kavitha Page 112
Author

kavitha

Hai this is Kavitha. Cover the media industry. I write on the Movies, TV channels, OTT platforms and anything that is a medium for content distribution.

Off Beat

రైలు వెనుక ఉండే X, LV గుర్తులు కనిపించకపోతే ఏమవుతుంది..? అప్పుడు ఏం చేయాలి..?

by kavitha
written by kavitha

ఇండియాలో అధిక సంఖ్యలో ప్రజలు రైలులో ప్రయాణిస్తుంటారు. వేరే వాహనాలతో పోలిస్తే ట్రైన్ జర్నీ ఎంతో  సౌకర్యంగా ఉంటుంది. దూర ప్రయాణాలు చేసే వారు ఎంపిక చేసుకునేది రైలు ప్రయాణమే. ఇక రైలులో ప్రయాణించని వారు అరుదుగా ఉంటారని చెప్పవచ్చు. అయితే ప్రతి ఒక్కరూ రైలును చూసే ఉంటారు.

అయితే ట్రైన్ ను గమనించినప్పుడు దాని మీద కొన్ని ప్రత్యేకమైన గుర్తులు కనిపిస్తుంటాయి. అందులో ఎక్కువగా ‘ఎక్స్’ మరియు ‘ఎల్వీ’ అనే గుర్తులు కనిపిస్తాయి. మరి ఆ గుర్తులు రైలు వెనకభాగంలో ఎందుకు రాస్తారో?  దానికి అర్థం ఏమిటో ఇప్పుడు చూద్దాం..
ప్రతిరోజూ లక్షలాది మంది రైళ్లలో ప్రయాణం చేస్తుంటారు. ప్రయాణించే సమయంలో కానీ, వాటి కోసం వేచి చూసే సమయంలో కానీ రైల్వే స్టేషన్ లో కనిపించే రైళ్ల పై చాలా రకాల గుర్తులు కనిపిస్తుంటాయి. వాటిలో ఎక్కువగా రైలు వెనకాల ఉండే ఎక్స్ గుర్తును దాదాపు అందరు చూసే ఉంటారు. ఈ గుర్తు రైలు చివరి బోగి పై చాలా పెద్దగా రాసి ఉంటుంది. అందువల్ల తేలికగా కనిపిస్తుంది.
నిజానికి ఈ పెద్దగా రాసిన ఎక్స్ గుర్తు ఎల్లప్పుడూ ట్రైన్ ఆఖరి బోగీ పై రాస్తారు. దీని అర్థం ఏమిటంటే ఆ గుర్తు ఉన్న బోగీ ఆ రైలు యొక్క ఆఖరి పెట్టె. ఇక ప్యాసింజర్ ట్రైన్ చివరి పెట్టెలో ఎక్స్ మాత్రమే కాకుండా ఎల్‌వి అనే గుర్తు లేదా అక్షరాలు కూడా ఉంటాయి. ఎల్‌వి అనగా లాస్ట్ వెహికల్ అని అర్ధం. ఈ రెండు గుర్తులు ముఖ్యంగా రైల్వే ఉద్యోగులకు మరియు అధికారులకు సంబంధించినవి.
ఒకవేళ రైలు చివరి బోగీ మీద ఎక్స్ లేదా ఎల్వి గుర్తు కనిపించకపోతే రైల్వే ఉద్యోగి లేదా అధికారి వెంటనే అలర్ట్ అయ్యి ఆ విషయన్ని సమీప కంట్రోల్ రూమ్‌కు సమాచారం చేరవేస్తాడు. ఈ రెండు గుర్తులు రైలు చివరి బోగీ పై  కనిపించకపోతే ఆ రైలు యొక్క చివరి బోగీ లేదా రైలు కొంత భాగం ఆ ట్రైన్ నుండి వేరు అయ్యిందని అర్ధం.

Also Read: స్పీడ్ లో దీన్ని మించింది లేదు..! “కోరమాండల్” సూపర్ ఫాస్ట్ ఎక్స్‌ప్రెస్ చరిత్ర ఎంటో తెలుసా..?

 

Filmy Adda

“ఆదిపురుష్” చిత్రానికి బడ్జెట్ ఎంత..? రావాల్సింది ఎంతంటే..!

by kavitha
written by kavitha

రామాయణం ఇతివృత్తంతో తెరకెక్కిన సినిమా ‘ఆదిపురుష్’. ప్రస్తుతం ఈ మూవీ గురించే ఎక్కువగా వినిపిస్తోంది. పాన్ ఇండియా స్టార్ ప్రభాస్, కృతి సనన్ జంటగా నటిస్తున్న ఈ చిత్రాన్ని భారీ బడ్జెట్ తో ప్రతిష్టాత్మకంగా నిర్మించారు.

బాలీవుడ్ దర్శకుడు ఓం రౌత్ ఈ చిత్రాన్ని తెరకెక్కించారు. ఆదిపురుష్ జూన్ 16న గ్రాండ్ గా పాన్ ఇండియా వైడ్ గా విడుదల అవనుంది. ఈ నేపథ్యంలో మూవీ యూనిట్ ప్రమోషన్స్ మొదలుపెట్టారు. దానిలో భాగంగా నేడు తిరుపతిలో ఈ మూవీ ప్రీ రిలీజ్ ఈవెంట్ జరుగనుంది.
సినీ ఇండస్ట్రీలో ప్రస్తుతం ఆదిపురుష్ హాట్ టాపిక్ గా మారింది. ఈ చిత్రంలో ప్రభాస్ శ్రీరాముడిగా నటిస్తున్నారు. సీతాదేవిగా బాలీవుడ్ హీరోయిన్ కృతిసనన్, రావణసురుడిగా సైఫ్ అలీఖాన్ నటిస్తున్నారు. తానాజీ డైరెక్టర్ ఓం రౌత్ ఈ సినిమాకి దర్శకత్వం వహిస్తున్నారు. ఈ సినిమాని ఈ నెల 16న తెలుగు, మలయాళం, కన్నడ, తమిళ, హిందీ భాషల్లోలలో చాలా గ్రాండ్ గా విడుదల చేయబోతున్నారు.
a new contraversy triggered on aadipurush..ఈ క్రమంలో ఆదిపురుష్ మూవీ బడ్జెట్ దాదాపు 600 కోట్ల భారీ బడ్జెట్ తో నిర్మించారు. బిజినెస్ గురించి చూసినట్లయితే ఇప్పటివరకు ఈ మూవీకి శాటిలైట్, మరియు డిజిటల్ రైట్స్ అన్ని భాషలకు 250 కోట్లు వచ్చాయట. అయితే ఈ చిత్రం మ్యూజిక్ రైట్స్ ను మాత్రం అమ్మలేదని సమాచారం. ఇక తెలుగు రాష్ట్రాలలో ముందుగా యువి క్రియేషన్స్ విడుదల చేస్తుందని అనుకున్నా, ఆ తరువాత పీపుల్స్ మీడియా ఫ్యాక్టరీ 185 కోట్లకు కొనుగోలు చేసినట్లు తెలుస్తోంది. ఇక ఓవర్సీస్, ఇతర భాషలకు ఆ రాష్ట్రాలలోని లోకల్ డిస్ట్రిబ్యూటర్ల ద్వారా టి సిరీస్ సొంతంగా విడుదల చేయాలని  అనుకుంటునట్లు తెలుస్తోంది. సినిమాకు మంచి టాక్ వస్తే ఫస్ట్ వీకెండ్ లోనే ప్రొడ్యూసర్లు సేఫ్ అయ్యే ఛాన్సులు ఉన్నాయని తెలుస్తోంది. ఈ రోజు తిరుపతిలో ఆదిపురుష్ ప్రీరిలీజ్ ఈవెంట్ జరుగుతోంది. ఈ వేడుకకు చినజీయర్ స్వామి చీఫ్ గెస్ట్ గా హాజరవుతున్నారు.

