Filmy Adda

సాధారణంగా సినిమా ఇండస్ట్రీలో ఎన్నో సినిమాలు ప్రకటించడం తర్వాత అవి మొదలు పెట్టడం మధ్యలో ఆపేయడం అనేది సహజం. అందులో చాలా మంది పెద్ద హీరోల సినిమాలు కూడా ఉంటాయి. ఒక సినిమా ఆపేయడానికి ఎన్నో కారణాలు ఉంటాయి. కొన్ని ప్రాజెక్టులు అనౌన్స్మెంట్ దశలో ఆగిపోతాయి.. ఇంకొన్ని షూటింగ్ కంప్లీట్ అయ్యాక విడుదల కావు.. మరికొన్ని షూటింగ్ మధ్యలోనే ఆగిపోతాయి.

ఒక సినిమాకి కొబ్బరికాయ కొట్టడం మాత్రమే వాళ్ల చేతిలో ఉంటుంది అది గుమ్మడికాయ కొట్టే వరకు వెళ్తుందా లేదా అనేది చాలా మందికి తెలీదు. ఆ విధంగా టాలీవుడ్ లో ఎన్నో సినిమాలు మధ్యలోనే ఆగిపోయాయి. ఆ విధంగా చిన్న హీరోల సినిమాలే కాదు స్టార్ హీరోల సినిమాలు సైతం ఆగిపోయాయి.

ఇప్పుడు పూజా కార్యక్రమాలు ముగిసాక.. ముహూర్తం సన్నివేశం కంప్లీట్ అయ్యాక ఆగిపోయిన సినిమాలేవో చూద్దాం..

#1 చిరంజీవి – రామ్ గోపాల్ వర్మ మూవీ

అప్పట్లో రామ్ గోపాల్ వర్మ స్టార్ డైరెక్టర్, చిరు పెద్ద హీరో అలాంటిది వారి కాంబినేషన్ లో సినిమా వస్తుందంటే అభిమానులు ఎంతో ఆసక్తిగా ఎదురు చూశారు. కొన్ని రోజులు షూటింగ్ కూడా చేశారు. కానీ అనుకోకుండా ఆ చిత్రం మధ్యలో ఆగిపోయింది.

ఈ సినిమా ఆగి పోవడానికి గల కారణాలు కూడా ఇద్దరూ ఎక్కడా చెప్పలేదు. ఆ తర్వాత వర్మ బాలీవుడ్ లో ఆఫర్లు ఉండటం వల్ల వదిలేసా అంటూ ఒకసారి చెప్పుకొచ్చారు.

#2 అబూ

చిరంజీవి 1999 లో అబూ బాగ్దాద్ గజదొంగ అనే మూవీ చేసారు. ఇది హాలీవుడ్ సినిమా. ఈ సినిమాకి ఇంగ్లీషులో ద రిటర్న్ ఆఫ్ ది థీఫ్ ఆఫ్ బాగ్దాద్ అని పేరు పెట్టారు. ఈ సినిమా కి ల్ ఆడమ్స్, రమేష్ కే సుందర్ స్వామి నిర్మాతలు. ఈ మూవీ కి ఇంగ్లీష్ వర్షన్ కి డోచెన్ గెర్సీ, తెలుగు వెర్షన్ కి సురేష్ కృష్ణ గారు దర్శకత్వం వహించారు. కానీ కొన్ని కారణాల వల్ల ఈ చిత్రం షూటింగ్ మధ్యలో ఆగిపోయింది.

#3 విక్రమ్ సింహ భూపతి

20 సంవత్సరాల క్రితం కోడి రామకృష్ణ దర్శకత్వంలో బాలయ్య హీరోగా తెరకెక్కిన ఈ చిత్రం 70 శాతం షూటింగ్ ను పూర్తి చేసుకుంది. బాలకృష్ణ ఈ సినిమాలో ద్విపాత్రాభినయం చేయగా హీరోయిన్స్ గా రోజా, అంజలి జవేరి నటించారు.

ఎస్ గోపాల్ రెడ్డి అప్పట్లో భారీ బడ్జెట్ తో ఈ సినిమాను నిర్మించారు. భారీ సెట్టింగ్స్ వేసి ఈ సినిమాని నిర్మించారు. కానీ బాలయ్యకు కోడి రామకృష్ణకు మధ్య విభేదాలు రావడంతో కోడి రామకృష్ణ ను తీసేస్తే సినిమా చేస్తానని లేదంటే చేయనని చెప్పాడట. దీంతో అలా సినిమా మధ్యలో ఆగిపోయింది.

#4 నర్తనశాల

నందమూరి తారక రామారావు నటించిన ఎన్నో అద్భుతమైన చిత్రాలలో నర్తనశాల ఒకటి. ఈ సినిమా అంటే ఎంతో బాలయ్య కు కూడా ఇష్టం. అందుకే ఇప్పటి జనరేషన్ కు తెలియజేసేందుకు ఈ సినిమాను సొంత దర్శకత్వంలో తెరకెక్కించాలని అనుకున్నారు.

2004లో మార్చి 1న ఈ సినిమాను ప్రారంభించారు. సౌందర్య, శరత్ బాబు, శ్రీహరి తదితరులు కీలక పాత్రల్లో నటించారు. అయితే సౌందర్య దురదృష్టవశాత్తు ప్రమాదంలో మరణించడంతో ఈ సినిమా ఆగిపోయింది.

#5 ఆటా నాదే… వేట నాదే

వెంకటేష్ హీరోగా తేజ దర్శకత్వంలో ఈ చిత్రం ప్రకటించారు. కానీ ఈ చిత్రం షూటింగ్ మధ్యలోనే ఆగిపోయింది.

#6 నాన్ రుద్రన్

నాగార్జున, ధనుష్ ప్రధాన పాత్రల్లో ధనుష్ దర్శకత్వంలో నాన్ రుద్రన్ అనే ఒక మల్టీ స్టారర్ సినిమా స్టార్ట్ అయింది. షూటింగ్ కూడా మొదలై ఒక షెడ్యూల్ కూడా పూర్తయింది. కానీ ఈ సినిమా మధ్యలో ఆగిపోయింది.

#7 జీసస్ క్రైస్ట్

సింగీతం శ్రీనివాసరావు దర్శకత్వంలో పవన్ కళ్యాణ్ ఈ సినిమా చేయాలని అనుకున్నాడు. టైటిల్ కూడా ఫిక్స్ చేశారు. సినిమా షూటింగ్ కోసం ఇజ్రాయిల్ కూడా అప్పట్లో వెళ్లారు. కానీ మధ్యలోనే ఆగిపోయింది.

