Filmy Adda

డైరెక్టర్ శేఖర్ కమ్ముల దర్శకత్వం లో వచ్చిన బ్యూటిఫుల్ చిత్రాలలో హ్యాపీడేస్ సినిమా కూడా ఒకటి. 2007లో విడుదలైన ఈ చిత్రం యువతకు బాగా అట్రాక్ట్ అయ్యేలా చేసింది. ఈ సినిమాలో అందరూ కొత్తవాళ్లే అయినప్పటికీ బాగా నటించారు. అయితే వీరిలో వరుణ్ సందేశ్, తమన్నా కి మంచి క్రేజ్ వచ్చింది.

అయితే వీరు కాకుండా మరొక జోడి రాహుల్, సోనియా దీప్తి కూడా ప్రేక్షకులకు బాగా గుర్తున్నారు. ముఖ్యంగా ఆమె రింగురింగుల జుట్టు (కర్లీ హెయిర్‌)కు చాలామంది ఫ్యాన్స్‌ అయిపోయారు. అలాగే సోనియా వాయిస్‌ కూడా యూత్‌ను కట్టిపడేసింది. సోనియాది హైదరాబాదే. ఇక్కడే పుట్టి పెరిగింది. ఇక్కడే చదువుకుంది. కంప్యూటర్ అప్లికేషన్స్‌లో డిగ్రీ పూర్తి చేసిన తర్వాత ఒక ఐటీ సంస్థలో మూడేళ్ల పాటు సాఫ్ట్‌ వేర్‌ ఇంజినీర్‌గా పనిచేసింది.

అయితే ఒక ప్రమోషన్‌ ఈవెంట్‌లో సోనియాను చూసిన శేఖర్‌ కమ్ముల హ్యాపీడేస్‌లో స్రవంతి పాత్రకు సెలెక్ట్‌ చూశారు. ఈ పాత్రతో ఆమెకు మంచి పేరు తో పాటు వరుస అవకాశాలు కూడా వచ్చాయి. వినాయకుడు, బ్రహ్మ లోకం టు యమలోకం వయా భూలోకం తదితర సినిమాల్లో హీరోయిన్‌గా నటించి మెప్పించింది. అలాగే పలు సినిమాల్లో హీరో, హీరోయిన్స్ కి ఫ్రెండ్ పాత్రల్లో కూడా నటించింది.

సోనియా దీప్తి తెలుగు, తమిళం, కన్నడ, ఇంగ్లీష్ తదితర భాషలలో కలిపి దాదాపుగా 12 కు పైగా చిత్రాలలో నటించింది. 2016లో చిన్ని చిన్ని ఆశలు నాలో రేగేనే అనే తెలుగు సినిమాలో, 2017వ సంవత్సరంలో “పురియట పురియర్” అనే తమిళ చిత్రంలో ఓ చిన్న పాత్రలో కనిపించింది. ఈమె నటించిన ఎక్కువ శాతం చిత్రాలు బాక్సాఫీస్ వద్ద ప్రేక్షకులను పెద్దగా ఆకట్టుకోలేకపోయాయి. అందువల్లనే సోనియా దీప్తి సినిమాలకు గుడ్ బై చెప్పినట్లు తెలుస్తోంది.

సినిమాల్లో కనిపించకపోయినా కొన్ని సామాజిక కార్యక్రమాలతో వార్తల్లో నిలుస్తోంది సోనియా. మహిళా సాధికారత, మోరల్‌ పోలీసింగ్‌లకు సంబంధించి ఆమె రిలీజ్‌ చేసిన షార్ట్‌ ఫిలిమ్స్‌కు మంచి పేరొచ్చింది. అయితే ప్రస్తుతం సినిమాల్లోకి మరోసారి అడుగుపెట్టేందుకు సిద్ధమవుతోంది సోనియా. అనుష్క, నవీన్‌ పొలిశెట్టి హీరో, హీరోయిన్లుగా తెరకెక్కుతోన్న ‘మిస్ శెట్టి మిస్టర్ పోలిశెట్టి’ సినిమాతో రీ ఎంట్రీ ఇవ్వనుంది.

సెలబ్రిటీలు ఏం చేసినా సోషల్ మీడియాకు, మీడియాకు పండగే. అందుకే వారు కనిపించగానే హడావిడి చేస్తూ సెల్ఫీలు దిగుతూ.. వారిని ఫోటోలు తీస్తూ ఉంటారు. అలాగే వారికీ సంబంధించిన ప్రతి విషయం పైనా అందరికీ ఆసక్తి ఉంటుంది. వారు ఏం చేసినా అది మీడియాలో వైరల్ అవుతుంది.

అందుకే తమ లాగ తమ పిల్లలు కంటెంట్ గా మారకూడదు అని కొంతమంది వారిని కెమెరాలకు చూపించడానికి ఇష్టపడటం లేదు. ఒకవేళ వారికి సంబంధించిన ఫోటోలు షేర్ చేసినా వారి మొహాలు కనిపించకుండా జాగ్రత్త పడుతున్నారు. వారి ప్రైవసి ని కాపాడేందుకు ప్రయత్నిస్తున్నారు కొందరు తల్లిదండ్రులు.