Also Read: “ఉయ్యాలవాడ నరసింహారెడ్డి” కథలో నిజం ఎంత..? అసలు ఏం జరిగింది..?

 

 

Off Beat

“ఉయ్యాలవాడ నరసింహారెడ్డి” కథలో నిజం ఎంత..? అసలు ఏం జరిగింది..?

by kavitha
written by kavitha

1847లో అనగా భారత మొదటి స్వాతంత్ర పోరాటానికి పది సంవత్సరాల ముందే, బ్రిటిషు వారి అధికారాన్ని  ఎదుర్కొని, వారిపై తిరుగుబాటు చేసిన మొదటి తెలుగు వీరుడు ‘ఉయ్యాలవాడ నరసింహారెడ్డి’. 1846లో ప్రారంభం అయిన నరసింహారెడ్డి తిరుగుబాటు ఏడాది పాటు కొనసాగి 1847లో ఆయన మరణంతో ముగిసిపోయింది.  

ఆ వీరుడి కథతో తెలుగులో సైరా అనే చిత్రం రూపొందించబడింది. ఇందులో నరసింహారెడ్డి పాత్రను మెగాస్టార్ చిరంజీవి పోషించారు. ఈ మూవీ రిలీజ్ తరువాత నరసింహారెడ్డి పాత్రపై ఎన్నో విమర్శలు వచ్చాయి. ఆయన మొదటి స్వాతంత్ర్య సమరయోధుడు కాదని, ఆయన కన్నా ముందే మరొకరు బ్రిటిష్ వారిపై పోరాటం చేశారని వినిపించారు. ఆ వీరుడు ఎవరో? ఉయ్యాలవాడ నర్సింహారెడ్డి కథ ఏమిటో ఇప్పుడు చూద్దాం..
ఉయ్యాలవాడ గ్రామం కర్నూలు జిల్లాలో ఉంది. ఈ ఉయ్యాలవాడ గ్రామానికి నరసింహారెడ్డి తండ్రి అయిన పెద మల్లారెడ్డి పాలెగాడుగా ఉండేవాడు. నరసింహారెడ్డి తాత, నొస్సం జమీదారు అయిన చెంచుమల్ల జయరామిరెడ్డి సంతానం లేకపోవడంతో నరసింహారెడ్డిని దత్తతగా తీసుకున్నాడు. నరసింహారెడ్డికి తండ్రి తరపున మాసానికి 11 రూపాయల, పది అణాల, ఎనిమిది పైసలు భరణంగా వచ్చేది.

అయితే నరసింహారెడ్డి తాత జయరామిరెడ్డి సంతానం లేకుండా చనిపోయారనే వంకతో అప్పటిదాకా ఇస్తూ వచ్చిన భరణాన్ని ఆయన మరణంతో బ్రిటీషు ప్రభుత్వం రద్దుచేసింది. దానికి కారణం తెలియాలి అంటే పాలేగాళ్ల వ్యవస్థ గురించి తెలియాలి. పాలేగాళ్ల వ్యవస్థ: 

విజయనగర రాజుల కాలంలోనే పాళెగాళ్ల వ్యవస్థ ఏర్పడింది. విజయనగర ప్రభువులు సా.శ.15వ శతాబ్దిలో ప్రజలకు రక్షణ, శాంతి భద్రతలను సంరక్షించేందుకు పాలెగాళ్లను నియమించారు. అయితే 1565లొ తళ్ళికోట యుద్దంలో రామ రాయలు ఓటమితో విజయనగర సామ్రాజ్యం యొక్క పతనం ప్రారంభం అయ్యి, 1646 వరకు పూర్తిగా అంతరించి పోయింది. ఆ తరువాత ఇప్పటి రాయలసీమ ప్రాంతం నిజాం మరియు ఇతర నవాబుల పాలనలోకి వచ్చింది. 1782లో టిప్పుసుల్తాన్ పాలన మొదలైన తరువాత ఈ ప్రాంతం టిప్పుకు, నిజాం రాజుకు మధ్య ఆదిపత్య పోరులో నలిగింది.

