Filmy Adda

తెలుగు సినీ పరిశ్రమలో ఇప్పటి వరకు ఎన్నో నవలలను సినిమాలుగా తెరకెక్కించారు. ఇటీవల కాలంలో అంతగా  నవల ఆధారంగా తెరకెక్కిన సినిమాలు రాలేదు.

కానీ ఒకప్పుడు నవలల ఆధారంగానే ఎక్కువగా చిత్రాలు తెరకెక్కించేవారు. అలా వచ్చిన సినిమాలు ఘన విజయం సాధించాయి. అలా టాలీవుడ్ లో నవల ఆధారంగా వచ్చిన కొన్ని చిత్రాలను ఇప్పుడు చూద్దాం..
1.జీవన తరంగాలు:

తాతినేని రామారావు దర్శకత్వంలో 1973లో రిలీజ్ అయిన కుటుంబ కథా చిత్రం జీవన తరంగాలు. ఈ చిత్రంలో శోభన్ బాబు, కృష్ణంరాజు, వాణిశ్రీ ప్రధాన పాత్రలు పోషించారు. ఈ మూవీని యద్దనపూడి సులోచనారాణి రచించిన ‘జీవన తరంగాలు’ అనే నవల ఆధారంగా తీశారు.
2.మీనా:

సూపర్ స్టార్ కృష్ణ హీరోగా మహిళా దర్శకురాలు విజయ నిర్మల నటించి, దర్శకత్వం వహించిన సినిమా మీనా. ఈ మూవీ 1973 డిసెంబర్ 28న రిలీజ్ అయ్యింది. రచయిత్రి యద్దనపూడి సులోచనారాణి రాసిన ‘మీనా’ అనే నవల ఆధారంగా ఈ మూవీ నిర్మించబడింది.
3.సెక్రటరీ:

1976లో అక్కినేని నాగేశ్వర రావు, వాణిశ్రీ జంటగా నటించిన సినిమా సెక్రటరీ. యద్దనపూడి సులోచనారాణి రాసిన ‘సెక్రటరీ’ అనే నవల ఆధారంగా ఈ సినిమాని సురేష్ ప్రొడక్షన్స్ నిర్మించారు.
4. అభిలాష:

మెగాస్టార్ చిరంజీవి, రాధిక హీరో హీరోయిన్లుగా నటించిన అభిలాష చిత్రం రచయిత యండమూరి రాసిన ‘అభిలాష’ ఆధారంగా తెరకెక్కింది. 5. ఏప్రిల్ 1 విడుదల:

డైరెక్టర్ వంశీ దర్శకత్వంలో వచ్చిన ఈ చిత్రాన్ని రచయిత కొలపల్లి ఈశ్వర్ రాసిన ‘హరిశ్చంద్రుడు-అబద్డమాడితే’ అనే నవల స్పూర్తితో  తెరకెక్కించారు.
6. ఛాలెంజ్:

చిరంజీవి, సుహాసిని, విజయశాంతి నటించిన ఛాలెంజ్ మూవీ రచయిత యండమూరి రాసిన ‘డబ్బు టు ది పవర్ ఆఫ్ డబ్బు’ నవల ఆధారంగా తీశారు.
7. సితార:

దర్శకుడు వంశీ తానే రచించి, దర్శకత్వం వహించిన చిత్రం సితార. అయితే ఈ చిత్రం ‘మహాలో కోకిల’ నవల ఆధారంగా రూపొందింది. ఈ నవలను రాసింది కూడా దర్శకుడు వంశీ.
8. అహా నా పెళ్ళంట:

నటకిరీటి రాజేంద్ర ప్రసాద్, రజిని జంటగా నటించిన చిత్రం అహా నా పెళ్ళంట. ఈ చిత్రాన్ని రచయిత ఆది విష్ణు రాసిన ‘సత్య గారి ఇల్లు’ అనే నవల ఆధారంగా తీశారు.
9. చంటబ్బాయ్:

చిరంజీవి, సుహాసిని జంటగా నటించిన చంటబ్బాయ్ చిత్రాన్ని రచయిత మల్లాది వెంకట కృష్ణమూర్తి రాసిన ‘చంటబ్బాయ్’ నవల ఆధారంగా అదే పేరుతో తెరకెక్కించారు.
10. ఆఖరి పోరాటం:

కె రాఘవేంద్రరావు దర్శకత్వంలో అక్కినేని నాగార్జున, శ్రీదేవి, సుహాసిని నటించిన చిత్రం ఆఖరి పోరాటం. ఈ చిత్రాన్ని యండమూరి రాసిన ‘ఆఖరి పోరాటం’ అనే నవల ఆధారంగా అదే పేరుతో తెరకెక్కించారు.  ఈ మూవీ పెద్ద హిట్‌గా నిలిచి, ఆల్ టైమ్ బెస్ట్ చిత్రాలలో ఒకటిగా నిలిచింది.
11. దొంగ మొగుడు:

చిరంజీవి హీరోగా నటించిన ఈ చిత్రంలో ఆయన చిరు ద్విపాత్రాభినయం చేశాడు. ఈ మూవీని ఆధారంగా యండమూరి రాసిన ‘నల్లంచు తెల్లచీర’ నవల ఆధారంగా దర్శకుడు కోదండరామిరెడ్డి తెరకెక్కించారు. చిరంజీవి కెరీర్‌లో ఈ సినిమా ఉత్తమ చిత్రంగా నిలిచింది.
12. జ్యోతి లక్ష్మి:

