరో సినిమాను అనౌన్స్ చేశారు. ‘యానిమల్’ పేరుతో బాలీవుడ్ హీరో రణ్‌బీర్ కపూర్‌తో సినిమా చేస్తున్నట్లు క్లారిటీ ఇచ్చేసారు. అయితే “ఈ చిత్ర కథ విన్న తర్వాత ..రెస్ట్ రూమ్ కి వెళ్లి ఒకసారి అద్దంలో చూసుకొని చాలా భయపడ్డాను. కెరియర్లో ఇలాంటి కథ పాత్ర చేయడం మొదటిసారి అని చాలా భయపడ్డాను ఈ కథకు నేను న్యాయం చేయగలనా అనిపించింది” అని రణబీర్ తెలిపారు. తండ్రీ కొడుకుల మధ్య సాగే ఆసక్తికరమైన గ్యాంగ్ స్టర్ డ్రామాగా యానిమల్ సినిమా ఉంటుందని సమాచారం.

అయితే ఈ చిత్రాన్ని మొదట మహేష్ బాబు కి చెప్పగా తండ్రీ కొడుకుల మధ్య సాగే గ్యాంగ్ స్టర్ డ్రామా తన పర్సనాలిటీ కి సరిపోదని మహేష్ రిజెక్ట్ చేసారని తెలుస్తోంది. ఇక అర్జున్ రెడ్డి రీమేక్ తో బోల్డ్ ప్రెజెంటేష‌న్ ఇచ్చిన సందీప్‌కు బాలీవుడ్‌లో వరుసగా ఆఫర్లు వస్తుండడంతో మహేష్‌బాబుకు చెప్పిన కథతోనే అక్కడ సినిమా తీసేస్తున్నాడు అంటున్నాయి ఫిల్మ్ నగర్ వర్గాలు.

బాలీవుడ్ సినిమాలతో పోలిస్తే సౌత్ సినిమాలలో హింస కాస్త ఎక్కువగానే ఉంటుంది. అయితే బాలీవుడ్లో హింస చాలా తక్కువే అని చెప్పాలి హిందీ ప్రేక్షకులకు అభిరుచి తగ్గట్టుగా ఈ చిత్రం ఉంటూనే సౌత్ ప్రేక్షకులకు అభిరుచి తగ్గట్టుగా ఈ సినిమాని తెరకెక్కిస్తున్నామని మేకర్స్ గతంలోనే తెలిపారు. ఈ మూవీ లో ర‌ష్మిక మంద‌న్న హీరోయిన్‌గా న‌టిస్తుంది. అనీల్ క‌పూర్‌, బాబీ డియోల్ ఇత‌ర కీల‌క పాత్ర‌ల్లో న‌టిస్తున్నారు. ఈ చిత్రం విడుదల అయిన తర్వాత ఎటువంటి ఫలితాన్ని పొందుతుందో చూడాలి.