Author

Sainath Gopi

A Mechanical Engineer turned into an Author. Have 6 years of work experience by working as Web Content Manager for various top telugu websites. Expertise in writing Human angle stories, Unknown Facts and excusive film-based content. Enthusiastic in Lyric and Story Writing.

Filmy Adda

“సూర్య” కి ఏమయ్యింది..? ఇలా అయిపోయారేంటి..?

by Sainath Gopi May 12, 2023

written by Sainath Gopi

కోలీవుడ్ స్టార్ హీరో సూర్యకు దక్షిణాది సినీ పరిశ్రమలో ఉన్న ఫాలోయింగ్ గురించి ప్రత్యేకంగా చెప్పనవసరం లేదు. సూర్య తమిళంలోనే కాకుండా తెలుగులో కూడా భారీగా ఫ్యాన్స్ ను సంపాదించుకున్నారు.

సూర్య దర్శకుడు సిరుత్తే శివ తెరకెక్కిస్తున్న’కంగువ’ హీరోగా నటిస్తున్నారు. ప్రస్తుతం ఈ మూవీ షూటింగ్ జరుగుతోంది. ఈ క్రమంలో స్టంట్ కొరియోగ్రాఫర్ సుప్రీమ్ సుందర్ ఈ మూవీకి సంబంధించిన ఫోటోను రీసెంట్ గా సోషల్ మీడియాలో పోస్ట్ చేశారు. ఫోటోలోని సూర్యను చూసి ఫ్యాన్స్ షాక్ అయ్యారు. సూర్య నటిస్తున్న ‘కంగువ’ మూవీ పై ఇప్పటికే భారీ అంచనాలు ఏర్పడ్డాయి. పీరియాడిక్ డ్రామాకా తెరకెక్కుతున్న ఈ చిత్రాన్ని దాదాపు 10 భాషల్లో 2డీ, 3డీ ఫార్మాట్స్ లో విడుదల చేయనున్నట్లు ఇప్పటికే ప్రకటించారు. ప్రతిష్టాత్మకంగా పాన్ ఇండియా మూవీగా రిలీజ్ కాబోతున్న ఈ చిత్రంలో హీరోయిన్ గా బాలీవుడ్ భామ దిశా పఠానీ నటిస్తోంది. కంగువ షూటింగ్ విరామం రావడంతో సూర్య ప్రస్తుతం కొడైకెనాల్‌లో తన కుటుంబంతో కలిసి హాలిడేస్‌ని ఎంజాయ్ చేస్తున్నారు. ఈ క్రమంలో తమకు ఆత్మీయస్వాగతం పలికిన సూర్య, జ్యోతిక దంపతులకు ధన్యవాదాలు తెలుపుతూ స్టంట్ కొరియోగ్రాఫర్ సుప్రీమ్ సుందర్ వారితో కలిసి తీసుకున్న ఫోటోను తన ట్విట్టర్ ఖాతాలో పోస్ట్ చేశారు.
ఈ ఫోటో సూర్య లుక్ చూసిన అభిమానులు ఆశ్చర్యపోతున్నారు. గతంలో గజిని చిత్రం సమయంలో డిఫరెంట్ లుక్‌లో కనిపించిన సూర్య. మిగతా చిత్రాలలో రెగ్యులర్ లుక్‌లో నటించారు. మళ్ళీ ఇన్ని సంవత్సరాల తర్వాత సూర్య కొత్తగా కనిపిస్తున్నాడు. అయితే కంగువ మూవీ కోసం కోలీవుడ్ స్టార్ సూర్య బరువు పెరిగినట్లుగా తెలుస్తోంది. పీరియాడిక్ పోర్షన్ చిత్రీకరణ కొడైకెనాల్‌లో జరుగుతోంది. ఆగస్టు 2023నాటికి షూటింగ్ ను పూర్తిచేయాలని యూనిట్ ప్లాన్ చేసిందని తెలుస్తోంది.ఇక ఈ చిత్రం హీరో సూర్య కెరీర్‌లో అత్యంత భారీ బడ్జెట్‌తో రూపొందుటున్న మూవీ. ఈ సినిమాని యూవీ క్రియేషన్స్ బ్యానర్ లో నిర్మిస్తున్న విషయం తెలిసిందే. ఈ సినిమాకి సహ నిర్మాత జ్ఞానవేల్ రాజా. దేవిశ్రీ ప్రసాద్ ఈ చిత్రానికి సంగీతాన్ని అందిస్తున్నారు. ఈ ఏడాదిలోనే ఈ చిత్రం రిలీజ్ అయ్యే అవకాశాలున్నాయి.

#Family time in #Kodaikanal between the shoot of #Kanguva. My heartfelt gratitude to #Suriya Sir and #Jyothika Madam for the warm welcome. It was truly a memorable and joyous occasion! ❤️ @Suriya_offl pic.twitter.com/HJnvp7IFxn

— Supreme Sundar (@supremesundar) May 10, 2023

Also Read: 30 ఏళ్ళ తరువాత ఆ వ్యక్తిని కలిసిన “అల్లు అర్జున్”.. చూడగానే కాళ్ళకు నమస్కారం ..! ఆమె ఎవరంటే..!

May 12, 2023

Off Beat

“శ్రీకృష్ణ దేవరాయలు” తన జీవితంలో చేసిన అతి పెద్ద పొరపాటు ఇదేనా..? ఇలా ఎందుకు చేసారు..?

by Sainath Gopi May 12, 2023

written by Sainath Gopi

సాళువ తిమ్మరుసు గొప్ప చక్రవర్తి అయిన శ్రీకృష్ణ దేవరాయల కాలంలో విజయనగర సామ్రాజ్యానికి మంత్రిగా ఉండేవారు. ఆయనను శ్రీకృష్ణ దేవరాయలు అప్పాజీ అని ముద్దుగా పిలిచేవారు.

శ్రీకృష్ణ దేవరాయల సవతి సోదరుడు రాజు తుళువ నర్సింహ రాయల చనిపోయిన తరువాత అప్పాజీ రాయలను రాజును చేశాడు. అయితే అనారోగ్యంతో ఉన్న రాజు తుళువ నర్సింహ రాయల తన చిన్న కుమారుడిని రాజును చేయాలనే ఉద్దేశ్యంతో కృష్ణదేవ రాయలను అంధుడిగా చేయమని తిమ్మరుసుకు చెబుతాడు.
ప్రధాన మంత్రి తిమ్మరుసు రాజు అనంతరం సమర్ధుడైన పాలకుడిగా కృష్ణరాయలను భావించి, మేక కళ్ళను తెచ్చి రాజుకు కృష్ణరాయల కళ్ళుగా చూపిస్తాడు. వాటిని చూసి సంతృప్తి చెందిన రాజు ప్రశాంతంగా మరణించాడు. ఆ తరువాత తిమ్మరుసు కృష్ణదేవరాయ చక్రవర్తిగా చేశాడు. అప్పాజీ సహకారంతో కృష్ణదేవరాయ గొప్ప చక్రవర్తిగా ఎదిగాడు. విజయనగర సామ్రాజ్యా కీర్తిని నలు దిశలలో చాటుతూ, గొప్ప చక్రవర్తిగా పేరు గాంచాడు.

