Mohana Priya

మన హీరోలు అంటే మనకి అభిమానం ఉండడం సహజమే. కానీ, మన హీరోల మీద అభిమానంతో ఇంకొక హీరోని తక్కువ చేసి మాట్లాడడం మాత్రం తప్పు. ఇటీవల కాలంలో ఇలాంటివి చాలా ఎక్కువ అయ్యాయి. మా హీరో తోపు అని అనడం బాగానే ఉంటుంది.

మీ హీరో మాత్రం దేనికి పనికిరాడు అనడం మాత్రం కాస్త అతిగా అనిపిస్తుంది. ఇటీవల ఒక పెద్ద తెలుగు హీరో, ఇంకొక పెద్ద హిందీ హీరో మధ్య కాంపిటీషన్ ఎక్కువ అవ్వడంతో ఈ పెద్ద తెలుగు హీరో ఫ్యాన్స్ హిందీ హీరోని ఇష్టం వచ్చినట్టు తిడుతున్నారు.

ఆ హీరోలు ఎవరో పేర్లు చెప్పకుండానే చాలా మందికి అర్థం అయిపోయి ఉంటుంది. వాళ్లే. బాహుబలి తర్వాత ప్రభాస్ భారతదేశ వ్యాప్తంగా చాలా ఫేమస్ అయ్యారు. ఒకరకంగా చెప్పాలి అంటే తెలుగు సినిమాని అంతర్జాతీయంగా గుర్తింపు పొందేలా చేయడంలో ప్రభాస్ పాత్ర కూడా కొంతమేరకు ఉంది. ఇందులో ఎటువంటి సందేహం లేదు. బాహుబలి తర్వాత ప్రభాస్ నటించిన మూడు సినిమాలు కూడా అంచనాలని అందుకోలేకపోయాయి. అయినా కూడా ప్రభాస్ నెక్స్ట్ సినిమాలకి చాలా ఎక్కువ డిమాండ్ ఉంది.

ఇప్పుడు ప్రభాస్ హీరోగా ప్రశాంత్ నీల్ దర్శకత్వంలో వస్తున్న సలార్ సినిమా మీద భారీగా అంచనాలు ఉన్నాయి. ఈ సినిమా కూడా రెండు భాగాలుగా విడుదల అవుతుంది. ఇందులో అంచనాలు ఎక్కువగా ఉండడానికి మొదటి కారణం ప్రభాస్ అయితే, మరొక కారణం ప్రశాంత్ నీల్. అయితే సెప్టెంబర్ లో రిలీజ్ అవ్వాల్సిన ఈ సినిమా వాయిదా పడి డిసెంబర్ లో విడుదల అవుతోంది. కానీ డిసెంబర్ కి చాలా నెలల ముందే షారుఖ్ ఖాన్ హీరోగా నటించిన డంకీ సినిమా విడుదల అవుతుంది అని ప్రకటించారు. అయితే ఇప్పుడు సలార్ కూడా దగ్గర దగ్గర అదే సమయంలో రిలీజ్ అవుతోంది.

సలార్ డేట్ మారే అవకాశం లేదు. అయితే, సడన్ గా డేట్ మార్చిన సలార్ టీం తగ్గనప్పుడు, డిసెంబర్ లో సినిమా రిలీజ్ అవుతుంది అని ఎప్పుడో చెప్పిన డంకీ టీం మాత్రం ఎందుకు తగ్గుతుంది? వీళ్లు కూడా చెప్పిన డేట్ కి వస్తాం అని చెప్పారు. దాంతో ప్రభాస్ అభిమానులు షారుఖ్ ఖాన్ మీద ట్రోలింగ్ చేయడం మొదలు పెట్టారు. ఇప్పటికే, డంకీ కి సంబంధించి ఒక చిన్న టీజర్, అలాగే ఒక పాట విడుదల చేశారు. టీజర్ బాగుంది. కానీ పాట మాత్రం అంత గొప్పగా ఏమీ లేదు. దాంతో, ” మా డైనోసార్ వస్తే, మీ డాంకీ (డంకీ) పక్కకి తప్పుకోవాల్సిందే. మర్యాదగా సినిమా రిలీజ్ డేట్ వాయిదా వేసుకుంటే మీకే మంచిది” అంటూ కామెంట్స్ చేయడం మొదలు పెట్టారు.

