Filmy Adda

టాలీవుడ్ టాప్ డైరెక్టర్ ఎస్ఎస్ రాజమౌళి బాహుబలి చిత్రం తో తెలుగు చలనచిత్ర గొప్పదనాన్ని ప్రపంచవ్యాప్తంగా తెలియజేశాడు. ఇక ఇప్పుడు ఆర్ఆర్ఆర్ చిత్రం తో అంతర్జాతీయ స్థాయిలో అవార్డులు కొల్లుగొడుతున్నాడు. మరో వైపు దర్శకుడిగా రాజమౌళి 20 ఏళ్ళ ప్రస్థానాన్ని పూర్తి చేసుకున్నాడు.

రాఘవేంద్రరావు నిర్మాణ పర్యవేక్షణలో జూనియర్ ఎన్టీఆర్ హీరోగా తీసిన స్టూడెంట్ నెంబర్.1తో దర్శకుడిగా మారాడు రాజమౌళి. తొలి సినిమాతోనే తనేంటో ప్రూవ్ చేసుకున్నాడు. స్టూడెంట్ నెం.1 తో ప్రారంభమైన రాజమౌళి విజయయాత్ర నేటికీ అప్రతిహతంగా కొనసాగుతునే ఉంది.

దర్శకుడు కాకముందు పలు టీవీ సీరియల్స్‌కు దర్శకుడిగా పనిచేసిన రాజమౌళి . స్టూడెంట్ నెం.1 నుండి ఆర్ఆర్ఆర్ వరకు ప్రతి సినిమాతో బాక్సాఫీస్‌ను షేక్ చేస్తూనే ఉన్నాడు. కెరీర్ తొలినాళ్లలో దర్శకేంద్రుడు కె.రాఘవేంద్రరావు వద్ద పలు సీరియల్స్‌‌తో పాటు సినిమాలకు అసిస్టెంట్ పనిచేసిన రాజమౌళి…ఆయన వద్దే దర్శకత్వంలో ఎన్నో మెళకువలు నేర్చుకున్నారు. అల్పజీవి ఈగనే హీరోగా చేసి…సక్సెస్ కొట్టడం ఒక్క రాజమౌళికే చెల్లింది. గ్రాఫిక్స్ ప్రధానంశంగా తెరకెక్కిన ఈ సినిమాతో టాలీవుడ్ లోనే కాకుండా మొత్తం ఇండియా తనవైపు చూసేలా చేసాడు రాజమౌళి.

అయితే రాజమౌళి తన సినిమా చివరిలో ” యాన్ ఎస్ ఎస్ రాజమౌళి ఫిల్మ్..” అని స్టాంప్ వేయడం మనకి తెల్సిందే. అయితే అలా ఎందుకు వేస్తారో గతం లో రాజమౌళి ఒక ఇంటర్వ్యూ లో చెప్పారు. ” సాధారణం గా సినిమాల్లో పేర్లు వేసేటపుడు.. డైరెక్టర్స్ పేర్లు, నిర్మాతల పేర్లు చాలా చిన్నగా ఉంటాయి. మనకి ఇంట్రెస్ట్ ఉంటేనే వాటిని చదువుతాం. అందుకే నాకు ఒక ఇన్సెక్యూరిటీ ఫీలింగ్ వచ్చేసింది. ఇది నా సినిమా అని అందరికి తెలియాలి అని ఆ స్టాంప్ వెయ్యడం స్టార్ట్ చేశాను. దీని వల్ల చదువు రాని వాళ్లకు కూడా ఇది నా సినిమా అని తెలుస్తుంది. ఇక ఆ స్టాంప్ ప్రస్తుతం ఒక బ్రాండ్ లాగ మారిపోయింది ” అని రాజమౌళి వెల్లడించారు.

ఇక ప్రస్తుతం రాజమౌళి తెరకెక్కించిన ఆర్ఆర్ఆర్ సినిమా అంతర్జాతీయ స్థాయిలో అనేక అవార్డులు గెలుచుకుంటూ సత్తా చాటుతోంది. ఇప్పటికే ఈ సినిమాకు గోల్డెన్ గ్లోబ్, న్యూయార్క్ ఫిల్మ్ క్రిటిక్స్, సీటెల్ ఫిల్మ్ క్రిటిక్స్ వంటి అవార్డ్సు గెలుచుకుంది. అలాగే నాటు నాటు ఒరిజినల్ సాంగ్ కేటగిరీలో ఆస్కార్ బరిలో నిలిచిన విషయం తెలిసిందే. ఇక రాజమౌళి తన తదుపరి చిత్రం మహేష్ బాబు తో తెరకెక్కించనున్నారు.