శ్రీకృష్ణ దేవరాయలకు తిరుమల దేవి, చిన్నాదేవి అనే ఇద్దరు భార్యలు ఉండేవారు. ఆ తరువాత యుద్దంలో ప్రతాపరుద్ర గజపతిని ఓడించి, ఆయన కూతురైన తుక్కా దేవిని మూడవ భార్యగా స్వీకరించాడు. ఈమెనే కొందరు లక్ష్మీదేవి అని, జగన్మోహిని అని కూడా పిలిచేవారు. విజయనగరానికి లక్ష్మీదేవితో పాటు ఆమె పినతండ్రి కూడా రావడం జరుగుతుంది. బహుమనీ సుల్తానులు విజయనగరం మీదకు దండేతిన సమయంలో విజయనగర సామ్రాజ్యం గజపతులకు దక్కాలనే కుట్రతో లక్ష్మీ పినతండ్రి ఓ పన్నాగం పన్నుతాడు.
అతను అనుకున్నది జరగాలంటే అంటే మహామంత్రి తిమ్మారుసును రాజ్యానికి దూరం చేయాలని భావిస్తాడు. అతని తెలివితోనే విజయనగర సామ్రాజ్యం గొప్పగా మారిందని గ్రహించి రాయలకు తిమ్మారుసును దూరం చేయాలని అనుకుంటాడు. దానిలో భాగంగా రాయలు యుద్ధానికి వెళ్లేముందు కుమారుడు తిరుమల రాయలకు పట్టాభిషేకం చేయమని కుమార్తె లక్ష్మితో చెప్పిస్తాడు. అప్పాజీని అడిగి నిర్ణయం తీసుకుండామని చెప్పినా వినకుండా పదే పదే అడగడంతో కుమారును పట్టాభిషేకానికి రాయలు ముహూర్తం నిర్ణయిస్తారు.

అయితే తిమ్మరుసు మీద రాజద్రోహం ముద్ర వేయడం కోసం గజపతుల నుండి విషం తెప్పించి, పట్టాభిషేకానికి ముందు చిన్నపిల్లవాడైన తిరుమల రాయలకు విషయం తాగించి, ఆ పిల్లవాడిని తిమ్మరుసు ఉన్న ప్రదేశంలో వదలగా, బాధతో ఆరుస్తున్న తిరుమల రాయలను ఎత్తుకుని రాయల మందిరంలోకి తిమ్మరుసు తీసుకెళ్తాడు. కానీ ఆ లోపే తిరుమల రాయలు మరణిస్తాడు. అప్పుడు లక్ష్మీ పినతండ్రి తిరుమల రాయలను చంపింది తిమ్మారుసు అని చెప్పడంతో రాయలు కోపంతో అల చెప్పడానికి ఏదైనా సాక్ష్యం ఉందా అని అడుగుతాడు. తిమ్మారుసుకి గజపతులు అంటే పగ అనే విషయం మీకు తెలుసు. లక్ష్మీ కుమారుడు రాజు అవడం ఇష్టం లేకపోవడం వల్లే చంపాడని చెప్తాడు. మిమ్మల్ని చంపానని చెప్పి, తరువాత రాజును ఎలా చేశాడో, అలాగే మీ కొడుకుని చంపి మీ తమ్ముడు అచ్యుత రాయలను రాజును చేయాలనుకున్నాడని అంటాడు. కుమారుడు చనిపోయిన బాధలో ఉన్న రాయలు దానిని నమ్మి తిమ్మారుసును బంధించమని, అది రాజద్రోహంగా భావించి తనను పెంచి పెద్ద చేసిన తిమ్మరుసు రెండు కళలు పొడిచేయమని ఆజ్ఞాపిస్తాడు.
అయితే కొంతకాలానికి గజపతుల వల్లే ఇది జరిగిందని తెలుసుకుని తిమ్మారుసుని క్షమించమని వేడుకుని రాజ్యానికి తీసుకురాగా, ఆయన ఇంకా మంత్రిగా ఉండలేనని తిరుపతికి వెళ్ళి చివరి రోజులు అక్కడే గడిపాడని శాసనాల ద్వారా తెలుపబడింది. రాయలు తప్పు చేశాననే తీవ్ర వేదనతో అనారోగ్యం పాలయ్యారు మరియు కొంతకాలానికి మరణించారు. ఇదే గొప్ప చక్రవరి అయిన శ్రీకృష్ణ దేవరాయల జీవితంలో చేసిన అతి పెద్ద పొరపాటు అని అంటారు.

Also Read: మొగ‌ల్ చ‌క్ర‌వ‌ర్తి బాబ‌ర్ కి శ్రీకృష్ణదేవరాయలంటే అంత భయమెందుకు..? విజయనగరంపై అందుకే కన్నేయలేదు.!

May 12, 2023

Filmy Adda

30 ఏళ్ళ తరువాత ఆ వ్యక్తిని కలిసిన “అల్లు అర్జున్”.. చూడగానే కాళ్ళకు నమస్కారం ..! ఆమె ఎవరంటే..!

by Sainath Gopi May 12, 2023

written by Sainath Gopi

ఐకాన్ స్టార్ అల్లు అర్జున్ టాలీవుడ్ లో ఉన్న క్రేజ్ గురించి ప్రత్యేకంగా చెప్పనవసరం లేదు. సుకుమార్ దర్శకత్వంలో వచ్చిన ‘పుష్ప’ చిత్రంతో పాన్ ఇండియా స్టార్ గా పాపులారిటీ సంపాదించుకున్నారు.

ప్రస్తుతం అల్లు అర్జున్ ‘పుష్ప 2’ మూవీ షూటింగ్ లో బిజీగా ఉన్నారు. తాజాగా అల్లు అర్జున్ ముప్పై ఏళ్ల తరువాత ఆ ప్రత్యేక వ్యక్తిని కలిశానని, ఆ వ్యక్తి గురించి చేసిన కామెంట్స్ సోషల్ మీడియాలో వైరల్ గా మారాయి. అయితే అల్లు అర్జున్ కలిసిన ఆ గొప్ప వ్యక్తి ఎవరో, ఆ వ్యక్తి గురించి ఏం చెప్పారో ఇప్పుడు చూద్దాం..
రీసెంట్ గా ‘బిహైండ్ వుడ్స్’ అవార్డ్స్ వేడుక జరిగిన విషయం తెలిసిందే. ఈ వేడుకలో సినీ సెలబ్రిటీలు హాజరు అయ్యారు. ఇక ఈ వేడుకకు అల్లు అర్జున్ కూడా హాజరయ్యారు. ఈ అవార్డ్స్ ప్రధానంలో భాగంగా ‘గోల్డెన్ ఐకాన్ ఆఫ్ ఇండియన్ సినిమా’ అవార్డ్ కు అల్లు అర్జున్ ఎంపిక కాగా, మ్యూజిక్ డైరెక్టర్ ఏఆర్ రెహమాన్ ఈ అవార్డ్ ను బన్నీకి అందచేశారు. అవార్డ్ తీసుకున్న తరువాత అల్లు అర్జున్ మాట్లాడుతుండగా వేదిక పైకి తన చిన్ననాటి స్కూల్ టీచర్ రావడంతో అల్లు అర్జున్ ఆశ్చర్యపోయారు. అలాగే టీచర్ కి పాదాలకి నమస్కరించారు.
బన్నీ తన టీచర్ గురించి మాట్లాడుతూ “ఆమె పేరు అంబికా కృష్ణన్, 3వ తరగతిలో క్లాస్ టీచర్ అని, ఆమె తనకు చాలా విషయాలను నేర్పించారని తెలిపారు. మా తరగతిలో నేనే లాస్ట్ ర్యాంకర్ ను, అయినప్పటికీ తన టీచర్ ఎప్పుడు తనని ఏమి అనలేదని, లైఫ్ అంటే చదువు ఒక్కటే కాదని, జీవితం ప్రతి ఒక్కరికీ వరమని, దాన్ని అర్థం చేసుకుంటే తప్పకుండా నువ్వు గొప్ప స్థానానికి వెళ్తావని చెప్పేవారని” అన్నారు. తన టీచర్ ను ఇలా ఇక్కడ కలవడం చాలా ఆనందంగా ఉందని వెల్లడించారు.
తనకు చిన్నతనం నుండి స్ఫూర్తి నింపే విధంగా చిన్న చిన్న కోట్స్‌ రాసే అలవాటు ఉంది. తాను రాసిన కోట్స్ లో ‘only kindness is remembered forever’ కోట్ రాయడానికి స్ఫూర్తి నా టీచరే అని వెల్లడించారు. అల్లు అర్జున్ తన టీచర్ గురించి మాట్లాడిన ఈ వీడియో సోషల్ మీడియాలో ప్రస్తుతం వైరల్ గా మారింది.

