Filmy Adda

ఇండస్ట్రీ లో ఫస్ట్ సినిమాతోనే హిట్ కొట్టడం అనేది ప్రతి డైరెక్టర్ కి ఛాలెంజ్ లాంటిది. ఆ సినిమా వారి భవితవ్యాన్ని నిర్ణయిస్తుంది. దీంతో ఆ చిత్రాలను చాలా జాగ్రత్తగా తీస్తారు డైరెక్టర్స్. అలా మన టాలీవుడ్ లో కొందరు తెలుగు డైరెక్టర్స్ తమ ఫస్ట్ మూవీస్ తో సెన్సేషనల్ హిట్స్ తీశారు. అలా తీసిన వారిలో కొందరు తమ రెండో సినిమాతో ఏకంగా స్టార్ హీరోలను డైరెక్ట్ చేసే ఛాన్స్ కొట్టేసారు.

తమ ఫస్ట్ సినిమాతోనే సెన్సేషనల్ హిట్స్ కొట్టి ఇండస్ట్రీ లో పాతుకుపోయిన దర్శకులెవరో ఇప్పుడు చూద్దాం..

#1 రాజమౌళి

ఎన్టీఆర్ తో  ‘స్టూడెంట్ నెంబర్ 1 ‘ మూవీ తీసి.. తొలి చిత్రం తోనే హిట్ కొట్టాడు రాజమౌళి. ఇక అప్పటినుంచి వెనుతిరిగి చూసుకోలేదు జక్కన్న.

#2 పూరి జగన్నాథ్

పవన్ కళ్యాణ్ తో ‘బద్రి’ మూవీ తీసిన పూరి జగన్నాథ్ తొలి చిత్రం తోనే ఇండస్ట్రీ లో తన ముద్ర వేశారు.

#3 త్రివిక్రమ్

తరుణ్, శ్రీయ జంటగా వచ్చిన చిత్రం ‘నువ్వే నువ్వే’. అంతకుముందు మాటల రచయితగా పని చేసిన త్రివిక్రమ్  ఈ చిత్రం తో దర్శకుడిగా పరిచయం అయ్యి  సూపర్ హిట్ కొట్టాడు.

#4 క్రిష్

అల్లరి నరేష్, శర్వానంద్, కమలిని ముఖర్జీ ప్రధాన పాత్రల్లో వచ్చిన  ‘గమ్యం’ చిత్రం తో ఇండస్ట్రీ కి పరిచయమయ్యారు క్రిష్. ఈ మూవీ సూపర్ హిట్ అయ్యింది.

#5  అవసరాల శ్రీనివాస్

నాగ శౌర్య, రాశి ఖన్నా జంటగా వచ్చిన   ‘ఊహలు గుసగుసలాడే’ చిత్రం తో దర్శకుడిగా మారారు నటుడు అవసరాల శ్రీనివాస్. ఈ చిత్రం సూపర్ హిట్ గా నిలిచింది.

#6 హను రాఘవపూడి

రాహుల్ రవీంద్ర, లావణ్య త్రిపాఠి, నవీన్ చంద్ర ప్రధాన పాత్రల్లో వచ్చిన ‘ అందాల రాక్షసి’ చిత్రం తో డైరెక్టర్ గా పరిచయం అయ్యారు హను రాఘవపూడి. ఈ మూవీ సూపర్ హిట్ అయ్యింది.

#7 శ్రీకాంత్ ఓదెల

సుకుమార్ శిష్యుడిగా పని చేసిన శ్రీకాంత్ ఓదెల.. నాని తో ‘దసరా’  మూవీ తీసి హిట్ కొట్టారు.

#8 వెంకటేష్ మహా

‘కేరాఫ్ కంచర పాలెం’ చిత్రం తో మొదటి ప్రయత్నం లోనే హిట్ కొట్టాడు వెంకటేష్ మహా.

#9 చందు మొండేటి

‘కార్తికేయ’ చిత్రాన్ని తీసిన చందు మొండేటి.. తొలి చిత్రం తోనే హిట్ ని తన ఖాతా లో వేసుకున్నాడు.

#10 తరుణ్ భాస్కర్

విజయ్ దేవరకొండ హీరోగా ‘పెళ్లి చూపులు’ చిత్రాన్ని తెరకెక్కించాడు తరుణ్ భాస్కర్. ఈ మూవీ తో హిట్ కొట్టాడు.

#11 సుజీత్

శర్వానంద్ హీరోగా వచ్చిన ‘ రన్ రాజా రన్’ చిత్రం తో దర్శకుడిగా పరిచయం అయ్యాడు సుజీత్. ఈ మూవీ సూపర్ హిట్ అయింది.

#12 వెంకీ అట్లూరి

వరుణ్ తేజ్ హీరోగా వచ్చిన ‘తొలిప్రేమ’ మూవీ కి దర్శకత్వం వహించాడు వెంకీ అట్లూరి. ఈ చిత్రం సూపర్ హిట్ గా నిలిచింది.

