News

ఈ కరోనా గడ్డుకాలం మనుషుల్లో మానవత్వాన్ని మిగలనివ్వకుండా చేస్తోంది. ఎవరి ప్రాణాలను వారే కాపాడుకోవాల్సిన పరిస్థితి ప్రస్తుతం కొనసాగుతోంది. ఇలాంటి పరిస్థితుల్లో కూడా కొందరు వైద్యుల్లో మానవత్వం వెల్లివిరుస్తోంది. తమ ప్రాణాలకు ముప్పు వాటిల్లుతుందని తెలిసినా వీరు వెనకాడక కరోనా రోగులకు సేవ చేస్తున్నారు. రోజు పాజిటివ్ కేసులు పెరుగుతున్న క్రమం లో వీరి అవిశ్రాంతం గా పని చేస్తున్నారు.

గుజరాత్ లో సూరత్ కు చెందిన అయేజా మిస్త్రీ అనే ఓ నర్స్ కూడా ఇలాంటి కోవకే వస్తారు. ఆమె నాలుగు నెలల గర్భవతి. ముస్లిం.. రంజాన్ నేపధ్యం లో ఆమె ఉపవాస దీక్షను కూడా పాటిస్తోంది. సాధారణం గానే గర్భిణీ లు ఎక్కువ జాగ్రత్తలు తీసుకుంటూ ఉంటారు. ఆమె గర్భం తో ఉండీ.. ఉపవాసం చేస్తూ.. నర్స్ గా తన విధులను తానూ నిర్వర్తిస్తోంది. అక్కడ సమీపం లోని అటల్ కోవిద్ సెంటర్ లో ప్రతి రోజు 8 నుంచి 10 గంటల వరకు ఆమె తన సేవలను అందిస్తోంది.

గర్భిణులకు ఉపవాస దీక్ష చాలా కష్టమైనది. ఆమె గంటల తరబడి పచ్చి మంచినీళ్ళైనా ముట్టుకోకుండా ఉపవాస దీక్ష పాటిస్తోంది. కరోనా ఫస్ట్ వేవ్ సమయం లోను ఆమె తన సేవల్ని అందించారు. ప్రస్తుత పరిస్థితి గురించి ఆమెని అడగ్గా… తాను గతం లోను సేవలందించానని..ఈసారి మాత్రం కడుపులో బిడ్డ పెరుగుతోందని.. దేవుని దయ వలన రంజాన్ మాసం లో సేవ చేసే అదృష్టం లభించిందని.. చెప్పుకొచ్చింది. కరోనా నుంచి కోలుకున్న వారంతా నూరేళ్లు చల్లగా ఉండాలని దీవిస్తున్నారని.. వారి దీవెనలే రక్షిస్తాయని ఆమె ఆశాభావం వ్యక్తం చేసింది.

Lets salute our frontline warriors like Nancy Ayeza Mistry ji. Without such warriors selfless service this fight against Covid wont be possible. https://t.co/USENgb5ADQ

— Rahul Trehan #MaskUpIndia?? (@imrahultrehan) April 24, 2021

వ్యవసాయంపై ఆధారపడి బతికే కుటుంబాల్లో చాలా మంది నిరుపేదలే.. నిరక్షరాస్యులే.. అలాంటి ఓ కుటుంబం లోనే పుట్టింది సీమా కుమారి. ఆడపిల్ల కావడం తో కొంత వయసు వచ్చాక ఆమెకు పెళ్లి చేస్తే బరువు తగ్గుతుందని ఆమె తల్లి తండ్రులు భావించారు. కానీ.. ఆమె పట్టు వదలకుండా చదువుకుంది. ఫుట్ బాల్ కూడా నేర్చుకుంది. కోచ్ గా రాణించింది. ఆమె ప్రతిభకు తాజాగా అసలైన గుర్తింపు లభించింది.