Icon Star @alluarjun Meets His School Teacher After 30 Year's ❤️‍🔥

Thank You So Much @behindwoods 🥺#Pushpa2TheRule #PushpaTheRule pic.twitter.com/0IdGBj2PTL

— TelanganaAlluArjunFC™ (@TelanganaAAFc) May 9, 2023

Also Read: “ఏంటి హరీష్ గారూ ఇది… చూసుకోవాలి కదా..?” అంటూ… డైరెక్టర్ “హరీష్ శంకర్” పై కామెంట్స్..! ఏం జరిగిందంటే..?

May 12, 2023

Filmy Adda Viral

“ఏంటి హరీష్ గారూ ఇది… చూసుకోవాలి కదా..?” అంటూ… డైరెక్టర్ “హరీష్ శంకర్” పై కామెంట్స్..! ఏం జరిగిందంటే..?

by Sainath Gopi May 12, 2023

written by Sainath Gopi

పవర్ స్టార్ పవన్ కళ్యాణ్, హరీష్ శంకర్ కాంబినేషన్ పై అటు పవర్ స్టార్ అభిమానులలోనూ, ఇటు ఇండస్ట్రీలోనూ భారీ అంచనాలు ఉంటాయి. ఈ క్రమంలోనే వీరి కాంబోలో ‘ఉస్తాద్ భగత్ సింగ్’ చిత్రం తెరకెక్కుతోంది.

మేకర్స్ తాజాగా ఈ చిత్రం నుండి ఫస్ట్ గ్లింప్స్ విడుదల చేశారు. ఈ గ్లింప్స్ ప్రస్తుతం సోష‌ల్ మీడియాలో ట్రెండ్ అవుతోంది. గ్లింప్స్ చూసిన సెలెబ్రెటీలు హరీష్ శంకర్ ను ట్విట్టర్ లో అభినందిస్తున్నారు. హరీష్ శంకర్ వారికి రిప్లై ఇస్తున్నారు. అయితే హరీష్ చేసిన ఓ ట్వీట్ పై నెటిజెన్లు కామెంట్స్ చేస్తున్నారు. ఎందుకో ఇప్పుడు చూద్దాం..
పవన్ కల్యాణ్ పేరు వింటేనే ఆయన ఫ్యాన్స్ ఊగిపోతుంటారు. తెలుగు రాష్ట్రాల్లో పవర్ స్టార్ కు ఉన్న క్రేజ్ అందరికి తెలిసిందే. ఇక దర్శకుడు హరీష్ శంకర్ కూడా పవన్ కల్యాణ్ కు వీరాభిమాని. ఒక ఫ్యాన్ తమ అభిమాన హీరోతో మూవీ తీస్తే ఎలా ఉంటుందో ‘గబ్బర్ సింగ్’ తో హరీష్ శంకర్ నిరూపించాడు. ఇప్పుడు అదే విషయాన్ని ఇంకా గట్టిగా చెప్పేందుకు ‘ఉస్తాద్ భగత్ సింగ్’ తో రానున్నాడు.
సరిగ్గా 11 సంవత్సరాల తరువాత వీరి కాంబోలో ఉస్తాద్ భగత్ సింగ్ అనే చిత్రం తెరకెక్కుతుంది. గబ్బర్ సింగ్ మూవీ విడుదల అయ్యి నిన్నటికి (మే 11 ) పదకొండు ఏళ్లు పూర్తి అవుతున్న సందర్భంగా ‘ఉస్తాద్ భగత్ సింగ్’ మూవీ గ్లింప్స్ మూవీ యూనిట్ విడుదల చేసింది. హరీష్ శంకర్ తన అభిమాన హీరోని వెండితెర పై ఆవిష్క‌రించిన విధానానికి ఈ గ్లింప్స్ స్మాల్ టచ్ అని, మూవీ నెక్ట్స్ లెవెల్ లో ఉంటుందని తెలుస్తుంది. ఈ గ్లింప్స్ మాస్ పోలీస్ ఆఫీస‌ర్‌గా ప‌వ‌న్ క‌నిపిస్తున్నారు. “ఈసారి పెర్ఫార్మన్స్ బద్దలైపోతుంది” అని పవర్ స్టార్ చెప్పే డైలాగ్ హైలైట్ గా నిలిచింది. ఈ గ్లింప్స్ సోషల్ మీడియాలో ట్రెండ్ అవుతోంది. దాంతో సోషల్ మీడియా వేదికగా అటు పవన్ కళ్యాణ్ ఫ్యాన్స్, ఇటు టాలీవుడ్ సెలెబ్రెటీలు హరీష్ శంకర్ కు అభినందనలు తెలుపుతున్నారు.అయితే రవితేజ పేరు ఉన్న ట్విట్టర్ ఖాతా నుండి ఒక యూజర్ “హరీష్ ఈసారి గబ్బర్ సింగ్ కంటే పెద్దగా ప్లాన్ చేస్తున్నావు. గుడ్ లక్” అని పోస్ట్ పెట్టారు. ఆ ఖాతాకి బ్లూ టిక్ ఉండడంతో హీరో మాస్ మహారాజ రవితేజ పోస్ట్ అనుకున్న హరీష్ శంకర్ ఎమోషనల్ గా, “అన్నయ్యా ఈ మొక్క నువ్వు నాటిన మొక్క.. ఎన్నిసార్లయినా చెప్తా ఇదే ముక్క” అని రిప్లై ఇచ్చారు. అయితే అది హీరో రవితేజ అకౌంట్ కాకపోవడంతో ఫ్యాన్స్ కామెంట్స్ చేస్తున్నారు. చూసుకోవాలి కదా అన్నా అంటూ సరదాగా కామెంట్స్ చేస్తున్నారు.

https://www.instagram.com/p/CsHLZJordGt/?igshid=NTc4MTIwNjQ2YQ%3D%3D

Also Read: CHATRAPATHI REVIEW : “బెల్లంకొండ సాయి శ్రీనివాస్” హీరోగా నటించిన ఛత్రపతి హిట్టా..? ఫట్టా..? స్టోరీ, రివ్యూ & రేటింగ్.!

May 12, 2023

Filmy Adda

Newsense Review : “నవదీప్” హీరోగా నటించిన వెబ్ సిరీస్ న్యూసెన్స్ ఆకట్టుకుందా..? స్టోరీ, రివ్యూ & రేటింగ్.!

by Sainath Gopi May 12, 2023

written by Sainath Gopi

ఈ మధ్య వెబ్ సిరీస్ కి సినిమాలతో సమానంగా క్రేజ్ వస్తోంది. ఎంతో మంది పెద్దపెద్ద నటీనటులు కూడా ఈ వెబ్ సిరీస్ లో నటిస్తున్నారు. నవదీప్ హీరోగా నటించిన న్యూసెన్స్ వెబ్ సిరీస్ ఇవాళ ఆహాలో విడుదల అయ్యింది. ఈ సిరీస్ ఎలా ఉందో ఇప్పుడు చూద్దాం.