ఇప్పుడు ఈ లిస్ట్ లో ఉన్న సెలెబ్రెటీలు ఎవరో చూద్దాం..

#1 అనుష్క – విరాట్ కోహ్లీ

క్రికెటర్ విరాట్, అనుష్క జంట ఇప్పటివరకు తమ బిడ్డ ఫోటోలను బయటపెట్టలేదు. అయితే ఒక మ్యాచ్ లో అనుకోకుండా వామిక ఫోటో బయటకు రాగా.. ఆ ఫోటోలు డిలీట్ చేసేవరకు ఇద్దరు సెలబ్రిటీల డై-హార్డ్ ఫాన్స్ ఊరుకోలేదు.

#2 నయనతార – విగ్నేష్ శివన్

పెళ్లయిన రెండు నెలలకే కవల పిల్లలకు జన్మనివ్వబోతున్నట్టు ప్రకటించి సంచలనం సృష్టించింది నయనతార. తమ పిల్లలు పుట్టినప్పటి నుంచి పలుమార్లు ఎయిర్పోర్ట్స్ లో కనిపించినప్పటికీ వారి మోహాలను దాచేస్తూ వారు ఎలా ఉంటారో ఇప్పటివరకు కెమెరా కళ్ళకు చిక్కనివ్వలేదు.

#3 అలియా భట్ – రణబీర్ కపూర్

ఇటీవల ఒక బిడ్డకు జన్మనిచ్చిన అలియా, రణబీర్ జంట తమ పాప రాహా కోసం “నో ఫోటో పాలసీ”ని కావాలని కోరారు. “దయచేసి మా పాప ఫోటోలు క్లిక్ చేయకండి. పొరపాటున చిన్నారి ఫ్రేమ్‌పై క్లిక్ చేసినా.. దాన్ని పబ్లిష్ చేస్తే పిల్లల ముఖాన్ని దాచేందుకు హార్ట్ ఎమోజీ వంటి ఎమోజీలను ఉపయోగించాలని” వారు తెలిపారు.

#4 సోనమ్ కపూర్ – ఆనంద్ అహూజా

నటి సోనమ్ కపూర్ గత ఆగస్టులో తన కొడుకుకు జన్మనిచ్చింది. కొడుకు వాయు ముఖాన్ని సోనమ్ ఇంకా చూపించలేదు. తమ బిడ్డకు లోకాన్ని అర్థం చేసుకొనే వయసు వచ్చిన తర్వాత దీని గురించి ఆలోచిస్తామని ఈ జంట తెలిపింది.

#5 ప్రియాంక చోప్రా – నిక్ జోనస్

సరోగసీ ద్వారా తల్లిదండ్రులైన ఈ జంట సోషల్ మీడియా లో తమ బేబీ ఫొటోస్ ని పెట్టినా.. మొహం కనిపించకుండా హార్ట్ ఎమోజి ని ఉపయోగించేవారు. కానీ ఇటీవల జరిగిన ఒక పబ్లిక్ ఈవెంట్ లో తమ బేబీ ఫోటో ని రివీల్ చేసారు.

#6 నేహా దుఫియా- అంగద్

నటులు నేహా దుఫియా, అంగద్ తమ ఇద్దరు పిల్లల ముఖాలను సోషల్ మీడియాలో బయటపెట్టకుండా చూసుకున్నారు. పిల్లలకు సంబంధించిన పలు ఫోటోలు సోషల్ మీడియా లో పోస్ట్ చేసినా.. వారి ముఖాలు కనిపించకుండా జాగ్రత్త పడ్డారు.

యంగ్ హీరో అఖిల్‌ అక్కినేని హీరోగా నటించిన తాజా చిత్రం ‘ఏజెంట్‌’. డైరెక్టర్ సురేందర్‌రెడ్డి దర్శకత్వంలో తెరకెక్కిన ఈ చిత్రాన్ని నిర్మాత అనిల్‌ సుంకర ఏకే ఎంటర్‌టైన్‌మెంట్‌ పతాకం పై నిర్మించారు. ఈ సినిమా ఏప్రిల్‌ 28న రిలీజ్ అయ్యింది. కానీ మొదటి షో నుండే నెగెటివ్ టాక్‌ వచ్చింది. డైరెక్టర్, నిర్మాతల పై ఆడియెన్స్ అసంతృప్తిని వ్యక్త పరుస్తున్నారు. అక్కినేని ఫ్యాన్స్ తీవ్రంగా మండిపడుతున్నారు.

అయితే ఈ మూవీ ఫలితానికి ప్రతి ఒక్కరు దర్శకుడు సురేందర్ రెడ్డి నే బాధ్యుడ్ని చేస్తున్నారు. ఈ మూవీ లో అఖిల్ ట్రాన్స్ఫర్మేషన్, పెర్ఫార్మన్స్ పై ప్రశంసలు వస్తున్నప్పటికీ దర్శకుడిదే మొత్తం తప్పు అని అంటున్నారు అక్కినేని ఫాన్స్. ఏజెంట్ సినిమా ఫలితం సురేందర్ రెడ్డి కెరీర్ ను దారుణంగా దెబ్బ తీసే అవకాశం ఉందని కామెంట్లు వినిపిస్తున్నాయి.

