Harika

స్టార్ హీరోయిన్ స‌మంత గుణశేఖర్ దర్శకత్వంలో న‌టించిన పాన్ ఇండియా చిత్రం ‘శాకుంతలం’. ఈ మూవీ ఏప్రిల్ 14న తెలుగు, త‌మిళ, క‌న్న‌డ‌, మ‌ల‌యాళ‌, హిందీ భాష‌ల్లో విడుదల కానుంది. ఈ మూవీ ప్రమోషన్స్ లో చిత్ర యూనిట్  బిజీగా ఉన్నారు. ఈ నేపద్యంలోనే  సమంత ఇటీవల మీడియాతో ఆస‌క్తిక‌ర విషయాల గురించి మాట్లాడారు.

శాకుంతలం స్టోరిని గుణ శేఖ‌ర్‌గారు చెప్పినపుడు సర్‌ప్రైజ్‌ అయ్యాను. ఎంతోమంది ఇష్టపడే శకుంతల పాత్రను చేయడం పెద్ద బాధ్యతగా అనిపించింది. దాంతో భయపడి మొదట గుణ శేఖ‌ర్‌గారు అడిగినపుడు నో చెప్పాను. అప్పుడే ఫ్యామిలిమెన్ లో రాజీ పాత్రను చేశాను. అయితే శకుంతల క్యారెక్టర్ దానికి పూర్తిగా భిన్నమైన పాత్ర. ఈ పాత్రలో ఎంతో అందంగా, గౌరవంగా కనిపించాల్సి ఉంటుంది. శాకుంతల పాత్రకి న్యాయం చేశానని అనుకుంటున్నానని తెలిపారు.
ఈ క్రమంలో మీడియా నుండి ఎదురైన ప్రశ్నకు తనదైన శైలిలో సమాధానం ఇచ్చారు. ఒకప్పుడు సంతోషంగా అమాయకంగా కనిపించే హీరోయిన్‌ స‌మంత ప్రస్తుతం ఇంత స్ట్రాంగ్ గా ఎలా మారింది అని మీడియా అడిగింది. సమంత మాట్లాడుతూ ఒకప్పుడు నా జీవితంలో ఎలాంటి సమస్యలు లేవు. దాంతో చాలా హ్యాపీగా ఉన్నాను. ఇక అదే స్క్రీన్ పైన కనిపించేది. కానీ నా జీవితంలో కొన్ని సమస్యలను ఎదుర్కోవాల్సి వచ్చింది. ఎవరైనా కూడా తమ లైఫ్ లో ఇబ్బందులు ఎదుర్కొన్నప్పుడు స్ట్రాంగ్ గా అవుతారు.
అలా నేను కూడా మారాను, అందుకు నేనేమీ ప్రత్యేకం కాదు. నా లైఫ్ లో కొన్ని ప్రత్యేకమైన పరిస్థితులు వచ్చాయి. వాటివల్ల నా లైఫ్  నాశనం కాకూడదని, దానికి తగినట్లుగా మారి ముందుకు వెళ్తున్నానని చెప్పారు.  డైరెక్టర్ గుణశేఖర్ తెరకెక్కించిన ఈ చిత్రంలో దుష్యంతుడిగా దేవ్ మోహన్ నటిస్తున్నారు. మోహన్ బాబు, మధు బాల, అల్లు అర్హ ఇతర ముఖ్యమైన పాత్రలలో నటిస్తున్నారు. ఈ చిత్రాన్ని దిల్ రాజు సమర్పించగా, నిలిమా గుణ నిర్మిస్తున్నారు.

watch video :

https://twitter.com/Sravanthi_sam/status/1645422731532414976

Also Read: “నువ్వు పాపులర్ అవ్వడానికి ఇదే దొరికిందా..?” అంటూ ఫైర్ అవుతున్న నెటిజన్స్..! ఈ ఫోటోలో ఉన్నది ఎవరో తెలుసా..?