వెబ్ సిరీస్ : న్యూసెన్స్,
నటీనటులు : నవదీప్, బింధు మాధవి, మహిమా శ్రీనివాస్, నంద గోపాల్, కట్టా ఆంటోని
నిర్మాత : టీజీ విశ్వ‌ప్ర‌సాద్
దర్శకత్వం : శ్రీ ప్రవీణ్ కుమార్
ఓటీటీ వేదిక : ఆహా
ఎపిసోడ్స్ : 6
విడుదల తేదీ: మే 12, 2023

స్టోరీ:

మ‌ద‌న‌ప‌ల్లిలో ఉండే శివ (న‌వ‌దీప్‌) రిప‌బ్లిక్ ఛానెల్‌లో జ‌ర్న‌లిస్ట్‌ గా ప‌నిచేస్తుంటాడు. శివ గ్రామంలోని స‌మ‌స్య‌ల్ని త‌న అవ‌స‌రాలకు అనుగుణంగా మార్చుకుంటూ, డ‌బ్బు కోసం వార్త‌ల్ని రాస్తూ బ్రతుకుతుంటాడు. ఆ గ్రామంలో ఉండే అధికార పార్టీ లీడర్ క‌రుణాక‌ర్‌రెడ్డి(గ‌బ్బ‌ర్‌)కి అపోజిషన్ లీడ‌ర్ నాగిరెడ్డికి మధ్యన ఆధిప‌త్యం కోసం పోరు న‌డుస్తుంటుంది. జ‌ర్న‌లిస్ట్‌ శివ‌ మరియు అత‌ని ఫ్రెండ్స్ ఇద్దరికి స‌పోర్ట్ గా ఉంటూ వారి దగ్గర నుండి డ‌బ్బుల‌ను తీసుకుంటూ ఉంటారు.

అయితే స్థానిక ఎన్నికలు ద‌గ్గ‌ర పడుతున్నప్పుడు క‌రుణాక‌ర్ రెడ్డి వైపు ఉన్న శివ,అపోజిషన్ లీడ‌ర్ నాగిరెడ్డి అక్ర‌మంగా చేసే దందాల‌ను అందరి ముందు బయట పెడతాడు. దాంతో నాగిరెడ్డి,అత‌డి అనుచ‌రుడు శివ‌ పై దాడిచేస్తారు.ఆ దాడి నుండి శివ ఎలా తప్పించుకున్నాడు? అసలు జ‌ర్న‌లిస్ట్‌ శివ డ‌బ్బు కోసం పనిచేయడానికి కార‌ణం ఏమిటి? మ‌ద‌న‌ప‌ల్లి కొత్త‌ ఎస్ఐ కు శివ‌ మీద పగ ఎందుకు? ఇద్దరు జ‌ర్న‌లిస్టులలో శివ ఎవ‌రిని ప్రేమించాడు? అనేదే న్యూసెన్స్ స్టోరీ.రివ్యూ:

టాలీవుడ్ లో మీడియా నేపథ్యంలో ఇప్పటివరకు త‌క్కువ‌గా సంఖ్యలో చిత్రాలు, సిరీస్‌లు వ‌చ్చాయి. ఈ కారణంగానే ‘న్యూసెన్స్’ వెబ్ సిరీస్ విడుదలకు ముందు నుండే ఆడియెన్స్ కి ఆస‌క్తి ఏర్పడింది. గవర్నమెంట్ కు ప్రజలకు మద్య వారధిగా ఉండవలసిన మీడియా, జర్నలిస్టులు, డబ్బుకు దాసోహం అంటే సొసైటీలో పరిస్థితులు ఎలా ఉంటాయనే విషయన్ని ఇందులో కళ్లకు కట్టినట్లుగా చూపించారు.తొలి సీజ‌న్‌ ఆరు-ఎపిసోడ్‌ల సిరీస్. స్టోరీ మొద‌లైన విధానం బాగున్నప్పటికీ, అదే ఇంటెన్సిటీ తో చివ‌రి వ‌ర‌కు కొనసాగించలేకపోయారు. ద‌ర్శ‌కుడు హీరో పాత్ర ద్వారా ఏం చెప్పాలని అనుకున్నాడో క్లారిటీ లేదు.రిపీటెడ్ సన్నివేశాలు, పొలిటిక‌ల్ సన్నివేశాలు అంతగా పండ‌లేదు.న‌వ‌దీప్‌, బిందుమాధ‌వి పాత్రల నటన త‌ప్ప మిగిలిన క్యారెక్టర్స్ నటన సహజంగా అనిపించదు. కథలో ఎస్ఐ ఎడ్విన్ పాత్ర ఎంట్రీ తరువాత కథనం కాస్త ఊపందుకుంది.
తొలి సీజన్ చివరలో ఎస్ఐకు శివకు మధ్య గొడవతో ఎండ్ చేయడంతో సీజన్ 2 పై కొంచెం ఇంట్రెస్ట్ వచ్చింది. జర్నలిస్ట్ శివగా సీరియ‌స్‌గా ఉండే పాత్ర‌లో నవదీప్ ఒదిగిపోయాడు.సెటిల్డ్ పెర్ఫామెన్స్ ఇచ్చాడు. శివను ఇష్టపడే నీల పాత్రలో బిందుమాధ‌వి నటించింది. కానీ ఈ పాత్ర‌కు తొలి సీజ‌న్‌లో అంతగా ఇంపార్టెన్స్ లేదు. పోలీస్ ఆఫీసర్ ఎడ్విన్ క్యారెక్టర్ లో నంద గోపాల్ నటన అద్బుతంగా ఉంది. శివ స్నేహితులు నటన,కొన్ని డైలాగ్స్ ఆక‌ట్టుకున్నాయి.

ప్లస్ పాయింట్స్:

సిరీస్ నేపధ్యం
నవదీప్ నటన
కొన్ని డైలాగ్స్
బ్యాగ్రౌండ్‌ స్కోర్‌
సినిమాటోగ్రఫీ

మైనస్ పాయింట్స్ :

స్లో నేరేషన్
ఎమోషన్ లేకపోవడం

రేటింగ్ :

2.75/5

టాగ్ లైన్ :

రిపోర్టర్ల జీవితాన్ని చూపించే ‘న్యూసెన్స్’

watch trailer :

May 12, 2023

Filmy Adda

రెమ్యునరేషన్ పెంచిన మాస్ మహారాజా.. ఒక్క చిత్రానికి అన్ని కోట్లా..?

by Sainath Gopi May 12, 2023

written by Sainath Gopi

మాస్ మహారాజా రవితేజ వరుస చిత్రాలలో నటిస్తూ బిజీగా ఉన్నారు. ధమాకా, వాల్తేరు వీరయ్య సినిమాలతో వరుస విజయాలతో అందుకున్నారు. ఇటీవల ‘రావణాసుర’ అనే చిత్రంతో ఆడియెన్స్ ముందుకు వచ్చాడు.

ఈ చిత్రానికి సుధీర్ వర్మ దర్శకత్వమ వహించారు. భారీ అంచనాల మధ్య రిలీజ్ అయిన ఈ చిత్రం బాక్సాఫీస్ దగ్గర నిరాశ పరిచింది. ప్రస్తుతం రవితేజ ‘టైగర్ నాగేశ్వరరావు’ చిత్రంలో నటిస్తున్నాడు. తాజాగా రవితేజ రెమ్యూనరేషన్ పెంచినట్టుగా సోషల్ మీడియాలో ఓ వార్త వైరల్ గా మారింది. ఆ వివరాలు ఇప్పుడు చూద్దాం.. రవితేజ నటించిన రావణాసుర మూవీ రీసెంట్ గా విడుదలై, ప్లాప్ గా నిలిచిన సంగతి తెలిసిందే. అయితే రవితేజ తాజాగా తన పారితోషికాన్ని భారీగా పెంచినట్టు వార్తలు వినిపిస్తున్నాయి. ఇంతకుముందు రవితేజ ఒక్కో మూవీకి 15 కోట్లు రెమ్యూనరేషన్ అందుకునేవారంట. అయితే ప్రస్తుతం 25 కోట్లు నిర్మాతలను డిమాండ్ చేస్తున్నారట. రీసెంట్ గా కలర్ ఫోటో దర్శకుడు సందీప్ రాజ్ తో రవితేజ ఒక సినిమాను చేయడానికి ఒకే చెప్పాడు. ఇక ఈ చిత్రం కోసం 25 కోట్లు పారితోషికం అడిగినట్లు సమాచారం.
రవితేజ డిమాండ్ కి మొదట ప్రొడ్యూసర్స్ షాక్ అయినప్పటికి, ఆ తర్వాత రవితేజ అడిగినంత ఇవ్వడానికి అంగీకరించారని సినీ వర్గాలలో టాక్. ప్రస్తుతం ఉన్న యువ స్టార్ హీరోలు 25 – 50 కోట్ల వరకు పారితోషకం తీసుకుంటున్నారు. ఇక ఇప్పుడు వాళ్ల కంటే కొంచెం సీనియర్ హీరో రవితేజ రెమ్యూనరేషన్ ఈ రేంజ్ లో డిమాండ్ చేయడం ఇండస్ట్రీ వర్గాల్లో ఇంట్రెస్టింగ్ గా మారింది.
ఇటీవల రవితేజ సినిమా రావణాసుర ప్లాప్ అయినా ఆయన పారితోషికం పెంచడం టాలీవుడ్ లో హాట్ టాపిక్ అయ్యింది. రవితేజ ప్రస్తుతం ‘టైగర్ నాగేశ్వరరావు’ మూవీ షూటింగ్ పూర్తి చేసి, నెక్స్ట్ మూవీ ‘ఈగల్’ షూటింగ్ లో బిజీ బిజీగా ఉన్నాడు. సినిమాటోగ్రాఫర్ అయిన కార్తీక్ ఘట్టమనేని ‘ఈగల్’ మూవీతో డైరెక్టర్ గా మారుతున్నారు. ఈ చిత్రాన్ని పాన్ ఇండియా రేంజ్ లో తెరకెక్కిస్తున్నారు. ఈ చిత్రం దసరా పండుగ సందర్భంగా అక్టోబర్ 20న రిలీజ్ కాబోతోంది.