#13 సుధీర్ వర్మ

నిఖిల్ హీరోగా ‘స్వామి రా రా’ చిత్రాన్ని తీశారు సుధీర్ వర్మ. ఈ చిత్రం సూపర్ హిట్ అయ్యింది. ఈ చిత్రం తో నిఖిల్ కెరీర్ బూస్ట్ అయ్యింది.

#14 శైలేష్ కొలను

నాని నిర్మాతగా వచ్చిన ‘హిట్’ మూవీ శైలేష్ కొలను దర్శకుడు. తన తొలి చిత్రం తోనే హిట్ ని ఖాతా లో వేసుకున్నాడు శైలేష్ కొలను.

#15 అజయ్ భూపతి

తన తొలి చిత్రం ‘ఆర్ ఎక్స్ 100 ‘ మూవీ తో విజయాన్ని అందుకొని.. ఇండస్ట్రీ ని తన వైపు తిప్పుకున్నాడు అజయ్ భూపతి.

సీనియర్ హీరోయిన్, అక్కినేని నాగార్జున భార్య అమ‌ల గురించి ప్ర‌త్యేక‌ంగా చెప్పవలసిన అవసరం లేదు. అమ‌ల‌ కోలీవుడ్ చిత్రం ద్వారా చిత్ర పరిశ్రమలో అడుగు పెట్టింది. ఆ త‌ర్వాత తెలుగు మరియు మ‌ల‌యాళ సినిమాలలో  న‌టించి త‌క్కువ టైమ్ లోనే స్టార్ హీరోయిన్ గా మారింది. అమ‌ల నాగార్జున హీరోగా నటించిన చిన‌బాబు మూవీతో టాలీవుడ్ లో ఎంట్రీ ఇచ్చింది.

ఆ చిత్రం త‌ర్వాత నాగార్జున‌, అమల రామ్ గోపాల్ వర్మ దర్శకత్వంలో ‘శివ‌’ సినిమాలో జంటగా న‌టించారు. ఈ మూవీ స‌మ‌యంలోనే నాగార్జున‌, అమల ప్రేమ‌లో ప‌డ్డారట. పెద్దల అంగీకారంతో 1992లో ఇద్దరు పెళ్లి చేసుకున్నారు. అమల తన కెరీర్ లో టాప్ హీరోయిన్ గా ఉన్న‌ సమయంలోనే నాగార్జునను వివాహం చేసుకుంది. పెళ్లి చేసుకున్న తరువాత ఆమె నటనకు దూరం అయ్యారు. అయితే వేలకోట్లకు ఆస్తులకు వారసురాలు అయిన అమలకు బంగారం ధరించే అదృష్టం లేదంట. ఆ వివరాలు ఏమిటో ఇప్పుడు చూద్దాం..
ఆమె తల్లిదండ్రులు ముఖ‌ర్జీ, జెన్నీఫ‌ర్. చెన్నై క‌ళాక్షేత్ర‌లో అమ‌ల‌ బి.ఏ ఫైన్ ఆర్ట్స్ చేసారు. ఆమెకు క్లాసికల్ డాన్స్ అంటే ఆసక్తి ఉండడంతో చిన్న‌ప్పటి  నుంచి క్లాసిక‌ల్ డాన్స్ నేర్చుకున్నారు. అక్కినేని అమ‌ల‌ ఇటీవల శర్వానంద్ నటించిన ఒకే ఒక జీవితం సినిమాలో నటించింది. మూగజీవాల మీద ఉన్న ప్రేమతో బ్లూక్రాస్ సంస్థను స్థాపించి ఎన్నో సేవా కార్యక్రమాలు నిర్వహిస్తున్నారు.అయితే అమ‌ల ఎప్పుడూ సింపుల్ గా ఉంటారు. అమల బంగారం ధరించినట్టు కూడా కనిపించ‌దు. ఆమె మెడలో ఎప్పుడు నల్లపూసలు మాత్రమే కనిపిస్తాయి. అలాగే చెవులకు పోగులు, చేతికి గాజుల లాంటివి పెట్టుకోరు. అయితే బంగారం ఇష్టం లేక మాత్రం కాదంట. బంగారు నగలు వేసుకున్నప్పుడు చర్మానికి సంబంధించిన సమస్యలతో బాధపడినట్టు తెలుస్తోంది. అందువల్లే అమ‌ల ఎలాంటి బంగారు ఆభ‌ర‌ణాలు ధరించరని సమాచారం. Also Read: DJ టిల్లు సినిమాలో “హీరో తండ్రి” గా నటించిన యాక్టర్ ఎవరో తెలుసా..? ఆయన బ్యాక్‌గ్రౌండ్‌ ఏంటంటే..?

నాని దసరా సినిమా థియేటర్ లోకి వచ్చేసింది. గత కొంతకాలంగా ఈ సినిమా ప్రమోషన్స్ లో నాని ఫుల్ బిజీగా ఉన్నారు. పాన్ ఇండియా చిత్రం గా వచ్చిన ఈ మూవీ కి పాజిటివ్ టాక్ వస్తోంది. అలాగే డైరెక్టర్ శ్రీకాంత్ ఓదెల కూడా సినిమాను అనుకున్న రేంజ్ లో తెరకెక్కించడం లో సక్సెస్ అయినట్టు తెలుస్తుంది. ఇన్నాళ్లు నానిని కేవలం ఒక యాంగిల్ లో మాత్రమే చూశాం కానీ నానిలో చాలా విషయం ఉంది అనిపించేలా చేశాడని ఫాన్స్ అనుకుంటున్నారు.