షూటింగ్ మరియు ఫారన్ లొకేషన్ ల మీద పెట్టిన ఫోకస్ సురేందర్ రెడ్డి కథ ,స్క్రీన్ ప్లే మీద మాత్రం పెట్టలేకపోయారు. కథ చాలా రెగ్యులర్,రొటీన్ గా అనిపిస్తుంది. ఎలాంటి కొత్తదనం లేకుండా అదే అవుట్ డేటెడ్ కథ,దానికి తోడు కన్ఫూజన్ . కెరీర్ మొదట్లో సూపర్ హిట్ చిత్రాలు తెరకెక్కించిన సురేందర్ రెడ్డి.. ఆ తర్వాత తీసిన చిత్రాలకు పాజిటివ్ టాక్ వస్తున్నా ఆ సినిమాలు ఫెయిల్యూర్ గా నిలుస్తున్నాయి.

ఏజెంట్ సినిమా హిట్ అయితే అఖిల్, సురేందర్ రెడ్డి కెరీర్ పుంజుకుంటుందని అంత భావించారు. కానీ ఇప్పుడు అంతా తారుమారు అయ్యింది. సురేందర్ రెడ్డి 18 ఏళ్ల కెరీర్ లో అందుకున్న విజయాలు మాత్రం నాలుగే అని చెప్పాలి. అతనొక్కడే, కిక్, రేసుగుర్రం, ధ్రువ వంటి సినిమాలు ఈయనకు మంచి పేరు తెచ్చిపెట్టాయి. కానీ ఇప్పుడు ఈ మూవీ ప్లాప్ కావడం తో ఈయన్ని నమ్మి సినిమా తీసేందుకు ఏ హీరో ముందుకొస్తాడో చూడాలి.

ప్రస్తుతం అందరు దర్శకులు సినిమాలను త్వరగా పూర్తి చేస్తుంటే సురేందర్ రెడ్డి మాత్రం సినిమాలను చాలా లేట్ గా తీస్తూ నిర్మాతలపై భారాన్ని మోపుతున్నారని అంటున్నారు ప్రేక్షకులు. ఇక ఈ మూవీ వల్ల ఈయన తర్వాత సినిమాలు కూడా కష్టమే అని కామెంట్స్ వినిపిస్తున్నాయి.

సినిమాలు అన్నాక హిట్లు, ఫ్లాపులు కామ‌న్.హిట్ వ‌స్తే సినిమా చేసిన న‌టుల‌తో పాటు ద‌ర్శ‌కుడికి మంచి పేరు వ‌స్తుంది. నిర్మాత‌కు కాసుల వ‌ర్షం కురుస్తుంది. అయితే కొన్నిసార్లు సినిమాలు డిజాస్ట‌ర్లు కావ‌డంతో నిర్మాత‌లు కోలుకోలేని దెబ్బ‌తింటారు. అలాంటి సంద‌ర్భాల్లో హీరోలు, హీరోయిన్లు త‌మ రెమ్యున‌రేష‌న్ డ‌బ్బులు తిరిగి ఇవ్వ‌డం. లేదంటే మ‌రో సినిమాలో డ‌బ్బులు తీసుకోకుండా న‌టించ‌డం చేస్తారు.

ఇప్పుడు అలా రెమ్యూనరేషన్ వెనక్కి ఇచ్చేసిన నటులు.. ఆ సినిమాలు ఏవో ఇప్పుడు చూద్దాం..

#1 రజనీకాంత్

బాబా మూవీ రిలీజ్ అయ్యాక డిస్ట్రిబ్యూటర్స్ బాగా లాస్ అవ్వడం తో రజనీకాంత్ తన రెమ్యూనరేషన్ లో చాలా భాగం వాళ్ళకి ఇచ్చేశారట.

#2 సూపర్ స్టార్ కృష్ణ

సూపర్ స్టార్ కృష్ణ ఎన్నో సినిమాలకు తన రెమ్మ్యూనరేషన్ వాపస్ ఇచ్చారు. తన సినిమా బోల్తాకొట్టిందంటే నిర్మాతలను ఆదుకోవడంలో ముందుంటారు కృష్ణ. అందుకే ఆయన్ను నిర్మాతల హీరో అనేవారు.

#3 బాల కృష్ణ

బాలకృష్ణ న‌టించిన గౌతమి పుత్ర శాత‌క‌ర్ణి సినిమా ఆశించిన రిజల్ట్ రాబట్టకపోవడంతో బాలయ్య బాబు తన పారితోషికాన్ని రివర్స్ ఇచ్చేశారు.