కానీ ఇక్కడ ప్రభాస్ మీద అభిమానం వల్ల ఏమో కానీ, లేదా తెలుగు సినిమా అనే భాషాభిమానం వల్ల ఏమో కానీ, ఒక విషయాన్ని మర్చిపోతున్నారు. బాలీవుడ్ లో గొప్ప సినిమాలు రావు, కలెక్షన్స్ రావు, బాలీవుడ్ పని అయిపోతోంది అని అనుకునే సమయానికి పఠాన్ సినిమాతో ఒక్క సారిగా మళ్లీ బాలీవుడ్ కి పూర్వ వైభవాన్ని తీసుకొచ్చిన నటుడు షారుఖ్ ఖాన్. ఈ సినిమా తెలుగు, తమిళ్ భాషల్లో కూడా విడుదల అయ్యి కలెక్షన్స్ సాధించింది. భారతీయ సినిమా ఇండస్ట్రీలో సూపర్ స్టార్స్ అనే ప్రస్తావన వస్తే మొదటి అయిదు హీరోల్లో ఉండే వ్యక్తి షారుఖ్ ఖాన్.

ఇటీవల వచ్చిన రొటీన్ స్టోరీ ఉన్న జవాన్ సినిమాతోనే 1000 కోట్లు కొట్టారు. ఇంత రొటీన్ సినిమాని డబ్బింగ్ లో చూసి తమిళ్, తెలుగు ప్రేక్షకులు కూడా ఆదరించారు. అందుకే అంత కలెక్షన్స్ వచ్చాయి. అలాంటి వ్యక్తిని ఇంత తక్కువ అంచనా ఎలా వేస్తున్నారు? ఇంక ఇప్పుడు ఈ సినిమా టీజర్, పాటల సంగతి అంటారా? సినిమాకి దర్శకుడు రాజ్‌కుమార్ హిరానీ. అంతకు ముందు మున్నాభాయ్ ఎంబిబిఎస్, లగే రహో మున్నాభాయ్, త్రీ ఇడియట్స్, పీకే వంటి సినిమాలు రూపొందించారు.

ఈ సినిమాల ట్రైలర్ కానీ, లేదా సినిమాకి సంబంధించి విడుదల చేసిన ప్రోమో కానీ సినిమా గురించి పెద్దగా ఆసక్తి క్రియేట్ చేయకుండానే ఉన్నాయి. పీకే సినిమా విషయానికి వస్తే అమీర్ ఖాన్ ఒక ఏలియన్ అని మాత్రమే చూపించారు. కానీ సినిమాకి వెళ్లి చూసిన తర్వాత ఎన్నో ఎమోషనల్ అంశాలని ఈ సినిమాలో మాట్లాడారు. ఆయన సినిమాలు అన్నీ ఇలాగే ఉంటాయి. పైన చెప్పిన నాలుగు సినిమాల్లో మూడు సినిమాలు సౌత్ లో రీమేక్ చేశారు.

అందులో ఒక సినిమా మెగాస్టార్ చిరంజీవికి గుర్తుండిపోయే సినిమాల్లో ఒకటిగా నిలిచింది. ఇంకొక విషయం ఏమిటంటే మన ప్రభాస్ కి ఫేవరెట్ డైరెక్టర్ కూడా ఈయనే. చాలా మంది, “ఏ నమ్మకంతో ప్రభాస్ సినిమాకి పోటీగా మీ సినిమా విడుదల చేస్తున్నారు?” అని కామెంట్స్ చేస్తున్నారు. హీరో, డైరెక్టర్ పాత రికార్డుల గురించి మర్చిపోయి మాట్లాడుతున్నారు ఏమో. ఒకరు తక్కువ అంచనా వేసిన ప్రతిసారి తనని తాను నిరూపించుకొని, తన స్థానాన్ని ఎవరు భర్తీ చేయలేరు అని తన సినిమాలతో పదే పదే చెప్తున్న హీరో. మరొకరు స్ట్రాంగ్ కంటెంట్ కి పెట్టింది పేరు అయిన డైరెక్టర్.