అయితే ఈ సినిమా విషయంలో సినీ ప్రియులందరికీ ఒక సందేహం మాత్రం ఉండిపోయింది. దసరా మూవీ ఫస్ట్ లుక్ పోస్టర్ నుంచి ఇప్పటివరకు ఎక్కడా చూసినా సిల్క్ స్మిత పోస్టర్స్ కనిపిస్తున్నాయి. ఫస్ట్ లుక్ పోస్టర్ లో ఓ గోడపై సిల్క్ స్మిత పోస్టర్ ఉండగా.. అక్కడే ఉన్న అరుగుపై నాని కూర్చొని ఉన్న పోస్టర్ తెగ వైరల్ అయ్యింది. ఇక ఈ సినిమా ప్రమోషన్లలో నానితోపాటు.. ఇతర యూనిట్ సభ్యులు ధరించిన డ్రెస్ లపై దసరా టైటిల్ తోపాటు.. సిల్క్ స్మిత ఫోటో కనిపిస్తోంది.

ఈ విషయం గురించి నాని ని అడగ్గా..సిల్క్ స్మిత పోస్టర్ పెట్టడానికి కారణం కేవలం దర్శకుడికి మాత్రమే తెలుసంటూ చెప్పుకొచ్చారు. తాజాగా ఇదే విషయం పై క్లారిటీ ఇచ్చాడు డైరెక్టర్ శ్రీకాంత్ ఓదెల. “చిన్నప్పుడు సింగరేణి గనుల్లో మా తాత పనిచేస్తున్న సమయంలో ఆయన కాలు విరిగింది. ఆయన కోసం ప్రతిరోజు కల్లు తీసుకుని వస్తూ ఉండేవాడిని. కల్లు దుకాణం దగ్గర మొదటి సారి సిల్క్ స్మిత పోస్టర్ చూశాను. అప్పటికే ఆమె ఒక స్పెషల్ హీరోయిన్. స్పెషల్ క్యారెక్టర్, సాంగ్స్ చేస్తుందని తెలియదు. కానీ ఆ తర్వాత ఆమె గురించి తెలుసుకుంటున్న సమయంలో ఆమె ఫోటో నా మనసులో క్లిక్ అయ్యింది. సినిమా అంటే ఆమెకు ఎంత ఇష్టమో తెలిసింది.

చిన్ననాటి కల్లు దుకాణం జ్ఞాపకాలు సినిమాలో కొన్ని పెట్టే అవకాశం వచ్చింది. అందుకే సిల్క్ స్మిత పోస్టర్ ఉపయోగించాను. సినిమాలో సిల్క్ స్మిత లేకున్నా.. ఆమెకు సంబంధించిన సన్నివేశాలు ఉంటాయి” అంటూ చెప్పుకొచ్చారు డైరెక్టర్ శ్రీకాంత్ ఓదెల. ఇక దసరా మూవీ లో మొదటి నుంచి సిల్క్ స్మిత పోస్టర్ హైలెట్ అవుతూ వచ్చింది. సినిమా లో సిల్క్ బార్ దగ్గరే కథ నడుస్తుంది. ఎక్కువ సన్నివేశాలు కూడా అక్కడే ఉన్నట్లు తెలుస్తోంది.

సోషల్ మీడియాలో ఈ మధ్య కాలంలో స్టార్స్ చిన్నప్పటి ఫోటోలు వైరల్ గా మారుతున్న విషయం తెలిసిందే. అయితే వీటిలో ఎక్కువగా హీరోయిన్స్ చైల్డ్ హుడ్ ఫోటోలు విపరీతంగా వైరల్ గా మారుతూ ఉంటాయి. అయితే తాజాగా ఒక యంగ్ హీరో చిన్నప్పటి ఫోటో సోషల్ మీడియాలో వైరల్ గా మారింది.