ఈ మధ్య కాలంలో సినీ ప్రముఖుల పెళ్లిళ్లు మూణ్ణాళ్ల ముచ్చటగానే ముగిసిపోతున్నాయి. ఇదే దారిలో మెగా డాటర్‌ నిహారిక చైతన్య దంపతులు కూడా నడవబోతున్నట్లు తెలుస్తోంది. 2020లో డిసెంబర్‌ 9న నిహారిక, చైతన్యల వివాహం  ఘనంగా జరిగింది. అయితే గత కొన్ని రోజులుగా ఈ జంట సామాజిక మధ్యమాలలో సైలెంట్‌ కావడంతో అనుమానం మొదలైంది.

నిహారిక, చైతన్య మధ్య మనస్పర్ధలు రావడంతో వీరిద్దరు విడాకులు తీసుకోబోతున్నట్లుగా కొన్ని రోజుల నుండి సోషల్ మీడియాలో వార్తలు షికారు చేస్తున్నాయి. దానికి కారణం నిహారిక భర్త జొన్నలగడ్డ చైతన్య గత నెలలో తన ఇన్‌స్టాగ్రామ్ ఖాతా నుండి పెళ్లి ఫొటోలను తొలగించాడు. ఆ తర్వాత నిహారిక, చైతన్య ఒకరినొకరు ఇన్‌స్టాగ్రామ్ లో అన్‌ఫాలో అయ్యారు. దాంతో వీరిద్దరి మధ్య విభేదాలు వచ్చాయని, విడాకులు కూడా తీసుకోనున్నారనే వార్తలు ఒక్కసారిగా వైరల్ అయ్యాయి. అయితే ఈ వార్తల పై ఇప్పటి వరకు మెగా కుటుంబంలో ఎవరూ స్పందించలేదు.తాజాగా మెగా డాటర్‌ నిహారిక తన ఇన్‌స్టాగ్రామ్ ఖాతా నుండి తమ పెళ్లి ఫోటోలతో పాటుగా, చైతన్యతో ఉన్న ఫోటోలను  కూడా డిలీట్ చేసింది. అయితే ఒక్క ఫొటోను మాత్రం తొలగించలేదు. పెళ్లి మండపంలో నిహారిక చైతన్య పక్కనే కూర్చుని పెదాలపై వేలు ఉంచి ష్‌.. అనే ఫొటో. ఇందులో చైతన్య బ్లర్ గా కనిపిస్తున్నాడు. ఈ ఫోటోకి ‘నా వద్ద ఒక  సీక్రెట్ ఉంది. కానీ దానిని మీకు చెప్తే అది రహస్యం ఎలా అవుతుంది? సారీయే, అని క్యాప్షన్‌ పెట్టి, షేర్‌ చేసింది.
దీనిపై నెటిజన్లు భిన్నంగా స్పందిస్తున్నారు. ఈ ఫోటో ఒకటి మాత్రం ఎందుకు డిలీట్ చేయలేదు? మర్చిపోయి అలాగే ఉంచేసావా అని కామెంట్స్ చేస్తున్నారు. ఆ ఫోటో మాత్రమే కాకుండా పెళ్లిలో చైతన్య లేకుండా ఫ్యామిలీతో కలిసి ఉన్న ఫోటోలను అలాగే ఉంచేసింది.
Also Read: ప్రభాస్ “సలార్” తో పాటు… సెప్టెంబర్ లో రిలీజ్ అవ్వబోతున్న 4 “పాన్-ఇండియన్” సినిమాలు..!

https://www.instagram.com/p/CKL-jpopwVc/

తెలుగు ఇండస్ట్రీ నుండి ఒకే నెలలో 4 పాన్ ఇండియా సినిమాలు రిలీజ్ కానున్నాయి. ప్రభాస్, బాలయ్య, నాని, విజయ్ దేవరకొండల సినిమాలు సెప్టెంబర్ లో వారానికి ఒక పాన్ ఇండియా చిత్రం విడుదల కాబోతుంది. ఈ  సంవత్సరం భారీ చిత్రాలు విడుదల కాబోతున్నాయి.