పూరీ జగన్నాధ్ దర్శకత్వంలో ఛార్మి, సత్యదేవ్ నటించిన చిత్రం జ్యోతి లక్ష్మి. ఈ సినిమాని మల్లాది వెంకట కృష్ణ మూర్తి రాసిన నవల ఆధారంగా రూపొందించారు.
13. మిధునం:

ఎస్పీ బాలసుబ్రహ్మణ్యం, లక్ష్మీ ముఖ్య పాత్రల్లో నటించిన చిత్రం మిథునం. ఈ సినిమాని రచయిత రమణ రాసిన  ‘మిధునం’ అనే నవలా ఆధారంగా రూపొందించారు. తనికెళ్ళ భరణి ఈ చిత్రాన్ని తెరకెక్కించారు. ఈ సినిమా విమర్శకుల ప్రశంసలు అందుకుంది.14. జ్యో అచ్యుతానంద:

నారా రోహిత్, నాగ శౌర్య, రెజీనా ప్రధాన పాత్రలలో నటించిన చిత్రం జ్యో అచ్యుతానంద. ఈ మూవీని దర్శకుడు అవసరాల శ్రీనివాస్ తెరకెక్కించారు. ఈ మూవీని ’చివరికి మిగిలేది’ నవల ఆధారంగా తీశారు. అంతే కాదు ‘అమృతం కురిసిన రాత్రి’ అనే నవల ప్రభావం కూడా ఈ చిత్రం పై ఉంది.
15. అ..ఆ:

స్టార్ డైరెక్టర్ త్రివిక్రమ్ శ్రీనివాస్ దర్శకత్వంలో నితిన్, సమంత జంటగా నటించిన చిత్రం అఆ. ఈ చిత్రాన్ని యద్దనపూడి సులోచనారాణి రాసిన ‘మీనా’ అనే నవల ఆధారంగా తీశారు.

Also Read: “జూనియర్ ఎన్టీఆర్” లాగానే… తమ “ఇంగ్లీష్” యాక్సెంట్ వల్ల ట్రోలింగ్‌కి గురైన 7 నటులు..!

సూప‌ర్ స్టార్ కృష్ణ ఇంట్లో వ‌రుస విషాదాలు ఆందోళ‌న క‌లిగిస్తున్నాయి. గ‌తేడాది కృష్ణ పెద్ద కుమారుడు ర‌మేష్ బాబు అనారోగ్యంతో క‌న్నుమూసిన సంగ‌తి తెలిసిందే. కాగా తాజాగా కృష్ణ మొద‌టి భార్య, మ‌హేశ్ బాబు త‌ల్లి ఇందిరా దేవి సైతం అనారోగ్యంతో క‌న్నుమూశారు. ఇప్పుడు ఆమె లైఫ్ కు సంబంధించిన ఆసక్తికర విషయాలు బయటకు వస్తున్నాయి.

కృష్ణ స‌తీమ‌ణి అన‌గానే అంద‌రికీ విజ‌య‌నిర్మ‌ల గుర్తుకువ‌స్తారు. కృష్ణ మొద‌ట ఇందిరాదేవిని వివాహం చేసుకోగా ఆ త‌రవాత త‌న కోస్టార్ అయిన విజ‌య నిర్మ‌ల‌ను వివాహం చేసుకున్నారు. కృష్ణకు కుటుంబ స‌భ్యులు సినిమాల్లోకి రాక‌ముందే మేన కోడలు అయిన ఇందిరాదేవితో వివాహం జ‌రిపించారు. వీరికి అయిదుగురు సంతానం.

కృష్ణ… విజయ నిర్మలను ప్రేమించి పెళ్లి చేసుకున్నా సరే ఇందిరా దేవి గారు ఎక్కడా హడావుడి చేయలేదు. అయితే కృష్ణ తో విడాకులు తీసుకోకుండానే ఆమె పిల్లల బాధ్యతలు చూసుకోవడం జరిగింది.
ఇక కృష్ణ విజ‌య నిర్మ‌ల‌తో పలు సూప‌ర్ హిట్ చిత్రాల‌లో న‌టించారు. సినిమాలు చేస్తున్న క్ర‌మంలోనే వీరిద్ద‌రి మ‌ధ్య ప‌రిచ‌యం ఏర్ప‌డింద‌ట‌. 1969 లో కృష్ణ – విజయనిర్మల ఒక గుడిలో పెళ్లి చేసుకోవడం అప్పట్లో సంచలనం. ఆ విష‌యాన్ని ఇందిరాదేవికి చెప్పగా ఆమె ఏమీ మాట్లాడ‌కుండా అలాగే ఉండిపోయార‌ట‌. కృష్ణ మాట‌ను ఆమె గౌర‌వించార‌ట‌. ఎలాంటి గొడ‌వ చేయ‌కుండా మౌన‌మే అర్థాంగికారం అన్న‌ట్టుగా ఉండిపోయార‌ట‌.