watch video:

తెలుగు సినిమా ముఖ చిత్రం నందమూరి తారక రామారావు గారు. పౌరాణిక పాత్రలైనా, సాంఘిక పాత్రలైనా ఆయన చేస్తే సూపర్ హిట్ అవ్వాల్సిందే. పరిశ్రమలో నటసార్వభౌముడుగా నందమూరి తారకరామారావు ఎవరికీ సాధ్యం కాని రీతిలో ఖ్యాతిని సంపాదించారు.
అప్పట్లో ఆయనతో నటించాలని ప్రతి ఒక్క ఆర్టిస్ట్ కోరుకొనే వారు. ఎన్టీఆర్ పక్కన ఒక్కసారి కనిపిస్తే చాలు అని అనుకునే వారు.

అన్న గారి సినిమాలో ఛాన్స్ ఇప్పించండి అంటూ స్పెషల్ రిక్వెస్ట్ లు కూడా చేసుకునేవారట. ఎన్టీఆర్ తరం వారు మాత్రమే కాదు ఆ తర్వాత తరం వారు కూడా ఎన్టీఆర్ సినిమా లో ఒక్క ఛాన్స్ వచ్చినా చాలు అని ఎంతో ఆశగా ఎదురు చూసే వారు.

వాస్త‌వానికి తెలుగు సినీ రంగంలోని అంద‌రు హీరోయిన్లు కూడా.. అన్న‌గారితో క‌లిసి న‌టించిన వారే. సావిత్రి నుంచి శ్రీదేవి వ‌ర‌కు అంద‌రూ అన్న‌గారితో క‌లిసి డ్యాన్సులు చేసిన‌వారే.. వెండితెర‌పై న‌టించిన వారే. కానీ స్టార్ హీరోయిన్ అయిన సుహాసిని కి అన్న గారితో కలిసి నటించే అవకాశం రాలేదు.

అన్న‌గారు మంచి ఫామ్‌లో ఉన్న‌ప్పుడే.. సుహాసిని కూడా రంగంలో ఉన్నారు. అయితే.. ఆమెకు అన్న‌గారితో న‌టించాల‌ని కోరిక ఉండేది. ఈ విషయమే ఇటీవల ఒక ఇంటర్వ్యూలో చెప్పుకొచ్చింది. 1983లో వచ్చిన స్వాతి సినిమాలో క్యారెక్టర్ నటుడు పాత్ర కోసం సుహాసిని అన్న గారిని సంప్రదించిందని ఇండస్ట్రీలో టాక్ వినిపించింది.ఈ సినిమాలో శారద నటించిన స్వాతి పాత్రకు తల్లి పాత్ర చేసింది.

చిన్నప్పుడే భర్తను కోల్పోయిన తన తల్లి కి మళ్లీ పెళ్లి చేసింది స్వాతి.భర్త గా కొంగర జగ్గయ్య నటించారు.జగ్గయ్య పాత్రకోసం ఎన్టీఆర్ ను తీసుకోవాలని దర్శకుడు క్రాంతికుమార్ అనుకున్నారట.కానీ అన్నగారు అప్పటికే పార్టీ ని ప్రారంభించే కార్యక్రమాల్లో బిజీగా ఉండటంతో చివరికి ఈ సినిమా ఒప్పుకోలేక పోయారు.

ఇలా అన్న గారితో నటించే అవకాశం మిస్ చేసుకున్న సుహాసిని. ఆ తర్వాత మాత్రం నటించే అవకాశం అందుకోలేకపోయింది. కానీ ఎన్టీఆర్ త‌న‌యుడు బాల‌య్య‌తో ఎన్నో బ్లాక్‌బ‌స్ట‌ర్ హిట్ సినిమాల్లో న‌టించారు ఆమె.

కమల్ హాసన్ సోదరుడు చారు హాసన్ కుమార్తె అయిన సుహాసిని దర్శకుడు మణిరత్నం ను వివాహం చేసుకున్నారు. అడపా దడపా సినిమాలు చేస్తూ ప్రేక్షకులను పలకరిస్తున్నారు సుహాసిని.