అవి కూడా స్టార్ హీరోల చిత్రాలు కావడం విశేషం. వినాయక చవితి, విజయదశమి వంటి పండుగలు సెప్టెంబర్ లో వస్తున్నాయి. ఈ పండగల సందర్భంగా బాక్సాఫీస్ దగ్గర పాన్ ఇండియా చిత్రాలు సందడి చేయబోతున్నాయి. అయితే ఆ చిత్రాలు ఏమిటో? ఏ తేదీన విడుదల కాబోతున్నాయో ఇప్పుడు చూద్దాం..
1. ఖుషీ: 
విజయ్ దేవరకొండ, సమంత నటిస్తున్న ‘ఖుషీ’ మూవీ సెప్టెంబరు ప్రారంభంలోనే రిలీజ్ కాబోతుంది. దర్శకుడు శివ నిర్వాణ తెరకెక్కిస్తున్న ఈ చిత్రాన్ని ఈ ఏడాది సెప్టెంబరు 1న ప్రేక్షకుల ముందుకు రాబోతుంది. పాన్ ఇండియా మూవీగా రిలీజ్ కానుంది.2. నందమూరి బాలకృష్ణ చిత్రం:
అనిల్ రావిపూడి దర్శకత్వంలో నందమూరి నటసింహం బాలకృష్ణ నటిస్తున్న విషయం తెలిసిందే.  NBK108 అనే టైటిల్‌తో షూటింగ్ జరుపుకుంటున్న ఈ మూవీ సెప్టెంబరు 13న రిలీజ్ కానుంది. ఈ చిత్రంలో కాజల్ అగర్వాల్ హీరోయిన్‌గా నటిస్తోంది. యంగ్ హీరోయిన్ శ్రీలీల ముఖ్యమైన పాత్రలో కనిపించబోతుంది. 3. నేచురల్ స్టార్ నాని సినిమా:
హీరో నాని రీసెంట్ గా దసరా సినిమాతో సూపర్ హిట్ అందుకున్నారు. ఈ మూవీ అనంతరం శౌర్యువ్ డైరెక్షన్ లో నటించబోతున్నాడు. ఈ చిత్రాన్ని సెప్టెంబరు మధ్యలో రిలీజ్ చేయాలని మేకర్స్ భావిస్తున్నారు. ఈ మూవీలో  హీరోయిన్‌గా మృణాల్ ఠాకూర్ నటిస్తోంది. 4. సలార్:
ఈ సంవత్సరం మోస్ట్ ఎవెయిటింగ్ ఫిల్మ్  ప్రభాస్ ‘సలార్’ ప్రపంచ వ్యాప్తంగా సెప్టెంబరు 28న విడుదల కానుంది. కేజీఎఫ్ దర్శకుడు ప్రశాంత్ నీల్ తెరకెక్కిస్తున్న ఈ చిత్రంలో హీరోయిన్‌గా శృతి హాసన్ నటించింది. ఈ సినిమాలో పృథ్వీరాజ్ సుకుమారన్ ముఖ్యమైన క్యారెక్టర్ లో నటించారు. ఈ చిత్రాన్ని ఇంగ్లీష్‌లో కూడా రిలీజ్ చేయనున్నారు   ఈ మూవీ పాన్ వరల్డ్ సినిమాగా రాబోతుంది.Also Read: “మీటర్” సెన్సార్ రివ్యూ..! సినిమా ఎలా ఉందంటే..?