కృష్ణ రెండో వివాహం చేసుకున్న‌ప్ప‌టికీ ఇందిరా దేవి మాత్రం ఆయ‌న‌తో విడిపోలేదు. అంతే కాకుండా త‌న కుటుంబాన్ని చూసుకుంటూ మీడియాకు దూరంగా ఉన్నారు. ఇక ఏ సినిమా ఫంక్ష‌న్ అయినా విజ‌య నిర్మ‌ల కృష్ణ క‌లిసి వ‌చ్చేవారు. అంతే కాకుండా ఇందిరాదేవి కూడా విజ‌య‌నిర్మ‌ల‌తో మాట్లాడేవారు. ఫంక్ష‌న్ ల‌లో ఇద్ద‌రూ క‌లుసుకునేవారు.

ఇక కృష్ణకు విజయ నిర్మల వెన్నుముఖ అని తెలుసుకున్న ఇందిరా దేవి ఒప్పుకున్నారు గాని… విజయ నిర్మలతో పిల్లలను కనడానికి మాత్రం నో చెప్పారు. ఆ కండీషన్ తోనే పెళ్లి చేసుకున్నారు.

సూపర్ స్టార్ మహేష్ బాబు, విక్టరీ వెంకటేష్ కలయికలో వచ్చిన మల్టీస్టారర్ చిత్రం సీతమ్మ వాకిట్లో సిరిమల్లె చెట్టు. డైరెక్టర్ శ్రీకాంత్ అడ్డాల తెరకెక్కించిన ఈ చిత్రం సూపర్ హిట్ గా నిలిచింది. అచ్చమైన పల్లెటూరి కథతో తీసిన చిత్రం ఇది.

ఈ చిత్రం  2013లో సంక్రాంతి కానుకగా జనవరి 11న రిలీజ్ అయ్యింది. కుటుంబ కథా చిత్రంగా వచ్చిన ఈ మూవీ  ఎంత పెద్ద విజయాన్ని అందుకుందో ప్రత్యేకంగా చెప్పాల్సిన పని లేదు. ఇక ఫ్యామిలీ ఎంటర్టైనర్స్ లో ఈ మూవీది  సెపరేట్ ట్రెండ్ అని చెప్పవచ్చు.టాలీవుడ్ లో ప్రస్తుతం వరుసగా మల్టీ స్టారర్ చిత్రాలు వస్తున్నాయి. కానీ దానికి  కారణం ‘సీతమ్మ వాకిట్లో సిరిమల్లె చెట్టు’ అని చెప్పడంలో ఎలాంటి సందేహం అవసరం లేదు. ఈ చిత్రాన్ని నిర్మాత దిల్ రాజు ‘శ్రీ వెంకటేశ్వర క్రియేషన్స్’ బ్యానర్ పై నిర్మించారు. ఈ మూవీలో పెద్దోడిగా వెంకటేష్, చిన్నోడిగా మహేష్ నటించి మెప్పించారు. మహేష్ బాబుకు జంటగా హీరోయిన్ సమంత నటించగా, వెంకటేష్ కు జంటగా అంజలి నటించింది.
దర్శకుడు శ్రీకాంత్ అడ్డాల ఈ చిత్రంలో కుటుంబాలు, కటుంబ సభ్యుల మధ్యన ఉండే అనుబంధాల గురించి చాలా బాగా చూపించారు. ఈ చిత్రంలోని పాత్రలను చాలా సహజంగా చూపించారు. ఎంతలా అంటే ఈ మూవీ మన ఇంట్లో లేదా పక్కింట్లోనో జరుగుతున్నట్టుగా అనిపిస్తుంది. ఇక మహేష్, వెంకటేష్ నటన నిజంగా అన్నతమ్ముళ్ళేమో అన్న  విధంగా నటించారు. వారి నటన ఆడియెన్స్ ను విపరీతంగా ఆకట్టుకుంది. అన్నతమ్ముళ్ళ మధ్య వచ్చే సీన్స్ వారి ఎమోషన్స్ ను కూడా చక్కగా చూపించారు.
కుటుంబ పెద్దగా ప్రకాష్ రాజ్, ఆయన భార్యగా జయసుధ తమ పాత్రలలో ఒదిగిపోయారు. ఆమె అత్తగా, హీరోలకి బామ్మగా సీనియర్ నటి రోహిణి హాట్టంగడి నటించారు. అత్తకోడళ్ల మధ్య అనుబంధాన్నిచక్కగా చూపించారు. అయితే ఈ సినిమాలోని కొన్ని సన్నివేశాలను తొలగించారు. అయితే ప్రస్తుతం డిలీట్ చేసిన ఆ సీన్ ను సోషల్ మీడియాలో నెటిజెన్లు షేర్ చేస్తున్నారు.
ఆ సన్నివేశంలో ఒక మహిళ జయసుధను మీ అత్తగారు మీతోనే  ఉంటుందా అని అడిగితే, దానికి జయసుధ ఆమె మాతో కాదు మేమే మా అత్తగారితో ఉంటున్నాం. ఆమె ఉండమంటే ఉంటాం. లేదంటే లేదు అంతా మా అత్తగారి ఇష్టమే అని చెప్తుంది. ఈ సీన్ చూసినవారు నిజంగా ఇలా ఉంటే ఎంత బాగుంటుందో అని కామెంట్స్ చేస్తున్నారు.

https://www.instagram.com/reel/CqXpdo7pnPM/?fbclid=IwAR1sayWgfYMfeTUHRMVolwcS2fWSKbfOo2c_SBne37qVegeFODaofM2ViA4

Also Read: “వేదం” లో “మంచు మనోజ్” పక్కన నటించిన ఈ హీరోయిన్ గుర్తుందా..? ఇప్పుడెలా ఉందో తెలుసా..?

