News

ఎవరైనా భార్య డెలివరీ కి వెళ్తే.. ఎప్పుడు తిరిగి వస్తుందా.. తన పిల్లని ఎప్పుడు చేసుకుందామా అని ఎదురు చూస్తూ ఉంటారు. కానీ.. ఈ ప్రబుద్ధుడు మాత్రం భార్య డెలివరీ కి వెళ్లి, తిరిగి వచ్చేలోపు మరో పెళ్ళికి రెడీ అయిపోయాడు. ఈ ఘటన ఆదివారం చోటు చేసుకుంది. పహాడీ షరీఫ్ కు చెందిన మహమ్మద్ జావేద్ కు గతంలోనే పెళ్లయింది. ఆమె డెలివరీ కి వెళ్లిన సమయం లో రెండో పెళ్ళికి సిద్ధం అయ్యాడు.

ఈ నెల 25 న జగద్గిరి గుట్టకు చెందిన అమ్మాయి తో జావేద్ కు వివాహం జరుగుతోందని తెలుసుకున్న అతని భార్య.. వధువు తరపు బంధువులకు సమాచారం ఇచ్చింది. దీనితో అసలు విషయం తెలుసుకున్న వారు జావేద్ ను పహాడీ షరీఫ్ పోలీసులకు అప్పచెప్పారు.

ఆర్ఆర్ఆర్ సినిమా విడుదల గురించి భారతదేశం అంతా కూడా ఆసక్తిగా ఎదురు చూస్తోంది. ఈ సినిమాకు సంబంధించిన ప్రతి అప్డేట్ సోషల్ మీడియాలో వైరల్ అవుతోంది. ప్రేక్షకుల ఆసక్తిని అర్థం చేసుకున్న సినిమా బృందం కూడా సోషల్ మీడియాలో యాక్టివ్ గా ఉంటూ సినిమాకి సంబంధించిన చిన్న చిన్న విషయాలను కూడా షేర్ చేసుకుంటున్నారు. అయితే ఈ సినిమాకు సంబంధించి ఇవాళ మరొక అప్డేట్ విడుదల అయ్యింది.

ఆర్ఆర్ఆర్ సినిమా మొదటి పాట విడుదల తేదీని సినిమా బృందం ప్రకటించింది. ఈ పాటని ఆగస్టు 1వ తేదీన 11 గంటలకు విడుదల చేయబోతున్నారు. ఈ అప్డేట్ కి సంబంధించి విడుదల చేసిన ఫోటోలో మ్యూజిక్ డైరెక్టర్ కీరవాణి గారితో పాటు విజయ్ ఏసుదాస్, అనిరుధ్ రవిచందర్, బాలీవుడ్ మ్యూజిక్ డైరెక్టర్ అమిత్ త్రివేది, అలాగే సింగర్స్ హేమచంద్ర, యాసిన్ నిజార్  ఉన్నారు. దోస్తీ అనే ఈ పాటని హేమచంద్ర, అనిరుధ్ రవిచందర్, అమిత్ త్రివేది విజయ్ ఏసుదాస్, యాసిన్ నిజార్ పాడారు. ఈ పాటలో జూనియర్ ఎన్టీఆర్, రామ్ చరణ్, అలియా భట్  కనిపిస్తారు అనే వార్త ప్రచారంలో ఉంది.

కెనడా లో 12 సంవత్సరాల బాలుడికి నాలుక పచ్చగా మారిపోతోంది. వైద్యులు ఇది చాలా అరుదైన వ్యాధి అని.. దీనిని ఆటో ఇమ్యూన్ డిజార్డర్ అంటామని చెబుతున్నారు. కోల్డ్ అగ్లుటినిన్ అని ఈ వ్యాధిని పేర్కొంటారు. ఓ వైపు కొత్త వైరస్ లు, వేరియెంట్ లతో భూగోళం అల్లాడిపోతోంది. ఈ పరిస్థితిల్లో ఇలాంటి వింత వ్యాధులు ప్రబలుతుండడం తో స్థానికులు గాబరా పడుతున్నారు.

ఈ వింత వ్యాధి ఎర్ర రక్తకణాలపై దాడి జరగడం వలన వస్తుంది. ఈ బాలుడికి ఉన్నట్లుండి మూత్రం లో ఇబ్బందులు రావడం, గొంతులో నొప్పి, చర్మం లో తేడాలు, కడుపు నొప్పి వంటి లక్షణాలు కనిపించడం తో ఆసుపత్రికి తీసుకెళ్లారు. ఈ వ్యాధి వలన రక్త హీనత ఏర్పడుతుంది. ఎర్ర రక్తకణాలలో బలం తగ్గుతుంది. ఇది కామెర్లకు దారి తీసే అవకాశం ఉంటుంది. గత ఏడువారాల పాటు ఈ బాలుడికి చికిత్స అందించారు. చికిత్స లో భాగం గా స్టెరాయిడ్లను ఉపయోగించారు. ప్రస్తుతం ఈ బాలుడు కోలుకుని ఇంటికి చేరుకున్నాడు. ఆ బాలుని నాలిక కూడా క్రమం గా మాములు అయ్యింది.