బాలీవుడ్ ఇండస్ట్రీలో అన్యోన్యంగా ఉండే జంట బాలీవుడ్ బాద్షా షారుక్ ఖాన్ , గౌరీఖాన్. వీరిది ప్రేమ వివాహం అనే అందరికీ తెలిసిందే. అయితే వీరిద్దరి ప్రేమ పెళ్లి వరకు అంత సులభంగా వెళ్లలేదు. ఎందుకంటే గౌరీ తల్లిదండ్రులు వీరి పెళ్లికి అంగీకరించలేదు. దాంతో పెళ్లి సమయంలో షారుఖ్‌ ఖాన్ కు పేరు మర్చినట్లు గౌరీ ఒక ఇంటర్వ్యూలో తెలిపారు.

గౌరి వారి పై తీవ్రంగా ఒత్తిడికి తీసుకురావడంతో చివరకు ఆమె తల్లిదండ్రులు వివాహానికి అంగీకరించారని తెలిపారు. వివాహ సమయానికి షారూఖ్ వయసు 26, గౌరీ వయసు 21 సంవత్సరాలు. అంతే కాదు ఈ జంట 3 సార్లు వివాహం చేసుకున్నారట. ఢిల్లీలో షారుఖ్ ఖాన్ కాలేజీలో రోజుల్లోనే గౌరీతో పరిచయం ఏర్పడిందట. ఆ తరువాత ప్రేమగా మారిందని, ముందుగా తానే గౌరీని ప్రేమించానని షారుఖ్ చాలాసార్లు చెప్పాడు. పెళ్లికి ముందు ఈ జంట 6 ఏళ్లు ప్రేమాయణం సాగించారు.
షారుఖ్ ఖాన్ నటన పై ఉన్న ఆసక్తితో సినిమాలలో ప్రయత్నిస్తూనే, టెలివిజన్ లో వచ్చిన ఛాన్స్ సద్వినియోగం చేసుకున్నాడు. డిడిలో టెలికాస్ట్ అయిన సర్కస్ సీరియల్ లో నటించి, ఎంతో పాపులర్ అయ్యాడు. ఆ తరువాత బాలీవుడ్ లో ఎంట్రీ ఇచ్చి దీవానా, బాజీగర్, డర్, కుచ్ కుచ్ హోతాహై లాంటి ఎన్నో హిట్ చిత్రాల్లో నటించి బాలీవుడ్ బాద్షాగా షారుఖ్ ఖాన్ ఎదిగాడు. ఆ సమయంలో షారుఖ్ కు ఆయన భార్య గౌరీ ఆర్ధికంగా తోడ్పడుతూ అండగా నిలబడిందని షారుఖ్ ఒక ఇంటర్వ్యూలో చెప్పాడు.బాలీవుడ్ లో తాను ఈ స్థాయిలో ఉండడానికి కారణం గౌరీ ఇచ్చిన ప్రోత్సాహమే అని కింగ్ ఖాన్ చెప్పాడు. ఈ అందమైన జంట లవ్ స్టోరి సినిమాకి తక్కువ కాదని చెప్పవచ్చు. షారుఖ్ ముస్లిం, గౌరీ పంజాబీ హిందూ ఫ్యామిలీకి చెందిన అమ్మాయి. వీరి ప్రేమను గౌరి ఫ్యామిలీ ఒప్పుకోలేదు. అందువల్ల పెళ్లి సమయంలో షారూఖ్‌ పేరుని హిందువుగా అనుకునేలా అభినవ్‌ అనే పేరును పెట్టానని గౌరీ ఖాన్ ఒక ఇంటర్వ్యూలో వెల్లడించారు.
Also Read: “హౌజ్‌ కీపింగ్‌” నుండి నటిగా మారిన ”త్రినయని” సీరియల్ తిలోత్తమ స్టోరీ..! ఈమె కథ వింటే హాట్సాఫ్ అనాల్సిందే..!