Also Read: CUSTODY REVIEW : “నాగ చైతన్య” ఈ సినిమాతో హిట్ కొట్టినట్టేనా..? స్టోరీ, రివ్యూ & రేటింగ్.!

May 12, 2023

Off Beat

“నిజాం” వారసుడి సంపద అయిన 4000 కోట్లు… ఎలా ఆవిరి అయ్యాయో తెలుసా..?

by Sainath Gopi May 11, 2023

written by Sainath Gopi

హైదరాబాద్ చివరి మరియు ఎనిమిదవ నిజాం అయిన ముకర్రం ఝా, యువరాజు ఆజం జా మరియు యువరాణి దుర్శేహ్వార్‌లకు 1933లో జన్మించాడు. అతను తన జీవితంలో కొంత భాగాన్ని ఆస్ట్రేలియా గడిపిన తర్వాత టర్కీకి వలస వెళ్లాడు. ముకర్రం జా ఇస్తాంబుల్‌లో ఈ ఏడాది జనవరి 12న 89 ఏళ్ల వయస్సులో కన్నుమూశాడు.

ముకర్రం ఝా చివరి కోరిక మేరకు హైదరాబాద్‌లోని మక్కామసీదులోని అసఫ్‌జాహీ రాజుల సమాధుల దగ్గర అంత్యక్రియలు నిర్వహించారు. అయితే మరణించే ముందు ముకర్రం ఝా సుమారు రూ.4000 కోట్ల విలువైన ఆస్తిని ముకరం కోల్పోయారు. ఆ వివరాలు ఇప్పుడు చూద్దాం..
1967లో ఎనిమిదో మరియు చివరి నిజాంగా ముకర్రం ఝా ప్రమాణం చేశారు. ఆ తరువాత ఆయనకు తన తాతయ్య నుండి డజనుకు పైగా ప్యాలెస్‌లు, మొగల్ కళాఖండాలు, వజ్రాలు, వంద కిలోల బంగారం, వెండి ఆభరణాలు, విలువైన రాళ్లు వారసత్వంగా సంక్రమించాయి. అయితే, ఆయన మరణించే ముందు రూ.4000 కోట్ల విలువైన ఆస్తిని కోల్పోయారు. ఆ సంపద ఎలా పోయిందనే విషయాన్ని “ద లాస్ట్ నిజాం: రైజ్ అండ్ ఫాల్ ఆఫ్ ఇండియాస్ గ్రేటెస్ట్ ప్రిన్స్లీ స్టేట్” లో జాన్ జుబ్రిస్కీ వెల్లడించారు.

ముకర్రం ఝా చనిపోయే రోజుకి ఆస్తులకు సంబంధించి కేసులు వందల సంఖ్యలో కోర్టుల్లో నడుస్తున్నాయి. ఆ ఆస్తులు కోసం డజన్ల మంది నిజాం వారసులు కేసులు వేశారు. కోర్టుల్లో తమకే వస్తాయని వాదించారు. వీటిపై ఇప్పటికి విచారణలు కొనసాగుతున్నాయి. ముకర్రం ఝా రచయిత జుబ్రిస్కీతో “మా తాతయ్య మీర్ ఉస్మాన్ అలీ ఖాన్‌కు వారసత్వంగా భారీ సంపద వచ్చింది. ఆయన 1920ల్లో 200 మంది భార్యలతో కింగ్ కోఠి ప్యాలెస్‌లో విలాసంగా జీవించేవారు. 1967లో ఆయన చనిపోయే సమయానికి ప్యాలెస్‌లో 42 మంది భార్యలు ఉన్నారు.
అయితే అప్పటికి పరిస్థితులు చాలావరకు మారిపోయాయి. ఎంతో సందపను నిజాం కోల్పోయారు’’ అని చెప్పినట్టుగా ఆ పుస్తకంలో తెలిపారు. ‘‘మా తాతయ్య మీర్ ఉస్మాన్ అలీ ఖాన్ సాయంత్రం ప్యాలస్‌లో ఉండే తోటకు వెళ్లేవారు. అప్పుడు ఆ తోటలోకి ఆయన భార్యలు అందరు వచ్చేవారు. అప్పుడు మా తాతయ్య ఏ రాణి భుజం మీద తెల్లని రుమాలు వేస్తే, ఆమె రాత్రి తొమ్మిది గంటలకు ఆయన గదిలోకి వెళ్ళేవారని’’అని ముకర్రం ఝా తనతో తెలిపినట్లుగా జుబ్రిస్కీ తన పుస్తకంలో రాశారు.
అయితే, ఈ విలాసాల మధ్య ఏడవ నిజాం మీర్ ఉస్మాన్ అలీ ఖాన్ కుమారులు, మనవళ్ల సంఖ్య భారీగా పెరిగింది. ఆయన మరణించే నాటికి సుమారు వంద మంది దాకా వారసులు ఉండేవారు. అది 2005నాటికి 500 దాటిపోయింది. వీరిలో అనేక మంది ఆస్తిలో వాటా కోరుతూ చివరి నిజాం ముకర్రం ఝా పై కోర్టులో కేసులు వేశారు.