సాధారణంగా హీరోలను చూస్తే వాళ్లకేంటి లగ్జరీ లైఫ్ కార్లు, బోలెడు డబ్బు, బాగా ఎంజాయ్ చేస్తుంటారు అని అనుకుంటూ ఉంటారు. అలా అనుకుంటే పొరపాటు పడినట్లే. ఎందుకంటే తెరపై హీరోయిజాన్ని చూపిస్తూ ప్రేక్షకులను అలరించే హీరోలు తెర వెనక పడరాని కష్టాలు పడుతూ ఉంటారు.

తెరపై సిక్స్ ప్యాక్ బాడీ తో ప్రేక్షకులకు నచ్చే లుక్ కోసం వారు తెర వెనుక చాలా హార్డ్ వర్క్ చేస్తూ ఉంటారు. వారి ప్రతి లుక్ విషయంలో, బాడీ లాంగ్వేజ్ విషయంలో అలాగే వాళ్ళు మాట్లాడే భాషలో ఇలా ప్రతి ఒక్క విషయంలో కూడా ఎంతో శ్రద్ధను తీసుకుంటూ ఉంటారు. ముఖ్యంగా సిక్స్ ప్యాక్ బాడీ కోసం జిమ్ లో గంటల తరబడి కష్టపడుతుంటారు మన హీరోలు. ఇందుకోసం ఇష్టమైన ఆహారాలను కూడా వదులుకుంటారు.

అయితే కొన్ని సార్లు హీరోలు ఎంత కష్టపడినా.. సినిమా ఫలితం అనుకున్న విధం గా రాదు. ఇప్పుడు ఆ లిస్ట్ లో హీరో.. ఆ సినిమాలు ఏవో చూద్దాం..

#1 లైగర్

డాషింగ్ డైరెక్టర్ పూరి జగన్నాథ్, రౌడీ హీరో విజయ్ దేవరకొండ కాంబినేషన్ లో భారీ అంచనాల మధ్య విడుదలైన చిత్రం ‘లైగర్’. ఈ మూవీ పాన్ ఇండియా లెవెల్ లో రిలీజ్ అయ్యి.. భారీ డిజాస్టర్ గా నిలిచింది. ఈ మూవీ కోసం విజయ్ ఏడాదిన్నర పాటు మంచి డైట్‌ ఫాలో అవుతూ, జిమ్ లో గంటలకు గంటలు కష్టపడ్డారట.

#2 ఏజెంట్

ఇప్పటి వరకు ఫామిలీ ఓరియెంటెడ్ మూవీస్ చేసిన అఖిల్.. ఏజెంట్ మూవీ తో మాస్ ఆడియన్స్ ని ఆకట్టుకొనే ప్రయత్నం చేసారు. అయితే ఊహించని విధంగా ఈ మూవీ కి ప్లాప్ టాక్ వచ్చింది. ఈ మూవీ లో అఖిల్ బాడీ ట్రాన్స్ ఫర్మేషన్ కోసం ఏకంగా 10 నెలల పాటు డైట్ పాటించాడట.అంతే కాదు ఆయిల్, సాల్ట్, కారం ఇలాంటివి లేని ఆహారాన్ని మాత్రమే తీసుకున్నాడట.

#3 శక్తి

జూనియర్ ఎన్టీఆర్ కెరీర్ లో శక్తి సినిమా భారీ డిజాస్టర్ అన్న విషయం తెలిసిందే. ఈ మూవీ లో ఎన్టీఆర్ ద్విపాత్రాభినయం చేయగా 45 కోట్ల తో ఈ మూవీ ని తెరకెక్కించారు. ఈ మూవీ లోని రెండు పాత్రల కోసం ఎన్టీఆర్ ఎంతో శ్రమించాడు కానీ ఈ మోవి కి అనుకున్న ఫలితం రాలేదు.

#4 నా పేరు సూర్య

అల్లు అర్జున్ హీరోగా వక్కంతం వంశీ దర్శకత్వంలో తెరకెక్కిన చిత్రం ‘నా పేరు సూర్య’. ఈ చిత్రం లోని ప్రతి సీన్లో అల్లు అర్జున్ హార్డ్ వర్క్ కనిపిస్తోంది. అతడి పాత్రలో యాంగ్రీనెస్, దేశ భక్తి సరిగ్గా చూపించారు. ఆర్మీ సోల్జర్‌గా కనిపించడానికి అతను పడ్డ శ్రమ, కష్టం తెరపై కనిపిస్తుంది.