#8 సీనయ్య

వి.వి.వినాయక్ హీరోగా ‘శరభ’ దర్శకుడు ఎన్.నరసింహ దర్శకత్వంలో ప్రారంభమైన ఈ చిత్రం షూటింగ్ మధ్యలోనే ఆగిపోయింది.

#9 హీరో

విజయ్ దేవరకొండ హీరోగా , మాళవిక మోహనం హీరోయిన్ గా హీరో సినిమా మొదలైంది. ‘మైత్రి మూవీ మేకర్స్’ వారు ఈ చిత్రాన్ని నిర్మించారు. అయితే దాదాపు 25 కోట్ల రూపాయలు ఖర్చుపెట్టి తీసిన ఫస్ట్ షెడ్యూల్ అవుట్ ఫుట్ ఆశించిన స్థాయిలో రాకపోవడం తో మైత్రీ మూవీ మేకర్స్ తప్పుకొన్నారని సమాచారం. దీంతో ఈ చిత్రం షూటింగ్ మధ్యలోనే ఆగిపోయింది.

#10 జనగణమన

‘లైగర్’ తర్వాత విజయ్ దేవరకొండ – పూరి జగన్నాథ్ కాంబినేషన్లో మొదలైన సినిమా ఇది. పూరి డ్రీం ప్రాజెక్టు కూడా. అయితే లైగర్ చిత్రం ప్లాప్ కావడం తో ఈ చిత్రం షూటింగ్ అలా మొదలైందో లేదో వెంటనే ఆగిపోయింది.

#11 కోతి కొమ్మచ్చి

‘శతమానం భవతి’ దర్శకుడు సతీష్ వేగేశ్న దర్శకత్వంలో మొదలైన ఈ చిత్రం షూటింగ్ మధ్యలోనే ఆగిపోయింది. ఈ చిత్రం శ్రీహరి కొడుకు మేఘాంశ్ శ్రీహరి, సతీష్ వేగేశ్న కొడుకు సమీర్ వేగేశ్న హీరోలుగా నటించారు.

#12 రామ్ – ప్రవీణ్ సత్తార్ మూవీ

రామ్ – ప్రవీణ్ సత్తార్ క్రేజీ కాంబినేషన్లో కూడా సినిమా మొదలైంది. విదేశాల్లో పలు షెడ్యూల్స్ కూడా పూర్తి చేసారు. కానీ షూటింగ్ మొదలైన కొద్దిరోజులకే ప్రాజెక్ట్ ఆగిపోయింది.

#13 డి అండ్ డి – డబుల్ డోస్

శ్రీనువైట్ల దర్శకత్వంలో మంచు విష్ణు హీరోగా మొదలైన ఈ మూవీ .. షూటింగ్ ఆరంభంలోనే ఆగిపోయింది.

#14 పవర్ పేట

‘ఛల్ మోహన్ రంగ’ తర్వాత నితిన్ – కృష్ణ చైతన్య కాంబినేషన్లో పవర్ పేట మూవీ రావాల్సి ఉంది. ఆ ప్రాజెక్టుని తమ సొంత బ్యానర్ పై నిర్మించబోతున్నట్టు కూడా అనౌన్స్ చేశారు. అంతే కాకుండా సైలెంట్ గా షూటింగ్ కూడా మొదలుపెట్టారు. కానీ బడ్జెట్ కారణాలతో ఈ మూవీ ఆగిపోయింది.

#15 విశ్వక్ సేన్ – అర్జున్

యాక్షన్ కింగ్ అర్జున్ దర్శకత్వం లో.. ఆయన కుమార్తె ఐశ్వర్య హీరోయిన్ గా.. విశ్వక్ సేన్ హీరో గా ఒక మూవీ స్టార్ట్ అయ్యింది. ముహూర్తపు సన్నివేశం తర్వాత షూటింగ్ మొదలవ్వడం కొన్ని సీన్స్ తీసినా అవి విశ్వక్ సేన్ కు నచ్చకపోవడం. తర్వాత అర్జున్ కి కోపం వచ్చి విశ్వక్ సేన్ ను తీసేయడం జరిగింది.

#16 2 స్టేట్స్

అడివి శేష్ హీరోగా శివాని రాజశేఖర్ మొదటి సినిమాగా ఈ మూవీ షూటింగ్ మొదలైంది. వెంకట్ రెడ్డి దర్శకుడు. కానీ కొన్ని కారణాల వల్ల ఈ చిత్రం షూటింగ్ మధ్యలోనే ఆగిపోయింది.

#17 అహం బ్రహ్మాస్మి

మనోజ్ హీరోగా శ్రీకాంత్ ఎన్ రెడ్డి దర్శకత్వంలో పాన్ ఇండియా మూవీగా మొదలైన ఈ చిత్రం షూటింగ్ కూడా మధ్యలోనే ఆగిపోయింది.

#18 సూర్య – బాల మూవీ

ఈ క్రేజీ కాంబినేషన్లో కూడా మూవీ మొదలైంది. షూటింగ్ జరుపుకుంటున్న టైంలో సడన్ గా ఈ ప్రాజెక్టు నుండి సూర్య తప్పుకోవడం తో ఈ మూవీ ఆగిపోయింది.

సూపర్ హీరో సినిమాలను చూడడానికి చిన్నపిల్లల దగ్గర నుండి పెద్దవారి వరకు చాలా ఆసక్తిని చూపిస్తారు. అయితే భారతీయ చిత్రాలలో సూపర్ హీరో కంటెంట్ తో రూపొందిన చిత్రాలు చాలా తక్కువ.

బాలీవుడ్ లో మరియు కోలీవుడ్ లో సూపర్ హీరో చిత్రాలు వచ్చాయి. ఈ  సినిమాలు తెలుగు ఆడియెన్స్ కి డబ్బింగ్ ద్వారా చేరువయ్యాయి. రీసెంట్ గా టాలీవుడ్ లోనూ సూపర్ హీరో కాన్సెప్ట్ తో 2 చిత్రాలు రూపొందుతున్నాయి. ఈ నేపథ్యంలో ఇప్పటివరకు దక్షిణాదిలో వచ్చిన, రాబోతున్న సూపర్ హీరో చిత్రాలు ఏమిటో ఇప్పుడు చూద్దాం..
1. హనుమాన్:

ప్రశాంత్ వర్మ దర్శకత్వంలో తేజ సజ్జ  హీరోగా “హను-మాన్” అనే  పాన్ ఇండియా మూవీని తెరకెక్కిస్తున్నాడు. ఈ చిత్రంలో అమృత అయ్యర్, వరలక్ష్మి శరత్ కుమార్ నటిస్తున్నారు. ఈ చిత్రం టాలీవుడ్ తొలి సూపర్ హీరో మూవీ.
2. అధీర:

ప్రొడ్యూసర్ దానయ్య కుమారుడు కళ్యాణ్ దాసరి హీరోగా ‘అధీర’ అనే సినిమాతో తెలుగులో ఎంట్రీ ఇవ్వనున్నాడు. ఈ ఈ చిత్రాన్ని డైరెక్టర్ ప్రశాంత్ వర్మ సూపర్ హీరో కాన్సెప్ట్ తో నిర్మిస్తూ, తెరకెక్కిస్తున్నాడు.