ఆ తర్వాత హైదరాబాద్ సంస్థానం భారత్‌లో కలిసింది. మీర్ ఉస్మాన్ అలీ ఖాన్ జీవిత చరిత్రలో రాసిన కరాకా ప్రకారంగా ‘‘1950లలో నిజాం యొక్క ఆస్తుల విలువ 135 కోట్లు. వీటిలో నగదు రూపంలో 35 కోట్లు ఉండేవి. వజ్రాలు, నగలు 50 కోట్లు ఉండేవి. భవనాలు, ఇతర ప్యాలెస్‌లు విలువ 50 కోట్లు ఉండేవి.’’ 1949లో న్యూయార్క్ టైమ్స్‌ నిజాం మొత్తం సంపద రెండు బిలియన్ అమెరికా డాలర్లు అని అంచనా వేసింది. అంటే ఇప్పటి లెక్కల ప్రకారం 16 లక్షల కోట్లు రూపాయలు.
భారత్ కు స్వాతంత్ర్యం వచ్చిన తరువాత ప్రభుత్వం పాట సంస్థానాలన్నీటిని అధీనంలోకి తీసుకోవడం కొనసాగించారు. ఆ సమయంలో ముకర్రం ఝా ఇంగ్లాండ్, యూరప్ లలో వంతెనలు కట్టడం, మందు పాతరాలు పెట్టడం నేర్చుకుంటున్నారు. చివరికి 1967లో మీర్ ఉస్మాన్ అలీ ఖాన్ చనిపోయిన తరువాత నిజాం వారసుడిగా బాధ్యతలు తీసుకున్న ముకర్రం ఝా ఎన్నో సమస్యలు చుట్టుముట్టాయి. మా తాతయ్య వద్ద 14,718 మంది పని చేసేవారు. అలాగే ఆయన 42 మంది భార్యలు, 100 మంది పిల్లలున్నారు. వీరందరి ఖర్చులు ఎక్కువగా ఉండేవి.
చౌమహల్లా ప్యాలెస్ కాంప్లెక్స్‌లో దాదాపు 6,000 మంది సిబ్బంది ఉండేవారు. మరో 5,000 మంది రక్షణ సిబ్బంది ఉండేవారు. ఇక నిజాం వంట శాలలో రోజుకు 2,000 మందికి భోజనం తయారుచేసేవారు. దానిలో ఎక్కువ శాతం సేవకులు బయట హోటల్ లలో అమ్ముకునేవారని ఒక ఇంటర్వూలో చెప్పారు. నిజాం గ్యారేజీలో రోల్స్ రాయిస్ లాంటి ఖరీదైన కార్లు ఉండేవి. ఈ కార్ల కోసం పెట్రోలకు అప్పట్లోనే సంవత్సరానికి 90,000 అమెరికా డాలర్లు ఖర్చు అయ్యేది అని చెప్పారు.
ఇక 1968లో ముకర్రం ఝాకు ఆంధ్రప్రదేశ్ హైకోర్టులో మొదటిసారి ఎదురుదెబ్బ తగిలింది. నిజాం సంపదను వారసులంతా సమానంగా తీసుకోవాలని కోర్టు తీర్పు ఇచ్చింది. ఈ కేసును వేసింది ముకర్రం ఝా సోదరి షెహజాదీ పాషా. ఆ తర్వాత, పశ్చిమ ఆస్ట్రేలియాలో డాక్టర్ గా పనిచేస్తున్న తన కేంబ్రిడ్జ్‌ ఫ్రెండ్ జార్జ్ హాబ్‌డేను ముకరం జా కలవడానికి వెళ్లారు. అక్కడ ఆయన జీవితం మరో మలుపు తిరిగింది. ఆయన అక్కడే ఓ ఫామ్ హౌజ్ తీసుకున్నారు. అప్పుడే ఆయనకు గొర్రెలను పెంచే ముర్చిసన్ హౌస్ స్టేషన్‌ గురించి తెలిసింది.ఆ తర్వాత ఆస్ట్రేలియాకు చెందిన హెలెన్ సైమన్స్‌ను పెళ్లి చేసుకున్నారు. వీరికి ఇద్దరు పిల్లలున్నారు. హెలెన్ ఎయిడ్స్‌తో మరణించారు. కుమారుడు, ప్రిన్స్ ఒమర్ జా డ్రగ్స్‌ను ఓవర్ డోస్ తీసుకోవడంతో మరణించారు. ఇక ఆస్ట్రేలియాలో ఆయన ఎస్టేట్ 500 ఎకరాల్లో విస్తరించింది. ఇటు హైదరాబాద్‌లో ఆయన ఆస్తులను ఇతరులు ఆక్రమించడం క్రమంగా పెరిగింది. అయితే ఆస్ట్రేలియాలో ముకర్రం ఝా మిలియన్ డాలర్ల ఆస్తులు కొనుగోలు చేశారు. వీటిలో భారీ బుల్డోజర్లు, ఒక భారీ షిప్, లాండ్‌మైన్‌లను కనిపెట్టే యంత్రాలు, ఒక బంగారు గని ఉన్నాయి. అయితే, ఖర్చులు పెరగడంతో తన దగ్గర ఉన్న విలువైన వజ్రాలు, ఆభరణాలను స్విట్జర్లాండ్‌ లో విక్రయించారు. ఆ తరువాత ఆస్ట్రేలియాలో ఖర్చులు రోజు రోజుకి పెరడడంతో డబ్బు కోసం ఆయన ఇబ్బందులు పడాల్సి వచ్చింది. అప్పులు పెరగడంతో ముకరం ఝా దివాళా తీసే స్థితికి వచ్చారు. ఆ సమయంలో భారత ప్రభుత్వం నిజాం ట్రస్టుకు చెందిన విలువైన ఆభరణాలను అమ్మడం పై ఆంక్షలు విధించింది. 1996 లో ఆస్ట్రేలియా, యూరప్‌లలోని ఆస్తులను అమ్మేయాల్సి వచ్చింది. ఆయన నౌకను అక్కడి అధికారులు జప్తు చేసారు. బుల్డోజర్లు, కార్లను వేలం వేశారు.
ఆ ఏడాది ఒకరోజు శుక్రవారం నమాజ్ కు వెళ్తున్నానని సెక్రటరికీ చెప్పి వెళ్లారు. ఆ తరువాత ఆయన ఆస్ట్రేలియాలో కనిపించలేదు. తన మీద ఉన్న కేసులకు భయపడి తుర్కియేకు వెళ్లిపోయారు. ఆయన జీవితాంతం అక్కడే ఉన్నారు. 2002 లో భారత ప్రభుత్వం నిజాం ట్రస్టు నుంచి తీసుకున్న ఆభరణాలకు 22 మిలియన్ డాలర్లు చెల్లించినప్పటికి అది మార్కెట్‌ విలువలో కేవలం పావు వంతు మాత్రమే చెబుతారు. 2023 ప్రారంభంలో ముకరం ఝా మరణం, తరువాత ఆయనకు హైదరాబాద్‌ లో అధికార లాంచనాలతో అంత్యక్రియలను నిర్వహించారు.

Also Read: నిజాం కాలంలో లాక్ డౌన్, క్వారెంటైన్ ఎలా ఉండేదో తెలుసా? అప్పుడు ఎందుకు పెట్టారంటే?

May 11, 2023

News

పుట్టగానే తండ్రి వదిలేశాడు… కానీ నేడు తల్లిదండ్రులని గర్వపడేలా చేశారు..! వీరి కథ తెలిస్తే కన్నీళ్లు ఆగవు..!

by Sainath Gopi May 11, 2023

written by Sainath Gopi

ప్రతిభ ఉంటే ఎంతటి కష్టాన్ని అయినా అధిగమించవచ్చని కవల ఆడపిల్లలు నిరూపించారు. ప్రస్తుత రోజులలో కూడా బాగా చదువుకొని జాబ్స్ చేసేవారు కొందరు అమ్మాయిల పై వివక్షను చూపిస్తున్నారు.