#5 ఖలేజా

మహేష్, త్రివిక్రమ్ కాంబినేషన్ లో వచ్చిన మూవీ ఖలేజా. ఈ సినిమా బాక్సాఫీస్ దగ్గర పెద్దగా అలరించలేకపోయినా.. మహేష్’లో ఓ కొత్త కోణాన్ని చూపింది. ఈ సినిమాలో మహేష్ యాక్టింగ్, డైలాగ్ డెలివరీ చాలా కొత్తగా ఉంటాయి. అయితే ఈ మూవీ కోసం మహేష్ 2 సంవత్సరాలు కేటాయించారు. అలాగే సర్కారు వారి పాట మూవీ కోసం కూడా మహేష్ చాలా కష్టపడ్డారు. కానీ ఆ మూవీ మిక్స్డ్ టాక్ వచ్చింది.

#6 వినయ విధేయ రామ

రామ్ చరణ్, బోయపాటి కాంబినేషన్ లో వచ్చిన వినయ విధేయ రామ మూవీ ఎన్నో అంచనాల నడుమ వచ్చి ప్లాప్ అయ్యింది. అయితే ఈ మూవీ కోసం రామ్ చరణ్ పూర్తిగా మేక్ఓవర్ అయ్యారు. తన బాడీ ని మూవీ కి తగ్గట్టు మార్చుకోవడానికి హార్డ్ డైట్ ఫాలో అవుతూ.. జిమ్ లో చెమటలు చిందించాడు రామ్ చరణ్.

#7 అంజి

చిరంజీవి హీరోగా, కోడి రామకృష్ణ తెరకెక్కించిన చిత్రం అంజి. టాలీవుడ్ ఇండస్ట్రీలో ఎవరు మర్చిపోలేని చిత్రం ఇది. అంతే కాకుండా తెలుగు సినిమా ఇండస్ట్రీ బిగ్ డిజాస్టర్స్ లో అంజి కూడా ఒకటని చెప్పవచ్చు. ఈ మూవీ క్లైమాక్స్ కోసం ఏకంగా రెండేళ్లపాటు కష్టపడ్డారట చిరు. మొత్తంగా ఈ మూవీ ఏడేళ్లపాటు షూటింగ్ జరుపుకుంది.

#8 ఐ

చియాన్ విక్రమ్, స్టార్ డైరెక్టర్ శంకర్ కాంబినేషన్ లో వచ్చిన చిత్రం ఐ. ఈ మూవీ కోసం విక్రమ్ చాలా పాత్రల్లో నటించాడు. అయితే వీటిల్లో ఒక పాత్ర కోసం విక్రమ్ ఏకంగా 20 కిలోలకు పైగా బరువు తగ్గాడు. దీనికోసం విక్రమ్ ‘ప్లియోమెట్రిక్ వర్కౌట్’ ని ఫాలో అయ్యాడు. కానీ ఐ మూవీ కి యావరేజ్ రిజల్ట్ వచ్చింది.

#9 జెండాపై కపిరాజు

నాని నటించిన జెండా పై కపిరాజు చిత్రం కోసం నాని చాలా కష్టపడ్డాడు. నాని ఈ చిత్రం లో ద్విపాత్రాభినయం చేసారు. కానీ ఈ మూవీ ప్లాప్ అయ్యింది. అలాగే ఇటీవల వచ్చిన దసరా మూవీ కోసం కూడా నాని తనని తానూ పూర్తిగా మేక్ఓవర్ చేసుకున్నాడు. ఈ చిత్రం హిట్ అయ్యింది.

#10 విశ్వరూపం

కమల్ హాసన్ హీరో గా నటించి, దర్శకత్వం వహించిన చిత్రం విశ్వరూపం ఈ మూవీ కోసం కమల్ చాలా కష్టపడ్డారు కానీ ఈ మూవీ ప్లాప్ అయ్యింది.

#11 జానీ

పవన్ కెరీర్ లో ఓ మైల్ స్టోన్ గా నిలిచింది జానీ మూవీ. భారీ ఎత్తున రిలీజ్ అయిన ఈ చిత్రం డిజాస్టర్ గా నిలిచింది. అయితే ఈ మూవీ ఫైట్స్ కోసం లాస్ ఎంజిల్స్ లో మాస్టర్ ఆర్ట్స్ నేర్చుకున్నాడు. ఐక్విడో కోసం జపాన్ వెళ్లాడు. అలాగే ఈ సినిమాలో సాధారణ యువకుడిగా కనిపించడం కోసం పవన్ గుండు కొట్టించుకున్నాడు. ఢిఫరెంట్ హెయిర్ స్టైల్ వచ్చేలా జుట్టు పెంచుకున్నాడు.ఈ సినిమాకు దర్శకత్వం వహించడంతో పాట స్క్రీన్ ప్లే కూడా పవన్ కల్యాణే రాశాడు.

#12 అరణ్య

విలక్షణ పాత్రల్లో న‌టించే కొద్ది మంది నటుల్లో రానా దగ్గుబాటి ఒకరు. ఎలాంటి పాత్రల్లోనైనా రాణించగల అద్భుతమైన నటుడు రానా. అరణ్య మూవీ లో రానా నటనే మెయిన్ హైలెట్. ఈ పాత్ర కోసం రానా పడిన కష్టమంతా తెరపై కనిపిస్తుంది. అడవి మషినిలా ఉండే అరణ్య పాత్రలో జీవించాడు రానా. కానీ ఈ మూవీ ప్లాప్ అయ్యింది.