#4 ప‌వన్ కళ్యాణ్

పవర్ స్టార్ పవన్ కళ్యాణ్ న‌టించిన జానీ, కొమురంపులి సినిమాలు డిజాస్టర్ అయ్యాయి. దీంతో ప్రొడ్యూస‌ర్ల‌ అంచనాలు తలక్రిందులై భారీ నష్టం వాటిల్లింది. ఈ సమయంలో తాను తీసుకున్న‌ రెమ్యున‌రేష‌న్ వెన‌క్కి ఇచ్చేశారు పవన్ కళ్యాణ్.

#5 మహేష్ బాబు

మ‌హేష్ బాబు హీరోగా తెర‌కెక్కిన సినిమా ఖ‌లేజా సినిమా ఇలాగే బాక్సాఫీస్ వద్ద బోల్తాకొట్టింది. దీంతో నిర్మాత‌కు భారీగా న‌ష్టం వాటిల్లడంతో ఆ స‌మ‌యంలో మ‌హేష్ బాబు త‌న రెమ్యున‌రేష‌న్ అంతా తిరిగి ఇచ్చేశారు.

#6 రామ్ చరణ్

రామ్ చరణ్ హీరోగా వచ్చిన ఆరెంజ్ సినిమా భారీ అంచనాల నడుమ విడుదలై అట్ట‌ర్ ఫ్లాప్ కావడంతో త‌ను కూడా తీసుకున్న పారితోషికాన్ని తిరిగి ఇచ్చేశారు రామ్ చరణ్.

#7 సమంత

రీసెంట్ గా సమంత లీడ్ రోల్ లో వచ్చిన శాకుంతలం సినిమా డిజాస్టర్ అయింది. దీంతో ఈ సినిమాకు గాను తాను తీసుకున్న పారితోషికం మొత్తం వాపస్ చేసిందట.

#8 విజ‌య్ దేవ‌ర‌కొండ‌

విజ‌య్ దేవ‌ర‌కొండ న‌టించిన వ‌ర‌ల్డ్ ఫేమ‌స్ ల‌వ‌ర్ భారీ అంచనాల నడుమ ప్రేక్షకుల ముందుకొచ్చింది. తీరా విడుదల తర్వాత ఈ సినిమా బాక్సాఫీస్ వద్ద డీలా పడింది. దీంతో త‌న పారితోష‌కాన్ని వెన‌క్కి ఇచ్చారు విజయ్ దేవరకొండ.

#9 రవితేజ

మాస్ మహారాజ్ రవితేజ హీరోగా వచ్చిన రామారావు ఆన్ డ్యూటీ మూవీ బాక్సాఫీస్ వద్ద బోల్తా కొట్టింది. దీంతో ఈ సినిమాకు గాను తాను తీసుకున్న పారితోషికాన్ని తిరిగి ఇచ్చేశారు రవితేజ.

#10 సాయి ప‌ల్ల‌వి

సాయి పల్లవి నటించిన ప‌డి ప‌డి లేచే మ‌న‌సు సినిమా ఫ్లాప్ టాక్ తెచ్చుకుంది. దీంతో త‌న రెమ్యున‌రేష‌న్ ను సాయి ప‌ల్ల‌వి వెన‌క్కి ఇచ్చింది.

#11 జూనియర్ ఎన్టీఆర్

నరసింహుడు మూవీ ప్లాప్ కావడం తో జూనియర్ ఎన్టీఆర్ తన రెమ్యూనరేషన్ ని తిరిగి ఇచ్చేసాడు.

యంగ్ హీరో అఖిల్‌ అక్కినేని హీరోగా నటించిన తాజా చిత్రం ‘ఏజెంట్‌’. డైరెక్టర్ సురేందర్‌రెడ్డి దర్శకత్వంలో తెరకెక్కిన ఈ చిత్రాన్ని నిర్మాత అనిల్‌ సుంకర ఏకే ఎంటర్‌టైన్‌మెంట్‌ పతాకం పై నిర్మించారు.