అయితే ఈ ఫోటోలో సూపర్ స్టార్ మహేష్ బాబు కూడా ఉన్నారు. మహేష్ పక్కన ఒక చిన్న బాబు ఉన్నాడు. ఆ బాబు ఇప్పుడు టాలీవుడ్ లో యంగ్ హీరోగా రాణిస్తున్నాడు. ఆ హీరో నటించింది తక్కువ చిత్రాలు అయినప్పటికి మంచి గుర్తింపును సంపాదించుకున్నాడు. మరి ఆ బాబు ఎవరో ఇప్పుడు చూద్దాం..
ఈ ఫొటోలో సూపర్ స్టార్ మహేష్ బాబుతో పాటు ఉన్న బాబు ఎవరంటే హీరో శ్రీకాంత్ కుమారుడు రోషన్. శ్రీకాంత్ వారసుడిగా రోషన్ తెలుగు ఇండస్ట్రీలో నిర్మల కాన్వెంట్ అనే చిత్రంతో ఎంట్రీ ఇచ్చాడు. ఆ తర్వాత కొంచెం విరామం తీసుకుని దర్శకుడు రాఘవేంద్రరావు పర్యవేక్షణలో పెళ్లిసందడి చిత్రంతో ప్రేక్షకులను అలరించాడు. ఈ సినిమాను మహిళా దర్శకురాలు గౌరీ రోనంకీ తెరకెక్కించారు. ఈ చిత్రంలో రోషన్, శ్రీలీల హీరోహీరోయిన్లుగా నటించారు. ఇక ఈ మూవీతో రోషన్ మరింత గుర్తింపును సంపాదించుకున్నాడు.
రోషన్ కి ప్రస్తుతం వరుస ఆఫర్లు తలుపు తడుతున్నాయి. ఈ నేపథ్యంలోనే రోషన్ వైజయంతి బ్యానర్ లో ఒక  చిత్రాన్ని అంగీకరించినట్లుగా సమాచారం. ఈ సినిమాకు సంబంధించిన పనులు ఇప్పటికే ప్రారంభించారని తెలుస్తోంది. రోషన్ ఈ చిత్రంతో పాటుగా సితార బ్యానర్ లోనూ ఒక మూవీని చేయడానికి ఒప్పుకున్నట్లుగా వార్తలు వినిపిస్తున్నాయి. అయితే ఈ చిత్రానికి సంబంధించిన వివరాలు తెలియాల్సి ఉంది. ఇక ఇప్పుడు రోషన్ మహేష్ బాబుతో ఉన్న ఫోటో నెట్టింట్లో వైరల్ అవుతోంది.అయితే ఈ ఫోటో పై సోషల్ మీడియాలో నెటిజన్లు కామెంట్స్ చేస్తున్నారు. మహేష్ బాబు పక్కన ఉన్న బాబు ప్రస్తుతం చాలా మారిపోయాడు. అయితే సూపర్ స్టార్ మహేష్ మాత్రం కొంచెం కూడా మారలేదు. అప్పటిలాగే అందంగా ఉన్నారని కామెంట్స్ పెడుతున్నారు.
Also Read: రజనీకాంత్ మూవీ వల్ల నా కెరీర్ ముగిసిపోయింది.. వైరల్ అవుతున్న మనీషా కోయిరాల కామెంట్స్

మాస్ మహారాజాగా పేరుగాంచిన స్టార్ హీరో రవితేజ ఎటువంటి సినీ నేపధ్యం లేకుండా ఇండస్ట్రీలో అడుగు పెట్టి, స్టార్ హీరోగా మారారు. గత సంవత్సరం రిలీజ్ అయిన ధమాకా సినిమాతో రవితేజ సూపర్​ హిట్​ సాధించారు. అదే జోష్ లో ఆయన రావణాసుర సినిమాతో కొన్ని రోజుల్లో ప్రేక్షకుల ముందుకు రాబోతున్నారు.

ఈ క్రమంలో ఈ చిత్ర బృందం ప్రమోషన్ చేయడంలో బిజీగా ఉంది. ఈ సందర్భంగా దర్శకుడు​ హరీశ్​ శంకర్​తో కలిసి రవితేజ ఒక ఇంటర్వ్యూ ఇవ్వడం జరిగింది. ఇంటర్వ్యూ లో భాగంగా రవితేజ కుమారుడి ఎంట్రీ గురించి అడగడడంతో ఆయన తన కుమారుడి టాలీవుడ్​ ఎంట్రీ గురించి ఇంట్రెస్టింగ్ కామెంట్స్ చేశారు. కాగా ఆయన కుమారుడు మహాధన్ రవితేజ నటించిన ‘రాజా ది గ్రేట్’ చిత్రంలో రవితేజ చిన్నప్పటి రోల్ లో నటించారు. మరి మహాధన్ ఎంట్రీ పై రవితేజ ఇచ్చిన సమాధానం ఏమిటో ఇప్పుడు చూద్దాం..
రవితేజ ఈ విషయం పై మాట్లాడుతూ దాని గురించి తెలియదు. ఇప్పటివరకు అలాంటి ఆలోచన కూడా రాలేదు. మహాధన్ ఎంట్రీ  విషయంలో తనకు ఎటువంటి సంబంధం లేదని తెలిపారు. మహాధన్ ఇప్పుడు ఎంజాయ్ చేస్తున్నాడు. అలాగే అతనికి ఆసక్తి కూడా ఉంది. కానీ ఎప్పుడు సినిమాల్లోకి వస్తాడో తెలియదని, ఒకవేళ సినిమాల్లోకి వస్తానంటే మాత్రం వెళ్లమని చెప్తా అని అన్నారు. అయితే సలహా మాత్రం ఇవ్వనని, ఇవ్వాల్సిన సలహాలు ఇప్పటికే ఇచ్చానని, కెరీర్ గురించి మహాధన్ పూర్తి క్లారిటీతో ఉన్నాడుదీనిని బట్టి మహాధన్ త్వరలోనే ఇండస్ట్రీలో ఎంట్రీ ఇచ్చే ఛాన్స్ లు కనిపిస్తున్నాయి. ఇక మహాధన్ ఎంట్రీ గురించి రవితేజ అభిమానులు ​సంతోషపడుతున్నారు. రవితేజ ఫ్యామిలీ నుండి ఆయన తమ్ముడు రఘు కొడుకు మాధవ్‌ హీరోగా ఎంట్రీ ఇవ్వబోతున్నాడు. ఇక రవితేజ హీరోగా సుధీర్ వర్మ తెరకెక్కిస్తున్న సినిమా ‘రావణాసుర’. ఈ సినిమాలో అను ఇమ్మాన్యుయేల్, ఫరియా అబ్దుల్లా, మేఘా ఆకాశ్​ హీరోయిన్లుగా నటిస్తున్నారు. యంగ్ హీరో సుశాంత్ ఈ మూవీలో కీలకమైన పాత్రలో నటిస్తున్నారు. ఈ చిత్రం ఏప్రిల్ 7న విడుదల కానుంది.
Also Read: బాలీవుడ్ లో అడుగు పెట్టిన బతుకమ్మ.. సల్మాన్ ఖాన్ చిత్రంలో బతుకమ్మ పాట..