3.క్రిష్: 

20ఏళ్ల క్రితం రాకేష్‌ రోషన్‌ ‘ కోయి మిల్‌గయా’ చిత్రంతో క్రిష్‌ ఫ్రాంచైజీ ప్రారంభించారు. ఈ చిత్రంలో హృతిక్‌ రోషన్‌ హీరోగా నటించాడు. ఆ తరువాత క్రిష్‌ సినిమాను తెరకెక్కించారు. అప్పట్లో ఈ చిత్రం సంచలనం సృష్టించింది. ఇటువంటి కాన్సెప్ట్‌తో హాలీవుడ్‌ లో మాత్రమే చిత్రాలు వచ్చాయి. డైరెక్టర్ రాకేష్‌ రోషన్ మొదటిసారి భారతీయ సినిమాకు సూపర్‌ హీరోని ఇంట్రడ్యూస్ చేశాడు. ఆ తరువాత క్రిష్ రెండవ భాగం కూడా విడుదలై రికార్డు క్రియేట్ చేసింది.
4. విక్రమ్ – మల్లన్న:

కోలీవుడ్ లో సూపర్‌హీరో కల్చర్‌ ను తీసుకొచ్చిన హీరో విక్రమ్. డైరెక్టర్ సుసీ గణేషన్‌ దర్శకత్వంలో విక్రమ్‌ హీరోగా  వచ్చిన చిత్రం ‘కంఠస్వామి’. అవినీతికి వ్యతిరేకంగా పోరాడడానికి సూపర్ హీరోగా  పనిచేసే ఐపీఎస్ అధికారిగా విక్రమ్ నటించాడు. ఈ సినిమాని తెలుగులో మల్లన్నగా డబ్ చేశారు. 5. విజయ్ – వేలాయుధం:

తమిళ స్టార్ హీరో దళపతి విజయ్ సూపర్ హీరోగా నటించిన సినిమా వేలాయుధం. ఈ చిత్రాన్ని దర్శకుడు మోహన్ రాజా తెరకెక్కించారు. ఈ చిత్రంలో విజయ్ తీవ్రవాదానికి వ్యతిరేకంగా పోరాటం చేసే పాత్రలో నటించారు. 2000లో రిలీజ్ అయిన నాగార్జున నటించిన ‘ఆజాద్’ ప్రేరణతో  వేలాయుధం రూపొందింది. ఇందులో హన్సిక, జెనీలియా  హీరోయిన్లుగా నటించారు. 6. జీవా – మాస్క్:

కోలీవుడ్ హీరో జీవా ‘ముగమూడి’ అనే సినిమాలో సూపర్ హీరో పాత్రలో చేశారు. మిస్కిన్ ఈ సినిమాకి దర్శకత్వం వహించారు. ఈ మూవీని తెలుగు మాస్క్ పేరుతో డబ్ చేసి, విడుదల చేశారు.
7. శివకార్తికేయన్ – హీరో:

కోలీవుడ్ హీరో శివకార్తికేయన్ చాలా ఏళ్ల తర్వాత ‘హీరో’ అనే చిత్రంలో సూపర్ హీరో గా నటించాడు. ఈ సినిమాకి పిఎస్ మిత్రన్‌ దర్శకత్వం వహించారు. ఈ మూవీలో శివకార్తికేయన్ కార్పొరేట్ వ్యవస్థకు వ్యతిరేకంగా పోరాడే పాత్రను చేశారు. తెలుగులో కూడా అదే పేరుతో డబ్ చేశారు. రెండు చోట్ల ఈ చిత్రం ఆడియెన్స్ ని అలరించింది.8. టోవినో థామస్ – మిన్నల్ మురళి:

మలయాళ హీరో టోవినో థామస్ ‘మిన్నల్ మురళి’ అనే సూపర్ హీరో సినిమాలో నటించాడు. ఈ చిత్రానికి బాసిల్ జోసెఫ్ దర్శకత్వం వహించారు.
పిడుగుపాటుకు గురై సూపర్ పవర్స్ పొందే టైలర్ పాత్రలో థామస్ నటించారు. తెలుగులో కూడా అదే పేరుతో రిలీజై ఆడియెన్స్ ని ఆకట్టుకుంది.

Also Read: ఏ మాయ చేసావే “సమంత” నుండి… భీమ్లా నాయక్ “సంయుక్త” వరకు… వరుస హిట్స్‌తో “గోల్డెన్ లెగ్” అని పేరు తెచ్చుకున్న 9 హీరోయిన్స్..!

ఈ మధ్యకాలంలో టెక్నాలజీ బాగా పెరగడంతో సినిమాల్లో విజువల్ ఎఫెక్ట్స్, గ్రాఫిక్స్ కి ఎక్కువ ప్రాధాన్యతనిస్తున్నారు. సాధ్యం కాని విషయాలను కూడా గ్రాఫిక్స్ ద్వారా చేసి చూపిస్తున్నారు. మంచి అవుట్ పుట్స్ రాబడుతూ తెలుగు సినిమా స్థాయిని పెంచుతున్నారు. అయితే ఎటువంటి సాంకేతికత అందుబాటులో లేని కాలం లో ఎన్నో అద్భుతమైన చిత్రాలను మనకు అందించారు దిగ్గజ దర్శకులు.

‘మాయాబజార్’ సినిమా గురించి తెలియని తెలుగు ప్రేక్షకుడు ఉండడు. ఆ సినిమా విడుదలై ఆరు దశాబ్దాలు దాటినా ఇప్పటి తరానికి కూడా పరిచయమే. అంత గొప్ప సినిమా ‘మాయాబజార్’. ఎన్టీఆర్, ఎస్వీఆర్, ఏఎన్నార్, సావిత్రి, గుమ్మడి వంటి హేమాహేమీలు నటించిన భారీ చిత్రం. తెలుగు సినిమా చరిత్రలోనే ‘మాయాబజార్’ ఒక ఆణిముత్యం.