పుట్టిన ఆడపిల్లలను దారుణంగా చూస్తున్నారు. ఓ వ్యక్తి ఇద్దరు ఆడపిల్లలు జన్మించారని తన వైఫ్ ను పుట్టింట్లోనే వదిలేశాడు. అయితే ఆమె అక్కడే ఉంటూ తన పిల్లలను చక్కగా చదివించింది. వారిద్దరూ 10 వ తరగతిలో సత్తా చాటారు. ఆ వివరాలను ఇప్పుడు చూద్దాం..
కవల ఆడపిల్లలు పుట్టారని ఓ తండ్రి భార్యని, పిల్లలను వదిలిపెట్టాడు. దాంతో ఆ ఇద్దరు ఆడ పిల్లలను తాతయ్య, అమ్మమ్మలు చదివించారు. వారి కష్టం వృధా కాలేదు. ఆ ఆడ పిల్లలు బాగా చదువుకుని ఎస్ఎస్సి రిజల్ట్స్ లో 10 జిపిఏ తెచ్చుకున్నారు. కరీంనగర్ జిల్లాలోని శంకరపట్నం మండలంలోని కేశవ పట్నం అనే గ్రామానికి చెందిన రిటైర్ ఉద్యోగి అయిన అల్లంకి వీరేశంకు ఒక కూతురు, ఒక కొడుకు ఉన్నారు.
వీరేశం కుమార్తె కవితను పెద్దపల్లి కలెక్టరేట్ లో ఔట్సోర్సింగ్ విభగంలో ఎలక్ట్రానిక్స్ జిల్లా మేనేజర్ గా వర్క్ చేస్తున్నారు. 16 సంవత్సరాల క్రితం కవితను డెలివరీ కోసం ఏడవ నెలలో భర్త పుట్టింటికి పంపించాడు. అయితే కవితకు కవల ఆడపిల్లలు జన్మించడంతో భర్త ఆమెను పుట్టింట్లోనే వదిలేశాడు.
ఇక అప్పటి నుండి కవితను, ఆమె పిల్లలను అమ్మ వనజ, నాన్న వీరేశం చూసుకుంటున్నారు. ఇద్దరు ఆడపిల్లలు శార్వాణి, ప్రజ్ఞాని 5వ తరగతి వరకు ప్రైవేట్ బడిలో , 6 వ తరగతి నుండి మోడల్ స్కూల్లో చదువును కొనసాగించారు. తాజాగా రిలీజ్ అయిన 10 వ తరగతి ఫలితాల్లో శార్వాణి, ప్రజ్ఞాని 10 జిపిఏ తెచ్చుకుని రికార్డు సృష్టించారు. ఈ సందర్భంగా శార్వాణి, ప్రజ్ఞాని మీడియాతో మాట్లాడుతూ తమ అమ్మమ్మ తాతయ్యలు, తమ స్కూల్ ప్రిన్సిపాల్ జ్యోతి ప్రోత్సాహంతో బాగా చదివి 10 జిపిఏ సాధించగలిగామని వెల్లడించారు.

Also Read: ప్రపంచ దేశాలను చుట్టిరావాలన్నదే ఆమె లక్ష్యం..! 61 సంవత్సరాల వయసులో కూడా.?

May 11, 2023

Sports Adda

IPL 2023 లో “ప్లే ఆఫ్స్” కి చేరే అవకాశం ఉన్న… 4 జట్లు ఇవేనా..?

by Sainath Gopi May 11, 2023

written by Sainath Gopi

ఐపీఎల్ 16 వ సీజన్ లో గ్రూప్ దశలో ఇంకా కొన్ని మ్యాచ్‌లే ఉన్నాయి. అయితే ఇప్పటి వరకు ప్లేఆఫ్స్ చేరే టీమ్స్ విషయంలో స్పష్టత మాత్రం రాలేదు. అయితే ముంబై, గుజరాత్, లక్నో జట్లు ప్లేఆఫ్స్ పోరులో ముందున్నాయి.

ఐపీఎల్ 2023 లో ఢిల్లీ క్యాపిటల్స్ తప్ప మిగతా తొమ్మిది టీమ్స్ ఇంకా ప్లేఆఫ్స్ పొరులోనే ఉన్నాయి. ప్రస్తుతం ఒత్తిడిని తట్టుకుని గెలిచిన జట్లే ప్లేఆఫ్స్ కు వెళ్తాయి. అయితే 9 జట్లు ప్లేఆఫ్స్ పోరులో ఉన్నప్పటికీ, వాటిలో కొన్ని జట్లకు ప్లేఆఫ్స్ చేరే అవకాశాలు ఎక్కువగా ఉన్నాయి. అయితే ప్లేఆఫ్ దశకు చేరే గణాంకాలు ఇప్పుడు చూద్దాం.. #1 గుజరాత్ టైటాన్స్:

ఈ జట్టు 16 పాయింట్లతో అగ్రస్థానంలో ఉంది. ఈ జట్టు ఒక మ్యాచ్‌ గెలిస్తే ప్లేఆఫ్స్‌కు వెళ్తుంది. ఆ జట్టు నెక్స్ట్ స్టేజ్ కు వెళ్ళడానికి 99.6 శాతం ఛాన్స్ ఉంది. అంతే కాకుండా గుజరాత్ టైటాన్స్ పాయింట్ల పట్టికలో టాప్ ప్లేస్ లో నిలిచే అవకాశాలు అధికంగా ఉన్నాయి. అలాగే క్వాలిఫైయర్ 1కు వెళ్ళేందుకు 92 శాతం ఛాన్స్ ఉంది.#2 చెన్నై సూపర్ కింగ్స్:

చెన్నై సూపర్ కింగ్స్ ఢిల్లీ జట్టు పై గెలుపుతో పాయింట్ల పట్టికలో రెండో స్థానాన్ని చేరుకుంది. ఇంకో మ్యాచ్ గెలిస్తే ప్లేఆఫ్స్ చేరుకునే అవకాశం ఉంది. ఈ జట్టు నెక్స్ట్ దశకు చేరుకునేందుకు 98 శాతం ఛాన్స్ ఉంది. అదే సమయంలో ధోనీసేన క్వాలిఫైయర్ 1కు వెళ్ళే 70 శాతం ఛాన్స్ ఉంది. #3 ముంబై ఇండియన్స్:

బెంగళూరు జట్టు పై సాధించిన విజయంతో ముంబై జట్టు పాయింట్ల పట్టికలో 3 వ స్థానానికి చేరింది. ప్లేఆఫ్స్‌కు వెళ్ళే అవకాశాలను కూడా పెంచుకుంది. 3 మ్యాచ్‌ల్లో గెలిస్తే సాధిస్తే నాకౌట్‌ స్టేజ్ కు అర్హత సాధిస్తుంది. ఈ జట్టు ప్లేఆఫ్స్ చేరడానికి 61 శాతం ఛాన్స్ ఉంది. ముంబై క్వాలిఫైయర్ 1 ఆడేందుకు 16 శాతం ఛాన్స్ ఉంది. #4 లక్నో సూపర్ జెయింట్స్:

ఈ జట్టు 11 పాయింట్లతో పాయింట్ల పట్టికలో 4 వ స్థానానికి చేరింది. ఈ జట్టు ప్లేఆఫ్స్ చేరేందుకు ప్రస్తుతానికి 44 శాతం ఛాన్స్ ఉంది. ఈ జట్టు నెక్స్ట్ దశకు వెళ్లాలంటే మిగతా 3 మ్యాచ్‌ల్లోనూ తప్పనిసరిగా గెలవాల్సి ఉంటుంది.
#5 రాజస్థాన్ రాయల్స్:

ఈ జట్టు ఐపీఎల్ 16 వ సీజన్‌ను గెలుపుతో మొదలుపెట్టింది. అలాగే తొలి 5 మ్యాచ్‌ల్లో నాలుగు మ్యాచ్ లలో విజయం సాధించి ప్లేఆఫ్స్ పోరులో ఫేవరేట్‌గా మారింది. అయితే ఆ తర్వాత జరిగిన 6 మ్యాచ్‌ల్లో ఒక మ్యాచ్ మాత్రమే గెలిచి ఈ జట్టు ప్లేఆఫ్స్ పోరులో వెనుకబడింది. ఈ జట్టు ఖాతాలో 10 పాయింట్లు ఉన్నాయి. ఈ జట్టు ప్లేఆఫ్స్ చేరేందుకు 25 శాతం ఛాన్స్ ఉంది.#6 కోల్‌కతా నైట్ రైడర్స్:

ఈ జట్టు మొదటి 3 మ్యాచ్‌ల్లో రెండు మ్యాచ్ లలో విజయం సాధించింది. అయితే ఆ తర్వాత జరిగిన మ్యాచ్ లలో వరుసగా నాల్గింటిలో ఓడింది. ఆఖరి 4 మ్యాచ్‌ల్లో 3 మ్యాచ్ లలో గెలిచి పది పాయింట్లు సాదించింది. ఈ జట్టు ప్లేఆఫ్స్ చేరేందుకు 23 శాతం ఛాన్స్ ఉంది. #7 రాయల్ ఛాలెంజర్స్ బెంగళూరు:

కోహ్లీ, గ్లెన్ మ్యాక్స్ వెల్, ఫాఫ్ డుప్లెసిస్‌ బాగా ఆడుతుండటంతో ఈ జట్టు ప్లేఆఫ్స్ చేరతారని భావించారు. కానీ ఆఖరి 2 మ్యాచ్‌ల్లో ముంబై, ఢిల్లీ జట్లతో ఓటమిపాలైంది. దాంతో ఈ జట్టు ప్లేఆఫ్స్ కు చేరేందుకు 22 శాతం ఛాన్స్ ఉంది. చివరి 3 మ్యాచ్‌ల్లో భారీ విజయాలు సాధిస్తే తప్ప బెంగళూరు జట్టు ప్లేఆఫ్స్‌ చేరే అవకాశం ఉంటుంది. ఒక్క మ్యాచ్‌లో గెలవక పోయిన ఇంటికి వెళ్ళాల్సిందే.
#8 పంజాబ్ కింగ్స్.:

ఈ సీజన్ మొదట్లో వరుస విజయాలతో కాన్ఫిడెంట్‌గా పంజాబ్ కింగ్స్ జట్టు కనిపించింది. కానీ ముంబై, కోల్‌‌కతా జట్లతో జరిగిన చివరి 2 మ్యాచ్‌ల్లో ఓటమి పాలైంది. ప్రస్తుతం ఈ జట్టుకు 10 పాయింట్లు ఉన్నాయి. ఇక ఈ జట్టు ప్లేఆఫ్స్ చేరేందుకు 14 శాతం ఛాన్స్ ఉంది.#9 సన్‌రైజర్స్ హైదరాబాద్:

ఈ సీజన్ లో జరిగిన 10 మ్యాచ్‌ల్లో నాల్గింటిలో మాత్రమే గెలిచి ఈ జట్టు పాయింట్ల పట్టికలో తొమ్మిదవ స్థానంలో ఉంది. ఇక ఈ జట్టు ప్లేఆఫ్స్ చేరేందుకు 13 శాతం ఛాన్స్ ఉంది. చివరి నాలుగు మ్యాచ్‌ల్లో గెలిస్తే ఈ జట్టుకు ప్లేఆఫ్స్‌కు వెళ్ళే అవకాశాలు ఉంటాయి. అయితే ఒక్క మ్యాచ్‌లో ఓడినా ఇంటికి వెళ్ళాల్సిందే. #10 ఢిల్లీ క్యాపిటల్స్:

ఈ జట్టు సీజన్ మొదటి నుండి పేలవ ప్రదర్శనచేస్తోంది. ఈ జట్టు ఖాతా తెరవడానికి 6 మ్యాచ్‌లు ఆడిందిఅయితే ఆ తర్వాత ఢిల్లీ తన ఆటను మెరుగుపరుచుకుని, 5 మ్యాచ్‌ల లో 4 మ్యాచ్ లు గెలిచింది. అయితే చెన్నై జట్టు చేతిలో ఓటమి పాలవడంతో ఈ జట్టు ప్లేఆఫ్స్ ఆశలు ఆవిరి అయ్యాయి. ఇక ఈ జట్టు ప్లేఆఫ్స్ చేరేందుకు కేవలం 2 శాతం ఛాన్స్ ఉంది.

Also Read: “క్రికెట్” చరిత్రలోనే అభిమానులు అందరూ… సిగ్గుతో “తలదించుకునే” లాగా చేసిన 10 సందర్భాలు..!

May 11, 2023

Filmy Adda

“ఆ మూవీని రీ-రిలీజ్ చేసినా 100 రోజులు ఆడుతుంది..!” అంటూ… “పరుచూరి” కామెంట్స్..!

by Sainath Gopi May 11, 2023

written by Sainath Gopi

నట సార్వభౌమ నందమూరి తారక రామారావు శతజయంతి సందర్భంగా రచయిత పరుచూరి గోపాలకృష్ణ ఎన్టీఆర్ నటించిన ‘పాతాళ భైరవి’ చిత్రాన్ని గుర్తుచేసుకున్నారు.

ఎన్టీఆర్‌ శతజయంతి సందర్భంగా పరుచూరి పాతాళ భైరవి సినిమా గురించి మాట్లాడుతూ ఈ సినిమా విడుదల అయ్యి 72 సంవత్సరాలు పూర్తయిందని అన్నారు. ఈ చిత్ర విశేషాలను కూడా వెల్లడించారు.నట సార్వభౌమ నందమూరి తారక రామారావు తెలుగు, హిందీ, తమిళం భాషలలో కలిపి సుమారు 400 చిత్రాలలో నటించి గొప్పనటుడుగా గుర్తింపును సొంతం చేసుకున్నారు. ఆయన తన కెరిర్ లో నటించిన చాలా చిత్రాలు బ్లాక్ బస్టర్ హిట్ గా నిలిచి, బాక్సాఫీస్ దగ్గర రికార్డులను సృష్టించాయి. ఎన్టీఆర్ నటించిన చిత్రాలలో ‘పాతాళభైరవి’ మూవీ ఒకటి. ఇప్పటికీ ఈ చిత్రం టీవీలో ప్రసారమైతే చూసేవారు చాలామంది ఉన్నారు. తాజాగా ఈ చిత్రం గురించి టాలీవుడ్ రైటర్ పరుచూరి గోపాలకృష్ణ ఎన్టీఆర్‌ శతజయంతి సందర్భంగా జ్ఞాపకం చేసుకున్నారు. ఆయన తన ఛానెల్ పరుచూరి పలుకుల్లో ఈ సినిమా గురించి మాట్లాడుతూ, ఈ మూవీ తరువాత ఎన్టీఆర్ కు ఎంతో మంది ఫ్యాన్స్ గా మారారని చెప్పారు. బి.నాగిరెడ్డి, కేవిరెడ్డి, చక్రపాణి వీరంతా చాలా గొప్పవారని అన్నారు. ఈ సినిమా అప్పట్లో అద్భుతమని అన్నారు. ధైర్యే సాహసే లక్ష్మి అనే పాయింట్ తో దర్శకనిర్మాతలు అప్పట్లో సంచలనం సృష్టించారని చెప్పారు. ఈ చిత్రానికి ముందు వరకు జానపద చిత్రాలంటే అక్కినేని నాగేశ్వరరావు గారు గుర్తుకు వచ్చేవారని తెలిపారు. అయితే పాతాళ భైరవి సినిమా విడుదలైన తరువాత జానపదం అంటే ఎన్టీఆర్ అనేంతగా ఆయన ప్రభావం చూపారని వెల్లడించారు. జానపదం, సాంఘికం,చారిత్రకం, పౌరాణికం లాంటి చిత్రాలలో ఎన్టీరామరావుగారు జీవించేవారని చెప్పారు. ఇక పాతాళభైరవి చిత్రాన్ని ఎన్నిసార్లు చూసినప్పటికి, మళ్ళీ చూడాలనిపించేలా ఏదో కొత్తదనం ఈ సినిమాలో కనిపిస్తుందని తెలిపారు.
ఆ మూవీలోని డైలాగ్స్ ప్రత్యేక ఆకర్షణగా ఉంటాయని, ఆడియెన్స్ ని ఆకట్టుకుంటాయని అన్నారు. యస్.వి. రంగారావుని మాంత్రికుడిగా చూస్తే భయమేసేదని అన్నారు. రీరిలీజ్ చేసినా వంద రోజులు ఆడే చిత్రాల లిస్ట్ లో ఈ చిత్రం ముందు ఉంటుందన్నారు. ఈ చిత్రం ఓటీటీల్లో ఉన్నట్లయితే చూడమని అందరిని పరుచూరి కోరారు.