తెలంగాణ గ్రామీణ ప్రాంత పరిస్థితులకు అద్ధం పట్టే కథతో రూపొందిన ‘బలగం’ చిత్రానికి మంచి స్పందన వస్తోంది. కమెడియన్ వేణు రూపొందించిన ఈ సినిమాను దిల్ రాజు ప్రొడక్షన్స్ బ్యానర్‌లో హన్సితా రెడ్డి, హర్షిత్ రెడ్డి సంయుక్తంగా నిర్మించారు. భీమ్స్ దీనికి సంగీతాన్ని అందించాడు. ప్రియదర్శి, కావ్య కళ్యాణ్ రామ్ జంటగా నటించారు.

అయితే ఈ చిత్రం లో కొమురయ్య అల్లుడి పాత్రలో మెప్పించిన మురళీధర్ గౌడ్ తన నటనతో అందరికీ ఆకట్టుకున్నాడు. ఆయన ఇదివరకు నటించిన డీజే టిల్లు సినిమాలోనూ అందరినీ అలరించాడు. ఆ మూవీ లో బాధ్యత లేని కొడుక్కి తండ్రిగా నటించి మెప్పించారు మురళీధర్ గౌడ్. ఇలా ఏ పాత్ర ఇచ్చినా అందులో ఒదిగిపోయే మురళీధర్ గౌడ్ సినీ ప్రయాణం గురించి తెలుసుకుందాం..

మురళీధర్ గౌడ్ ది మెదక్ జిల్లా రామాయంపేట. ఆయన తండ్రి కులవృత్తి చేస్తూ కుటుంబాన్ని నెట్టుకొచ్చేవారు. వీరు మెదక్ జిల్లాలోని గజ్వేల్, సిద్ధిపేట ప్రాంతాల్లో కొంతకాలం నివాసం ఉన్నారు. స్కూల్ డేస్ లో స్వాతంత్య్ర దినోత్సవం సందర్భంగా ఓ ప్రదర్శనలో భాగంగా మురళీధర్ గౌడ్ గౌడ్ మేకప్ వేసుకున్నారు. ఆ తర్వాత డిగ్రీ చదివే రోజుల్లోనే దాసరినారాయణ దగ్గర అసిస్టెంట్ డైరెక్టర్ గా పనిచేయడానికి లెటర్ రాశారు. కానీ ఆ అవకాశం దొరకలేదు. ఇక మురళీధర్ గౌడ్ చదువు పూర్తయిన తరువాత పలు వ్యాపారాలు చేసారు.

ఇంతలోనే అప్పటి ఏపీ పరిధిలో ఉన్న ఎలక్ట్రిసిటీ బోర్డు నుంచి కాల్ లెటర్ వచ్చింది. దీంతో ఆయన జూనియర్ అకౌంట్స్ ఆఫీసర్ గా కొలువు కొట్టేశాడు. అనూహ్యంగా వచ్చిన ఈ ఉద్యోగాన్ని మురళీధర్ గౌడ్ వదులుకోలేదు. ఇలా 27 ఏళ్లపాటు ఉద్యోగం చేసి రిటైర్డ్ అయ్యారు. రిటైర్ అయ్యిన తర్వాత మురళీధర్ గౌడ్ 60 ఏళ్ల వయసులో ఇండస్ట్రీ గడప తొక్కారు.

ఉద్యోగం నుంచి రిటైర్ అయిన తర్వాత మురళీధర్ గౌడ్ ఇంట్లో వాళ్లకు చెప్పకుండా సినిమా అవకాశాల కోసం ప్రయత్నించారు. కొన్ని రోజుల పాటు సీరియళ్లలో నటించిన తరువాత ‘డీజె టిల్లు’ సినిమాతో గుర్తింపు పొందారు. అప్పటి నుంచి ఆయనకు అవకాశాలు తలుపు తట్టాయి. ఇప్పుడు ‘బలగం’ సినిమాలో అల్లుడి పాత్రలో మెప్పించారు. ఈ చిత్రం లో ఆయన నటనకు ప్రశంసలతో పాటు.. వరుస అవకాశాలు కూడా దక్కుతున్నాయి.