ఎటువంటి గ్రాఫిక్స్ లేని కాలం లో కూడా కెమెరా యాంగిల్స్ తోనే అద్భుతమైన గ్రాఫిక్స్ ని చూపించిన దర్శకుడు కెవి.రెడ్డి. 1957లో వచ్చిన ఆ సినిమా అప్పట్లోనే కోటి రూపాయలకు పైగా షేర్స్ ను అందించి ప్రపంచాన్ని ఆకర్షించింది. ల్యాప్ టాప్ రాక ముందే ఈ సినిమాలో వీడియో కాలింగ్ చూపించారు. ఇలాంటివి ఎన్నో ఆణిముత్యాలు ఉన్నాయి ఈ చిత్రం లో. భైరవి చిత్రం తో పేరు తెచ్చుకున్న సినిమాటోగ్రాఫర్ మార్కస్ బార్ట్లే తన కెమెరా పనితనంతో వెండితెరపై అద్భుతాలను ఆవిష్కరించారు.

ఎటువంటి గ్రాఫిక్స్ లేకుండా కొన్ని ట్రిక్స్ తో ప్రేక్షకులను ఆశ్చర్యంలో ముంచెత్తారు. వివాహ భోజనంబు.. లాహిరి లాహిరి పాటల చిత్రీకరణ మార్కస్ బార్ట్లే ట్యాలెంట్ కి నిదర్శనం. వివాహ భోజనంబు పాటలో ఘటోత్కచుడు భోజనానికి ఉపక్రమించి ఒక్క లడ్డు కొరికి చూస్తాడు. ఆపైన మొత్తం లడ్డూలన్నీ ఆయన నోరు తెరవగానే నోట్లోకి వరుసగా వెళ్లిపోతాయి. ఇలా ఎగిరినట్లు ఏ రకమైన గ్రాఫిక్స్ లేని రోజుల్లోనే ఎలా వెళ్లిందో ఇప్పుడు చూద్దాం..

కళా దర్శకులు కళాధర్ – గోఖలే పారదర్శక కాగితంతో ఒక గరాటు తయారుచేయించారు. ఎస్వీ రంగారావు కూర్చుంటే ఎక్కడికి నోరు వస్తుందో చూసుకుని అక్కడికి గరాటులోంచి లడ్డూలు కిందికి వదులుతారు. గరాటులోంచి జారి ప్లేట్లో లడ్డూలు పడతాయి. దాన్ని చిత్రీకరిస్తారు. బార్‌ట్లే లైటింగ్ కూడా కొంత గరాటును కనిపించనివ్వకుండా మాయ చేసివుండాలి. అప్పుడు లడ్డూలు ఏ ఆధారం లేకుండా కిందికి పడినట్టు చిత్రీకరించవచ్చు. తర్వాత ఆ షాట్ ని రివర్స్‌లో ప్లే చేశారు. వారికి కావాల్సినట్టు లడ్డూలు ప్లేట్‌లోంచి నోట్లోకి గాల్లో వెళ్తున్న దృశ్యం ఆవిష్కృతమయ్యింది.

బహుశా లడ్డూలు పడడం, ఎస్వీఆర్ కూర్చోవడం, నమలడం, కింద ప్లేట్లో లడ్డూలు ఖాళీ అవడం షాట్స్ ను వేరుగా చిత్రీకరించి ఉండాలి. అప్పుడు ఆ మూడింటినీ మల్టిపుల్ ఎక్స్‌పోజింగ్ పద్ధతిలో కలిపి చేస్తే లడ్డూలు వేస్తున్నవారు కనిపించకుండా చేసివుండొచ్చు. ఈ వివరాలను గతం లో కళాధర్ గారు గుర్తుచేసుకుని పులగం చిన్నారాయణ గారికిచ్చిన ఇంటర్వ్యూలో వెల్లడించారు.

అలాగే “లాహిరి లాహిరి లాహిరి”లో పాట సినిమాలో సందర్భం ప్రకారం పున్నమి వెన్నెల్లో వస్తుంది. వెన్నెల్లో నౌకా విహారం చేయాలని ముందు శశిరేఖాభిమన్యులు అనుకుంటారు. ఈ పాటను వెన్నెల్లో కాక మండుటెండలో తీశారు. సింగీతం శ్రీనివాసరావు గారు ఇంటర్వ్యూలో వెల్లడించిన విషయాలను బట్టి ఆనాటి కాలం లో బ్లాక్ అండ్ వైట్ చిత్రీకరణ పైన, తమ కెమెరాలో ఏవి ఎలా చూపిస్తే ఎలా కనిపిస్తాయి అనే విషయం మీద మార్కస్ బార్ట్‌లే కి బ్రహ్మాండమైన పట్టు ఉంది.

ఏయే రంగులు కలర్‌లో ఎలా కనిపిస్తాయి, బ్లాక్ అండ్ వైట్‌లో ఎలా కనిపిస్తాయన్న విషయం మీద మార్కస్ బార్ట్‌లే వద్ద ఒక చార్ట్ ఉండేది. రెడ్, గ్రీన్ బ్లాక్ అండ్ వైట్‌లో ఒకేలా కనిపిస్తాయట. అందుకే మాయాబజార్‌లో కనిపించే మొక్కల్లో కొన్ని ఆకులకు పసుపు, కొన్ని ఆకులకు రోజా రంగు, పువ్వులకు మరో రంగు వేయించేవారట. ఔట్ డోర్ లొకేషన్లో పగలు తీసిన షాట్లు మేఘావృతమైన వాతావరణంలో తీసారు. అలాగే పగటి పూట ధారాళంగా వచ్చే కాంతిని అదుపు చెయ్యటానికి ND ఫిల్టర్ని వాడారు. నటీనటుల మొఖం మీద నీటి ప్రతిబింబం ఏర్పడటానికి అల్ల్యుమినియం షీట్ తో కాంతిని ప్రతిబింబించారు.

ఇక రథం చుట్టూ మంటలు వచ్చే సన్నివేశం. డబుల్ ఎక్స్‌పోజర్. ఆ రథం వేరుగా తీస్తారు, ఆ చెట్లూ మంటలూ వేరుగా తీస్తారు. ఆ తర్వాత రెండు ఎక్స్‌పోజర్లు ఒకదానిపై ఒకటి లేయర్ చేసే పద్ధతిలో కలుపుతారు. అప్పుడు వేరే షాట్‌లో ఉన్న రథం, ఇంకో షాట్లు ఉన్న మంటలూ ఒకే షాట్‌లో కనిపించి మనకు మంటల్లో రథం చిక్కుకున్న భ్రాంతి కలుగుతుంది.

టైగర్ ప్రభాకర్ అంటే తెలుగు ఆడియెన్స్ కి పెద్దగా తెలియకపోవచ్చు. కానీ కన్నడ ప్రభాకర్ అంటే గుర్తుపడతారు. ముఖ్యంగా ‘జగదేకవీరుడు అతిలోకసుందరి’ మూవీ గుర్తొస్తుంది. చిరంజీవి, శ్రీదేవి నటించిన ఈ సినిమాలో టైగర్ ప్రభాకర్ విలన్ గా నటించారు.