తన సినిమాలతో ప్రతి సారి ప్రేక్షకులని ఆశ్చర్యానికి గురి చేస్తూ ఉంటారు. కంటతడి పెట్టించే ఎన్నో ఎమోషన్స్ ని తెర మీద చూపిస్తారు. ఇద్దరికీ తమకంటూ ఒక స్పెషాలిటీ ఉంది. ఈ నమ్మకం చాలదా సినిమా విడుదల చేసుకోవడానికి? మన సినిమాని మనం పొగుడుతున్నాం అంటే సరే. కానీ అవతల పక్క ఉన్న స్టార్ హీరో సినిమాని తక్కువ చేసి మాట్లాడడం అనేది మన అవివేకం అవుతుంది ఏమో. చెప్పలేం. ఎమోషన్ బాగా పండితే ఈ సినిమాకి కూడా అంతే మంచి రెస్పాన్స్ వస్తుంది ఏమో.

ALSO READ : మా ప్రభాస్ సినిమాని ఇలా చేశారు ఏంటయ్యా..? హిందీ ఛత్రపతి సినిమాలో ఈ సీన్ చూస్తే నవ్వు ఆపుకోలేరు..?

తమిళ్ స్టార్ హీరోయిన్ త్రిష, నటుడు మన్సూర్ అలీ ఖాన్ వివాదం రోజురోజుకీ ముదురుతోంది. ఇవాళ ప్రెస్ మీట్ లో మన్సూర్ అలీ ఖాన్ మాట్లాడిన మాటలు చర్చనీయాంశం అయ్యాయి.

ఇటీవల లియో సినిమాలో తనకి త్రిషకి మధ్య కొన్ని సీన్స్ ఉంటే బాగుంటుంది అంటూ ఆ సీన్స్ గురించి వివరించిన విధానం మీద చాలా గొడవలు అయ్యాయి. త్రిష ఈ విషయంపై మాట్లాడుతూ, “మన్సూర్ అలీ ఖాన్ అలా మాట్లాడడం తప్పు” అని చెప్పారు.

ఇదే విషయం మీద లియో డైరెక్టర్ లోకేష్ కనగారాజ్ కూడా మాట్లాడుతూ, “మన్సూర్ అలీ ఖాన్ మాట్లాడిన మాటలు చాలా తప్పు” అన్నారు. అంతే కాకుండా ఎంతో మంది నటులు, తెలుగు సినిమా ఇండస్ట్రీ నుండి నితిన్, మెగాస్టార్ చిరంజీవి వంటి వాళ్లు కూడా త్రిషకి మద్దతుగా మాట్లాడుతూ సోషల్ మీడియా ద్వారా తమ అభిప్రాయాన్ని వ్యక్తం చేశారు. అంతే కాకుండా తమిళ సినిమా సంఘం అయిన నడిగర్ సంఘం మన్సూర్ అలీ ఖాన్ ని బ్యాన్ చేస్తూ తాత్కాలిక బ్యాన్ విధించింది.

ఈ విషయం మీద ఇవాళ మన్సూర్ అలీ ఖాన్ మాట్లాడారు. నడిగర్ సంఘం మన్సూర్ అలీ ఖాన్ ఈ విషయాన్ని అర్థం చేసుకొని క్షమాపణలు చెప్తేనే తనపై ఉన్న బ్యాన్ ఎత్తి వేస్తాము అని అన్నారు. దాంతో ఈ విషయంపై మన్సూర్ అలీ ఖాన్ మాట్లాడుతూ క్షమాపణలు చెప్పేది లేదు అని అన్నారు. ఇండియా టుడే కథనం ప్రకారం ప్రెస్ మీట్ లో మన్సూర్ అలీ ఖాన్ ఈ విధంగా మాట్లాడారు.