ఈమధ్యకాలంలో తెలంగాణ నేపథ్యంలో, తెలంగాణ యాసలో ఎక్కువగా చిత్రాలు వస్తున్నాయి. అలాగే స్టార్ హీరోలు సైతం తెలంగాణ యాసలో మాట్లాడేందుకు ఇంట్రెస్ట్ చూపుతున్నారు. తాజాగా విడుదల అయిన దసరా మూవీ కూడా తెలంగాణ బ్యాక్ డ్రాప్ ఉన్న చిత్రమే. ఈ మూవీ పాన్ ఇండియా వైడ్ గా విడుదల అయ్యి హిట్ టాక్ తో దూసుకెళ్తోంది.

ఇటీవల వచ్చిన బలగం సినిమా చిన్న సినిమా అయినప్పటికి భారీ విజయాన్ని పొందడానికి కారణం తెలంగాణ  నేటివిటీని డైరెక్టర్ వేణు వెల్డండి సరిగ్గా ఉపయోగించుకోవడం వల్లనే సాధ్యం అయ్యింది. బాలీవుడ్ సినిమాలో తాజాగా తెలంగాణ బతుకమ్మ పాట వినిపించింది. తెలంగాణ జానపద గీతం అయిన బతుకమ్మ బాలీవుడ్ కు చేసరుకుంది. బాలీవుడ్ కాండల వీరుడు సల్మాన్‌ ఖాన్, పూజాహెగ్డే హీరోహీరోయిన్స్ గా నటిస్తున్న ‘కిసీ కా భాయ్ కిసీ కా జాన్’ సినిమాలో బతుకమ్మ పాటను మూవీ యూనిట్ రిలీజ్‌ చేసింది.
ఈ సినిమా రంజాన్ పండగను సందర్భంగా ఏప్రిల్ 21 రిలీజ్ కాబోతుంది. ఈ చిత్రంలో టాలీవుడ్ హీరో విక్టరీ వెంకటేష్ ముఖ్యమైన పాత్రలో నటిస్తున్నాడు. అందువల్ల తెలుగు మార్కెట్ ని ప్రొడ్యూసర్స్ టార్గెట్ చేశారు. దానిలో భాగంగానే తెలంగాణ పువ్వుల పండుగ అయిన బతుకమ్మ మీద సాంగ్ ని పెట్టడమే కాకుండా డబ్బింగ్ చేయకుండా తెలుగులో  ఆడియో రికార్డింగ్ మరియు పాటను చిత్రీకరించి విడుదల చేశారు. ఈ పాటలో వెంకటేష్, సల్మాన్ ఖాన్, పూజా హెగ్డే, భూమిక, రోహిణి హట్టంగడితో పాటు క్యాస్టింగ్ అంతా పాటలో ఉంది.
ఈ సాంగ్ ను కేజిఎఫ్ ఫేమ్ రవి బస్రూర్ కంపోజ్ చేశారు. ఈ సినిమాకి ఫర్హాద్ సమ్జీ డైరెక్షన్ చేశారు. ఈ సినిమా పవర్ స్టార్ పవన్ కళ్యాణ్ నటించిన కాటమరాయుడు రీమేక్ అని ఎప్పటి నుండో అంటున్నారు. అయితే ఒక్క లైన్ తీసుకుని ఎన్నో  మార్పులు చేసినట్లు తెలుస్తోంది.  హీరో వెంకటేష్ నటించడం వల్ల ఈ సినిమా తెలుగు వెర్షన్ ని కూడా భారీగా ప్రమోట్ చేయబోతున్నారు. Also Read: రజనీకాంత్ మూవీ వల్ల నా కెరీర్ ముగిసిపోయింది.. వైరల్ అవుతున్న మనీషా కోయిరాల కామెంట్స్

సౌత్ సూపర్ స్టార్ రజనీకాంత్ కు ఆడియెన్స్ లో ఉన్న ఫ్యాన్ ఫాలోయింగ్ గురించి ప్రత్యేకంగా చెప్పవలసిన అవసరం లేదు. 70 ఏళ్ల వయస్సులో కూడా ఈ సూపర్ స్టార్ వరుస చిత్రాలలో నటిస్తూ అలరిస్తున్నాడు.