సినీ తారల పై ఆడియెన్స్ కి అభిమానం, ప్రేమ ఉంటుంది. సినీ తారల నటన, డ్యాన్స్ నచ్చి అభిమానులు అవుతుంటారు. ఇక తమ ఫేవరెట్ స్టార్స్ కోసం ఫ్యాన్స్ ఏం చేయడానికి అయినా సిద్ధపడుతుంటారు.

కొందరు ఫ్యాన్స్ స్టార్స్ పేరు మీద మంచి పనులు చేస్తుంటారు. కొందరు స్టార్స్ పై ఉన్న అభిమానాన్ని తెలపడం కోసం గుడి కడుతుంటారు. అయితే ఇలాంటివి ఎక్కువగా కోలీవుడ్ లో కనిపిస్తుంది. తాజాగా స్టార్ హీరోయిన్ సమంతకి ఒక అభిమాని గుడి కట్టారు. దానికి అయిన ఖర్చు గురించి నెట్టింట్లో వైరల్ గా మారింది.
ఎలాంటి బ్యాక్‌గ్రౌండ్ లేకుండా ఇండస్ట్రీలో అడుగుపెట్టిన సమంత కొద్ది కాలంలోనే త‌న‌ ప్రతిభతో స్టార్ హీరోయిన్ గా ఎదిగింది. ప్ర‌స్తుతం వరుసగా ప్రాజెక్ట్స్  చేస్తూ కెరీర్ లో కొనసాగుతున్నారు. ఆమె పర్సనల్ లైఫ్ లో ఎన్ని ఇబ్బందులు  ఎదురైనా, వాటి ఎఫెక్ట్ తన కెరీర్ పై ప‌డ‌కుండా ఇండస్ట్రీలో రాణిస్తోంది. స‌మంత‌ తన అందం, న‌ట‌నతో స్టార్ హీరోల అంత ఫ్యాన్ ఫాలోయింగ్ సొంతం చేసుకుంది. తాజాగా స‌మంత‌కు ఒక అభిమాని తన ఇంట్లోనే గుడి కట్టాడు.
సమంత పుట్టినరోజు సందర్బంగా ఏప్రిల్ 28న సమంత గుడిని ప్రారంభించాడు. ఏపీలోని బాపట్ల జిల్లాకు చెందిన సందీప్‌ కి  హీరోయిన్ సమంత అంటే ఎంతో అభిమానం. సమంత నటిగా కంటే ఆమె ప్రత్యూష ఫౌండేషన్ ద్వారా చేస్తున్న సేవలు సందీప్ ను ఎంతగానో ఆక‌ట్టుకున్నాయి. ఈ ఫౌండేషన్ ద్వారా ఎంతో మంది ప్రాణాలు నిలిచాయి. దీంతో సమంత పై అతనికి మరింత అభిమానం పెరిగింది.
ఆ అభిమానంతోనే హీరోయిన్ స‌మంత‌కు తన ఇంట్లోనే గుడి కట్టాడు. సమంత పుట్టినరోజున గ్రాండ్ గా ఆ గుడిని అందరి మధ్య ప్రారంభించాడు. అయితే ఈ గుడి కట్టడం కోసం సందీప్ పెట్టిన ఖ‌ర్చు అందరిని ఆశ్చర్యపోయేలా చేస్తోంది. సుమారు 5-6 లక్షల వరకు ఖర్చు చేసి తన అభిమాన నటి స‌మంత‌కు గుడి క‌ట్టించాడ‌ట‌. ఈ గుడి వీడియో సామాజిక మధ్యమాలలో వైరల్ అవడంతో నెటిజన్లు, ఫ్యాన్స్ కామెంట్స్ చేస్తున్నారు. కొందరు అయితే గుడి బానే ఉంది. కానీ విగ్రహం అలా ఉందేంటి, ఇంతకీ సమంత ఎక్కడ అని కామెంట్స్ చేస్తున్నారు.

Also Read: “వాల్తేరు వీరయ్య” నుండి… “విరూపాక్ష” వరకు… 2023 లో ఇప్పటివరకు “హిట్” టాక్ తెచ్చుకున్న 10 సినిమాలు..!

భారతీయ సినీ పరిశ్రమలో ప్రస్తుతం నెంబర్ వన్ ఇండస్ట్రీ టాలీవుడ్. గత 2-3 ఏళ్ల నుండి బాక్స్ ఆఫీస్ వద్ద ఎక్కువ కలెక్షన్స్ సాధిస్తోంది తెలుగు సినిమాలే. ఈ ఏడాది అలా మొదలవగానే 5 చిత్రాలకు పైగా సూపర్‌హిట్ అయ్యాయి.