80-90ల మధ్య కాలంలో దక్షిణాదిలో అనేక హిట్ సినిమాలలో విలన్ గా నటించి మెప్పించాడు. ఆయన సుమారు 450 చిత్రాల్లో నటించారు. టైగర్ ప్రభాకర్ మార్చి 25న 2001లో మరణించారు. కాగా

ఈమధ్యకాలంలో ఆయన మూడవ భార్య అయిన అంజు ఆయన గురించి సంచలన వాఖ్యలు చేశారు. ఆమె తన కన్నా 31 సంవత్సరాలు పెద్దవాడైన కన్నడ ప్రభాకర్ ను ప్రేమించి పెద్దలను ఎదురించి చేసుకుంది. అయితే వారి పెళ్లి జరిగిన ఏడాదికే ప్రభాకర్ ను వదిలి వెళ్ళింది. దానికి గల కారణాలను అంజు ఇటీవల ఇచ్చిన ఇంటర్వ్యూలో వెల్లడించింది.
అంజు బాలనటిగా సినీ పరిశ్రమలో అడుగు పెట్టింది. ఆ తర్వాత కాలంలో హీరోయిన్ గా చాలా సినిమాలలో నటించి ఆకట్టుకుంది. అయితే పదిహేడు ఏళ్ల వయసులో ఆమె వేసిన ఒక తప్పటడుగు అంజు లైఫ్ ని మార్చేసింది. అంజు వైవాహిక జీవితం గురించి ఇలా చెప్పుకొచ్చింది. బాలనటిగా, హీరోయిన్ గా 150కి పైగా చిత్రాలలో నటించాను. ఎన్నో చిత్రాల్లో నటించిన నాకు ‘రేంజర్’ అనే కన్నడ చిత్రంలో ఛాన్స్ వచ్చింది.  ఆ సినిమాతోనే కన్నడ ప్రభాకర్  పరిచయం అయ్యారు. ఆ సమయంలో నాకు 17 ఏళ్లు.
ప్రభాకర్ నన్ను వివాహం చేసుకోవాలి అనుకుంటున్నట్లు నాతో చెప్పాడు. దాని గురించి నా తల్లిదండ్రులకు చెప్పాను. వాళ్లు అంగీకరించలేదు. అప్పుడు అతని కోసం ఇల్లు విడిచి వెళ్ళాను. ప్రభాకర్ ను ఎంతగానో నమ్మాను. ఇద్దరం  ఏడాది కలిసి ఉన్నాము. అతనికి అప్పటికే 2 పెళ్లిల్లు అయ్యి, పిల్లలు కూడా ఉన్నట్టు తెలిసింది.ఆ సమయంలో నేను ప్రెగ్నెంట్. తన గురించి అన్ని తెలిసి అడిగినందుకు చెడ్డదాన్ని అయ్యాను. ఇక ప్రభాకర్ తో  ఉండలేక బయటకు వచ్చేశాను. నా బంగారం కూడా అక్కడే వదిలి వచ్చాను. వచ్చేటప్పుడు ప్రభాకర్ తో ఒకటి చెప్పాను. నన్ను చాలా చెడుగా చూపించావు. నువ్వు చనిపోయిన కూడా  నిన్ను చూడను అని వచ్చాను. ఆయన చనిపోయినా కూడా  వెళ్లలేదని అంజు చెప్పుకొచ్చారు.
Also Read: టాలీవుడ్ లో మరో ఇంట్రెస్టింగ్ మల్టీస్టారర్ సినిమా రాబోతుందా.. ఈ క్రేజీ కాంబో వర్కౌట్ అయితే మరో సూపర్ హిట్..

ఇండస్ట్రీ లో ఎప్పటికప్పుడు కొత్త నటులు వస్తూనే ఉంటారు. కానీ ఇండస్ట్రీ లో నిలదొక్కుకోవాలంటే ప్రతిభతో పాటు అదృష్టం కూడా తోడవ్వాల్సిందే. ఒక హీరోయిన్ వరుసగా రెండు హిట్ సినిమాల్లో నటిస్తే ఇండస్ట్రీ ఆమె వెంట పడుతుంది.

ఒక్కసారి లక్కీ హ్యాండ్ అనే ముద్ర పడిందంటే, సదరు హీరోయిన్ లైఫ్ సెట్ అయిపోయినట్టే. వరుసపెట్టి అవకాశాలు, కళ్లుచెదిరే పారితోషికం క్యూ కడతాయి. ఇప్పుడు అలా టాలీవుడ్ లో లక్కీ హీరోయిన్ గా పేరు తెచ్చుకున్న తారలెవరో ఇప్పుడు చూద్దాం..

#1 సంయుక్త మీనన్

ప్రస్తుతం టాలీవుడ్ లో లక్కీ హీరోయిన్ ఎవరంటే సంయుక్త నే..పవన్ కళ్యాణ్ హీరోగా వచ్చిన భీమ్లా నాయక్ నుంచి.. తాజాగా వచ్చిన విరూపాక్ష వరకు ఈమె నటించిన నాలుగు చిత్రాలు హిట్ అయ్యాయి. దీంతో ఈమె పై లక్కీ హీరోయిన్ ముద్ర పడిపోయింది. ప్రస్తుతం ఆమె చేతిలో పెద్ద సినిమాలు ఉన్నాయి.

#2 శ్రీ లీల

పెళ్లిసందడి చిత్రం తో టాలీవుడ్ కి పరిచయం అయినా ఈ భామ .. అటు అందం తో, డాన్స్ తో అలాగే అభినయం తో అందరి మనసులు కొల్లగొడుతోంది. ప్రస్తుతం ఈమె చేతిలో 8 పెద్ద ప్రాజెక్టులు ఉన్నాయి.

#3 కృతి శెట్టి

ఈ లిస్ట్ లో ఉన్న మరో హ్యాపెనింగ్ బ్యూటీ కృతి శెట్టి. తన మొదటి చిత్రం తోనే ఇండస్ట్రీ హిట్ ఇచ్చిన ఈమె..హ్యాట్రిక్ విజయాలు సాధించింది. ప్రస్తుతం పలు ప్రాజెక్టులతో బిజీ గా ఉంది కృతి.

#4 శృతి హాసన్

పవన్ కళ్యాణ్ నటించిన ‘గబ్బర్ సింగ్’ బ్లాక్ బస్టర్ తో శృతి హాసన్ ఐరన్ లెగ్ స్టేటస్ నుండి గోల్డెన్ లెగ్ గా మారిపోయింది. తర్వాత రామ్ చరణ్ ‘ఎవడు’తో సూపర్ హిట్ సాధించింది మరియు అల్లు అర్జున్ రేసు గుర్రంతో ఏడాదిలోనే బిగ్గెస్ట్ బ్లాక్ బస్టర్ సాధించింది.