ప్రతిష్టాత్మక హార్వర్డ్ యూనివర్సిటీ ఆమె ప్రతిభను గుర్తించి స్కాలర్ షిప్ అందుకునేలా చేసింది. ఈ తరం విద్యార్థులకు ఆమె యూత్ ఐకాన్ గా నిలిచింది. నవ్యా నవేలి నంద, ప్రియాంక చోప్రా వంటి వారు కూడా ఆమెను ప్రశంసిస్తున్నారు. జార్ఖండ్ లో “యువ” అనే ఓ పాఠశాల ఉంది. జార్ఖండ్ చుట్టూ పక్కల గ్రామాల్లోని ప్రజలను అభ్యుదయం వైపు నడిపిస్తూ.. ఆడపిల్లలను చదువుకుని అభివృద్ధి చెందే దిశగా తీసుకెళ్లడమే ఈ పాఠశాల లక్ష్యం. సీమా కూడా ఈ పాఠశాలలోనే తల్లితండ్రులను ఒప్పించి చదువుకుంది.

ఫుట్ బాల్ పై ఆమెకు మక్కువ ఎక్కువ. ఈ క్రమం లోనే ఆమె ఫుట్ బాల్ కోచ్ గా కూడా మారింది. ఈ క్రమం లో కూడా ఆమె వివక్షను ఎదుర్కోవాల్సి వచ్చింది. క్రీడల్లో భాగం గా ఆమె వేసుకునే షార్ట్స్ వలన కూడా ఆమె ఎన్నో సార్లు విమర్శలను భరించాల్సి వచ్చింది. అయినా పట్టు సడలకుండా ఆమె తన లక్ష్యం కోసం ప్రయత్నిస్తూనే ఉంది. ఆమె ప్రతిభను గుర్తించిన హార్వార్డ్ ఆమెకు సీటు ఇవ్వడమే కాక.. పూర్తి స్కాలర్ షిప్ కు ఎంపిక చేసింది. హార్వర్డ్ మాత్రమే కాదు.. అమెరికా వెర్మాంట్ రాష్ట్రము లో ఉన్న “మిడిల్బరీ కాలేజీ”, హర్యానా లోని “అశోక యూనివర్సిటీ” కూడా ఆమెకు ఆహ్వానం పలికాయి.

అమ్మాయిలను చదివిస్తే వారు ఈ ప్రపంచాన్నే మార్చేయగలరంతటి వారవుతారని ప్రియాంక చోప్రా ఆమె గురించి ట్విట్టర్ లో పోస్ట్ చేసారు. “అమ్మాయిలందరికి నీవు ఆదర్శం.. నీవు తీసుకునే నెక్స్ట్ స్టెప్ గురించి ఆత్రుత తో ఎదురు చూస్తున్న…” అంటూ అమితాబ్ మనవరాలు నవ్య నందా ఇన్స్టా లో షేర్ చేసింది.

ఆడవారికి ఆడవాళ్లే శత్రువులు అని చాలా సందర్భాలలో అంటూ ఉంటాం.. అలంటి పరిస్థితి నిత్య జీవితంలో ఎదురవుతూ ఉంటుంది. తన సొంత వదిన కారణం గానే ఓ అమ్మాయి ఆత్మహత్య చేసుకున్న ఘటన ఆదిలాబాద్ జిల్లా, ఇంద్రవెల్లి మండలం లో చోటు చేసుకుంది. ఎస్సై నందిగామ నాగనాధ్ తెలిపిన వివరాలు ఈ విధం గా ఉన్నాయి.