కరోనా తరువాత ఇతర ఇండస్ట్రీల కన్నా ఆడియెన్స్ ని ఎక్కువగా థియేటర్‌లకు రప్పించిన ఇండస్ట్రీ టాలీవుడ్ ఒక్కటే. బాక్సాఫీస్ దగ్గర సూపర్‌హిట్ సినిమాల పరంగా ఈ 2023లో తెలుగు ఇండస్ట్రీ ఇప్పటికే మిగతా ఇండస్ట్రీల కన్నా ముందుంది. మరి ఈ ఏడాది ఇప్పటివరకు విజయం సాధించిన సినిమాలు ఏమిటో ఇపుడు చూద్దాం..
1. వాల్తేరు వీరయ్య:
మెగాస్టార్ చిరంజీవి, మాస్ మహారాజ ర‌వితేజ హీరోలుగా వచ్చిన వాల్తేర్ వీర‌య్య సినిమా సంక్రాంతికి విడుదలై 230 కోట్ల‌కు పైగా క‌లెక్ష‌న్స్ వసూల్ చేసింది. ఈ చిత్రం బ్లాక్ బస్టర్ హిట్ కొట్టి, సంక్రాంతి విజేతగా నిలిచింది. ఈ చిత్రానికి బాబీ కొల్లి దర్శకత్వం వహించారు.
2. వీర సింహ రెడ్డి:
నందమూరి బాలకృష్ణ నటించిన వీర‌సింహారెడ్డి సంక్రాంతికి విడుదలై వంద కోట్ల‌కు పైగా వసూళ్లు రాబ‌ట్టింది. ఈ చిత్రం బాల‌య్య కెరీర్‌లో అత్య‌ధిక కలెక్షన్స్ సాధించిన చిత్రంగా నిలిచింది. ఈ చిత్రానికి గోపీచంద్ మలినేని డైరెక్షన్ చేశారు. ఈ మూవీలో శృతి హాసన్, హానీరోజ్, వరలక్ష్మి శరత్ కుమార్ నటించారు. ఈ చిత్రం సూపర్ హిట్ గా నిలిచింది.
3. వారసుడు:
కోలీవుడ్ స్టార్ హీరో దళపతి విజయ్, రష్మికా మందన్న జంటగా నటించిన ఈ సినిమా సంక్రాంతి కానుకగా జ‌న‌వ‌రి 14న రిలీజ్ అయ్యింది. ఈ చిత్రానికి టాలీవుడ్ డైరెక్టర్ వంశీ పైడిపల్లి దర్శకత్వం వహించారు. కోలీవుడ్ లో సూపర్ హిట్ అవగా, తెలుగులో బ్రేక్ ఈవెన్ సాధించి క్లీన్ హిట్ గా నిలిచింది.
4. సార్:
కోలీవుడ్ హీరో ధనుష్ నటించిన మొదటి తెలుగు చిత్రం సార్.సంయుక్తా మీనన్ హీరోయిన్ గా నటించింది. మొదటి చిత్రంతోనే ధనుష్ తెలుగులో బ్లాక్ బస్టర్ హిట్ కొట్టారు. ఈ చిత్రానికి వెంకీ అట్లూరి దర్శకత్వం వహించారు. ఆయన రాసిన డైలాగ్స్ ఈ సినిమాని మరో స్థాయికి తీసుకెళ్ళాయి. 2023లో రిలీజ్ అయిన టాప్ గ్రాసర్‌ చిత్రాలలో ఒకటిగా నిలిచింది. 5. రైటర్ పద్మభూషణ్:
సుహాస్ హీరోగా నటించిన ఈ మూవీ చిన్న సినిమాగా రిలీజ్ అయిన ఈ చిత్రం సూపర్ హిట్ అయ్యింది. విడుదలకి వారం రోజుల ముందు నుండే ప్రీమియర్స్ వేశారు. ఈ సినిమాకి పెట్టిన బడ్జెట్ కు అధికంగా వసూళ్ల రూపంలో వచ్చింది.
6. వినరో భాగ్యము విష్ణు కథ:
కిరణ్ అబ్బవరం హీరోగా వచ్చిన ఈ చిత్రం హిట్ గా నిలిచింది. వరుస ప్లాప్ ల తరువాత కిరణ్ ఈ చిత్రంతో విజయాన్ని అందుకున్నారు. ఈ సినిమా10 కోట్ల పైనే వసూల్ చేసింది.
7. బలగం
కమెడియన్ వేణు వెల్డండి దర్శకుడిగా మరి తీసిన మొదటి చిత్రం ‘బలగం.చిన్న సినిమాగా ఎటువంటి పబ్లిసిటీ లేకుండా, విడుదల అయిన ఈ సినిమా మౌత్ టాక్ తో మాత్రమే బ్లాక్ బస్టర్ హిట్ కొట్టింది. ఈ చిత్రాన్ని చాలా సహజంగా తెరకెక్కించి వేణు అందరిని ఆశ్చర్యపరిచారు. ఓటీటీలో రిలీజ్ అయిన తరువాత కూడా జనాలు థియేటర్లకి వెళ్ళి చూసారంటే ఎంత పెద్ద హిట్ అయ్యిందో అర్ధం చేసుకోవచ్చు.
8. దాస్ కా ధమ్కి:
విశ్వక్ సేన్, నివేదా పేతురాజ్ జంటగా నటించిన కామెడీ థ్రిల్లర్‌ సినిమా దాస్ కా ధమ్కి. ఇక ఈచిత్రానికి విశ్వక్ సేన్ డైరెక్షన్ చేశాడు. ఈ చిత్రం హిట్ టాక్ తెచ్చుకుంది.
9. దసరా:
నేచురల్ స్టార్ నాని, కీర్తి సురేష్ హీరోహీరోయిన్లుగా నటించిన దసరా చిత్రం విడుదలై నెల రోజులు కావొస్తున్నా ఇంకా బీ, సీ సెంటర్‌లలో సందడి చేస్తోంది.థియేటర్‌లలో టిక్కెట్‌లు భారీ సంఖ్యలో సేల్ అవుతున్నాయి. వంద కోట్ల క్లబ్ లో చేరిన ఈ చిత్రం బ్లాక్ బస్టర్ హిట్ గా నిలిచింది. ఇక ఎన్నో సంవత్సరలుగా కమర్షియల్‌ గుర్తింపు కోసం వెయిట్ చేస్తున్న హీరో నానికి దసరా కమర్షియల్ విజయాన్నే ఇచ్చింది.
10. విరూపాక్ష:
సాయిధరమ్ తేజ్, సంయుక్త మీనన్ జంటగా నటించిన సూపర్ నేచురల్ థ్రిల్లర్ విరూపాక్ష. ఇటీవలే రిలీజ్ అయిన ఈ సినిమా భారీ కలెక్షన్స్ ను వసూల్ చేస్తోంది. ప్రపంచవ్యాప్తంగా బాక్సాఫీస్ వద్ద వసూళ్ల వర్షం కురిపిస్తోంది. ఈ చిత్రానికి కార్తీక్ వర్మ దర్శకత్వం వహించారు. బ్లాక్ బస్టర్ టాక్ తో దూసుకెళ్తోంది.