ఇక రజనీకాంత్ కెరీర్ లో ఘన విజయం సాధించిన సినిమాలు ఎన్ని ఉన్నాయో,  తీవ్రంగా నిరాశపరిచిన చిత్రాలు కూడా అదే స్థాయిలో ఉన్నాయి. అయితే రజనీకాంత్ చిత్రం వల్ల తన కెరీర్ ముగిసిందంటూ ప్రముఖ బాలీవుడ్ నటి మనీషా కోయిరాలా వ్యాఖ్యలు చేశారు. ప్రస్తుతం ఆమె చైనా కామెంట్స్ సోషల్ మీడియాలో వైరల్ అవుతున్నాయి. మరి ఆ వివరాలు ఏమిటో ఇప్పుడు చూద్దాం..
బొంబాయి మూవీతో దక్షణాది ఆడియెన్స్ ని ఎంతగానో ఆకట్టుకున్న మనీషా కోయిరాలా, కోలీవుడ్ లో తను నటించిన  చివరి పెద్ద సినిమా బాబా అని చెప్పారు. అప్పట్లో ఆ మూవీ భారీగా వైఫల్యం చెందిందని మనీషా తెలిపారు. ఆ మూవీ పై తను ఎన్నో ఆశలు పెట్టుకున్నానని, బాబా చిత్రం ఫ్లాప్ అవడంతో అక్కడ తనకు మరే సినిమాలోను అవకాశం రాలేదని మనీషా తెలిపారు.
బాబా మూవీతోనే దక్షణాదిలో తన కెరీర్ ముగుస్తుందని అనుకుంటే, ఆఖరికి అదే జరిగిందని ఆమె అన్నారు. బాబా మూవీకి ముందు కొన్ని చిత్రాలలో నటించి, వాటికి ప్రశంసలు అందుకున్నానని చెప్పారు. అయితే రీరిలీజ్ లో బాబా విజయాన్ని సాధించిందని ఆమె వ్యాఖ్యలు చేశారు. బొంబాయి చిత్రంలో మొదట్లో నటించకూడదని భావించానని, కెరీర్ మొదటలో తల్లి పాత్రలు పోషించవద్దని ఎంతో మంది చెప్పారని ఆమె చెప్పుకొచ్చారు.అయితే సినిమాటోగ్రాఫర్ అయిన అశోక్ మెహతా తిట్టి మణిరత్నం చిత్రంలో అవకాశం వద్దనుకుంటే వెర్రిదానివని అన్నారని ఆమె తెలిపారు. ఆయన మాటలతో మనసు మార్చుకొని బొంబాయి మూవీలో చేశానని అన్నారు. బొంబాయి చిత్రంలో చేయడం ఇప్పటికీ ఎంతో సంతోషంగా ఉందని మనీషా తెలిపారు. ప్రస్తుతం ఆమె చెప్పిన విషయాలు నెట్టింట్లో వైరల్ గా మారాయి. Also Read: “అల వైకుంఠపురములో” సినిమాతో పాటు… హిందీలో “రీమేక్” అయ్యి ఫ్లాప్ అయిన 9 సూపర్ హిట్ తెలుగు సినిమాలు..!

సినిమా విడుదల విషయంలో ఇటు హీరోలు, అటు నిర్మాతల మధ్య పోటీ ఉండటం సాధారణం. ఇక పండుగల సమయంలో అయితే ఆ హడావుడి మామూలుగా ఉండదు. హీరోల ఫ్యాన్స్ మధ్య గొడవలు జరగడం, థియేటర్ల కోసం పోటీ పడడం లాంటివి జరుగుతూ ఉంటాయి. అగ్ర హీరోల దగ్గర నుండి తరువాతి తరం హీరోలు కూడా పండుగ సీజన్స్ లో ఎన్నో సార్లు పోటీ పడిన సందర్భాలు ఉన్నాయి.

ఈ ఏడాది సంక్రాంతి పండగకి మెగాస్టార్ చిరంజీవి నటించిన వాల్తేరు వీరయ్య, నందమూరి నటసింహం బాలకృష్ణ నటించిన వీర సింహా రెడ్డి పోటీపడ్డారు. అయితే రెండు సినిమాలు కూడా సూపర్ హిట్ గా నిలిచాయి. విజయదశమికి  రామ్ పోతినేని, మాస్ మహారాజ రవితేజ, కోలీవుడ్ స్టార్ హీరో దళపతి విజయ్ చిత్రాలు రిలీజ్ ఫిక్స్ చేసుకున్నాయి. ఇక వచ్చే సంక్రాంతికి (2024) పోటీ మామూలుగా లేదు. నెక్స్ట్ లెవెల్ అని చెప్పవచ్చు. ఎందుకంటే ప్రబాస్, మహేష్ బాబు పోటీ పడబోతున్నారు.  రెబల్ స్టార్ ప్రభాస్ ప్రాజెక్ట్ – K మూవీ రిలీజ్ డేట్ ని జనవరి 12న అని ప్రకటించింది. ఇటీవల సూపర్ స్టార్ మహేష్ బాబు, త్రివిక్రమ్‌ల కాంబోలో తెరకెక్కుతున్న SSMB28 రిలీజ్ డేట్ జనవరి 13 అని ప్రకటించారు. ఈ క్రమంలోనే ఇప్పటి దాకా మహేష్ బాబు, ప్రభాస్ ఎన్నిసార్లు బాక్సాఫీస్ రేస్ లో తమ చిత్రాలతో పోటీ పడ్డారనే విషయం ఇంట్రెస్టింగ్ గా మారింది. సోషల్ మీడియాలో ఇద్దరి అభిమానులు ఈ విషయం గురించే చర్చలు  జరుపుతున్నారు. మరి ఈ ఇద్దరు స్టార్ హీరోలు ఎన్నిసార్లు బాక్సాఫీస్ రేస్ లో పోటీపపడ్డారో ఇప్పుడు చూద్దాం..
1.నాని – అడవి రాముడు:
మహేష్ బాబు నటించిన నాని సినిమా 2004లో  మే 14న రిలీజ్ అయ్యింది. వారం తరువాత ప్రభాస్ నటించిన అడవి రాముడు చిత్రం 2004 మే 21న రిలీజ్ అయింది.
2.పౌర్ణమి – పోకిరి:
ప్రభాస్, త్రిష నటించిన పౌర్ణమి మూవీ 2006లో  ఏప్రిల్ 1 విడుదల అయ్యింది. 27 రోజుల తరువాత మహేష్ బాబు, ఇలియానా నటించిన పోకిరి చిత్రం 2006 ఏప్రిల్ 28న రిలీజ్ అయ్యింది.
3. ప్రాజెక్ట్ – K – SSMB 28:
ప్రబాస్, దీపికా పదుకొనే నటిస్తున్న ‘ప్రాజెక్ట్ – K’ మూవీ 2024లో జనవరి 12 రిలీజ్ కాబోతుంది. మహేష్ బాబు, పూజహెగ్డే నటిస్తున్న ‘SSMB 28’ 2024 లో జనవరి 13న విడుదల కానుంది.
Also Read: బలగం సినిమా చూడడానికి ఒక్కటైన ఊరు.. ఇలాంటి సన్నివేశాన్ని చూసి ఎన్నేళ్లవుతుందో..