ఈ విషయంపై మన్సూర్ అలీ ఖాన్ మాట్లాడుతూ, “నా మీద తాత్కాలిక నిషేధం విధించి నడిగర్ సంఘం తప్పు చేసింది. ఇలాంటి ఒక విషయం జరిగినప్పుడు నన్ను వివరణ కూడా అడగలేదు. నాకు ఫోన్ చేసి ఉండాల్సింది. లేకపోతే నా కామెంట్స్ గురించి వివరణ అడుగుతూ ఒక నోటీస్ అయినా విడుదల చేయాల్సింది. విచారణ జరగాలి. కానీ అది జరగలేదు. నడిగర్ సంఘం నా మీద చేసిన బ్యాన్ ని ఉపసంహరించుకోవడానికి నేను నాలుగు గంటల సమయం ఇస్తున్నాను. వాళ్లు నన్ను క్షమాపణలు అడగాలి.”

“నేను ఒకళ్ళని క్షమాపణ అడిగే వాడిలాగా కనిపిస్తున్నానా? నేను ఎవరో ప్రజలకి తెలుసు. నాకు తమిళ ప్రజల మద్దతు ఉంది. త్రిష, నా ఫోటోలు వధూవరుల లాగా ఉన్నట్టు ఎడిట్ చేసి మీడియా ప్రచురించింది. నావి మంచి ఫోటోలు కూడా ఉన్నాయి. అవి ఉపయోగించుకోలేరా? కొన్ని ఫోటోల్లో నేను బానే కనిపిస్తాను. సినిమాల్లో సీన్ అంటే ఏంటి? నిజంగా చేస్తామా? సినిమాల్లో దాడి చేయడం అంటే ఏంటి? ఎవరినైనా నిజంగానే దాడి చేస్తామా? మీకు కాస్త కూడా తెలివి లేదా? నేనేమీ తప్పు మాట్లాడలేదు. నేను క్షమాపణలు చెప్పను” అని మన్సూర్ అలీ ఖాన్ ప్రెస్ మీట్ లో తెలిపారు.

watch video :

ALSO READ : ఈ ఫోటోలో ఉన్న అతను ఇప్పుడు దేశం మొత్తం గర్వించదగ్గ పెద్ద హీరో అయ్యాడు..! ఎవరో తెలుసా..?

ఒక మనిషికి గుర్తింపు రావాలి అంటే కష్టపడాలి. అదే సోషల్ మీడియా ద్వారా ఒక మనిషికి గుర్తింపు రావాలి అంటే ఒక డిఫరెంట్ వీడియో చేసి పోస్ట్ చేస్తే చాలు. మెల్లగా సోషల్ మీడియా స్టార్ అయిపోతారు. అలా సోషల్ మీడియా ద్వారా గుర్తింపు తెచ్చుకున్న వాళ్ళు ఎంతో మంది ఉన్నారు.

వారిలో కొంత మంది నిజంగానే టాలెంట్ ఉండి బయటికి వస్తే, మరి కొంత మంది మాత్రం వింత వింత వీడియోలు చేసి ఫేమస్ అయ్యారు. ఈ లిస్ట్ చెప్పుకుంటూ పోతే చాలా పెద్దగానే ఉంటుంది. ఇప్పుడు మీరు కింద ఫోటోలో చూస్తున్న వ్యక్తి అలాగే సోషల్ మీడియా ద్వారా ఫేమస్ అయ్యి ఇప్పుడు రెండు తెలుగు రాష్ట్రాల్లో పాపులారిటీ సంపాదించుకున్నాడు.