విశ్వ నటుడు కమల్ హాసన్ నటిస్తోన్న ‘ఇండియన్ 2’ సినిమా ప్రస్తుతం నిర్మాణ దశలో ఉంది. దర్శకుడు శంకర్ ‘ఇండియన్ 2’, ‘ఆర్‌సీ 15’ రెండు సినిమాల షూటింగ్‌లతో బిజీబిజీగా ఉన్నారు. ‘ఇండియన్ 2’ షూటింగ్ చెన్నైలో శరవేగంగా జరుగుతోంది. ఈ చిత్రాన్ని దీపావళి కి విడుదల చేయనున్నట్లు సమాచారం. పాన్ ఇండియా లెవెల్‌లో తెరకెక్కుతున్న ఈ సినిమాలో కాజల్ అగర్వాల్ హీరోయిన్‌గా నటిస్తోంది. రకుల్ ప్రీత్ సింగ్, ప్రియా భవానీ శంకర్ కీలక పాత్రలు పోషిస్తున్నారు. అనిరుధ్ రవిచందర్ ఈ చిత్రానికి కూడా సంగీతం అందించనున్నారు.

నిజానికి ఈ సినిమా ఎప్పుడో విడుదల కావాల్సింది. కానీ నిర్మాత‌ల‌కు, శంక‌ర్‌కు మధ్య వ‌చ్చిన బ‌డ్జెట్ స‌మ‌స్య‌లు స‌హా క‌రోనా వంటి కార‌ణాల‌తో మ‌ధ్య‌లోనే సినిమా షూటింగ్ ఆగిపోయింది. మళ్ళీ అన్ని సమస్యలు పూర్తి చేసుకొని షూటింగ్ ని జరుపుకుంటోంది. ఈ సినిమా షూటింగ్ ప్రస్తుతం చెన్నైలోని ఆదిత్య రామ్ స్టూడియోస్‌లో జరుగుతోంది. అయితే ఈ సినిమాకి సంబంధించిన ఒక అప్డేట్ కూడా సోషల్ మీడియాలో ఇప్పుడు తెగ వైరల్ గా మారింది. ఒకరు కాదు ఇద్దరు కాదు ఈ సినిమాలో ఏకంగా ఆరుగురు విలన్లు ఉండబోతున్నారట.

#1 సముద్రఖని

ప్రముఖ టాలీవుడ్ నటుడు సముద్రఖని అందులో ఒక విలన్ పాత్రలో కనిపించనున్నారని తెలుస్తోంది. ఈయనతో పాటు

#2 బాబీ సింహా

#3 జయప్రకాష్

#4 గురు సోమసుందరం

#5 మరిముత్తు

#6 శివాజీ గురువాయూర్

ప్రతినాయక పాత్రలను చేస్తున్నారు అని సమాచారం. ప్రముఖ కమెడియన్ వెన్నెల కిషోర్ కూడా ఒక విలన్ గా నటించబోతున్నట్లు వార్తలు వచ్చాయి కానీ అవి నిజం కాదని ఆయన వెల్లడించారు.

ఈ భారీ బడ్జెట్ చిత్రాన్ని లైకా ప్రొడక్షన్స్, రెడ్ జెయింట్ మూవీస్ కలిసి ప్రొడ్యూస్ చేస్తున్నాయి. గతంలో వచ్చిన ‘భారతీయుడు’ సినిమా కూడా భారీ విజయం సాధించింది. ఇప్పటివరకు విడుదల చేసిన ఫస్ట్ లుక్, పోస్టర్స్‌కు భారీ రెస్పాన్స్ కూడా వచ్చింది. అయితే ఇంతకు ముందు ముందు లోకేష్ కనకరాజ్ డైరెక్షన్‌లో కమల్ హాసన్ హీరోగా వచ్చిన ‘విక్రమ్’ మూవీ భారీ విజయం సాధించింది. చాలా ఏళ్ల తర్వాత కమల్ హాసన్‌కు బిగ్గెస్ట్ బ్లాక్ బస్టర్ ఇచ్చింది. ఇదే ఊపులో ‘ఇండియన్ 2’ చిత్రాన్ని కంప్లీట్ చేసి విజయం సాధించాలని డైరెక్టర్ శంకర్, కమల్ భావిస్తున్నారట.