image credits: News18

asianetnewstelugu కథనం ప్రకారం హర్కాపూర్ గ్రామానికి చెందిన శ్రీదేవి, అరవింద్ అన్నా చెల్లెల్లు. పది సంవత్సరాల క్రితమే వారి తల్లి తండ్రులు ఈ లోకాన్ని వీడారు. అప్పటి నుంచి చెల్లెలు శ్రీదేవి బాధ్యతను అరవింద్ తీసుకున్నాడు. కొంతకాలానికి, తన మేనత్త జాదవ్‌ సెవంతబాయి కుమార్తె మంజులతో అరవింద్ వివాహం జరిగింది. సెవంతబాయి జగిత్యాల జిల్లా గొర్రెపల్లి గ్రామ నివాసి. అయితే.. వివాహం అయ్యాకా సంపాదన నిమిత్తం అరవింద్ దుబాయికి వెళ్ళాడు. చెల్లెలు శ్రీదేవి, భార్య మంజుల కు తోడు గా ఉండాల్సిందని అత్త సెవంతబాయి ని కూడా హర్కాపూర్ కు వచ్చి ఉండాల్సింది గా అరవింద్ కోరాడు.

అయితే.. అప్పటికి శ్రీదేవి డిగ్రీ మొదటి సంవత్సరం మాత్రమే పూర్తి చేసింది. అయితే ఆమెను పోషించడం అరవింద్ భార్య మంజులకు, అత్త కు నచ్చలేదు. ఆమెను సూటిపోటి మాటలతో వేధించేవారు. ఆమెకు పెళ్లి చేయాలంటే కట్నం ఇవ్వాలి.. పెళ్ళికి ఖర్చులు కూడా అవుతుంటాయి అని వేధించేవారు.ఆమెను ఎవరితోనైనా లేచిపోవాలంటూ సలహాలిచ్చేవారు. మరో వైపు కరోనా లాక్ డౌన్ కారణం గా ఇబ్బందులు ఎదుర్కొంటున్న అరవింద్ ఈ ఏడాది జనవరి లో ఇండియా కి వచ్చేసాడు.

తన చెల్లిని వేధిస్తున్న విషయమై అరవింద భార్య మంజులతోను, అత్తతోను గొడవపడ్డాడు. ఈ క్రమం లో మంజుల తల్లితో పాటు పుట్టింటికెళ్ళిపోయింది. ఆ తరువాత నీ వల్లే మేము విడిపోయాము అంటూ శ్రీదేవి ని సూటిపోటి మాటలతో ఫోన్ చేసి వేధించసాగింది. నీ అన్నతో నువ్వే సంసారం చేసుకో అంటూ ఆమె మాటలతో వేధించి బాధించడం తో.. మనస్తాపం చెందిన శ్రీదేవి పురుగుల మందు తాగి ఆత్మహత్య చేసుకుంది. ఆమెను ఆసుపత్రికి చేర్చేలోపే ఆమె ప్రాణాలు వీడింది. అరవింద్ ఫిర్యాదు మేరకు మంజుల, ఆమె తల్లిపై కేసు నమోదు చేసినట్లు పోలీసులు తెలిపారు.

ఈరోజు సాయంత్రం ఐదు గంటలకు దేశ ప్రధాని మోదీ జాతినుద్దేశించి ప్రసంగించారు. కరోనా మహమ్మారి విలయతాండవం చేస్తున్న వేళ ఆయన పలు కీలక ప్రకటనలను చేసారు. అన్ని వర్గాల ప్రజలకు వాక్సిన్ ను అందించే బాధ్యత కేంద్రానిదేనని ప్రధాని మోదీ స్పష్టం చేసారు. అన్ని రాష్ట్రాల్లోనూ, అన్ని వర్గాల ప్రజలకు కేంద్రం ఉచితం గా వాక్సిన్ ను అందిస్తుందని స్పష్టం చేసారు.

ఏ రాష్ట్రము కూడా ఒక్క రూపాయి కూడా ఖర్చు చేయాల్సిన అవసరం రాదనీ ఆయన స్పష్టం చేసారు. ఈ నెల 21 నాటికి భారీ మొత్తం లో వాక్సిన్ డోసులు అందుబాటులోకి వస్తాయని.. 18 ఏళ్ళు పైబడ్డ వారందరికీ కేంద్రమే ఉచితం గా వాక్సిన్ ను అందచేస్తుందని చెప్పారు. ఒకవేళ ఉచిత టీకా అవసరం లేదు అనుకునే వారు.. రూ.150 లతో ప్రైవేట్ టీకా వేయించుకోవచ్చన్నారు. వాక్సిన్లలో 25 శాతాన్ని ప్రైవేట్ రంగానికి అందుబాటులో ఉంచినట్లు మోదీ పేర్కొన్నారు.