ఈ సినిమా ఏప్రిల్‌ 28న రిలీజ్ అయ్యింది. కానీ మొదటి  షో నుండే నెగెటివ్ టాక్‌ వచ్చింది. డైరెక్టర్, నిర్మాతల పై ఆడియెన్స్ అసంతృప్తిని వ్యక్త పరుస్తున్నారు. అక్కినేని ఫ్యాన్స్ తీవ్రంగా మండిపడుతున్నారు. ఈ క్రమంలో ప్రొడ్యూసర్ అనిల్ సుంకర ట్వీట్ చేశారు. ఆ ట్వీట్ వెంటనే వైరల్ గా మారింది.
ఈ చిత్రాన్ని దాదాపు 80 కోట్ల బడ్జెట్‌తో తెరకెక్కించారు. అయితే ఈ చిత్రం కనీసం 10 కోట్ల షేర్‌ సాధించలేకపోయింది. ఏజెంట్‌ సినిమా ఈ సంవత్సరం అతి పెద్ద డిజాస్టర్‌ సినిమాలలో ఒకటిగా నిలిచింది. ఈ చిత్రం పై అంతటా విమర్శలు వెల్లువెత్తుతున్నాయి. అక్కినేని ఫ్యాన్స్ కూడా చాలా నిరాశ పడ్డారు. సాధారణ ప్రేక్షకులు సైతం మూవీ పై కామెంట్లు చేస్తున్నారు. విడుదల అయిన దగ్గర నుంచి మూవీ పై రకరకాలగా విమర్శలు చేస్తున్నారు. ఈ నేపథ్యంలో మూవీ రిజల్ట్ పై ప్రొడ్యూసర్ అనిల్‌ సుంకర స్పందించారు.
ఏజెంట్ అపజయానికి బాధ్యత వహిస్తూ ఆడియెన్స్ కి క్షమాపణలు చెప్తూ ట్వీట్‌ చేశారు. ఈ ట్వీట్ సారాంశం ఏమిటి అంటే “ఏజెంట్‌ మూవీ ఫెయిల్యూర్‌ కి సంబంధించిన పూర్తి నిందను తీసుకోవడానికి సిద్ధంగా ఉన్నాము. ఈ మూవీ మాకు పెద్ద టాస్క్ అని తెలిసినప్పటికీ, విజయం సాధించాలనే పట్టుదలతో ముందుకెళ్లాం. అయితే బౌండెడ్‌ స్క్రిప్ట్ తమ దగ్గర లేకుండా సినిమాని మొదలు పెట్టి పెద్ద పొరపాటు చేశాం. కోవిడ్‌తో సహా చాలా సమస్యలు రావడం వల్ల విఫలమయ్యాం.
ఫెయిల్యూర్‌ కు ఎలాంటి సాకులు చెప్పాలని మేము అనుకోవట్లేదు. అయితే ఈ కాస్ట్లీ తప్పు నుండి నేర్చుకుని, మళ్ళీ ఇలాంటి తప్పులను ఎప్పటికీ రిపీట్ కాకుండా చూసుకోవడానికి ప్రయత్నిస్తామని తెలియజేస్తున్నాం. మాపై ఎంతో నమ్మకం ఉంచిన అందరికి మనస్పూర్తిగా క్షమాపణలు తెలియచేస్తున్నాను. రాబోయే సినిమాల విషయంలో పక్కా ప్రణాళికతో కష్టపడి నష్టాలను భర్తీ చేస్తామని తెలియజేస్తున్నాం” అని ప్రొడ్యూసర్ అనిల్‌ సుంకర ట్వీట్‌ చేశారు.

Also Read: చిరంజీవి “ఇంద్ర” నుండి… రామ్ చరణ్ “వినయ విధేయ రామ” వరకు… ప్రేక్షకులకి “లాజిక్” మిస్ అయినట్టు అనిపించిన 16 సినిమాల సీన్స్..!

కాలంతో పాటు సినీ ప్రపంచమూ శరవేగంగా మారిపోతుంది. కథలు చెప్పే విధానంలోనూ కొత్త మార్పులొచ్చాయి. సీక్వెళ్లు.. ఫ్రాంఛైజీ సిరీస్‌ల్ని తలదన్నే మరో కొత్త కథా ప్రపంచం ఊపిరిపోసుకుంది. అదే సినిమాటిక్‌ మల్టీ యూనివర్స్‌. ‘అవెంజర్స్‌’, ‘స్పైడర్‌ మ్యాన్‌: నో వే హోమ్‌’ వంటి విజయవంతమైన చిత్రాలతో ఇప్పటికే హాలీవుడ్‌లో ప్రాచుర్యం పొందిన ఈ ట్రెండ్‌ను.. ఇప్పుడు భారతీయ సినీ పరిశ్రమ అందిపుచ్చుకుంటోంది.

అయితే మన దగ్గర కార్తీ నటించిన ఖైదీ చిత్రం తో మల్టీవర్స్ కి శ్రీకారం చుట్టారు దర్శకుడు లోకేష్ కనగరాజ్. ఇప్పుడు అదే దారిలో అడుగు పెట్టనున్నారు దర్శకుడు ప్రశాంత్ నీల్. తన రెండో చిత్రం కెజియఫ్ తో అన్ని ఇండస్ట్రీల్లోనూ ప్రకంపనలు సృష్టించాడు ప్రశాంత్ నీల్.

అలాగే కేజీఎఫ్ 2 మూవీతో ప్రేక్షకుల్లో ఎన్నో అనుమానాలను కలిగించాడు. కేజీఎఫ్3 కూడా ఉండబోతుందని చెప్పేశాడు. రాఖీభాయ్ బతికే ఉంటాడా? 1978 నుంచి 1981 మధ్యలో ఏం జరిగింది? నరాచి నుంచి మరో కొత్త హీరో బయటికొస్తాడా? అన్న ప్రశ్నలతో కేజీఎఫ్2 ను ముగించాడు. ప్రశాంత్ నీల్ అనౌన్స్ చేసిన ‘సలార్‌‌‌‌‌‌‌‌’, ఎన్టీఆర్‌‌‌‌‌‌‌‌ 31 సినిమాల నేపథ్యం కూడా కేజీఎఫ్ తరహాలోనే డార్క్‌‌‌‌‌‌‌‌ గ్రే కలర్‌‌‌‌‌‌‌‌ థీమ్‌‌‌‌‌‌‌‌లో ఉంది.