టాలీవుడ్‌లో ఏటా కొన్ని వందల సినిమాలు విడుదలవుతాయి. వాటిలో కొన్ని మాత్రమే ప్రేక్షకులను మెప్పిస్తాయి. కొన్ని మాత్రమే కాసుల వర్షం కురిపిస్తాయి. కొన్ని సినిమాలు విమర్శకుల ప్రశంసలు అందుకున్నా డబ్బులు మాత్రం తెచ్చిపెట్టవు. చిన్నా పెద్దా.. క్లాస్ మాస్.. ఇలా అన్ని ఫార్మాట్లలోనూ తెలుగు సినిమా ఆడియన్స్‌ను ఎంటర్‌టైన్ చేస్తూనే ఉంటుంది.

అయితే ప్రేక్షకులు కూడా సినిమాలని అలాగే ఆదరిస్తూ వచ్చారు. అయితే మీరు ఒక నిజమైన సినిమా ఫ్యాన్ అయితే ఈ కింద ఇచ్చిన ఎమోజీల ఆధారంగా ఆ సినిమాలేవో చెప్పండి..

#1

#2

#3

#4

#5

#6

#7

#8

#9

జవాబులు :

#1 సర్కారు వారి పాట

#2 పుష్ప

#3 జాతి రత్నాలు

#4 వకీల్ సాబ్

#5 జెర్సీ

#6 మహానటి

#7 లైగర్

#8 డీజే టిల్లు

#9 RRR

సుకుమార్ దర్శకత్వంలో అల్లు అర్జున్, రష్మిక జంటగా వచ్చిన పాన్ ఇండియన్ సినిమా ‘పుష్ప’ ఎంత పెద్ద విజయం సాధించిందో అందరికి తెలిసిందే. అల్లు అర్జున్ సినిమా తెలుగు, మలయాళంలోనే హిట్ అవుతుందనుకుంటే, మొత్తం దేశాన్నే షేక్‌ చేసింది ఈ సినిమా. భారీ అంచనాల మధ్య విడుదలైన ఈ సినిమా బాక్సాఫీస్ వద్ద మంచి విజయాన్ని సాధించింది. ఇక ఈ సినిమా రెండవ భాగమైన “పుష్ప: ది రూల్” పైన అంచనాలు రోజు రోజుకీ పెరుగుతూ వస్తున్నాయి.

‘పుష్ప’ సినిమాలో అల్లు అర్జున్‌ను కొత్తగా ఆవిష్కరించడమే కాదు.. ఆ చిత్రంలో చాలా సన్నివేశాలను ఇది వరకు ప్రేక్షకులు చూడని విధంగా చూపించారు దర్శకుడు సుకుమార్. అందుకే, దేశ వ్యాప్తంగా అన్ని భాషల ప్రేక్షకులను ఈ సినిమా ఆకట్టుకుంది. అయితే ‘పుష్ప: ది రూల్’ వచ్చే ఏడాది ప్రేక్షకుల ముందుకి రానుంది. ఈ మూవీ పై భారీ అంచనాలు ఉన్నాయి. ఈ రెండో పార్ట్ తో వెయ్యి కోట్లు కలెక్ట్ చెయ్యాలని సుకుమార్ ప్లాన్ చేస్తున్నాడట. ఇప్పటికే ఈ చిత్ర షూటింగ్ శరవేగంగా జరుగుతోంది. అయితే తాజాగా ఈ చిత్రానికి సంబంధించిన ఒక అప్డేట్ వైరల్ గా మారింది.

దర్శకధీరుడు రాజమౌళి తెరకెక్కించిన ఆర్ఆర్ఆర్ చిత్రం ఆస్కార్ కి ఒక అడుగు దూరం లో నిలిచింది. ఈ చిత్రం ఆస్కార్ అవార్డు గెలవాలని దేశం మొత్తం ఎదురుచూస్తోంది. అయితే ఆర్ఆర్ఆర్ కు ఆస్కార్ వస్తే పుష్ప2 కు కూడా ఆస్కార్ కోసం భారీ స్థాయిలో ఖర్చు చేయనున్నారని సమాచారం అందుతోంది. పుష్ప 2 సినిమా ప్రారంభం కాస్త ఆలస్యమైనా, రిలీజ్ విషయంలో మూవీ యూనిట్ పక్కాగా ప్రణాళికలు వేస్తున్నట్టుగా తెలుస్తోంది. వరల్డ్ వైడ్ గా ఒకేసారి పుష్ప2 ను ఆడియెన్స్ ముందుకు తేవాలనే ఇప్పటి నుండే ప్రణాళికలు వేస్తున్నారు. ఇరవైకి పైగా దేశాల్లో ఈ మూవీని ఒకేసారి విడుదల చేయాలనే లక్ష్యంతో పని చేస్తోంది మైత్రీ టీమ్‌ అండ్‌ సుకుమార్‌ టీమ్‌.