అనంతపురం, రాయదుర్గం, చిత్తూరు గుర్రంకొండ టిప్పు స్వాదీనం చేసుకున్నాడు. అయితే మరో వైపు ఇండియాలో “ఈస్ట్ ఇండియా” కంపెనీ ఆదిపత్యం బాగా పెరిగింది. వీరు టిప్పు సుల్తానుతో యుద్ధం చేసి మొదట ఓడినా ఆ తరువాత గెలిచారు. దానితో టిప్పు సుల్తాన్ ఈస్ట్ ఇండియా కంపెనీతో ఒప్పందం వల్ల రాయలసీమ ప్రాంతాన్ని “నిజాం” కు ఇచ్చాడు. 1799లో ఈస్ట్ ఇండియా కంపెనీ వారితో జరిగిన యుద్దంలొ టిప్పు సుల్తాన్ మరణించాడు. దాంతో దక్షిణాదిలో నిజాం మాత్రమే బలమైన రాజుగా ఉన్నాడు. టిప్పు చనిపోవడంతో ఈస్ట్ ఇండియా వారికి యుద్దాలు చేయాల్సిన అవసరం లేకపోయింది.
అయితే నిజాంకు బ్రిటిష్ వారి “ఆయుధ” మద్దతు అవసరం ఉండటంతో 1800లో రాయలసీమను ఈస్ట్ ఇండియా కంపినీకి నిజాం రాసిచ్చాడు. అలా రాయలసీమలో బ్రిటీష్ వారి అధికారం ప్రారంభమైంది. దానికి “థామస్ మన్రో” కలెక్టరుగా వచ్చారు. మన్రో రాయలసీమలొ బ్రిటీష్ వారికి పన్నుల వసూలు చేయడంతో అతనికి “పాలెగాళ్ళ” నుంచి పూర్తి వ్యతిరేకత వచ్చింది. కాకతీయ రుద్రమ పరిపాలనలో ప్రారంభం అయిన “నాయకుల” వ్యవస్థకు విజయనగర పాలేగాళ్ల వ్యవస్థ కూడా జత చేయబడింది.
పాలెగాళ్ళు బ్రిటిష్ వాళ్లను ఎదిరించే నాటికి 350 ఏళ్ల నుండి కొండ మార్గాల్లో కోట్లు, దుర్గాలు, బురుజులు నిర్మించుకుని నివాసముంటూ ప్రజల రక్షణ బాధ్యతలను చూసుకుంటూ ఉండేవారు. బ్రిటిష్‌కు వ్యతిరేకంగా పోరాటాలు చేసినందుకు పాలెగాళ్లను బ్రిటిష్ ప్రభుత్వం బందిపోట్లు అని నిందించింది. నిజాం బ్రిటిష్ గవర్నర్ ప్రవేశపెట్టిన ‘సైన్య సహకార’ పద్ధతికి పెట్టిన షరతుల్లో రాయలసీమను ఇవ్వడంతో రాయలసీమ మొత్తం కోపం ఊగిపోయింది. ఎనబై మంది పాలెగాళ్లు 33,000 మంది సైనికులతో కలిసి ఈస్ట్ ఇండియా కంపెనీ వారిని ముప్పు తిప్పలు పెట్టారు.
సా.శ.1801 నుంచి 1806 వరకు చిత్తూరు పాలెగాళ్లు బ్రిటిష్ వారికి ఎదురించి నిలబడ్డారు. ఈ పోరాటాలలోబ్రిటిష్‌వారు యాదరకొండ పాలెగాడు రామప్ప నాయుడిని సా.శ.1804లో ఉరి తీశారు. ఆ తరువాత బంగారు పాళ్యం పాలెగారు, చారగళ్లు పాలె గాళ్లను ఉరితీశారు. మిగిలిన పాలె గాళ్లను ఆధీనంలోకి తీసుకున్నారు. బ్రిటీషు ప్రభుత్వం పాలేగాళ్ల ఆస్తులు, మాన్యాలను ఆక్రమించుకోవడం కోసం పాలెగాళ్ళ వ్యవస్థను పూర్తిగా రద్దుచేసి, వారికి నెలవారీ భరణాల ఇవ్వడం మొదలుపెట్టింది. 

వీరపాండ్య కట్టబ్రహ్మన: 

18శతాబ్దానికి చెందిన వీరపాండ్య కట్టబ్రహ్మన స్వాతంత్ర్య సమరయోధుడు. ఇతను పాలెగాళ్ళలో ఒకడు. ఈస్ట్ ఇండియా కంపెనీ అధికారాన్ని కాదని వారిపై తిరుగుబాటు చేసాడు. 1799లొ తమిళనాడులో కట్ట బ్రహ్మన్నను యుద్దంలో ఓడించి 39 ఏళ్ళ వయస్సులో సా.శ. 1799లో అక్టోబరు 16వ తేదీన బ్రిటిష్ వారు ఉరి తీసారు. కట్ట బ్రహ్మన్నను చంపటం బ్రిటిష్ వారు పాలెగాళ్ళ వ్యవస్థను నిర్మూలించటం కోసం.
నరసింహారెడ్డి తిరుగుబాటు: 

నరసింహారెడ్డి తాతగారు, జయరామిరెడ్డి సంతానం లేక చనిపోయాడనే నెపంతో అప్పటి వరకు ఇస్తూన్న భరణాన్ని బ్రిటిషు ప్రభుత్వం రద్దు చేసింది. భరణం నిలిచిపోవడంతో నరసింహారెడ్డి రావలసిన భరణం కోసం కోయిలకుంట్ల తహసిల్దారు వద్దకు తన సైనికుడిని పంపాడు. ఆ తహసిల్దారు భరణం ఇవ్వకుండా నరసింహారెడ్డిని తిట్టి పంపించడంతో ఆ భటుడు నరసింహారెడ్డికి జరిగిన విషయం తెలిపాడు. నరసింహారెడ్డి అటువంటి అవమానం బ్రతకడం కంటే చావే మేలని భావించి, అదే భటునితో తహసిల్దారుకు తాను వస్తున్నట్టుగా కబురు పంపాడు.
మాన్యాలు, ఆస్తులు పోగొట్టుకున్న ఇతర పాలేగాళ్ళు రెడ్డి నాయకత్వంలో చేరారు. వీరిలో వనపర్తి, జటప్రోలు, మునగాల, హైదరాబాదుకు చెందిన సలాం ఖాన్, కర్నూలుకు చెందిన పాపాఖాన్,పెనుగొండ, అవుకు జమీందార్లు,  కొందరు చెంచులు, బోయలు కూడా ఉన్నారు. 1846 జూన్ నెలలో నరసింహారెడ్డి తిరుగుబాటు ప్రారంభం అయ్యింది. చాలా నెలలపాటు బ్రిటిష్ వారితో గెరిల్లా యుద్దం చేశాడు. ఆఖరికి 1847లొ నరసింహారెడ్డిని బ్రిటీష్ వాళ్ళు బంధించి ఊరి బహిరంగంగా ఆయన ఉరి తీశారు.
ఇది తంగిరాల వెంకట సుబ్బారావుగారు రాసిన “రేనాటి సూర్యచంద్రులు” అనే గ్రంధంలో కనిపిస్తుంది. నరసింహారెడ్డి వీరత్వాన్ని కీర్తిస్తూ ఇప్పటికీ జానపదులు, ఉగ్గుకథలు, గేయాలు, పాటల రూపంలో వివరిస్తారు. ఆయన ఆనవాళ్ళు కోయిలకూట ప్రాంతంలో కనిపిస్తాయి. స్థానికులు కూడా ఆయన వీరచరితను కథలుకథలుగా చెప్పుకుంటుంటారు. 

Also Read: ఈ “కోట” వల్ల అప్పుల పాలు అయ్యారా..? అసలు ఎందుకు కట్టారు..?