కోల్ మైనింగ్ నేపథ్యంలో సాగే ‘సలార్’ సినిమాకు ‘కేజీఎఫ్‌‌‌‌‌‌‌‌’తో లింక్ ఉందని టాక్. కేజీఎఫ్‌‌‌‌‌‌‌‌2 లో ఈశ్వరీరావు కొడుకు ‘ఫర్మాన్‌‌‌‌‌‌‌‌’ అధీర చేతికి చిక్కిన తర్వాత అతడిని చంపేశారా? లేదా? అన్నది స్పష్టంగా చూపించలేదు. అంతేకాదు, కేజీఎఫ్2 నుంచే సలార్ సినిమా మొదలవుతుందనీ, చాప్టర్ 2 లో ప్రశాంత్ నీల్ స్పెషల్ ఫోకస్ చేసిన ఫర్మాన్ క్యారెక్టరే సలార్‌‌‌‌‌‌‌‌‌‌‌‌‌‌‌‌గా మారుతుందని టాక్ కూడా నడుస్తోంది.

అయితే ప్రశాంత్ నీల్ యూనివర్స్ గురించి ఆయన అభిమానులు ఎన్నో అంచనాలు పెట్టుకున్నారు. దీనిపై నెట్టింట పలు కథనాలు వస్తున్నాయి. నీల్ వర్స్ ఇలా ఉండబోతుంది అంటూ అనేక కథలు పుట్టుకొస్తున్నాయి. ఆ వివరాల్లోకి వెళ్తే..

” సలార్ మూవీ లో అమాయకంగా ఉండే ప్రభాస్.. విలన్ అయిన జగపతిబాబు కి ఎదురు తిరిగి వైలెంట్ గా అయిపోతాడు. అలాగే కేజీఎఫ్ 3 లో రాకీ భాయ్ జిమ్మీ హెల్ప్ తో బయటపడి మళ్ళీ రూలర్ గా మారతాడు. ఆ తర్వాత శృతి హాసన్ ని రాకీ సేవ్ చేసినందుకు సలార్ 2 లో రాకీ భాయ్, సలార్ ఫ్రెండ్స్ గా మారిపోతారు. అప్పుడు ఎన్టీఆర్ 31 లో ఎన్టీఆర్ తన తండ్రి జగపతి బాబు ని , తాత అధీరా ని చంపినందుకు రాకీ భాయ్, సలార్ పై రివెంజ్ తీర్చుకుంటాడు.” అని నీల్ వర్స్ అభిమానులు ఊహించుకుంటున్నారు. ఇదే గనక నిజం అయితే రానున్న రోజుల్లో మరిన్ని అద్భుతాలు మనం చూడొచ్చు.

సాధారణంగా సినిమాలను ఒకరు లేదా ఇద్దరు నిర్మాతలు లేదంటే ఒక నలుగురు, ఐదు మంది నిర్మాతలు కలిసి నిర్మిస్తారు.ఇది మామూలుగా జరుగుతూ ఉంటుంది. ఎక్కువ శాతం సినిమాకు ఒకరు లేదా ఇద్దరు మాత్రమే నిర్మాతలుగా వ్యవహరిస్తూ ఉంటారు.కానీ ఇక్కడ మాత్రం ఒక సినిమాకు ఏకంగా ఒకటి రెండు కాదండోయ్ 5 లక్షల మంది నిర్మాతలు ఒక సినిమాకు నిర్మాతగా వ్యవహరించారు. అదే భారత దేశం లో.. ప్రపంచం లోనే తొలి క్రౌడ్ ఫండింగ్ చిత్రం ‘మంథన్’.

దేశవ్యాప్తంగా పాల ఉత్పత్తిని పెంచడంలో విశేష కృషిచేసి శ్వేత విప్లవ పితామహుడిగా గుర్తింపు తెచ్చుకున్న వర్గీస్ కురియన్ జీవిత కథ నేపథ్యంలో… దిగ్గజ దర్శకుడు అయిన శ్యామ్ బెనెగల్ తెరకెక్కించిన సినిమా ఇది. వర్గీస్ కురియన్ రాకతో గుజరాత్ పాడి రైతుల జీవితాలలో కొత్త వెలుగులు నిండాయి..ఈ సినిమా నిర్మాణానికి రైతులు భాగస్వామ్యం వహించడం అన్నది గొప్ప విశేషం.

ఈ సినిమా నిర్మాణానికి రైతులు భాగస్వామ్యం వహించడం సముచితం అనే శ్యామ్ ఆలోచనకు గుజరాత్ కో ఆపరేటివ్ మిల్క్ మార్కెటింగ్ ఫెడరేషన్ లిమిటెడ్ ముందుకొచ్చింది. ఈ సినిమాకు 5 లక్షల మంది తలో రెండు రూపాయలు అందించారు. ఇలా అందించిన వారు ఎవరో కాదు. పాడి రైతులు. వీరు సినిమా నిర్మించడానికి విరాళం ఇవ్వడమే కాకుండా ఆ సినిమాను చూసి విజయవంతం చేశారు.