ఇక దీని కోసం ఇంటర్నేషనల్ ప్రమాణాలతో మూవీను రూపొందించడంతో పాటు, వివిధ భాషల్లో కూడా విడుదల చేయాలని చూస్తున్నారు. దీనితో పాటుగా తొలి పార్టు సినిమా చివరి సమయంలో కంగారు పడిన ఎక్స్పీరియన్స్ ని దృష్టిలో ఉంచుకుని, మళ్ళీ అలాంటివి రాకుండా విడుదల తేదీ ప్రకటించాలని అనుకుంటున్నారట మేకర్స్. ఇక పుష్ప: ది రైజ్ మూవీ సైమా అవార్డ్స్ వేడుకలో పుష్ప 6 కేటగిరీస్ లో అవార్డ్స్ గెలుచుకుని రికార్డ్ క్రియేట్ చేసింది. ఈ మూవీ లో రఫ్ అండ్ మాస్ క్యారెక్టర్ లో అల్లు అర్జున్ అద్భుతంగా పెర్ఫార్మ్ చేసి అందరి ప్రశంసలు అందుకున్నారు.

మాస్ మహారాజా రవితేజ, అందాల భామ శ్రీలీల కాంబినేషన్‌లో టీజీ విశ్వప్రసాద్ నిర్మాతగా నక్కిన త్రినాథ రావు దర్శకత్వంలో రూపొందిన చిత్రం ధమాకా. రిలీజ్‌కు ముందు మ్యూజికల్‌గా అంచనాలు పెంచిన ఈ చిత్రం ఓ మోస్తారు అంచనాలతో విడుదలైంది. 23 డిసెంబర్‌లో ప్రేక్షకుల ముందుకు వచ్చిన ఈ చిత్రం తొలి ఆట నుంచి సక్సెస్ టాక్‌తో దూసుకెళ్లింది. ట్రేడ్ వర్గాల అంచనాలకు మించి ఈ చిత్రం భారీ వసూళ్లను సాధించింది.

ధమాకా సినిమా ప్రేక్షకులను అలరించడానికి మ్యూజిక్ డైరెక్టర్ భీమ్స్ సిసిరోల్స్ అందించిన పాటలు, బ్యాక్ గ్రౌండ్ మ్యూజిక్ ప్రధాన కారణమని చెప్పవచ్చు. పాటలకు తగినట్టుగా శ్రీలీల వేసిన స్టెప్పులు, ఎప్పటిలానే రవితేజ మేనరిజం సినిమాను మరో మెట్టు ఎక్కించాయి. తన రెండో చిత్రం తోనే శ్రీలీల తనలోని నటిని, డాన్సర్ ని ప్రేక్షకులకి పరిచయం చేసేసింది. అలాగే రెగ్యులర్ కథ అయినప్పటికీ.. త్రినాథ రావు సినిమాను రూపొందించిన విధానం సగటు ప్రేక్షకుడిని కట్టి పడేసిందని చెప్పవచ్చు.

క్రాక్ తర్వాత వచ్చిన రవితేజ చిత్రాలు ప్లాప్ కావడం తో ఈ చిత్రం పై పెద్దగా బిజినెస్ జరగలేదు. డిస్టిబ్యూటర్లు, ఎగ్జిబ్యూటర్లు ధమాకా సినిమా విషయం ముందు వెనుక ఆలోచించారనేది ట్రేడ్ వర్గాల సమాచారం. ధమాకా చిత్రానికి రెండు తెలుగు రాష్ట్రాల్లో 16 కోట్ల మేర బిజినెస్‌ జరిగింది. ఇక ఇతర రాష్ట్రాలు, ఓవర్సీస్ అంతా కలిపి ఈ సినిమా ప్రపంచవ్యాప్తంగా 18.5 కోట్ల మేర బిజినెస్ నమోదు చేసింది. దాంతో ఈ సినిమా బ్రేక్ ఈవెన్ లక్ష్యాన్ని 19.5 కోట్లుగా ట్రేడ్ వర్గాలు నిర్ణయించాయి.