Filmy Adda

నిఖిల్ “స్వయంభు” కథ ఇదేనా..? ఇంకొక బ్లాక్ బస్టర్ అయ్యేలా ఉందిగా..?

by kavitha
written by kavitha

‘కార్తికేయ-2’ మూవీ పాన్ ఇండియా వైడ్ గా బ్లాక్ బస్టర్ అవడంతో నిఖిల్‌ సిద్దార్థకి పాన్ ఇండియా వైడ్ గా క్రేజ్ ఏర్పడింది. టాలీవుడ్ యంగ్ హీరోలలో నిఖిల్ దూసుకెళ్తున్నాడు. అతడి లైనప్ కూడా మామలుగా లేదు. వరుసగా పాన్ ఇండియా సినిమాలను ఒకదాని తరువాత మరొకటి లైన్ లో పెట్టాడు. 

ఆ చిత్రాల నిఖిల్, కాన్వాస్, మార్కెట్ వేరే లెవెల్ లో కనిపించేలా ఉన్నాయి. ఇటీవల రిలీజైన ‘స్పై’ టీజర్ వేరే రేంజ్ సినిమాలా కనిపించింది. ఆ తరువాత వచ్చిన ‘ది ఇండియా హౌస్’ కూడా భారీ సినిమానే. ఇక నిఖిల్ పుట్టినరోజున ప్రకటించిన ‘స్వయంభు’ పోస్టర్ లో నిఖిల్ వీరుడి కనిపించి అందరినీ ఆశ్చర్యపోయేలా చేశాడు. మరి దాని వెనుక ఉన్న కథ ఏమిటో ఇప్పుడు చూద్దాం..
టాలీవుడ్ యంగ్ హీరో నిఖిల్ వరుస పాన్ ఇండియా చిత్రాలలో నటిస్తున్నాడు. అతని పుట్టిన రోజున కొత్త ఇంకా పోస్టర్ ను విడుదల చేశారు. టైటిల్ ‘స్వయంభు’ ప్రకటన. ఈ పోస్టర్ నిఖిల్ యుద్ధ వీరుడిగా కనిపించి అందరిని సర్ప్రైజ్ చేశాడు. ఈ సినిమా ఆడియన్స్ లో ఆసక్తి రేకెత్తిస్తోంది. ఈ మూవీ చారిత్రక సాగే స్టోరీ అని తెలుస్తోంది. భరత్ కృష్ణమాచారి అనే కొత్త డైరెక్టర్ ‘స్వయంభు’ మూవీతో టాలీవుడ్‌లో ఎంట్రీ ఇవ్వబోతున్నారు.
భరత్ కోలీవుడ్ రచయిత, దర్శకుడిగా అతనికి స్వయంభు మొదటి చిత్రం. అతను కోలీవుడ్ లో కొన్ని చిత్రాలకు రచయితగా పని చేశాడు. అయితే భరత్ కృష్ణమాచారి చోళుల బ్యాక్ డ్రాప్‌లో ఒక ఇంట్రెస్టింగ్ వారియర్ కథను సిద్ధం చేసుకుని ప్రొడ్యూసర్ ఠాగూర్ మధుకు వినిపించాడు. మధు దగ్గర ఆల్రెడీ హీరో నిఖిల్ డేట్లు ఉన్నా, కార్తికేయ-2తో వచ్చిన ఇమేజ్‌కి తో ఈ సినిమా చేయడానికి ఒకే అన్నారట.
అయితే ఈ స్టోరీలో ఎక్కువ తమిళ ఫ్లేవర్ ఉండటం, చోళుల బ్యాక్ డ్రాప్ లో ‘పొన్నియన్ సెల్వన్’ చిత్రం రిలీజ్ అవడంతో బింబిసార రైటర్ వాసుదేవ్ సహకారంతో ఈ కథ పై వర్క్ చేసిన  డైరెక్టర్ చోళుల కనెక్షన్ తొలగించి, ఒక ఫిక్షనల్ కథగా మార్చినట్లు తెలుస్తోంది. స్క్రిప్ట్ మొత్తం సిద్ధం అయిన తరువాత ఈ చిత్రాన్ని ప్రకటించారు. ఈ సినిమా ఆగస్టులో షూటింగ్ మొదలవునుంది.

Also Read: “ఆదిపురుష్‌” మూవీ ప్రదర్శించే థియేటర్లలో ఒక సీటును ఖాళీగా వదిలేస్తారా..? ఎందుకో తెలుసా.?

 

Filmy Adda

“ఆదిపురుష్‌” మూవీ ప్రదర్శించే థియేటర్లలో ఒక సీటును ఖాళీగా వదిలేస్తారా..? ఎందుకో తెలుసా.?

by kavitha
written by kavitha

ఇండస్ట్రీలో ప్రస్తుతం ఎక్కువగా ఆసక్తి కలిగిస్తున్న విషయం ఏదైనా ఉందా అంటే అది “ఆదిపురుష్‌” సినిమానే. ఇక సోషల్ మీడియాలో ఈ మూవీ పై జరిగే చర్చ గురించి అయితే చెప్పనక్కరలేదు. ఈ మూవీ ఎప్పుడెప్పుడు రిలీజ్ అవుతుందా అని ప్రభాస్ ఫ్యాన్స్ తో పాటు ఆడియెన్స్ ఎదురు చూస్తున్నారు.

రామాయణ కథను మరోసారి వెండి తెర పై చూడాలని ఎంతో ఆతృతగా ఉన్నారు. ఇటీవల రిలీజ్ అయిన ట్రైలర్‌ తో  చిత్రం పై భారీ అంచనాలు పెరిగాయి. ఈ క్రమంలోనే చిత్ర యూనిట్ తాజాగా వినూత్న నిర్ణయాన్ని ప్రకటించింది. అది ఏమిటో ఇప్పుడు చూద్దాం..
యంగ్ రెబల్ స్టార్ ప్రభాస్ రాముడిగా నటించిన ఆదిపురుష్‌ చిత్రం జూన్ 16 న పాన్ ఇండియా వైడ్ గా రిలీజ్ కానుంది. ఈ నేపథ్యంలో చిత్ర యూనిట్ నేడు (జూన్ 6) ప్రీరిలీజ్‌ ఈవెంట్ ను తిరుపతిలో నిర్వహిస్తోంది. ఈ వేడుక  ఈ రోజు సాయంత్రం జరగనుంది. ఈవెంట్ కోసం గ్రాండ్‌గా ఏర్పాట్లు జరుగుతున్నాయి. ప్రీ రిలీజ్ ఈవెంట్ కి ప్రముఖ ఆధ్యాత్మిక గురువు చినజీయర్ స్వామి ముఖ్య అతిథిగా వస్తుండడం విశేషం.
తాజాగా ఆదిపురుష్ మేకర్స్ యువీ క్రియేషన్స్, పీపుల్స్ మీడియా ఫ్యాక్టరీ సంయుక్తంగా ఒక ప్రకటన రిలీజ్ చేశారు. ఈ ప్రకటన ఆంజనేయస్వామి భక్తులకు గూస్ బంప్స్ ను తెప్పిస్తోంది. అది ఏమిటంటే “ఆది పురుష్‌” సినిమా ప్రదర్శించే థియేటర్లలో ఒక సీటును హనుమంతుడి కోసం ఖాళీ ఉంచడం. ఇందుకోసం ఏర్పాట్లు చేస్తున్నట్టు ఆ ప్రకటనలో చెప్పారు. హనుమంతుడి కోసం సీటు ఖాళీగా ఉంచడం ఏంటనే సందేహం వస్తుంది. దానికి సమాధానం కూడా ఆ ప్రకటనలో ఇచ్చారు.