ఇక సెకండ్ ఇన్నింగ్స్ లో చిరు, బాలయ్య లకి హిట్స్ ఇవ్వడం తో పాటు.. ప్రభాస్ – ప్రశాంత్ నీల్ చిత్రం లో కూడా నటిస్తోంది శృతి.

#5 రష్మిక మందన్న

ఇక రష్మిక చలో చిత్రం తో టాలీవుడ్ కి ఎంట్రీ ఇచ్చి అనతి కాలం లోనే స్టార్ హీరోయిన్ గా మారిపోయింది. తక్కువ సమయం లోనే స్టార్ హీరోలందరితో నటించింది రష్మిక.

#6 సమంత

తొలి తెలుగు చిత్రం ‘ఏ మాయ చేసావే’. తొలి చిత్రంతోనే జెస్సీగా ప్రేక్షకుల మదిలో చెరగని ముద్రను వేసింది సామ్. ఈ సినిమాతో చైతు తొలి ఘన విజయాన్ని అందుకున్నాడు. అలాగే ఎన్టీఆర్, మహేష్, నాని, నితిన్ వంటి హీరోలకు కూడా సామ్ కెరీర్ బెస్ట్ మూవీస్ ని ఇచ్చింది.

#7 కాజల్ అగర్వాల్

రామ్ చరణ్ రెండో చిత్రం మగధీర తో ఇండస్ట్రీ హిట్ ఇచ్చింది కాజల్. అలాగే ఎన్టీఆర్ కి బృందావనం తో సూపర్ హిట్ ఇచ్చి క్రేజ్ సంపాదించుకుంది కాజల్.

#8 పూజా హెగ్డే

కెరీర్ స్టార్టింగ్ లో వరుస ప్లాప్ లతో సతమతమైన పూజా హెగ్డే.. ఆ తర్వాత ఎన్టీఆర్ తో నటించిన అరవింద సమేత వీర రాఘవ, మహేష్ బాబుతో మహర్షి,అల్లు అర్జున్ తో అల వైకుంఠపురం లో, అఖిల్ తో మోస్ట్ ఎలిజిబుల్ బ్యాచిలర్ సినిమాలు హిట్ కావడం తో లక్కీ చార్మ్ గా మారింది.

#9 సాయి పల్లవి

మలయాళ చిత్రం ‘ప్రేమమ్’ తో అన్ని భాషల ప్రేక్షకులకు దగ్గరైంది సాయి పల్లవి. ఆ తర్వాత తెలుగులో ఫిదా మూవీ తో ఎంట్రీ ఇచ్చింది.  తర్వాత నాని తో ఎంసీఏ మూవీ తో వరుస హిట్స్ కొట్టి లక్కీ హీరోయిన్ గా మారింది.

అలా వరుస హిట్స్ తో లక్కీ అని పేరు తెచ్చుకున్న హీరోయిన్స్ వీళ్ళే..

టాలీవుడ్ లో ఇప్పుడు ఉన్న స్టార్ నిర్మాతల్లో దిల్ రాజు ఒకరు.ఈయన ప్రొడ్యూసర్ గా మంచి విజయం సాధించాడు. ఈయన చేసే ప్రతీ సినిమా తన లెక్కల ప్రకారం బడ్జెట్ వేస్తూ ఎక్కడ లెక్క తప్పకుండ పక్కా ప్లాన్ తో బరిలోకి దిగుతాడు. శ్రీ వెంకటేశ్వర క్రియేషన్స్ బ్యానర్ పై గత 20 ఏళ్ళ నుంచి ఎన్నో సూపర్ హిట్ మూవీస్ నిర్మిస్తూ టాలీవుడ్ లో టాప్ ప్రొడ్యూసర్ గా ఎదిగారు దిల్ రాజు.

తన ప్రయాణాన్ని డిస్ట్రిబ్యూటర్ గా ప్రారంభించి అనంతరం నిర్మాతగా ఇండస్ట్రీలో ఎంతో సక్సెస్ అయ్యారు దిల్ రాజు. చిన్న సినిమాలకు నిర్మాతగా వ్యవహరిస్తూ ఎంతో మంచి లాభాలను అందుకున్నటువంటి దిల్ రాజు నేడు ఏకంగా పాన్ ఇండియా స్థాయి సినిమాలను నిర్మించే స్థాయికి ఎదిగారు దిల్ రాజు.

దిల్ రాజు ఒక సినిమాలో కథని ఎక్కువగా నమ్ముతారు కానీ కాంబినేషన్స్ ని.. భారీ బడ్జెట్ సెటప్పులని పెద్దగా పట్టించుకోరు. దిల్ రాజు కి సినిమాలు ఎలా చేయాలి ఎంత బడ్జెట్ లో చేయాలి అనే విషయం చాలా బాగా తెలుసు అందుకే ఆయన ఎంత బడ్జెట్ లో సినిమా చేసిన కూడా దానికి తగ్గ ప్రమోషన్స్ చేస్తూ ఉంటాడు. ఎవరితో ఏ రకంగా ప్రమోషన్స్ చేపిస్తే సినిమాకి ప్లస్ అవుతుంది అనే విషయాల్లో దిల్ రాజు చాలా క్లారిటీ గా ఉంటారు.

అయితే 50 ఏళ్ళ వయసులో కూడా చూడటానికి ఎంతో ఉత్సాహంగా, హ్యాండ్సమ్ గా కనిపించే దిల్ రాజు ఒక చిత్రం లో నటించారన్న విషయం మీకు తెలుసా..?? దిల్ రాజు నిర్మాతగా నాని ఎంసీఏ మూవీ లో నటించారు. ఈ మూవీ లో ఒక చోట దిల్ రాజు నటించారు.

నాని, సాయి పల్లవి తమ వదినకి తెలియకుండా ప్రేమించుకుంటూ ఉంటారు. ఒకరోజు వాళ్లిద్దరూ కలిసి బస్సు లో వెళ్తున్న సమయం లో భూమిక బస్సు చెకింగ్ చేయడం కోసం ఆపుతారు. అప్పుడు నాని కూర్చున్న సీట్ కి రెండు సీట్స్ ముందు దిల్ రాజు కూర్చొని ఫోన్ మాట్లాడుతూ ఉంటారు. ఆ సీన్ లో దిల్ రాజు నటించారు కానీ సినిమాలో మాత్రం ఆ సీన్ లో ఆయన కనిపించరు. దీంతో ప్రస్తుతం ఆ సీన్ కి సంబంధించిన ఫోటో ఒకటి నెట్టింట వైరల్ గా మారింది.