అయితే ఈ చిత్రం రెండు తెలుగు రాష్ట్రాల్లో సుమారు 37 కోట్ల షేర్ 70 కోట్ల గ్రాస్ రూపాయలను వసూలు చేసింది. కర్ణాటక, ఇతర రాష్ట్రాల్లో కలిపి మొత్తంగా 3.5 కోట్లకుపైగా, అమెరికా, ఇతర దేశాల్లో 2.75 కోట్లు వసూలు చేసింది. దాంతో ఈ చిత్రం ప్రపంచవ్యాప్తంగా 45 కోట్ల షేర్, 85 కోట్ల రూపాయాల గ్రాస్ వసూళ్లను రాబట్టింది. దీంతో ధమాకా చిత్రం బాక్సాఫీస్ జర్నీ 19.5 కోట్ల బ్రేక్ ఈవెన్ లక్ష్యంతో బరిలోకి దిగి 25.5 కోట్లకుపైగానే లాభాన్ని ఆర్జించింది. రవితేజ కెరీర్‌లోనే అత్యధిక వసూళ్లు సాధించిన చిత్రంగా ధమాకా నిలిచింది.

ఈ మధ్య కాలంలో చిన్న సినిమాలు కూడా బాగానే హిట్ అవుతున్నాయి. భారీగా సినిమా ని తీసుకు రావలసిన అవసరం లేదు. నిజానికి చాలా మంది పెద్ద పెద్ద సినిమాలని కొన్ని వేల కోట్ల రూపాయలని ఖర్చు చేసి తీస్తున్నారు. అయినా కూడా ఆ సినిమాలు హిట్ అవడం లేదు. నిజానికి ఈ రోజుల్లో కంటెంట్ బాగుంటే సినిమా హిట్ అవుతుంది. పైగా సినిమాల్లో పెద్ద పెద్ద హీరోలు హీరోయిన్లు గొప్ప నటులు ఉండాల్సిన పని కూడా లేక పోయింది.

కాస్టింగ్ తో పని లేకుండా బడ్జెట్ తో పని లేకుండా కూడా సినిమాలు హిట్ అయిపోతున్నాయి. రోమాంచం సినిమా కూడా అలానే హిట్ అయింది.

సినిమా చూసే వాళ్ళు మంచి కంటెంట్ కోసం సరైన కంటెంట్ కోసం చూస్తున్నారు తప్ప సినిమాలో నటించే నటీ నటుల గురించి కానీ సినిమా బడ్జెట్ గురించి కానీ చూడడం లేదు. మంచి కంటెంట్ ని ప్రతి ఒక్కరూ ప్రోత్సహిస్తున్నారు. ఎంత పెద్ద పెద్ద స్టార్లు సినిమా లో నటిస్తున్నా కథ నచ్చక పోతే సినిమాని చూడడం లేదు. తమిళ్ లో వచ్చిన లవ్ టుడే కూడా అలాంటి సినిమా ఏ. అలానే తెలుగులో వచ్చిన పెళ్లి చూపులు సినిమా కూడా అటువంటిదే.

కన్నడ లో వచ్చిన కాంతారా సినిమా కూడా సక్సెస్ ని అందుకుంది. మలయాళం లో అయితే రోమాంచం వచ్చి చేరింది ఇప్పుడు. సౌబిన్ షాహిర్, అర్జున్ అశోకం, సాజిన్ గోపు, సిజు సన్నీ, అబిన్ బినో తదితరులు ముఖ్య పాత్రలు చేసారు.  ఈ మూవీ ని రెండు కోట్ల బడ్జెట్ తో తెర మీద కి తీసుకు రాగా 50 కోట్లకు పైగా సినిమా వసూలు చేసింది. ఇప్పటికి కూడా మంచి కలెక్షన్స్ ఈ సినిమా కి వస్తున్నాయి. ఈ సినిమా రీమేక్ రైట్స్ కోసం తెలుగు తమిళ నిర్మాతలు చూస్తున్నారు.

మంచు మనోజ్ మౌనిక కొన్ని రోజుల నుండి రిలేషన్ షిప్ లో ఉన్నారు. కొన్ని గంటల క్రితం వీళ్ళిద్దరి పెళ్లి జరిగింది. వీళ్ళ పెళ్లి కి సంబంధించి నెట్టింట అనేక విషయాలు బయటకు వచ్చాయి. మోహన్ బాబు వీళ్ళ పెళ్ళికి ఒప్పుకోలేదని… అందుకు మనోజ్ తన ఫ్యామిలీ కి సినిమాల కి కూడా దూరంగా ఉంటున్నారని కూడా వార్తలు వచ్చాయి.