ఎక్కడ రామాయాణ పారాయణం జరిగినా, ఎక్కడ శ్రీరామ కథను ప్రదర్శించినా అక్కడ ఒక ఆసనాన్ని వేస్తుంటారు. అలా వేయడానికి కారణం శ్రీరామ కథను వీక్షించేందుకు ఆ స్థలానికి ఆంజనేయుడు వస్తాడని భక్తుల నమ్మకం. ఆ కారణంగానే మూవీ యూనిట్‌ కూడా ఆంజనేయుడి కోసం ఒక సీటును ప్రత్యేకంగా కేటాయించాలని నిర్ణయం తీసుకున్నట్టు ప్రకటనలో తెలిపింది.

https://www.instagram.com/p/CtHWvRIpbvj/?igshid=NTc4MTIwNjQ2YQ%3D%3D

Also Read: జెనీలియా, మీరా జాస్మిన్ తో పాటు… మళ్లీ సినిమాల్లోకి ఎంట్రీ ఇవ్వనున్న ఆనాటి 9 హీరోయిన్లు..!

Filmy Adda

సేమ్ టు సేమ్..! ఈ సినిమాలో ట్రైన్ సంఘటన సీన్ అచ్చం అలాగే రిపీట్ అయ్యింది కదా..?

by kavitha
written by kavitha

జూన్ 2న ఒడిశాలో కోరమాండల్ సూపర్ ఫాస్ట్ రైలు ప్రమాదం గురించి తెలిసిందే. ఈ ఘటనలో ఇప్పటి వరకు 280 మందికి పైగా మరణించినట్లుగా తెలుస్తోంది. ఈ ఘటనతో  దేశవ్యాప్తంగా విషాదం అలుముకుంది. ఈ ప్రమాదం పై ఇతర రాష్ట్రాల ముఖ్యమంత్రులే కాకుండా ఇతర దేశాల అధినేతలు మరణించిన వారి ఫ్యామిలిలకు సానుభూతిని  తెలియజేస్తున్నారు. ఒడిశా ముఖ్యమంత్రి నవీన్ పట్నాయక్ ప్రమాద స్థలాన్ని పరిశీలించారు.

ప్రధాన మంత్రి  నరేంద్రమోడి కూడా ప్రమాద స్థలాన్ని పరిశీలించారు. ఇదిలా ఉంటే ఈ ప్రమాదం అచ్చం ఒక సినిమాలోని రైలు ప్రమాదం లాగే ఉందనే టాక్ వినిపిస్తోంది. ఆ చిత్రం ఇటీవల రిలీజ్ అయ్యి, విజయం సాధించింది. విమర్శకుల ప్రశంసలు పొందింది. మరి ఆ చిత్రం ఏమిటో? ఆ రైలు ప్రమాదం ఏమిటో ఇప్పుడు చూద్దాం..
ఒరిస్సాలో జరిగిన కోరమండల్ రైలు ప్రమాదం దేశం మొత్తాన్ని ఒక్కసారిగా విషాదంలో ముంచేసింది. ఈ ప్రమాదం లో  280కి పైగా మరణించగా, 1000కి పైగా తీవ్రంగా గాయపడ్డారు. ఈ ప్రమాదాన్ని భారత దేశ రైల్వే హిస్టరీలోనే అత్యంత విషాదకర సంఘటనల్లో ఒకటిగా అనుకుంటున్నారు. నలబై సంవత్సరాల క్రితం హార్‌లోని సహస్ర దగ్గర ఒక ప్యాసింజర్‌ రైలు ప్రమాదంలో 500 మంది మరణించారు.
ఇదే ఇప్పటివరకు అత్యంత ఘోరమైన ప్రమాదం. ఇప్పుడు జరిగిన ప్రమాదంలో 280 మందికి పైగా చనిపోయారు. ఈ ప్రమాదానికి గల కారణాల పై భిన్నామైన అభిప్రాయాలు వినిపిస్తున్నాయి. ఇదిలా ఉండగా కొందరు ఈ ప్రమాదం ఇటీవల రిలీజ్ అయిన “విడుదల పార్ట్ 1” సినిమాలో జరిగినట్లే ఉంది అని అంటున్నారు. ఈ చిత్రంలో కోలీవుడ్ స్టార్ హీరో విజయ్ సేతుపతి, తమిళ నటుడు సూరి ప్రధాన పాత్రలలో నటించారు. ఈ చిత్రాన్ని కోలీవుడ్ దర్శకుడు వెట్రిమారన్ తెరకెక్కించాడు. ఆయన చిత్రాలు ఎక్కువగా వాస్తవ సంఘటనల ఆధారంగా తెరకెక్కుతాయి.
ఈ చిత్రం రిలీజ్ అయినపుడు కూడా ఈ మూవీలో కొన్ని సీన్స్,  కొందరు వ్యక్తులు వాస్తవానికి దగ్గరగా ఉన్నాయని టాక్ వినిపించింది. విడుదల పార్ట్ 1 సినిమా రైలు ప్రమాద సన్నివేశంతో మొదలవుతుంది. అయితే ఈ సినిమాలో ఇక ట్రైన్ ను బాంబుతో పేల్చే స్తారు. అయితే ప్రమాదం మాత్రం అచ్చం ఒడిశాలో కోరమాండల్ సూపర్ ఫాస్ట్ రైలు ప్రమాదం లాగే ఉండడంతో సేమ్ టు సేమ్, ఆ సినిమాలోని  సీన్ రిపీట్ అయిందని కామెంట్స్ వినిపిస్తున్నాయి.

Also Read: రియల్ TO రీల్..! అసలు నిజ జీవితంలో ఈ వ్యక్తి ఎవరో తెలుసా..?