మీలో చాలా మంది ఇప్పటికే ఇతను ఎవరో గుర్తుపట్టేసి ఉంటారు. అతనే. రైతు బిడ్డ అలియాస్ పల్లవి ప్రశాంత్. “అన్నా నేను మల్లొచ్చినా” అని మాట్లాడుతూ యూట్యూబ్ ద్వారా ఫేమస్ అయిన పల్లవి ప్రశాంత్, అంతకుముందు టిక్ టాక్ వీడియోలు చేసేవాడు. ఆ తర్వాత మెల్లగా తాను రైతు బిడ్డని అని, తనలాంటి ఒక వ్యక్తి బిగ్ బాస్ లాంటి ప్రోగ్రాంకి వెళ్తే ఒక రైతు పవర్ ఏంటో తెలుస్తుంది అని అర్థం వచ్చేలాగా వీడియోలు చేసి పోస్ట్ చేయడం మొదలు పెట్టాడు. దాంతో టిక్ టాక్ ద్వారా రాని పాపులారిటీ ఈ వీడియోల ద్వారా వచ్చింది.

తర్వాత రైతు బిడ్డ పల్లవి ప్రశాంత్ గా గుర్తింపు తెచ్చుకొని ప్రతి వీడియోలో బిగ్ బాస్ కి తనని పంపించండి అని అడిగాడు. అలా చివరికి అనుకున్నది సాధించి బిగ్ బాస్ లో అడుగు పెట్టాడు కూడా. అయితే, సోషల్ మీడియా పుణ్యమా అని పల్లవి ప్రశాంత్ పాత వీడియోలు ఇప్పుడు ప్రత్యక్షం అయ్యాయి. దాంతో పల్లవి ప్రశాంత్ టిక్ టాక్ వీడియోస్ కూడా చేసేవారు అని అందరికీ తెలిసింది. ఇది మాత్రమే కాదు. ఒక బిగ్ బాస్ సీజన్ లో వీకెండ్ ఎపిసోడ్ లో పల్లవి ప్రశాంత్ ఆడియన్స్ లో కూడా కనిపించాడు. ఇప్పుడు బిగ్ బాస్ హౌస్ లో టాప్ కంటెస్టెంట్స్ లో ఒకడిగా నిలిచాడు.

watch video :

ALSO READ : “అల్లు అర్జున్” లో ఈ మార్పు ఎందుకు వచ్చింది..? దీనికి కారణం ఏంటి..?

మన వాళ్ళు ఏది చేసినా విపరీతంగానే చేస్తారు. ఒక హీరోని ఇష్టపడితే అది కూడా విపరీతంగానే ఉంటుంది. ఆ హీరోని ఒక మనిషి లాగా చూడడం మానేసి ఒక దేవుడు లాగా చూసి మేము వారి భక్తులం, వారి కోసం ఏమైనా చేస్తాం అని అంటూ ఉంటారు.

అదే ఒక హీరోని ఇష్టం లేకపోతే అంతే విపరీతంగా ట్రోల్ కూడా చేస్తారు. ఒక్కసారి సోషల్ మీడియాలో ఫ్యాన్ వార్స్ చూస్తే మనం ఆ హీరో ఫ్యాన్ కాకపోయినా కూడా ఆయనని చేసే ట్రోలింగ్ చూస్తే మనకే విరక్తి వస్తుంది. అంత ఘోరంగా ఉంటుంది. హీరోలని అనరాని మాటలు అంటారు. చాలా మంది హీరోలు ఇవన్నీ పట్టించుకోకపోయినా కూడా ఒక సమయంలో ఇవన్నీ వారి దృష్టికి వెళ్తాయి.

అసలు ఆ కామెంట్స్ చూస్తూ ఉంటే మామూలు వ్యక్తులకే బాధ అనిపిస్తూ ఉంటుంది. అలాంటిది ఆ హీరోల పరిస్థితి ఇంక ఎలా ఉంటుందో అర్థం చేసుకోవచ్చు. కొన్ని కామెంట్స్ వారి కాన్ఫిడెన్స్ మీద కూడా దెబ్బ కొడతాయి. ఒక సమయం వరకు డిఫరెంట్ కాన్సెప్ట్ ఉన్న సినిమాలు చేసిన మహేష్ బాబు, అలాంటి కాన్సెప్ట్ ఉన్న సినిమాలు ఫ్లాప్ అయిన తర్వాత ఇంకా ఎక్స్పరిమెంట్ సినిమాలో జోలికి వెళ్ళకుండా రొటీన్ సినిమాలు అయినా సరే ఏదో ఒక మెసేజ్ ఇవ్వడానికి ప్రయత్నిస్తూ ఉన్నారు.