సాధారణం గా జలుబు చేయడం అనేది మనం చిన్న విషయం గానే భావిస్తాం. ప్రస్తుతం కరోనా నేపధ్యం లో ఎక్కువ భయపడుతున్నాం. సీజన్ మారినప్పుడల్లా, ఎక్కువ చలి, వర్షాలు కురుస్తున్నపుడు జలుబు చేస్తుండడం సహజమే. అయితే.. అస్తమానం జలుబు చేస్తోందంటే ఆలోచించాల్సిన విషయమే. ఇందుకోసం మీరు తీసుకునే ఆహరం లో కూడా కొన్ని మార్పులు చేసుకోవాల్సి ఉంటుంది.

ప్రోటీన్స్, మినరల్స్, కార్బోహైడ్రేట్స్, విటమిన్స్ అన్నిటిని బ్యాలన్స్డ్ గా తీసుకోవాలి. వీటితో పాటు తాజా పండ్లను కూడా ఆహరం లో భాగం చేసుకోవాలి. వీటితో పాటు బ్రకోలి ని కూడా మీ ఆహరం లో భాగం చేసుకోవడం మంచిదే. సాధారణం గా వచ్చే జలుబుని తగ్గించడం లో బ్రకోలి సూపర్ ఎక్స్పర్ట్ గా పని చేస్తుంది. కేవలం కొద్దీ రోజుల్లోనే ఇది జలుబుని తగ్గించగలుగుతుంది. బ్రకోలి లో ఫైటో కెమికల్స్ తో పాటు విటమిన్స్ (సి, ఏ, ఈ, కే) జింక్, ఐరన్ వంటి మినరల్స్ కూడా పుష్కలం గా లభిస్తాయి. ఇది రోగనిరోధక శక్తిని కూడా పెంచుతుంది.అందుకే బ్రకోలి తీసుకోవడం మంచిది.

కాలం మారుతున్న ఆడపిల్లల నుదుటిరాతలు మాత్రం మారడం లేదు. ఆడపిల్లలను పురిటిలోనే చంపేస్తున్నారు. ఇలాంటి ఉదాహరణే మరొకటి జరిగింది. రాజా బైయా యాదవ్ అనే ఛతార్పూర్‌కు చెందిన వ్యక్తి ఇద్దరు అమ్మాయిలే పుట్టారని.. భార్యని బావిలో తోసేసాడు. తొమ్మిది సంవత్సరాల క్రితం రాజా కు పెళ్లయింది. అయితే పెళ్ళైన ఏడాదికే ఒక అమ్మాయి జన్మించింది. కొడుకు కావాలని భార్యని వేధించేవాడు. కొన్నాళ్ళు సంతానం కోసం కూడా ప్రయత్నించలేదు. ఇప్పుడు ఆ అమ్మాయికి ఎనిమిది సంవత్సరాల వయసు వచ్చింది.

ఇటీవల అతని భార్య గర్భం దాల్చింది. ఈ సారైనా కొడుకు పుడతాడని రాజా భావించాడు. కానీ మళ్ళీ కూతురు పుట్టడం తో నిరాశ చెందాడు. కూతురుకు మూడు నెలలు నిండేవరకు అతని భార్య పుట్టింట్లోనే ఉంది. మూడు నెలలు నిండాక.. ఆమెను తీసుకురావడానికి వెళ్లిన రాజా తిరిగి వచ్చే క్రమం లో భార్య పిల్లలను బావిలోకి తోసేసాడు. ఈ క్రమం లో భార్యా, చిన్నారి ప్రాణాలతో బయటపడ్డా.. పెద్ద కూతురు మాత్రం చనిపోయింది.