Also Read: “ఏజెంట్” VS “పొన్నియన్ సెల్వన్ 2”..! ఈ 2 సినిమాలలో కలెక్షన్స్ దేనికి ఎక్కువ వచ్చాయి అంటే..?

యువ నటుడు అఖిల్ అక్కినేని హీరోగా దర్శకుడు సురేందర్ రెడ్డి తెరకెక్కించిన చిత్రం ‘ఏజెంట్’. ఈ మూవీని ఎకె ఎంటర్‌టైన్‌మెంట్స్ బ్యానర్ పై అనిల్ సుంకర నిర్మించారు. తాజాగా ఈ చిత్రం ప్రేక్షకుల ముందుకు వచ్చింది. ఈ చిత్రంలో అఖిల్ లుక్ హాలీవుడ్ హీరోలా ఉంది. ఏజెంట్ మూవీ ని నిర్మాత ఖర్చుకు వెనుకాడకుండా రూ.80 కోట్లతో అఖిల్ కెరీర్లో బిగ్ బడ్జెట్ సినిమాగా తీర్చిదిద్దాడు.

ఈ మూవీలో మలయాళ మెగాస్టార్ మమ్ముట్టి కీలకపాత్రలో నటించారు. అయితే ఈ మూవీ కి మిక్స్డ్ టాక్ వస్తోంది. చాలా గ్యాప్ తీసుకొని ఏజెంట్ మూవీ తో ప్రేక్షకుల ముందుకి వచ్చారు అఖిల్. గత సంవత్సరం నుండి వాయిదాల మీద వాయిదాలు పడుతూ వస్తున్న ఈ సినిమాఏప్రిల్ 28 న ఈ మూవీ రిలీజ్ అయ్యింది. ఈ సినిమా కోసం అఖిల్ తన లుక్ పూర్తిగా మార్చేశాడు. సిక్స్ ప్యాక్ బాడీతో.. ఉంగరాల జుట్టుతో సరికొత్తగా కనిపిస్తున్నారు.

అయితే ఈ మూవీ కోసం అఖిల్ రెండేళ్లకు పైగా సమయం కేటాయించాడు. కానీ దానికి తగిన ఫలితం రాలేదు. అయితే ఈ మూవీ కి డిజాస్టర్ టాక్ రావడం తో అఖిల్ తదుపరి చిత్రం ఏ డైరక్టర్ తో చేయబోతున్నారనేది ఆసక్తికరంగా మారింది. అఖిల్ ఇప్పటివరకు తన నెక్స్ట్ ప్రాజెక్ట్ కి సంబంధించిన ఏ అప్డేట్ ని ఇవ్వలేదు.

ఫిల్మ్ సర్కిల్స్ నుంచి అందుతున్న సమాచారం మేరకు దర్శకుడు వంశి పైడిపల్లి తో తన తదుపరి చిత్రం చేయబోతున్నట్లు తెలుస్తోంది. ఈ మేరకు త్వరలో ఎనౌన్సమెంట్ వచ్చే అవకాశం ఉంది. ఇక వంశీ పైడిపల్లి ఇటీవల విజయ్ హీరోగా వారసుడు చిత్రం చేసారు. సంక్రాంతికి రిలీజ్ అయిన ఈ చిత్రం జస్ట్ ఓకే అనిపించుకుంది. పక్కా కమర్షియల్ సినిమాలు చేసే వంశీ పైడిపల్లి దర్శకుడు కావటంతో అఖిల్ తో తన నెక్స్ట్ సినిమా ప్రకటిస్తే మంచి క్రేజ్ వచ్చే అవకాశం ఉంది.