Off Beat

స్పీడ్ లో దీన్ని మించింది లేదు..! “కోరమాండల్” సూపర్ ఫాస్ట్ ఎక్స్‌ప్రెస్ చరిత్ర ఎంటో తెలుసా..?

by kavitha
written by kavitha

ఒడిశాలో జూన్ 2న కోరమాండల్ సూపర్ ఫాస్ట్ ఎక్స్ ప్రెస్ రైలు గూడ్స్ రైలును ఢీ కొట్టిన సంగతి తెలిసిందే. ఈ ఘోర ప్రమాదంలో ఇప్పటి వరకు 280 మందికి పైగా మృతి చెందినట్లు సమాచారం. ఈ ప్రమాదం పీఎం, రాష్ట్రపతి, వివిధ రాష్ట్రాల సీఎంలు మాత్రమే కాకుండా వివిధ దేశాల అధినేతలు కూడా స్పందిస్తూ, మృతుల కుటుంబాలకు తమ  సానుభూతి తెలుపుతున్నారు.

ఇప్పటికే ఒడిశా ముఖ్యమంత్రి నవీన్ పట్నాయక్, ప్రధాని మోడి ప్రమాద స్థలాన్ని పరిశీలించారు. ఇదిలా ఉంటే, ఈ ప్రమాదం అనంతరం కోరమాండల్ సూపర్ ఫాస్ట్ ఎక్స్ ప్రెస్ గురించి తెలుసుకోవడానికి చాలా మంది గూగుల్ లో వెతుకుతున్నారు. అయితే కోరమాండల్ ఎక్స్ ప్రెస్ చరిత్ర గురించి ఇప్పుడు చూద్దాం..
కోరమండల్ సూపర్ ఫాస్ట్ ఎక్స్ ప్రెస్ భారత దేశంలో తొలి సూపర్ ఫాస్ట్ ట్రైన్. రైల్వే చరిత్రలో లెజెండ్. అలాగే వేగంలో రారాజు అని చెప్పవచ్చు. ప్రస్తుతం రాజధాని, దురంతో, శతాబ్ది, వందేభారత్ ట్రైన్స్ వచ్చాయి. అయితే 46  సంవత్సరాల క్రితం వచ్చిన మొట్టమొదటి సూపర్ ఫాస్ట్ ట్రైన్ ఇదే. ఇండియన్ హిస్టరీలో అత్యధిక వేగం కలిగిన  మొట్టమొదటి రైలుగా పేరుగాంచింది.
1997లో మార్చి 6న మొదలైన ఈ సూపర్ ఫాస్ట్ రైలు గంటకు దాదాపు 130 కిలోమీటర్ల వేగంతో ప్రయాణిస్తుంది. ఈ రైలు హౌరా నుండి చెన్నై మధ్య 4 రాష్ట్రాల గుండా 25 గంటల్లో, 16 వందల 61 కి.మీ. ప్రయాణిస్తుంది. ఈ రైలు ప్రతీరోజూ దాదాపు 1661 కి.మీ. ప్రయాణిస్తుంది. ఈ ట్రైన్ చెన్నైలో మొదలయితే నాన్ స్టాప్ గా 431 కిలో మీటర్లు ప్రయాణించి 6 గంటల్లో విజయవాడ చేరుకుంటుంది.
క్షణాల్లో స్టేషన్ దాటుతుందంటే దాని వేగం అలాంటిది. 46 ఏళ్ళుగా నిరంతరాయంగా తమిళనాడు, ఒడిశా, ఆంధ్రప్రదేశ్, పశ్చిమబెంగాల్ వరకు ప్రయాణిస్తోంది. మొదట్లో వారానికి 2 సార్లు మాత్రమే నడిచేది. ఆ తర్వాత ఈ రైలుకు డిమాండ్ పెరగటంతో ఈ ట్రైన్ ను ప్రతిరోజూ నడుపుతున్నారు. గతంలో కూడా కోరమండల్ ఎక్స్ ప్రెస్ యాక్సిడెంట్ కి గురైంది.
అయితే ప్రస్తుతం జరిగిన ఈ యాక్సిడెంట్ మాత్రం చాలా పెద్దది. ఈ ట్రైన్ ను ప్రవేశపెట్టిన తరువాత ఇలాంటి భారీ ప్రమాదం జరగలేదు. ఇప్పటి దాకా లక్షలాది మందిని సురక్షితంగా వారి గమ్యస్థానాలకు చేర్చిన కోరమండల్ సూపర్ ఫాస్ట్ ఎక్స్ ప్రెస్ కు భారీ యాక్సిడెంట్ జరగటంతో దాని హిస్టరీని, స్పీడ్ ను ఆయా ప్రాంతాలవారు జ్ఞాపకం చేసుకుంటున్నారు.

Also Read: రైలు ఇంజిన్ అంత వేగంగా వెళుతూ విద్యుత్ తీగలను తాకుతూ ఉన్నా…అవి ఎందుకు తెగిపోవో తెలుసా.?

 

 

Filmy Adda

పవన్ ‘తీన్‌ మార్’ ఫ్లాప్‌ కావడం పై 12 ఏళ్ల తరువాత దర్శకుడి కామెంట్స్..! ఏం అన్నారంటే..?

by kavitha
written by kavitha

ప్రముఖ టాలీవుడ్ దర్శకుడు జయంత్ సి పరాన్జీ గురించి నేటి తరం ఆడియెన్స్ కు అంతగా తెలియకపోవచ్చు. కానీ    90 లలోని తెలుగు ప్రేక్షకులకు ఆయన సుపరిచితమే. ‘ప్రేమించుకుందాం రా’ చిత్రం ద్వారా డైరెక్టర్ గా తెలుగు ఇండస్ట్రీకి పరిచయం అయిన జయంత్ సి పరాన్జీ, ఆ తరువాత అనేక అద్భుతమైన చిత్రాలకు దర్శకత్వం వహించారు.