పాపులర్ పంజాబీ గాయకుడు ‘సిద్దూ మూసేవాలా’ గత ఏడాది మే 29న దుండగుల చేతిలో దారుణంగా చంపబడిన  విషయం తెలిసిందే. అతను మరణించినప్పటికి సిద్దూ మూసేవాలా పాటలు భారీగా ఆర్జిస్తున్నాయి. ఏప్రిల్ 7 2023న సిద్దు కొత్త పాట విడుదల అయింది. యూట్యూబ్ లో రిలీజ్ అయిన ఈ సాంగ్ 5 గంటల్లోనే ఐదున్నర మిలియన్ల పైగా వ్యూస్ పొందింది.

సిద్దూ మూసేవాలా 29 ఏళ్ల వయసులోనే మరణించినా, ఇప్పటికీ ఆయన తనకున్న ఫ్యాన్ ఫాలోయింగ్‌ ద్వారా, అలాగే  యూట్యూబ్ డీల్‌, రాయల్టీల ద్వారా కూడా కోట్లు ఆర్జించగలిగాడు. ఇక ఆయన ఆస్తులన్నీటిని సిద్దూ పేరెంట్స్ కు బదిలీ చేశారు. ఆయన చనిపోయే సమయానికి సిద్దూ ఆస్తుల విలువ దాదాపు 14 మిలియన్ డాలర్లు అనగా ఇండియన్ కరెన్సీ లో 100 కోట్ల కన్నా ఎక్కువ. సిద్ధుకు లగ్జరీ కార్లు, ఇంకా ఇతర ఖరీదైన వస్తువులు ఉన్నట్లు తెలుస్తోంది. సిద్దూ మూసేవాలా లైవ్ షో, కచేరీ లాంటి వాటికి దాదాపు ఇరవై లక్షలు, పబ్లిక్ షోస్ కు రెండు లక్షల వరకు తీసుకునేవాడని సమాచారం.సిద్దూ మూసేవాలా చిన్న వయసులోనే గాయకుడిగా ప్రసిద్ధి చెందాడు. ఆయన యూట్యూబ్ ఛానల్ చనిపోయిన తరువాత సంపాదిస్తోంది. యూట్యూబ్ పాలసీల ద్వారా, వ్యూవ్స్ ద్వారా రాయల్టీలు ఇస్తోంది. ఒక వీడియో లేదా ఒక పాట కానీ  మిలియన్ వ్యూస్ పొందినట్లయితే యూట్యూబ్ దానికి 1000 డాలర్లను ఇస్తుంది. రీసెంట్ గా రిలీజ అయిన సిద్ధూ కొత్త సాంగ్ 18 మిలియన్ల పైగా వ్యూస్ సంపాదించింది. అందువల్ల ఈ పాటకు యూట్యూబ్ ప్రస్తుతానికి రూ. 14.3 లక్షలు ఇవ్వాల్సి ఉంటుంది. అయితే ఈ పాటకు మరిన్ని వ్యూస్ వచ్చే అవకాశం ఉందని అనుకుంటున్నారు.
ఇవే కాకుండా సిద్ధూ మూసేవాలా వింక్, స్పాటిఫై లాంటి ప్లాట్‌ఫామ్‌ల నుండి రాయల్టీ మరియు అడ్వర్టైజ్‌మెంట్ డీల్స్  ద్వారా చనిపోయిన తరువాత కూడా తన పాటల వల్ల రెండు కోట్ల రూపాయల కన్నా ఎక్కువగా సంపాదించాడు. ఇక రీసెంట్ గా రిలీజ్ అయిన వీడియోలో సిద్దు గాత్రానికి నైజీరియన్ గాయకుడు రాప్ ను అందించారు. ఈ వీడియోలో టెక్నాలజీ సహయంతో సింగర్ సిద్దు మూసే వాలా కనిపించేట్లుగా చేశారు.
Also Read: “అనితా ఓ అనితా” సింగర్ నాగరాజు గుర్తున్నారా..? ఇప్పుడు అతని పరిస్థితి ఎంత దయనీయంగా ఉందో తెలుసా..?