ఇక దిల్ రాజు ఇటీవలే బలగంతో హిట్ కొట్టారు. అలాగే సమంత నటించిన శాకుంతలం చిత్రానికి సహ నిర్మాతగా వ్యవహరించారు. మరోవైపు గ్లోబల్ స్టార్ రామ్ చరణ్ హీరోగా , డైరెక్టర్ శంకర్ తెరకెక్కిస్తోన్న గేమ్ చేంజర్ మూవీని నిర్మిస్తున్నారు.దీనికోసం వంద కోట్లకు పైగానే బడ్జెట్‌ను పెడుతున్నారు. అలాగే కల్యాణ్ రామ్‌తోనూ ఓ భారీ సినిమాను నిర్మిస్తున్నారు దిల్ రాజు. వీటితో పాటు కొన్ని చిన్న చిత్రాలను కూడా నిర్మిస్తున్నారు.

డైరెక్టర్ శేఖర్ కమ్ముల దర్శకత్వం లో వచ్చిన బ్యూటిఫుల్ చిత్రాలలో హ్యాపీడేస్ సినిమా కూడా ఒకటి. 2007లో విడుదలైన ఈ చిత్రం యువతకు బాగా అట్రాక్ట్ అయ్యేలా చేసింది. ఈ సినిమాలో అందరూ కొత్తవాళ్లే అయినప్పటికీ బాగా నటించారు. అయితే వీరిలో వరుణ్ సందేశ్, తమన్నా కి మంచి క్రేజ్ వచ్చింది.

అయితే వీరు కాకుండా మరొక జోడి రాహుల్, సోనియా దీప్తి కూడా ప్రేక్షకులకు బాగా గుర్తున్నారు. ముఖ్యంగా ఆమె రింగురింగుల జుట్టు (కర్లీ హెయిర్‌)కు చాలామంది ఫ్యాన్స్‌ అయిపోయారు. అలాగే సోనియా వాయిస్‌ కూడా యూత్‌ను కట్టిపడేసింది. సోనియాది హైదరాబాదే. ఇక్కడే పుట్టి పెరిగింది. ఇక్కడే చదువుకుంది. కంప్యూటర్ అప్లికేషన్స్‌లో డిగ్రీ పూర్తి చేసిన తర్వాత ఒక ఐటీ సంస్థలో మూడేళ్ల పాటు సాఫ్ట్‌ వేర్‌ ఇంజినీర్‌గా పనిచేసింది.

అయితే ఒక ప్రమోషన్‌ ఈవెంట్‌లో సోనియాను చూసిన శేఖర్‌ కమ్ముల హ్యాపీడేస్‌లో స్రవంతి పాత్రకు సెలెక్ట్‌ చూశారు. ఈ పాత్రతో ఆమెకు మంచి పేరు తో పాటు వరుస అవకాశాలు కూడా వచ్చాయి. వినాయకుడు, బ్రహ్మ లోకం టు యమలోకం వయా భూలోకం తదితర సినిమాల్లో హీరోయిన్‌గా నటించి మెప్పించింది. అలాగే పలు సినిమాల్లో హీరో, హీరోయిన్స్ కి ఫ్రెండ్ పాత్రల్లో కూడా నటించింది.

సోనియా దీప్తి తెలుగు, తమిళం, కన్నడ, ఇంగ్లీష్ తదితర భాషలలో కలిపి దాదాపుగా 12 కు పైగా చిత్రాలలో నటించింది. 2016లో చిన్ని చిన్ని ఆశలు నాలో రేగేనే అనే తెలుగు సినిమాలో, 2017వ సంవత్సరంలో “పురియట పురియర్” అనే తమిళ చిత్రంలో ఓ చిన్న పాత్రలో కనిపించింది. ఈమె నటించిన ఎక్కువ శాతం చిత్రాలు బాక్సాఫీస్ వద్ద ప్రేక్షకులను పెద్దగా ఆకట్టుకోలేకపోయాయి. అందువల్లనే సోనియా దీప్తి సినిమాలకు గుడ్ బై చెప్పినట్లు తెలుస్తోంది.

సినిమాల్లో కనిపించకపోయినా కొన్ని సామాజిక కార్యక్రమాలతో వార్తల్లో నిలుస్తోంది సోనియా. మహిళా సాధికారత, మోరల్‌ పోలీసింగ్‌లకు సంబంధించి ఆమె రిలీజ్‌ చేసిన షార్ట్‌ ఫిలిమ్స్‌కు మంచి పేరొచ్చింది. అయితే ప్రస్తుతం సినిమాల్లోకి మరోసారి అడుగుపెట్టేందుకు సిద్ధమవుతోంది సోనియా. అనుష్క, నవీన్‌ పొలిశెట్టి హీరో, హీరోయిన్లుగా తెరకెక్కుతోన్న ‘మిస్ శెట్టి మిస్టర్ పోలిశెట్టి’ సినిమాతో రీ ఎంట్రీ ఇవ్వనుంది.

సెలబ్రిటీలు ఏం చేసినా సోషల్ మీడియాకు, మీడియాకు పండగే. అందుకే వారు కనిపించగానే హడావిడి చేస్తూ సెల్ఫీలు దిగుతూ.. వారిని ఫోటోలు తీస్తూ ఉంటారు. అలాగే వారికీ సంబంధించిన ప్రతి విషయం పైనా అందరికీ ఆసక్తి ఉంటుంది. వారు ఏం చేసినా అది మీడియాలో వైరల్ అవుతుంది.

అందుకే తమ లాగ తమ పిల్లలు కంటెంట్ గా మారకూడదు అని కొంతమంది వారిని కెమెరాలకు చూపించడానికి ఇష్టపడటం లేదు. ఒకవేళ వారికి సంబంధించిన ఫోటోలు షేర్ చేసినా వారి మొహాలు కనిపించకుండా జాగ్రత్త పడుతున్నారు. వారి ప్రైవసి ని కాపాడేందుకు ప్రయత్నిస్తున్నారు కొందరు తల్లిదండ్రులు.

ఇప్పుడు ఈ లిస్ట్ లో ఉన్న సెలెబ్రెటీలు ఎవరో చూద్దాం..

#1 అనుష్క – విరాట్ కోహ్లీ

క్రికెటర్ విరాట్, అనుష్క జంట ఇప్పటివరకు తమ బిడ్డ ఫోటోలను బయటపెట్టలేదు. అయితే ఒక మ్యాచ్ లో అనుకోకుండా వామిక ఫోటో బయటకు రాగా.. ఆ ఫోటోలు డిలీట్ చేసేవరకు ఇద్దరు సెలబ్రిటీల డై-హార్డ్ ఫాన్స్ ఊరుకోలేదు.