అలానే మనోజ్ కూడా తన భార్య మౌనిక ఫోటోని సోషల్ మీడియాలో షేర్ చేయడం జరిగింది దాంతో ప్రతి ఒక్కరు కూడా అభినందనలు తెలుపుతున్నారు.

భూమా మౌనిక గురించి చాలా మందికి తెలీదు ఆమె బ్యాగ్రౌండ్ గురించి ఇప్పుడు చూద్దాం… మౌనిక అసలు పేరు భూమా నాగ మౌనిక రెడ్డి. ఈమె భూమా నాగిరెడ్డి భూమా శోభ రెడ్డి ల రెండవ కూతురు. చాలా కాలం నుండి కూడా మంచు ఫ్యామిలీకి భూమా ఫ్యామిలీకి పరిచయం ఉంది.

మౌనిక లో కూడా ఇది వరకు పెళ్లయింది గణేష్ రెడ్డి అనే ఒక వ్యక్తి ని 2016లో వివాహం చేసుకున్నారు. వాళ్లకి ఒక కొడుకు కూడా ఉన్నారు. తన పేరు ధైరావ్ రెడ్డి. మౌనిక గణేష్ మధ్య ఇబ్బందులు కలగడంతో వాళ్ళిద్దరూ కూడా విడిపోయారు. భూమా మౌనిక కి మంచి పేరు ఉంది. కర్నూలు లోని ఆళ్లగడ్డ నియోజకవర్గం మౌనికది. చుట్టుపక్కల కూడా ఈమెకి చాలా మంచి పేరు ఉంది. మనోజ్ కూడా తన భార్య ప్రణతి రెడ్డి కి విడాకులు ఇచ్చేశారు.

ఇది ఇద్దరికీ కూడా రెండవ పెళ్లి. మోహన్ బాబు కి మాత్రం మనోజ్ మౌనికని పెళ్లి చేసుకోవడం ఇష్టం లేదు. సోషల్ మీడియాలో ఇప్పుడు మనోజ్ మౌనికల పెళ్లి ఫోటోలు వైరల్ గా మారాయి. ఇదిలా ఉంటే ఈ మధ్యన మనోజ్ సినిమాలు చేయలేదు. మొన్న మొన్ననే ”వాట్ ది ఫిష్” అనే సినిమాని చేస్తున్నట్లు అధికారికంగా ప్రకటించారు మంచు మనోజ్ కానీ తన వ్యక్తిగత జీవితం గురించి ఎటువంటి విషయాలని బయట పెట్టలేదు. పెళ్లి ప్రస్తావన కూడా ఎక్కడా తీసుకురాలేదు మనోజ్.

ఈ ఏడాది లో రెండో నెల ఫిబ్రవరి కూడా ముగింపుకొచ్చేసింది.. సంక్రాంతి సీజన్ పెద్ద హీరోల సినిమాలతోనే సరిపోయింది.. ఫిబ్రవరిలో ఎక్కువగా చిన్న చిత్రాలు సందడి చేశాయి కానీ హిట్ పర్సంటేంజ్ చాలా అంటే చాలా తక్కువ. ఇక వచ్చేది పరీక్షల సీజన్ కావడం తో మరో మూడు, నాలుగు వారాల పాటు చిన్న సినిమాలే విడుదల కానున్నాయి. ఇక కంటెంట్ ఉంటే చిన్న చిత్రాలను కూడా పాన్ ఇండియా రేంజ్ లో హిట్ చేస్తున్నారు ఆడియన్స్. ఇక ఈ వారం థియేటర్లలో విడుదల కానున్న చిత్రాలేవో ఇప్పుడు చూద్దాం..

#1 బలగం

వేణు ఎల్దండి దర్శకత్వం లో ప్రియదర్శి, కావ్య కళ్యాణ్ రామ్ ప్రధాన పాత్రల్లో.. పల్లెటూరి నేపథ్యంలో తెరకెక్కిన చిత్రం ‘బలగం’. ప్రోమోలతోనే పాజిటివ్ వైబ్రేషన్స్ తెచ్చుకున్న ‘బలగం’ మూవీని మార్చి 3న నిర్మాత దిల్ రాజు భారీ స్థాయిలో విడుదల చేస్తున్నారు.