‘అనితా ఓ అనిత’, ఈ పాట ఒకప్పుడు ఎంతగానో పాపులర్ అయ్యింది. సోషల్ మీడియా లేని రోజుల్లోనే ఈ పాట సంచలనం సృష్టించింది. ఈ తరం యూత్ కి పెద్దగా తెలియకపోవచ్చు. కానీ 90 దశకంలోని యూత్ కు ఈ సాంగ్ గురించి ప్రత్యేకంగా చెప్పనవసరం లేదు. 15 సంవత్సరాల క్రితం ఓ ఊపు ఊపిన పాట ఇది. చిన్న పిల్లల దగ్గర నుండి పెద్దవారి వరకు అందరు పాడుకునేవారు.

ఎక్కడ చూసిన ఈ పాటే వినిపించేది. ఎంతగా అంటే మూవీ సాంగ్స్ కన్నా ఎక్కువ ఈ పాటే వినిపించేది. అప్పట్లో ఈ పాట మాత్రమే కాదు. ఈ పాట వెనక ఉన్న ప్రేమ కథ కూడా ఆరోజుల్లో చాలా ఫేమస్ అయ్యింది. తన లవర్ తో బ్రేకప్ అయిన ప్రేమికుడి మనోవేదనే ఈ పాట. ఇక ఈ పాట రాసిన రచయిత పేరు నాగరాజు. అతను తన లవ్ స్టోరిని, విడిపోయిన బాధను ఇలా ఓ పాట రూపంలో తెలిపాడు. ఈ సాంగ్ తో నాగరాజు కూడా చాలా ఫేమస్ అయ్యాడు. అంతగా పాపులర్ అయిన నాగరాజు సినిఇండస్ట్రీలో రాణిస్తాడని అందరు అనుకున్నారు. కానీ అతడు హఠాత్తుగా కనిపించకుండా పోయాడు. సుమారు పది సంవత్సరాల తర్వాత మళ్ళీ కనిపించాడు. ఒక యూట్యూబ్ ఛానల్ కు ఇచ్చిన ఇంటర్వ్యూలో తన జీవితంలోని కష్టాల గురించి చెప్తూ కంటతడి పెట్టుకున్నాడు. నాగరాజు గురించి అతని మాటల్లోనే ఇప్పుడు తెలుసుకుందాం..
సింగర్ నాగరాజు ఇంటర్వ్యూలో మాట్లాడుతూ అనిత అనే యువతిని ప్రేమించానని, అయితే తమ వివాహానికి అనిత ఇంట్లో వాళ్లు అంగీకరించకపోవడంతో విడిపోయామని తెలిపాడు. ఆ బాధతోనే ‘అనిత ఓ అనిత’ పాటను రాశానని, ఈ సాంగ్ రాయడం కోసం నెల రోజుల సమయం పట్టిందని తెలిపారు. తాను ఆ పాట రాయడానికి ముందు ఆర్కేస్ట్రాలో గాయకుడిగా చేసేవాడినని అన్నారు. తాను రాసిన మొదటి పాట ‘అనిత’ సాంగ్ ను తానే పాడినట్లు తెలిపారు. అప్పట్లో నేను మరణించానని రూమర్స్ కూడా వచ్చాయి. ఆ సమయంలో చాలా బాధ పడ్డానని తెలిపారు. అప్పుడు హైదరాబాద్‌ అంతా కొత్తగా అనిపించింది. దాంతో భయపడి మా ఊరికి వెళ్లిపోయాను. అనితకు వేరే వ్యక్తితో పెళ్లి జరిగింది. నాకు దేవిక అనే అమ్మాయితో వివాహం జరిగింది. మాకు ఇద్దరు పిల్లలు. పెద్దబాబుకి చెవిటి, మూగ. చిన్నబాబు కూడా పెద్దవాడిలానే సైగలే చేస్తాడని అన్నారు. కొంతకాలం పాటు పాన్‌షాపుతో నెట్టుకొచ్చానని, కళామతల్లి కాపాడుతుందని ఫ్యామిలీతో పాటు హైదరాబాద్‌కు షిఫ్ట్‌ అయ్యామని తెలిపారు. ప్రస్తుతం తాను అనిత-2 పాటను విడుదల చేయనున్నట్లు వెల్లడించారు.