గిరీశ్ కర్నాడ్, నసీరుద్దీన్ షా, అమ్రిష్ పురి, స్మితా పాటిల్, తదితరులు కీలక పాత్రల్లో నటించిన మంథన్ సినిమాను విజయవంతం చేసేందుకు గుజరాత్ పాడి రైతులు గుంపులు గుంపులుగా థియేటర్లకు వచ్చారు. వర్గీస్ జీవిత కథను తెలుసుకొని ఎంతో సంతోషించారు. అయితే ఈ సినిమా ప్రేక్షకుల ఆదరణ పొందడమే కాకుండా పలు జాతీయ అవార్డులను కూడా గెలుచుకుంది. వ్యవసాయ రంగంలో ఒక వ్యక్తి సాధించిన విజయాన్ని ప్రపంచానికి తెలియజేసేందుకు 5 లక్షల మంది రైతులు తమ తోడ్పాటునందించడంపై అప్పట్లో అందరూ అభినందించారు.

అంతే కాకుండా పాల ఉత్పత్తి కోసం ఎంతగానో సేవ చేసిన వర్గీస్ కురియన్ కు కేంద్ర ప్రభుత్వం పలు అవార్డులతో సత్కరించింది.

1963 లో రామన్ మెగాసెసె అవార్డు, 1965 లో పద్మశ్రీ,1966 లో పద్మభూషణ్, 1986 లో కృషి రత్న,1986 లో వాట్లర్ శాంతి బహుమతి, 1989 లో వరల్డ్ ఫుడ్ ప్రైజ్, 1993 లో ఇంటర్నేషనల్ పర్సన్ ఆఫ్ ద ఇయర్, 1997 లో ఆర్డర్ ఆఫ్ అగ్రికల్చరల్ మెరిట్, 1999 లో పద్మ విభూషణ్ అవార్డుతో కేంద్రం ఆయనను సత్కరించింది.

అఖిల్ అక్కినేని నటించిన ‘ఏజెంట్’ చిత్రం తాజాగా థియేటర్స్ లో విడుదల అయ్యింది. ఈ చిత్రానికి సురేందర్ రెడ్డి దర్శకత్వం వహించారు. అయితే ఈ మూవీకి రిలీజ్ అయిన తొలిరోజు నుండి నెగిటివ్ రెస్పాన్స్ వస్తోంది.

ఇది ఇలా ఉంటే అఖిల్ తరువాత చేయబోయే సినిమా పై దృష్టి పెట్టినట్లు తెలుస్తోంది. ఈ మూవీ ద్వారా కొత్త డైరెక్టర్ ఇండస్ట్రీలోకి ఎంట్రీ ఇవ్వనున్నాడు. అయితే ప్రభాస్ కోసం సిద్ధం చేసిన కథలో అఖిల్ నటించబోతున్నాడని తెలుస్తోంది. ఆ వివరాలు ఇప్పుడు చూద్దాం..
అక్కినేని అఖిల్ ఏప్రిల్ 28 న ఏజెంట్ చిత్రం ద్వారా ఆడియెన్స్ ముందుకు వచ్చారు. సురేందర్ రెడ్డి డైరెక్టర్ కావడంతో ఈ మూవీ పై భారీ అంచనాల ఏర్పడ్డాయి. అయితే ఈ మూవీకి నెగెటివ్ టాక్ రావడంతో మూవీ పై తీవ్రంగా  ట్రోల్ చేస్తున్నారు. కాగా అఖిల్ తదుపరి చిత్రం కోసం రెడీ అవుతున్నాడు. అఖిల్ నెక్స్ట్ మూవీ యూవీ క్రియేషన్స్ బ్యానర్ లో ఉండబోతుందంట. ఈ చిత్రం ద్వారా అనీల్ అనే కొత్త డైరెక్టర్ టాలీవుడ్ కి పరిచయం కానున్నాడు. ప్రస్తుతం ఈ చిత్రానికి సంబంధించిన ప్రీ ప్రొడక్షన్ వర్క్ జరుగుతోందని సమాచారం.
ఈ చిత్రం రెగ్యులర్ షూటింగ్ జూన్ నుండి ప్రారంభం అవుతుందని తెలుస్తోంది. ఇక ఈ చిత్రంతో దర్శకుడిగా మారుతున్న అనీల్ గతంలో పాన్ ఇండియా స్టార్ ప్రభాస్ కి ఒక స్టోరీ చెప్పాడనే వార్తలు వినిపిస్తున్నాయి. అనీల్ సాహో, రాదేశ్యామ్ చిత్రాలకు డైరెక్షన్ విభాగంలో పని చేశాడు. సాహో సమయంలోనే యూవీ ప్రొడ్యూసర్లకు ఒక ఐడియా చెప్పడం, వాళ్ళు ఒకే అనడం జరిగిందంట.
ఆ స్టోరీని ప్రభాస్ తో చేయాలని నిర్మాతలు భావించారంట. అయితే సాహో, రాధే శ్యామ్ సినిమాల ఫలితాల కారణంగా అనీల్  చెప్పిన స్టోరీ ప్రభాస్ తో చేయడం సరి కాదని భావించి, అఖిల్ తో ఆ మూవీ చేయనున్నారని టాక్. ప్రభాస్ కోసం తయారుచేసిన స్టోరీతోనే అనీల్ హీరో అఖిల్ తో మూవీ చేస్తున్నాడా ? లేదా వేరే కథతో చేస్తున్నాడా? అనేది తెలియాల్సి ఉంది. యంగ్ హీరో అఖిల్ మంచి హిట్ కోసం ఎన్నో సంవత్సరాలుగా వెయిట్ చేస్తున్నాడు. తాజాగా రిలీజ్ అయిన ‘ఏజెంట్’ మూవీకి ప్లాప్ టాక్ వచ్చింది. దీంతో తదుపరి చేయబోయే చిత్రం విషయంలో అఖిల్ చాలా జాగ్రత్తగా ఉండనున్నట్టు  తెలుస్తోంది. ఇక ఈ చిత్రంతో అయినా అఖిల్ కు హిట్ వస్తుందని యూవీ ప్రొడ్యూసర్స్ భావిస్తున్నారంట.