#2 ఆర్గానిక్ మామ – హైబ్రీడ్ అల్లుడు

సీనియర్ డైరెక్టర్ ఎస్వీ కృష్ణా రెడ్డి కొంత గ్యాప్ తర్వాత ‘ఆర్గానిక్ మామ – హైబ్రీడ్ అల్లుడు’ తో మెగాఫోన్ పట్టారు.. రాజేంద్ర ప్రసాద్, మీనా, సోహైల్, మృణాళిని రవి కీలక పాత్రల్లో ఈ చిత్రం తెరకెక్కింది. ఈ చిత్రం మార్చి 3 న రిలీజ్ కానుంది.

#3 ఇన్ కార్

హర్షవర్ధన్ దర్శకత్వం లో రితిక సింగ్ ప్రధాన పాత్రలో రూపొందిన థ్రిల్లర్ చిత్రం ఇన్ కార్. హిందీ లో తెరకెక్కిన ఈ చిత్రం మార్చి 3 న తెలుగు, హిందీ, తమిళం, కన్నడ, మలయాళ భాషల్లో రిలీజ్ కానుంది.

#4 రిచి గాడి పెళ్లి

కె.ఎస్. హేమరాజ్ దర్శకత్వం లో సత్య, చందన రాజ్ ప్రధాన పాత్రల్లో నటించిన చిత్రం రిచి గాడి పెళ్లి. ఈ చిత్రం మార్చి 3 న విడుదల కానుంది.

#5 సాచి

బిందు అనే యువతి జీవితం ఆధారంగా తెరకెక్కిన చిత్రం ‘సాచి’.. సంజన రెడ్డి, గీతిక రధన్ కథానాయికలు. వివేక్ పోతగోని దర్శకత్వం వహించిన ఈ చిత్రం మార్చి 3 న ప్రేక్షకుల ముందుకి రానుంది.

జనవరి 18వ తేదీన తారక రత్న మృతి చెందారు. గుండెపోటు కారణంగా 23 రోజుల పాటు నారాయణ హృదయాలయ ఆసుపత్రి లో చికిత్స పొంది ఆయన కన్నుమూశారు. నిజానికి అందరూ ఆసుపత్రి నుండి కోలుకొని తారక రత్న తిరిగి ఇంటికి వస్తారని అనుకున్నారు. కానీ ఆయన జనవరి 18న తిరిగి రాని లోకాలకు వెళ్లిపోయారు.

దాంతో కుటుంబ సభ్యులు స్నేహితులు అభిమానులు అంతా కూడా కంటతడి పెట్టుకున్నారు. మార్చి రెండవ తేదీన కుటుంబ సభ్యులు తారక రత్నకు పెద్దకర్మ నిర్వహించారు.

సినీ ప్రముఖులు, రాజకీయ నాయకులు వచ్చారు. అలానే అటు నారా నందమూరి కుటుంబ సభ్యులు అంతా కూడా వచ్చారు. ఆయన ఫోటో ముందు పువ్వులను వేశారు. అయితే తారక రత్న భార్య అలేఖ్య రెడ్డి తారక రత్న కి రాసిన ప్రేమ లేఖ సోషల్ మీడియా లో ప్రస్తుతం వైరల్ అవుతోంది. మరి ఇక ఆ ప్రేమ లేఖ గురించి చూద్దాం.. అలేఖ్య రెడ్డి తన భర్త ని గుర్తు చేసుకుంటూ ఇంస్టాగ్రామ్ లో ఓ పోస్ట్ పెట్టారు. అది చూసిన వాళ్లంతా కూడా ఎంత గాని బాధ పడుతున్నారు.

అలానే తారక రత్న అలేఖ్య రెడ్డి మధ్య బంధం ఎంత ధృడంగా ఉందో అందరికీ తెలుస్తోంది. తన భార్యను తారక రత్న ఎంతలా ప్రేమిచారో ఆ లేఖ తో తెలుస్తోంది. తారకరత్న తన భార్య ని బంగారు తల్లి అని సంభోదిస్తూ లేఖ లో వ్రాసారు.

అలానే తనకి ఎంత ప్రేమ ఉందో చెప్పారు తారక రత్న. ఆ ఉత్తరం ఇప్పుడు వైరల్ అవుతోంది. చిన్న వయసు లోనే తారక రత్న చనిపోయారు. చాలా జీవితం ఉంది. కానీ ఆయన అందరినీ విడిచి వెళ్లిపోయారు. ఏది అనుభవించకుండానే భార్యా బిడ్డలను వదిలేసి తారక రత్న వెళ్లిపోయారు. అలేఖ్య రెడ్డి ని ఎవరు కూడా ఓదార్చ లేక పోయారు.