ఒక్కొక్కసారి సినిమా హిట్ అయిందని దాన్ని మరొక ఇండస్ట్రీ వాళ్ళు రీమేక్ చేస్తూ ఉంటారు ఇలా ఒక ఇండస్ట్రీ వాళ్ళ సినిమాలను చూసి మరొక ఇండస్ట్రీ వాళ్ళు చాలా సినిమాలని రీమేక్ చేసారు.

తెలుగులో హిట్ అయ్యి బాలీవుడ్లో డిజాస్టర్ గా మిగిలిన సినిమాలు కూడా ఉన్నాయి. ఆ సినిమాల లిస్ట్ ఇప్పుడే చూసేద్దాం.

#1. జెర్సీ:

నాని నటించిన జెర్సీ సినిమాని బాలీవుడ్ లో రీమేక్ చేశారు కానీ ఆ సినిమా డిజాస్టర్ గా నిలిచింది. తెలుగులో జెర్సీ సినిమా కారణంగా నాని కి డైరెక్టర్ కి మంచి పేరు వచ్చింది కానీ హిందీ ఆడియన్స్ మాత్రం మనలాగ రెస్పాండ్ అవ్వలేదు.

#2. హిట్ ఫస్ట్ కేస్:

 ఈ సినిమా కూడా బాలీవుడ్ లో డిజాస్టర్ గా మిగిలిపోయింది టాలీవుడ్ లో ఈ సినిమాకి సూపర్ రెస్పాన్స్ వచ్చింది. కానీ హిందీలో మాత్రం రాలేదు.

#3. కాంచన:

కాంచన సినిమా టాలీవుడ్ లో ఎంతగా హిట్ అయిందో మనకి తెలిసిన విషయమే. కానీ హిందీలో వచ్చిన లక్ష్మి డిజాస్టర్ గానే మిగిలిపోయింది.

#4. MCA:

తెలుగులో నాని హీరోగా వచ్చిన మిడిల్ క్లాస్ అబ్బాయి MCA సినిమాని హిందీలో నీకమ్మ కింద మళ్లీ తీశారు. కానీ ఆ సినిమా కి నెగిటివ్ రివ్యూస్ తప్పులేదు.

#5. అల వైకుంఠపురంలో:

అల్లు అర్జున్ పూజ హెగ్డే కాంబినేషన్ లో అల వైకుంఠపురం సినిమా వచ్చిన విషయం తెలిసిందే ఈ సినిమాని హిందీలో షెహజాదా కింద తీశారు. కానీ ఫెయిల్యూర్ తప్పలేదు.

#6. నువ్వొస్తానంటే నేనొద్దంటానా:

నువ్వొస్తానంటే నేనొద్దంటానా తెలుగులో బ్లాక్ బస్టర్ హిట్ ని అందుకుంది. రామయ్య వస్తావయ్యా టైటిల్ తో దీన్ని తీశారు హిందీలో. కానీ ఆడలేదు.

#7. ఒక్కడు:

తేవర్ టైటిల్ తో బాలీవుడ్ లో ఒక్కడు సినిమాను తీశారు కానీ ఈ సినిమా అక్కడ ప్రేక్షకులకు ఎక్కలేదు.

#8. వర్షం:

హిందీలో వర్షం ని బాగి పేరుతో తీశారు కానీ ఈ సినిమా కూడా హిట్ కాలేదు.

#9. కందిరీగ:

తెలుగులో రామ్ హీరోగా వచ్చిన కందిరీగ సినిమాని హిందీలో తీశారు కానీ అది ఫ్లాప్ అయింది.