తన సినిమాలతో తెలుగు ఆడియెన్స్ కు చేరువ అయిన జయంత్ సి పరాన్జీ చివరిగా టాలీవుడ్ లో పవన్ కళ్యాణ్ నటించిన ‘తీన్ మార్’ అనే మూవీకి దర్శకత్వం చేశారు. అయితే ఈ మూవీ ప్లాప్ అయ్యింది. తాజాగా జయంత్ సి పరాన్జీ ఒక ఇంటర్వ్యూలో ఆ మూవీ ప్లాప్ కు కారణం చెప్పారు. అది ఏమిటో ఇప్పుడు చూద్దాం..
1997లో ప్రేమించుకుందాం రా సినిమాతో దర్శకుడిగా జయంత్ సి పరాన్జీ, ఆమూవీ హిట్ తో వరుస అవకాశాలు అందుకుని, టాలీవుడ్ అగ్ర హీరోలు అందరితోనూ సినిమాలను చేశారు. ఎన్నో సూపర్ డూపర్ హిట్లు ఇచ్చిన ఆయన పవర్ స్టార్ పవన్ కళ్యాణ్, త్రిష హీరోహీరోయిన్లుగా ‘తీన్ మార్’ అనే సినిమాని చేశారు. ఈ చిత్రం 2011 లో రిలీజ్ అయ్యి ప్లాప్ గా నిలిచింది. ఇక ఆ మూవీ తరువాత జయంత్ తెలుగు ఇండస్ట్రీకి దూరం అయ్యారు.
అయితే ఇటీవల ఓ ఇంటర్వ్యూలో పాల్గొన్న డైరెక్టర్ జయంత్ ‘తీన్‌మార్‌’ ప్లాప్ కావడం పై స్పందించారు. జయంత్ మాట్లాడుతూ ‘ తీన్‌మార్‌ సినిమా నాకు ఇప్పటికీ, ప్రెష్‌ ప్రేమకథగానే అనిపిస్తుంది. ఈ మూవీ ప్లాప్ అవడానికి కారణాలు అయితే చెప్పలేను. కానీ ఈ సినిమా వల్ల కొందరు పవన్ ఫ్యాన్స్‌ నిరాశ పడ్డారు.అన్నిటికన్నా ముఖ్యంగా హీరోయిన్ త్రిషకు సోనూసూద్‌తో పెళ్లి కావడం, ఆ తర్వాత త్రిష మళ్ళీ పవన్‌ కల్యాణ్‌ వద్దకు రావడం వంటి సన్నివేశాలు ఆడియెన్స్ కి నచ్చలేదు. పవర్ స్టార్ ఇమేజ్ ఉన్న పవన్ కళ్యాణ్ ని ఫ్యాన్స్ ఈ సినిమాలో చూడలేక పోయారు. ఇదే సినిమాని ఆ సమయంలోని యంగ్ హీరోతో తెరకెక్కించి ఉంటే రిజల్ట్ వేరేలా ఉండేది కావచ్చు” అని అన్నారు.

Also Read:  “రంగస్థలం”లో ఈ రెండు సీన్లు ఎప్పుడైనా గమనించారా.? రామలక్ష్మి చెప్పినప్పుడు ఎందుకు అర్థం కాలేదు అనుకుంటున్నారా.?

Sports Adda

“WTC ఫైనల్‌” కు వర్షం ముప్పు..! మ్యాచ్ రద్దయితే విజేత ఎవరు..? ICC రూల్స్ ఏం చెబుతున్నాయంటే..?

by kavitha
written by kavitha

ఇండియన్ క్రికెట్ టీమ్ ఐసీసీ వరల్డ్ టెస్ట్ ఛాంపియన్‌షిప్ లో రెండవ సారి ఫైనల్ లో చోటు సంపాదించుకుంది. జూన్ 7 నుంచి 11 వరకు డబ్ల్యూటీసీ రెండవ ఎడిషన్ ఫైనల్ మ్యాచ్ ఇండియా, ఆస్ట్రేలియా మధ్య ఇంగ్లండ్‌లోని ఓవల్‌లో జరగనుంది. అయితే డబ్ల్యూటీసీ తొలి ఎడిషన్‌లో కూడా టీం ఇండియా ఫైనల్‌కు చేరుకుంది. కానీ న్యూజిలాండ్‌ పై గెలుపును సాధించలేకపోయింది.

దాంతో ఈసారి ఆ లోటును భర్తి చేయాలని, అలాగే 2013 నుంచి ఐసీసీ ట్రోఫీని సాధించాలనే కోరికను తీర్చుకోవాలని భారత జట్టు భావిస్తోంది. అయితే ఫైనల్‌ మ్యాచ్ లో వర్షం పడే ఛాన్స్ ఉండడంతో డబ్ల్యూటీసీ విజేతను ఎలా నిర్ణయిస్తారనే విషయం గురించి ప్రస్తుతం క్రికెట్ ఫ్యాన్స్ ఆలోచిస్తున్నారు. మరి వర్షం పడినపుడు  ఐసీసీ రూల్స్ ఏం చెబుతున్నాయో ఇప్పుడు చూద్దాం..
ఈసారి ఎలాగైనా ఐసీసీ ట్రోఫీ సాధించాలనే కసితో భారత జట్టు ఆస్ట్రేలియాతో ఫైనల్ మ్యాచ్ లో తలపడబోతుంది. ఆఖరిసారిగా న్యూజిలాండ్‌ తో జరిగిన ఫైనల్ మ్యాచ్ లో విరాట్ కోహ్లీ కెప్టెన్ గా ఉన్నాడు. ఈసారి రోహిత్ శర్మ కెప్టెన్ గా  వ్యవహరిస్తున్నారు. జూన్ 7 నుండి 11 వరకుఇంగ్లండ్‌లో జరిగే ఈ మ్యాచ్ కు వర్షం అంతరాయం కలిగించే అవకాశం ఉంది. ఇటీవల జరిగిన ఐపీఎల్ 16వ సీజన్ ఫైనల్ మ్యాచ్ కు కూడా వర్షం వల్ల అంతరాయం ఏర్పడిన విషయం తెలిసిందే.
ఇక ఇప్పుడు డబ్ల్యూటీసీ  ఫైనల్ కు కూడా వర్షం అడ్డంకిగా మారే ఛాన్స్ ఉంది. అయితే, ఈ ఫైనల్ మ్యాచ్ కూడా రిజర్వ్ డే అందుబాటులో ఉంది. కెన్నింగ్‌టన్‌ ఓవల్‌ గ్రౌండ్ లో జరిగే డబ్ల్యూటీసీ ఫైనల్‌ లో వర్షం పడే ఛాన్స్ ఉండడంతో ట్రోఫీ విన్నర్ ను ఎలా నిర్ణయిస్తారు అనే ప్రశ్న అందరిలోనూ వస్తోంది. జూన్ 7 – 11 వరకు జరిగే మ్యాచ్ లో నిర్ణయం రానట్లయితే జూన్ 12 రిజర్వ్ డే అందుబాటులో ఉంది.
ఇక వర్షం కారణంగా ఫైనల్‌ మ్యాచ్ రద్దు అయినట్లయితే, ఐసిసి రూల్స్ ప్రకారం ఫైనల్‌ లో తలపడే రెండు జట్లను అంటే ఇండియా మరియు ఆస్ట్రేలియా రెండు జట్లను ఐసిసి చాంపియన్‌షిప్ విజేతలుగా ప్రకటిస్తుంది. అందువల్ల భారత జట్టు అభిమానులు ఆందోళన పడాల్సిన అవసరం ఏమాత్రం లేదు.