Also Read: పుష్ప 2 : ‘వేర్ ఇస్ పుష్ప..??’ వీడియో ప్రచారానికి ఎంత ఖర్చయిందో తెలుసా..??

టాలీవుడ్‌లో ఈ తరం నటులలో అద్భుతంగా నటించేవారిలో సూపర్ స్టార్ మహేష్ బాబు ముందు వరుసలో ఉంటారని చెప్పవచ్చు. బాల నటుడిగా సినీ పరిశ్రమలో అడుగు పెట్టిన మహేష్, ఆ తరువాత హీరోగా ఎంట్రీ ఇచ్చి తక్కువ సమయంలోనే స్టార్ హీరోగా ఎదిగాడు. ఒక్కడు, పోకిరి సినిమాలు మహేష్ బాబు కెరీర్‌కి మలుపు తిప్పాయి.  ఆయన సినిమా కోసం ఆడియెన్స్ ఎంతగానో ఎదురు చూసే స్థాయికి చేరాడు.

ఇండస్ట్రీలో మహేష్ కున్న క్రేజ్ గురించి అందరికి తెలిసిందే. మహేష్ బాబుతో ‘ఒక్కడు’ వంటి ల్యాండ్ మార్క్ చిత్రాన్ని తెరకెక్కించిన దర్శకుడు గుణ శేఖర్ మహేష్ బాబు పా ఇంట్రెస్టింగ్ కామెంట్స్ చేశారు. గుణ శేఖర్ తెరకెక్కించిన శాకుంతలం చిత్రం ప్రపంచ వ్యాప్తంగా ఏప్రిల్  14న  రిలీజ్ కాబోతోంది. ఈ క్రమంలో మూవీ యూనిట్ ప్రమోషన్స్ లో బిజీగా ఉంది. దీనిలో భాగంగా ఇచ్చిన ఇంటర్వ్యూలో గుణశేఖర్ మహేష్ గురించి చేసిన కామెంట్స్ ప్రస్తుతం సోషల్ మీడియాలో వైరల్ గా మారాయి.ఆయన మాట్లాడుతూ మహేష్ ఎంతో ప్రమాదకరమైన పర్సన్ అని, ఆయనతో ఒక్కసారి మూవీ చేస్తే, ఇంకో హీరోతో చేయాలనిపించదని అన్నారు. అంతలా మహేష్ మాయ చేస్తాడని, దాంతో మళ్లీ ఆయనతోనే మూవీ చేయాలని కోరుకుంటారని అన్నారు. అలా మహేష్‌ తో ఒక్కడు, సైనికుడు, అర్జున్ చిత్రాలను చేశానని తెలిపారు.ఈ విధంగా ఈ జనరేషన్ హీరోలలో ఒకే దర్శకుడితో వరుసగా 3 చిత్రాలు చేసిన హీరోని చూశారా అని అడిగారు. ఇక మహేష్‌తో మాత్రమే చిత్రాలు చేస్తే బాగుండదనే ఉద్దేశ్యంతో విరమం తీసుకున్నానని ఆయన తెలియచేసారు. ఇక దర్శకుడు గుణశేఖర్ తెరకెక్కించిన శాకుంతలం సినిమా ఈ నెల 14 న ఆడియెన్స్ ముందుకు రానుంది. ఈ చిత్రంలో సమంత, దేవ్ మోహన్ జంటగా నటించిన ఈ చిత్రంలో మోహన్ బాబు, మధుబాల కీలక పాత్రలలో నటించారు.Also Read: “రవి తేజ”తో జత కట్టిన ఈ 15 మంది హీరోయిన్స్ కి… రవి తేజకి మధ్య ఎంత ఏజ్ గ్యాప్ ఉందో తెలుసా..?