సినిమా కాన్సెప్ట్ సంగతి పక్కన పెడితే తన వల్ల తన సినిమా మీద ఆధారపడిన వారికి నష్టం రాకూడదు అనే ఉద్దేశంతో మహేష్ బాబు ఈ నిర్ణయం తీసుకున్నారు అని అర్థం అవుతోంది. సినిమా మీద వచ్చే నెగటివ్ కామెంట్స్ మహేష్ బాబు మీద ఎంత ప్రభావం చూపించాయో ఇప్పుడు వస్తున్న సినిమాలు చూస్తేనే అర్థం అవుతుంది. ఇప్పుడు అల్లు అర్జున్ పరిస్థితి కూడా ఇలాగే అయ్యింది. అల్లు అర్జున్ మొదటి సినిమా నుండి ఇటీవల వచ్చిన పుష్ప సినిమా వరకు మెరుగుపరుచుకుంటూనే ఉన్నారు.

అల్లు అర్జున్ లుక్స్ పరంగా మొదట్లో సాధారణంగా ఉన్నా కూడా తర్వాత జాగ్రత్తలు తీసుకుంటూ స్టైలిష్ స్టార్ అయ్యారు. మిగిలిన హీరోలకు ఎలాంటి కామెంట్స్ వస్తాయో అల్లు అర్జున్ కి కూడా అలాంటి కామెంట్స్ వస్తూనే ఉంటాయి.  అందులోనూ ముఖ్యంగా అల్లు అర్జున్ సినిమాల్లో, ఇంటర్వ్యూల్లో మాట్లాడిన కొన్ని మాటలు మీద, అక్కడ అనుకోకుండా ఇచ్చిన కొన్ని ఎక్స్ప్రెషన్స్ మీద కూడా కామెంట్స్ వస్తూ ఉంటాయి. అలా అల్లు అర్జున్ కొన్ని సంవత్సరాల క్రితం ఒక ఈవెంట్ లో నవ్వుతున్న ఒక వీడియో చాలా ఫేమస్ అయ్యింది. ఫేమస్ అంటే పాజిటివ్ గా కాదు. విపరీతంగా ట్రోల్ చేశారు.

అల్లు అర్జున్ చాలా ఓపెన్ గా నవ్వుతారు. చాలా కల్మషం లేని నవ్వు అది. దీని మీద అయిన ట్రోలింగ్ ఎంత ఎక్కువగా ఉంది అంటే, అలా ఎప్పుడూ హాయిగా నవ్వే అల్లు అర్జున్ ఇటీవల మంగళవారం ఆడియో లాంచ్ వేడుకలో మొహానికి చేయి అడ్డం పెట్టుకొని నవ్వారు. అలా నవ్వుతున్నప్పుడు అల్లు అర్జున్ కూడా ఇబ్బంది పడుతున్నారు. సాధారణంగా ట్రోలింగ్ అనేది కామన్.

ఎంత తగ్గించినా కూడా మళ్లీ వస్తూనే ఉంటుంది. దాన్ని హీరోలు ఒక పాయింట్ వరకు పట్టించుకోరు. కానీ ఒక మనిషి కాన్ఫిడెన్స్ దెబ్బ తీసేలా ట్రోలింగ్ చేశారా? దాని వల్ల ఇంత ఇబ్బంది పడ్డారా? హీరో కూడా ఒక మనిషే కదా? వారికి మాత్రం ఇవన్నీ చూస్తూ ఉంటే బాధ అనిపించదా? దాంతో ఇప్పుడు ఈ వీడియో చూసిన వారందరూ కూడా ఇలాగే అల్లు అర్జున్ కి మద్దతు పలుకుతున్నారు.