Also Read: టీం ఇండియాలో “స్టార్ ప్లేయర్” అన్నారు… కానీ IPL లో మాత్రం “ఫ్లాప్ ప్లేయర్” అయ్యాడు..! మరి ఇప్పుడు ఇతని పరిస్థితి ఏంటి..?

 

Filmy Adda

“ఆర్టిఫిషియ‌ల్ ఇంటిలిజెన్స్‌ (AI)” ద్వారా సృష్టించిన.. 12 హీరోయిన్ల ఫోటోలు..!

by kavitha
written by kavitha

ఆర్టిఫిషియ‌ల్ ఇంటిలిజెన్స్‌, ఎక్కడ చూసినా ప్రస్తుతం వినిపిస్తున్న పేరు. ఇటీవల కాలంలో కృతిమ మేధస్సును దాదాపుగా అన్ని రంగాలలో ఉపయోగిస్తున్నారు. విద్యార్ధుల దగ్గర నుండి సంస్థల వరకు దీనిని ఉపయోగిస్తున్నారు. వినిపిస్తున్న పేరు. ప్రస్తుతం ఇది చాలా పాపులర్ అయ్యింది.

ఆర్టిఫిషియల్ ఇంటెలిజెన్స్ కంప్యూటర్ నియంత్రిత సాఫ్ట్‌వేర్‌ లేదా రోబోట్. ఇది మనిషిలాగే ఆలోచిస్తుంది. ఇటీవల కాలంలో ఆర్టిఫిషియల్ ఇంటెలిజెన్స్ ఉపయోగించి దేవుళ్ళ చిత్రాలను, హీరోల చిత్రాలను రూపొందించారు. తాజాగా  ఆర్టిఫిషియల్ ఇంటెలిజెన్స్ సహాయంతో కొందరి హీరోయిన్ల ఫోటోలను రూపొందించారు. ప్రస్తుతం ఆ చిత్రాలు సోషల్ మీడియాలో షికారు చేస్తున్నాయి. మరి వాటిలో ఏ హీరోయిన్ ఫోటోలు ఉన్నాయో ఇప్పుడు చూద్దాం..
1. సమంత: 

టాలీవుడ్ స్టార్ హీరోయిన్ సమంత రీసెంట్ గా శాకుంతలం చిత్రంతో ఆడియెన్స్ ను పలకరించింది. ప్రస్తుతం విజయ్ దేవరకొండతో ఖుషి మూవీలో నటిస్తోంది. అలాగే బాలీవుడ్ లో సిటడెల్ లోనూ నటిస్తోంది. తాజాగా AI రూపొందించిన ఫోటోలో ఇలా ఉన్నారు.
2. పూజా హెగ్డే: 

స్టార్ హీరోయిన్ గా ఇటు టాలీవుడ్ లోనూ, అటు బాలీవుడ్ లోనూ రాణిస్తున్న హీరోయిన్ పూజా హెగ్డే. సూపర్ స్టార్  మహేష్ బాబు నటిస్తున్న గుంటూరు కారం చిత్రంలో హీరోయిన్ గా నటిస్తోంది. తాజాగా AI రూపొందించిన ఫోటోలో ఇలా ఉన్నారు.
3. సాయి పల్లవి: 

టాలీవుడ్ లో లేడి పవర్ స్టార్ గా పేరుగాంచిన హీరోయిన్ సాయి పల్లవి. మూవీలో ఎంతపెద్ద స్టార్ ఉన్నారని చూడకుండా తనకు స్టోరి నచ్చితే కానీ నటించదు. తాజాగా AI రూపొందించిన ఫోటోలో ఇలా ఉన్నారు.
4. రష్మికా మందన్న:

నేషనల్ క్రాష్ రష్మిక మందన్న పుష్ప చిత్రంతో పాన్ ఇండియా వైడ్ గా క్రేజ్ సొంతం చేసుకుంది. ప్రస్తుతం పలు చిత్రాలలో నటిస్తూ బిజీగా ఉన్నారు. తాజాగా AI రూపొందించిన ఫోటోలో ఇలా ఉన్నారు.
5. కీర్తి సురేష్:

హీరోయిన్ కీర్తి సురేష్ ఫోటోను ఆర్టిఫిషియ‌ల్ ఇంటిలిజెన్స్‌ సహాయంతో రూపొందించారు.
6. అనుష్క శెట్టి:

దేవసేనగా ఆడియెన్స్ అలరించిన అనుష్క శెట్టి ఫోటోను ఆర్టిఫిషియ‌ల్ ఇంటిలిజెన్స్‌ సహాయంతో రూపొందించారు.
7. కాజల్ అగర్వాల్:

కాజల్ అగర్వాల్ ఫోటోను ఆర్టిఫిషియ‌ల్ ఇంటిలిజెన్స్‌ సహాయంతో ఈ విధంగా రూపొందించారు.
8. కృతి శెట్టి :

కృతి శెట్టి ఫోటోను ఆర్టిఫిషియ‌ల్ ఇంటిలిజెన్స్‌ సహాయంతో ఈ విధంగా రూపొందించారు.
9. రకుల్ ప్రీత్ సింగ్:

రకుల్ ప్రీత్ సింగ్ ఫోటోను ఆర్టిఫిషియ‌ల్ ఇంటిలిజెన్స్‌ సహాయంతో ఈ విధంగా రూపొందించారు.
10. ప్రియాంకా మోహన్: 

ప్రియాంకా మోహన్ ఫోటోను ఆర్టిఫిషియ‌ల్ ఇంటిలిజెన్స్‌ సహాయంతో ఈ విధంగా రూపొందించారు.
11. రాశి కన్నా: 

రాశి కన్నా ఫోటోను ఆర్టిఫిషియ‌ల్ ఇంటిలిజెన్స్‌ సహాయంతో ఈ విధంగా రూపొందించారు.
12. దీపికా పదుకొనే: 

బాలీవుడ్ హీరోయిన్ దీపికా పదుకొనే ప్రభాస్ తో ప్రాజెక్ట్ చిత్రం నటిస్తోంది. దీపికా పదుకొనే ఫోటోను ఆర్టిఫిషియ‌ల్ ఇంటిలిజెన్స్‌ సహాయంతో ఈ విధంగా రూపొందించారు.

Also Read: “బాహుబలి” చిత్రాల కోసం అన్ని కోట్ల అప్పు చేశారా..? “రానా” కామెంట్స్ వైరల్..!

Newer Posts
Older Posts