#2 నయనతార – విగ్నేష్ శివన్

పెళ్లయిన రెండు నెలలకే కవల పిల్లలకు జన్మనివ్వబోతున్నట్టు ప్రకటించి సంచలనం సృష్టించింది నయనతార. తమ పిల్లలు పుట్టినప్పటి నుంచి పలుమార్లు ఎయిర్పోర్ట్స్ లో కనిపించినప్పటికీ వారి మోహాలను దాచేస్తూ వారు ఎలా ఉంటారో ఇప్పటివరకు కెమెరా కళ్ళకు చిక్కనివ్వలేదు.

#3 అలియా భట్ – రణబీర్ కపూర్

ఇటీవల ఒక బిడ్డకు జన్మనిచ్చిన అలియా, రణబీర్ జంట తమ పాప రాహా కోసం “నో ఫోటో పాలసీ”ని కావాలని కోరారు. “దయచేసి మా పాప ఫోటోలు క్లిక్ చేయకండి. పొరపాటున చిన్నారి ఫ్రేమ్‌పై క్లిక్ చేసినా.. దాన్ని పబ్లిష్ చేస్తే పిల్లల ముఖాన్ని దాచేందుకు హార్ట్ ఎమోజీ వంటి ఎమోజీలను ఉపయోగించాలని” వారు తెలిపారు.

#4 సోనమ్ కపూర్ – ఆనంద్ అహూజా

నటి సోనమ్ కపూర్ గత ఆగస్టులో తన కొడుకుకు జన్మనిచ్చింది. కొడుకు వాయు ముఖాన్ని సోనమ్ ఇంకా చూపించలేదు. తమ బిడ్డకు లోకాన్ని అర్థం చేసుకొనే వయసు వచ్చిన తర్వాత దీని గురించి ఆలోచిస్తామని ఈ జంట తెలిపింది.

#5 ప్రియాంక చోప్రా – నిక్ జోనస్

సరోగసీ ద్వారా తల్లిదండ్రులైన ఈ జంట సోషల్ మీడియా లో తమ బేబీ ఫొటోస్ ని పెట్టినా.. మొహం కనిపించకుండా హార్ట్ ఎమోజి ని ఉపయోగించేవారు. కానీ ఇటీవల జరిగిన ఒక పబ్లిక్ ఈవెంట్ లో తమ బేబీ ఫోటో ని రివీల్ చేసారు.

#6 నేహా దుఫియా- అంగద్

నటులు నేహా దుఫియా, అంగద్ తమ ఇద్దరు పిల్లల ముఖాలను సోషల్ మీడియాలో బయటపెట్టకుండా చూసుకున్నారు. పిల్లలకు సంబంధించిన పలు ఫోటోలు సోషల్ మీడియా లో పోస్ట్ చేసినా.. వారి ముఖాలు కనిపించకుండా జాగ్రత్త పడ్డారు.

యంగ్ హీరో అఖిల్‌ అక్కినేని హీరోగా నటించిన తాజా చిత్రం ‘ఏజెంట్‌’. డైరెక్టర్ సురేందర్‌రెడ్డి దర్శకత్వంలో తెరకెక్కిన ఈ చిత్రాన్ని నిర్మాత అనిల్‌ సుంకర ఏకే ఎంటర్‌టైన్‌మెంట్‌ పతాకం పై నిర్మించారు. ఈ సినిమా ఏప్రిల్‌ 28న రిలీజ్ అయ్యింది. కానీ మొదటి షో నుండే నెగెటివ్ టాక్‌ వచ్చింది. డైరెక్టర్, నిర్మాతల పై ఆడియెన్స్ అసంతృప్తిని వ్యక్త పరుస్తున్నారు. అక్కినేని ఫ్యాన్స్ తీవ్రంగా మండిపడుతున్నారు.

అయితే ఈ మూవీ ఫలితానికి ప్రతి ఒక్కరు దర్శకుడు సురేందర్ రెడ్డి నే బాధ్యుడ్ని చేస్తున్నారు. ఈ మూవీ లో అఖిల్ ట్రాన్స్ఫర్మేషన్, పెర్ఫార్మన్స్ పై ప్రశంసలు వస్తున్నప్పటికీ దర్శకుడిదే మొత్తం తప్పు అని అంటున్నారు అక్కినేని ఫాన్స్. ఏజెంట్ సినిమా ఫలితం సురేందర్ రెడ్డి కెరీర్ ను దారుణంగా దెబ్బ తీసే అవకాశం ఉందని కామెంట్లు వినిపిస్తున్నాయి.

షూటింగ్ మరియు ఫారన్ లొకేషన్ ల మీద పెట్టిన ఫోకస్ సురేందర్ రెడ్డి కథ ,స్క్రీన్ ప్లే మీద మాత్రం పెట్టలేకపోయారు. కథ చాలా రెగ్యులర్,రొటీన్ గా అనిపిస్తుంది. ఎలాంటి కొత్తదనం లేకుండా అదే అవుట్ డేటెడ్ కథ,దానికి తోడు కన్ఫూజన్ . కెరీర్ మొదట్లో సూపర్ హిట్ చిత్రాలు తెరకెక్కించిన సురేందర్ రెడ్డి.. ఆ తర్వాత తీసిన చిత్రాలకు పాజిటివ్ టాక్ వస్తున్నా ఆ సినిమాలు ఫెయిల్యూర్ గా నిలుస్తున్నాయి.

ఏజెంట్ సినిమా హిట్ అయితే అఖిల్, సురేందర్ రెడ్డి కెరీర్ పుంజుకుంటుందని అంత భావించారు. కానీ ఇప్పుడు అంతా తారుమారు అయ్యింది. సురేందర్ రెడ్డి 18 ఏళ్ల కెరీర్ లో అందుకున్న విజయాలు మాత్రం నాలుగే అని చెప్పాలి. అతనొక్కడే, కిక్, రేసుగుర్రం, ధ్రువ వంటి సినిమాలు ఈయనకు మంచి పేరు తెచ్చిపెట్టాయి. కానీ ఇప్పుడు ఈ మూవీ ప్లాప్ కావడం తో ఈయన్ని నమ్మి సినిమా తీసేందుకు ఏ హీరో ముందుకొస్తాడో చూడాలి.

ప్రస్తుతం అందరు దర్శకులు సినిమాలను త్వరగా పూర్తి చేస్తుంటే సురేందర్ రెడ్డి మాత్రం సినిమాలను చాలా లేట్ గా తీస్తూ నిర్మాతలపై భారాన్ని మోపుతున్నారని అంటున్నారు ప్రేక్షకులు. ఇక ఈ మూవీ వల్ల ఈయన తర్వాత సినిమాలు కూడా కష్టమే అని కామెంట్స్ వినిపిస్తున్నాయి.