ALSO READ : ఈ ఫోటోలో ఉన్న అతను ఇప్పుడు దేశం మొత్తం గర్వించదగ్గ పెద్ద హీరో అయ్యాడు..! ఎవరో తెలుసా..?

నచ్చావులే సినిమాతో హీరోయిన్ గా కెరీర్ మొదలు పెట్టి, తర్వాత ఎన్నో సినిమాలు చేసి గుర్తింపు తెచ్చుకున్న నటి మాధవి లత. గత కొన్ని సంవత్సరాల నుండి మాధవి లత సోషల్ మీడియాలో కూడా చాలా యాక్టివ్ గా ఉంటున్నారు.

ఎన్నో విషయాలు పై స్పందిస్తూ తన అభిప్రాయాలని వ్యక్తం చేస్తున్నారు. ఇటీవల రష్మిక సంఘటన మీద కూడా మాధవి లత మాట్లాడి తన అభిప్రాయాన్ని వ్యక్తం చేశారు. అయితే మాధవి లత చేసిన ఒక కామెంట్ వేరే విధంగా అర్థం అయ్యి సోషల్ మీడియాలో సర్కులేట్ అయ్యింది అని మాధవి లత పేర్కొన్నారు.

వివరాల్లోకి వెళితే, మాధవి లత ఒక సందర్భంలో చెబుతూ, “గుడ్ టచ్, బ్యాడ్ టచ్ అనే మాటలు చెప్పడం కాదు. పాటించాలి” అని అర్థం వచ్చేలాగా ఒక మాట అన్నారు. ఇవల బాలకృష్ణ కూడా తన సినిమాలో ఈ విషయానికి సంబంధించి మాట్లాడారు. దాంతో చాలా మంది మాధవి లత బాలకృష్ణని ఉద్దేశించి ఇలా అన్నారు అని అన్నారు. ఈ విషయంపై వివరణ ఇస్తూ మాధవి లత సోషల్ మీడియాలో ఈ విధంగా రాశారు. “నిన్న నుండి సర్కులేట్ అవుతోంది.”

“నేను బాలకృష్ణ అనే నేమ్ నా గొంతు నుండి వస్తే ప్రూవ్ చేయండి? నేను మళ్ళీ స్టేట్మెంట్ ఇస్తాను. చెప్పే ముందు పాటించండి. ప్రతి మగ ఎదవకి చెప్తున్నా. ప్రతి ఆడ కుక్కకి చెప్తున్నా. గుడ్ టచ్, బ్యాడ్ టచ్ నేర్పించండి. చేసే వాళ్లు మాట్లాడటం మానేయండి. చేసేది శివ పూజలు. దూరేది. ఇప్పుడు మీకు ఏం తిట్టాలని అనిపించినా తిట్టండి. అది మీకు ఆనందం. ఎందుకంటే ఎలాగైనా మీరు నిరూపించేది ఏమీ లేదు. మీ విపరీతమైన ఆలోచనలతో మీరు సంతోషంగా ఉండండి. నాకు ఏం ఫరక్ పడదు.”

“నన్ను మహా అయితే అమ్మనా బూతులు తిడతారు. సంతోషంగా ఉండండి. ఎవరైతే ఆ పదం అంటారో. వాళ్లు అలాగే పుట్టారు. అని రాశారు. అంతే కాకుండా ఈ విషయంపై ఇంకా మాట్లాడుతూ, “నన్ను ఇష్ట పడని వాళ్లకి చెప్తున్నాను, సీతమ్మ చూపించిన గడ్డి పరక తెలుసా? అది మీరు. రావణ జాతికి నేను చెప్పేది అదే. గడ్డి పరక. థాంక్యూ. మీరు నన్ను ఎంత ట్రోల్ చేసినా, ఎంత తిట్టినా, నా చేతిలో గడ్డి పరకలు రావణులు గింజుకున్నా రాములు కాలేరు. ఇది చరిత్ర” అని మాధవి లత రాశారు.

ALSO READ : రూట్ మార్చిన కాంగ్రెస్..! BRS మీద చేసిన ఈ అడ్వటైజ్మెంట్ చూశారా..?