ఐకాన్ స్టార్ అల్లు అర్జున్‌ హీరోగా సుకుమార్‌ డైరెక్షన్ లో తెరకెక్కిన ‘పుష్ప’ సినిమా దేశవ్యాప్తంగా సెన్సేషన్ క్రియేట్ చేసింది. అల్లు అర్జున్‌ ఈ మూవీతో పాన్‌ ఇండియా స్టార్ గా మారారు. దాంతో సీక్వెల్‌గా రాబోతున్న’పుష్ప 2’మూవీపై భారీగా అంచనాలు ఏర్పడ్డాయి. అల్లు అర్జున్‌ పుట్టినరోజు సందర్భంగా ఈరోజు ‘హంట్‌ ఫర్‌ పుష్ప’ అనే కాన్సెప్ట్‌ వీడియోను రిలీజ్ చేశారు.

పుష్ప2 మూవీకి సంబంధించి  చిన్న అప్ డేట్ వచ్చినా కూడా  మూవీపై అంచనాలను మరింతగా పెంచుతూ పుష్ప2 ఇండస్ట్రీ హిట్ అనే విశ్వాసాన్ని కలిగిస్తోంది. ఈ క్రమంలో పుష్ప2  మూవీ నుంచి టీజర్ విడుదల కాగా, ఈ టీజర్ కు వ్యూస్ రికార్డ్ రేంజ్ లో వస్తున్నాయి. తెలుగు టీజర్ కు 18 మిలియన్ల వ్యూస్ నమోదు అయ్యాయి. ఇక ఈ టీజర్ తో ఈ మూవీ పై అంచనాలు ఒక్కసారిగా పెరిగాయి. ఈ సినిమా మైత్రీ మేకర్స్‌ పతాకం పై రవిశంకర్‌, నవీన్‌ ఎర్నేని, ఈ చిత్రాన్ని తెరకెక్కిస్తున్నారు.ఈ టీజర్ లో అల్లు అర్జున్‌ తగ్గేదేలే మ్యానరిజంలో చేతికున్న చిటికిన వేలు గోరు పెద్దగా ఉన్నట్టుగా చూపించారు. ఆ వీడియోలో విజువల్ మొత్తం బ్లాక్ అండ్ వైట్ రంగులో ఉండడం, ఆ గోరు మాత్రమే రంగులో హైలైట్ గా చూపించారు. దీనితో దర్శకుడు సుకుమార్ బ్రిలియెన్స్ కనిపించింది. దాంతో ఆసక్తికర ప్రశ్న కూడా తలెత్తింది. అది దేనికి సూచన అంటూ చర్చిస్తున్నారు. అయితే ఆ తరువాత విడుదల చేసిన పుష్ప ఫస్ట్ లుక్ తో ఆ గోరు విషయంలో క్లారిటీ వస్తుంది. ఫస్ట్ లుక్ లో బన్నీ అమ్మవారి వేషధారణలో కనిపించారు. ఆ వేషధారణ కోసమే గోరు పెంచారని తెలుస్తోంది. చిత్తూరు ప్రాంతంలో ఉన్న అమ్మవారి ఆచారం ప్రకారంగా మొక్కు తీర్చడం కోసం పురుషులు అమ్మవారిలా వేషం ధరిస్తారని, ఇప్పటికీ కూడా ఆ ఆచారం ఉందని సోషల్ మీడియాలో నెటిజన్స్ కామెంట్స్ పెడుతున్నారు. దీనితో ఈ విషయం వైరల్ గా మారింది.  Also Read: “హౌజ్‌ కీపింగ్‌” నుండి నటిగా మారిన ”త్రినయని” సీరియల్ తిలోత్తమ స్టోరీ..! ఈమె కథ వింటే హాట్సాఫ్ అనాల్సిందే..!