Also Read: అఖిల్ అక్కినేని “ఏజెంట్” సినిమాలో… మైనస్ అయిన 5 విషయాలు ఇవేనా..?

టాలీవుడ్ లో హీరోయిన్లకు కొదవ లేదు. ప్రతి ఏడాది ఎందరో హీరోయిన్లు ఇండస్ట్రీ లోకి అడుగు పెడతారు. అలా ‘ఏజెంట్‌’ చిత్రం ద్వారా తెలుగు చిత్రసీమలోకి అరంగేట్రం చేసింది హీరోయిన్ సాక్షి వైద్య. తొలి సినిమాతోనే తన నటనతో అందరిని ఆకట్టుకుంది సాక్షి వైద్య.

అక్కినేని అఖిల్‌ కథానాయకుడిగా సురేందర్‌ రెడ్డి దర్శకత్వంలో రూపొందిన ఈ చిత్రం ప్రేక్షకులను అంతగా ఆకట్టుకోలేదు. కానీ సాక్షి వైద్య నటన కి మాత్రం మంచి మార్కులే పడ్డాయి. ఇక ఇక ఈ సినిమా ప్రమోషన్ కార్యక్రమాలలో భాగంగా ఒక ఇంటర్వ్యూలో పాల్గొన్న సాక్షి వైద్య తన గురించి పలు విషయాలను వెల్లడించారు.

“వృత్తి పరం గా నేను ఫిజియోథెరపిస్ట్ ని. మహారాష్ట్రలోని అహ్మద్‌నగర్‌లోని డాక్టర్ విఠల్‌రావ్ విఖే పాటిల్ ఫౌండేషన్ మెడికల్ కాలేజీలో ఇంటర్న్‌షిప్ చేశాను. కానీ కరోనా సమయం లో ఇంటికే పరిమితం కావాల్సి వచ్చింది. అప్పుడు ఇంస్టాగ్రామ్ లో రీల్స్ చేస్తూ ఉండేదాన్ని. అప్పుడు చాలా ఆదరణ లభించింది. కొన్ని ప్రకటనల్లో కూడా నటించాను.

అవి కాస్త వైరల్ కావడంతో చాలామంది సినిమాలలోకి ట్రై చేయొచ్చు కదా అంటూ సలహాలు ఇచ్చారు. దీంతో నా స్నేహితులు సినిమాల్లో ప్రయత్నించమని అడిగారు. అప్పుడు ముంబై లో కొన్ని ఆడిషన్స్ లో పాల్గొన్నాను. కానీ పాత్రలు నచ్చక వదిలేసాను. ఇక తిరిగి నా లైఫ్ లో బిజీ అయిపోయాను. ఆ సమయంలోనే ఏజెంట్ మూవీ టీం నుంచి తనకు ఫోన్ కాల్ రావడం..మీకు హీరోయిన్ గా ఛాన్స్ వచ్చిందని చెప్పడంతో అదొక పెద్ద స్కాం అనుకొని ఆ ఫోన్ కాల్ లైట్ తీసుకున్నాను.

నాకు పరిచయం ఉన్న ఓ కాస్టింగ్ డైరెక్టర్ ఏజెంట్ సినిమా గురించి చెప్పడంతో హైదరాబాద్ కి వచ్చి ఆడిషన్ ఇచ్చాను. ఆడిషన్ లో ఓకే అయి హీరోయిన్ నేనే అని చెప్పడంతో ఒక్కసారిగా నమ్మలేకపోయాను. ప్రస్తుతం తెలుగులో మరిన్ని మంచి అవకాశాల కోసం ఎదురుచూస్తున్నా. వరుణ్‌తేజ్‌తో ఓ సినిమా కన్‌ఫర్మ్‌ అయింది.” అని సాక్షి వైద్య తన గురించి ఒక ఇంటర్వ్యూ లో వెల్లడించింది.

Also read: ACTRESS SAKSHI VAIDYA IMAGES, AGE, PHOTOS, FAMILY, BIOGRAPHY, MOVIES LIST